,
♈ ვერძი (21 მარტი - 19 აპრილი)
დღეს რაღაც მნიშვნელოვანი შეიძლება გადაწყდეს, მაგრამ ნუ იჩქარებ – დრო შენს მხარესაა.
ოჯახი: საყვარელ ადამიანებთან კამათის თავიდან აცილება შეგიძლია, თუ მოუსმენ.
ბიზნესი: ახალი იდეები ჩნდება, მაგრამ ჯერ ბაზარი უნდა შეისწავლო.
სიყვარული: სიმშვიდე შეინარჩუნე – ზედმეტი ემოციები ცუდად წაგივა.
კარიერა: შენი შრომა დაფასდება, მაგრამ ჯერ არა – მოთმინება გმართებს.
სამსახური: დღეს ზედმეტ ინიციატივას მოერიდე – დრო ჯერ არ მოსულა.
♉ კურო (20 აპრილი - 20 მაისი)
დღეს ზედმეტი ფიქრი არაფერს შეცვლის – იმოქმედე, მაგრამ გააზრებულად.
ოჯახი: ოჯახის წევრებს შენი მხარდაჭერა სჭირდებათ, მაგრამ ზედმეტად ნუ გადაიტვირთავ.
ბიზნესი: მნიშვნელოვანი შეთავაზება შეიძლება მიიღო – კარგად დაფიქრდი.
სიყვარული: ურთიერთობაში ახალი ეტაპი იწყება, მაგრამ სიჩქარემ შეიძლება ყველაფერი გააფუჭოს.
კარიერა: შენზე დამოკიდებული გადაწყვეტილება უნდა მიიღო – საკუთარ თავს ენდე.
სამსახური: დღეს ზედმეტ ვალდებულებებს აირიდე – სხვების შეცდომებზე პასუხს ნუ აგებ.
♊ ტყუპები (21 მაისი - 20 ივნისი)
დღეს რაღაც საინტერესო ინფორმაცია შეიძლება გაიგო – გამოიყენე სწორად.
ოჯახი: შესაძლოა, ვიღაცას შენი რჩევა დასჭირდეს – გულწრფელად დაეხმარე.
ბიზნესი: თუ მოქმედების დრო ეძებ, ახლაა სწორი მომენტი.
სიყვარული: ვინმე შენს ცხოვრებაში ძველი გრძნობების დაბრუნებას ეცდება – შენ გადაწყვიტე, ღირს თუ არა.
კარიერა: დასაკარგი არაფერი გაქვს – გაბედე და იმოქმედე.
სამსახური: ზედმეტი სიტყვები ნაკლებად სასარგებლოა – კონკრეტული შედეგი აჩვენე.
♋ კირჩხიბი (21 ივნისი - 22 ივლისი)
დღეს ემოციურად რთული დღეა, მაგრამ თუ სიმშვიდეს შეინარჩუნებ, ყველაფერი დალაგდება.
ოჯახი: ყურადღება მიაქციე საყვარელ ადამიანებს – შეიძლება, რაღაც გაპარულიც გქონდეს.
ბიზნესი: ახლა სარისკო ნაბიჯები სჯობს, გადადო – ჯერ კარგად გათვალე ყველაფერი.
სიყვარული: შეიძლება, ძველი გრძნობა ისევ გაგიაქტიურდეს, მაგრამ რეალური საფუძველი აქვს?
კარიერა: შენი შრომა ნელა, მაგრამ მაინც აძლევს შედეგს – გააგრძელე.
სამსახური: უფროსობას შენი ინიციატივები მოსწონს – ეს გამოიყენე.
♌ ლომი (23 ივლისი - 22 აგვისტო)
დღეს ყურადღება მოგიწევს იმაზე, რასაც ხშირად არ აქცევ ყურადღებას.
ოჯახი: შეიძლება, მოულოდნელი საუბარი მოგიწიოს ახლობელთან – გულწრფელობა გადაგარჩენს.
ბიზნესი: შანსი გაქვს, მაგრამ თუ არ იმოქმედებ, სხვას დაუთმობ.
სიყვარული: ყურადღება მიაქციე ნიშნებს – ვიღაცამ შეიძლება პირდაპირ ვერ გაბედოს გრძნობების გამოხატვა.
კარიერა: შენს მიღწევებს სხვებიც ხედავენ – სათანადოდ წარმოაჩინე.
სამსახური: დღეს ზედმეტი დაძაბულობისგან თავი შორს დაიჭირე.
♍ ქალწული (23 აგვისტო - 22 სექტემბერი)
დღეს დეტალებმა შეიძლება დიდი გავლენა მოახდინოს – ყურადღებით იყავი.
ოჯახი: ვიღაცას შენი დახმარება სჭირდება, მაგრამ პირდაპირ არ გეუბნება.
ბიზნესი: თუ რამის გადადება შეგიძლია, სჯობს, დღეს არ იჩქარო.
სიყვარული: შესაძლოა, ურთიერთობაში გადამწყვეტი მომენტი დადგეს – კარგად დაფიქრდი.
კარიერა: თუ გინდა, რომ დაგაფასონ, შედეგები აჩვენე, არა მხოლოდ იდეები.
სამსახური: ზედმეტი სირთულეები მოერიდე – მარტივი გზაც არსებობს.
♎ სასწორი (23 სექტემბერი - 22 ოქტომბერი)
დღეს მშვიდად იყავი – ზედმეტი ემოციები არ გაწყობს.
ოჯახი: შენს ახლობლებს შენი მხარდაჭერა სჭირდებათ, მაგრამ საკუთარ თავს არ გადაუსწრო.
ბიზნესი: შენს იდეებს მომავალი აქვს, ოღონდ მოთმინება უნდა.
სიყვარული: შენს ცხოვრებაში ახალი ნაცნობობა შეიძლება საინტერესო აღმოჩნდეს.
კარიერა: შენი ამბიციები არავის ავნებს, თუ სწორად წარმართავ.
სამსახური: დღეს უფრო დაკვირვება გჭირდება, ვიდრე მოქმედება.
♏ მორიელი (23 ოქტომბერი - 21 ნოემბერი)
დღეს შანსი გაქვს, რაღაც მნიშვნელოვანი შეცვალო, მაგრამ ფრთხილად იყავი.
ოჯახი: შესაძლოა, ვინმეს შენთან გულწრფელი საუბარი სურდეს – მოუსმინე.
ბიზნესი: სარისკო ინვესტიციებს მოერიდე – დრო ჯერ არაა.
სიყვარული: თუ ურთიერთობაში პრობლემა გაქვს, დღეს გამოსწორების შანსი გაქვს.
კარიერა: ფრთხილად იმოქმედე – ყველას არ უნდა შენი წარმატება.
სამსახური: უფროსობას შენი იდეები აინტერესებს – გაბედე და წარმოადგინე.
♐ მშვილდოსანი (22 ნოემბერი - 21 დეკემბერი)
დღეს ცვლილებების დღეა – გამოიყენე შესაძლებლობები.
ოჯახი: შესაძლოა, საყვარელ ადამიანთან ურთიერთობა უფრო მყარი გახდეს.
ბიზნესი: ფინანსური გადაწყვეტილებები ახლა უნდა მიიღო – დრო კარგია.
სიყვარული: რომანტიკულ ურთიერთობებში საინტერესო სიახლეები გელოდება.
კარიერა: შენი შესაძლებლობები უფრო მეტად ჩანს, ვიდრე გგონია.
სამსახური: კარგი დღეა ახალი გამოწვევებისთვის.
♑ თხის რქა (22 დეკემბერი - 19 იანვარი)
დღეს მოთმინება უნდა გამოიჩინო – ნაჩქარევი გადაწყვეტილებები არაფერს შეცვლის.
ოჯახი: ოჯახის წევრებთან მეტი დრო გაატარე – შეიძლება, რაღაც მნიშვნელოვანი გამოგრჩეს.
ბიზნესი: რისკები კარგად გათვალე, სანამ გადაწყვეტილებას მიიღებ.
სიყვარული: ძველი გრძნობები შეიძლება კვლავ იჩინოს თავი.
კარიერა: შენი დრო ჯერ არ მოსულა, მაგრამ მოახლოებულია.
სამსახური: ახალ გამოწვევას თამამად შეხვდი – შეგიძლია გაუმკლავდე.
♒ მერწყული (20 იანვარი - 18 თებერვალი)
დღეს მოულოდნელი მოვლენები შეიძლება მოხდეს – ეცადე, მაქსიმალურად მოერგო.
ოჯახი: ვიღაცას შენთან გულწრფელი საუბარი სურს – მზად ხარ?
ბიზნესი: იდეები გაქვს, მაგრამ ჯერ მათზე მეტი მუშაობა გჭირდება.
სიყვარული: თუ ვინმე მოგწონს, დროა, ინიციატივა გამოიჩინო.
კარიერა: შენი სიჯიუტე დღეს შეიძლება სასარგებლო აღმოჩნდეს.
სამსახური: ახალი პერსპექტივები ჩნდება – გამოიყენე.
♓ თევზები (19 თებერვალი - 20 მარტი)
დღეს შენი ინტუიცია შენს სასარგებლოდ იმუშავებს.
ოჯახი: სჯობს, ახლობლებთან მეტი დრო გაატარო.
ბიზნესი: დროა, დიდი ნაბიჯი გადადგა.
სიყვარული: შეიძლება, ვიღაცამ შენი გრძნობები გამოცადოს.
კარიერა: მზად იყავი ცვლილებისთვის.
სამსახური: კონცენტრაცია გჭირდება – მცირე შეცდომამ შეიძლება დიდი გავლენა იქონიოს.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
