,
რას გვირჩევენ ვარსკვლავები 9 აპრილისთვის:
ვერძი
ამ დღეს კარგიო იქნება დაწყებული სამუშაოს დასრულება, ვალების დაბრუნება და პირობის შესრულება. გირჩევთ, პრიორიტეტები განსაზღვროთ და დიდი ცვლილებებისთვის მოემზადოთ, რომლებიც გელოდებათ. ეცადეთ საყვარელი ადამიანების მიმართ მეტი სითბო და ყურადღება გამოიჩინოთ.
კურო
ყველა პროფესიული თუ საყოფაცხოვრებო საქმე და პირადი განცდა დაივიწყეთ და ეს დღე მთლიანად ემოციურ განტვირთვას დაუთმეთ. მით უფრო, რომ შესაძლოა, მალე რთული გადაწყვეტილების მიღება მოგიწიოთ. ამისთვის კი აუცილებელია დასვენებული გონება - თქვენ ხომ ყოველთვის მხოლოდ საკუთარი ლოგიკის იმედად ხართ.
ტყუპები
დიდი ხნის უნახავ მეგობრებთან შეხვედრისთვის შესანიშნავი დღეა. პირად ცხოვრებაში სიმშვიდე და ჰარმონიაა, თუმცა ეცადეთ პარტნიორთან მეტი დრო გაატაროთ და ყურადღება არ მოაკლოთ. ამ დღეს თავი შეიკავეთ მნიშვნელოვანი გადაწყვეტილების მიღებისგან - ხვალ თქვენი მდგომარეობა შეიცვლება.
კირჩხიბი
დაძაბული კვირის შემდეგ დროა, მოდუნდეთ და კარგად დაისვენოთ. გახსოვდეთ, რომ ფსიქოლოგიურმა სტრესმა შეიძლება თქვენს ჯანმრთელობაზე უარყოფითად იმოქმედოს. თავი შეიკავეთ ურთიერთობის გარკვევისა და კამათისგან, რაც განწყობის გაფუჭების გარდა, არაფერს მოგიტანთ. ცხოვრებაში ცვლილებების არ უნდა შეგეშინდეთ, თუმცა ნუ ეცდებით მოვლენები დააჩქაროთ.
ლომი
ამ დღეს გაიგებთ ამბავს, რომელიც თქვენს ცხოვრებას მთლიანად შეცვლის. ეცადეთ, ამისთვის ფსიქოლოგიურად მოემზადოთ. გარშემომყოფები თქვენს რჩევებს ყურადღებით უსმენენ და ითვალისწინებენ. ბევრისთვის შეიძლება მისაბაძ ადამიანად იქცეთ.
ქალწული
ამ დღეს საშუალება გექნებათ, რომ ფინანსური მდგომარეობა გაიუმჯობესოთ, თუმცა ვარსკვლავები გირჩევენ ფულის სესხებას მოერიდოთ. თუ ერთფეროვნებამ დაგღალათ, ეცადეთ საკუთარ ცხოვრებაში ან ჩვევებში ცვლილებები შეიტანოთ. დროა, ფიზიკური მდგომარეობის გაუმჯობესებაზე იზრუნოთ და ყოველდღიური ვარჯიში დაიწყოთ.
სასწორი
ურთიერთობები შეცვლას და განახლებას საჭიროებს - ზოგი მინიმუმამდე უნდა შეამციროთ, ზოგი კი პირიქით, გააძლიეროთ. გირჩევთ, საყვარელ ადამიანებთან ურთიერთობისთვის მეტი დრო გამონახოთ. მოერიდეთ ვინმესთვის საკუთარი სიმართლის მტკიცებას და კამათს, განსაკუთრებით ოჯახურ წრეში.
მორიელი
დაწყებული საქმის დროულად დასრულება, ბინის დასუფთავება და უსარგებლო ნივთებისგან გათავისუფლება კმაყოფილებას მოგანიჭებთ. ეცადეთ, ეს დღე საყვარელ ადამიანთან ერთად გაატაროთ. ყურადღებით იყავით - არ გამოგეპაროთ დამატებითი შემოსავლის მიღების შანსი.
მშვილდოსანი
ხელსაყრელი დღეა შედეგების შეჯამებისა და საკუთარი საქმიანობის შეფასებისთვის. ძველი მეგობარი ახალი პროექტის დაწყებაში ან სასურველი სამსახურის მიღებაში დაგეხმარებათ. გამორიცხული არ არის თქვენი რომელიღაც უნარის, ახალი იდეის ან კავშირის წყალობით საინტერესო შეთავაზება მიიღოთ.
თხის რქა
ეცადეთ, დილიდან პოზიტიურად განეწყოთ, რადგან საინტერესო და მოვლენებით დატვირთული დღე გელით. მოერიდეთ ახლობელ ადამიანებთან ურთიერთობების გარკვევას და დაპირისპირებას. დაუფიქრებელმა საქციელმა შეიძლება ერთგული მეგობარი დაგაკარგვინოთ.
მერწყული
მშვენიერი დღეა საკუთარი მომავლის დაგეგმვისთვის როგორც პირად ცხოვრებაში, ასევე პროფესიულ საქმიანობასა თუ ბიზნესში. სირთულეების მიუხედავად, საკუთარ ოცნებაზე უარს ნუ იტყვით და მისი განხორციელების გზები დასახეთ. კარგი განწყობა სასურველი შედეგის მიღწევაში დაგეხმარებათ.
თევზები
ყველა თვალსაზრისით ხელსაყრელი და ნაყოფიერი დღეა. სურვილის შემთხვევაში დიდი ხნის წინ დაწყებული საქმის დასრულებას და მნიშვნელოვანი საკითხების მოგვარებას შეძლებთ. უსიამოვნო საუბრების ან უხერხული სიტუაციების ნუ შეგეშინდებათ - ამ დღეს პრობლემების თავიდან აცილებას ადვილად ახერხებთ. დროა, ბიუჯეტის დაგეგმვაზე იზრუნოთ. მონიშნეთ საკითხები, რომლებზეც შეგიძლიათ ფული დაზოგოთ.
