,
რას გვირჩევენ ვარსკვლავები 6 აგვისტოსათვის:
ვერძი (21 მარტი - 20 აპრილი)
ამ დღეს ისეთი აზარტული ხართ, როგორც არასდროს. აუცილებელი არ არის, რომ სტადიონზე ფსონი, მეგობრებთან კი ნაძლევი დადოთ. თქვენი აზარტულობა საქმის სხვებზე უკეთ კეთების სურვილში და კონკურენტებისთვის გასწრებაში გამოიხატება. შეჯიბრება და მეტოქეობა შეიძლება ნამდვილი ან გამოგონილი იყოს, მაგრამ ის უკეთესად ქცევისკენ გიბიძგებთ, რაც თქვენი გამარჯვების შანსებს ზრდის.
კურო (21 აპრილი - 21 მაისი)
შესაძლოა, რთულ ამოცანას ან ნამდვილ საიდუმლოს შეეჯახოთ. რა გაეწყობა, ასეთი იდუმალებით სავსე დღეა, როდესაც ლოგიკაზე მეტად ინტუიციაა საჭირო. ასე რომ არგუმენტების სიმცირის გამო, საიდუმლოს დედუქციის დახმარებით ამოხსნა გაგიჭირდებათ, სამაგიეროდ, კითხვებზე პასუხს უჩვეულოდ გამახვილებული ინტუიცია გაპოვნინებთ.
ტყუპები (22 მაისი - 21 ივნისი)
ცდილობთ ძალები ახალ საქმიანობაში მოსინჯოთ, სულ ერთია, ეს ექსტრემალური სპორტი იქნება, ახალი ცოდნის მიღება თუ სიყვარული. თუ საყვარელი ადამიანი გყავთ, გირჩევთ ყველა საქმე გვერდით გადადოთ და საღამო მასთან ერთად გაატაროთ. ხვალ შეიძლება თავი შემოქმედებით საქმიანობაში გამოიჩინოთ - თქვენი ტვინის მარჯვენა ნახევარსფერო სრული დატვირთვით მუშაობს, რაც ახალ, ორიგინალურ იდეებს გაჩუქებთ.
კირჩხიბი (22 ივნისი - 22 ივლისი)
თვითორგანიზების მხრივ სავარაუდოდ, დიდი პრობლემები გელით. ყურადღების მოკრეფა ჩვეულებრივზე მეტად გიჭირთ და ყოველდღიური საქმიანობის ჩვეული ტემპით განხორციელებას ვერ ახერხებთ. ყველაფერი ყურადღებას გიფანტავთ - ადამიანები, მოვლენები, საკუთარი აკვიატებული აზრები. ჰოროსკოპის ვარსკვლავები გირჩევენ, რომ „წუთშესვენება“ აიღოთ. გაერთეთ და დაისვენეთ - საქმე ცოტა ხანს მოიცდის.
ლომი (23 ივლისი - 23 აგვისტო)
ამ დღეს ჰოროსკოპის ვარსკვლავები მთლიანად თქვენს მხარეს არიან, ამიტომ სასიამოვნო სიურპრიზებისთვის უნდა მოემზადოთ. შესაძლოა, სიყვარულში გაგიმართლოთ, მოულოდნელი შემოსავალი ან სასიხარულო სიახლე მიიღოთ. თუ ისეთი გეგმის განხორციელებას აპირებთ, რომელიც იღბალსაც მოითხოვთ, ამ დღეზე უკეთესს ვერ ნახავთ.
ქალწული (24 აგვისტო - 23 სექტემბერი)
ამ დღეს თქვენი მოთმინების ფიალა იმდენად მცირეა, რომ ნებისმიერს შეუძლია აავსოს. ნებისმიერ მოვლენას, სხვა დღეს ყურადღებას რომ არ მიაქცევდით, წყობიდან გამოჰყავხართ. ეს განსაკუთრებით მეგობრულ ხუმრობას ან უწყინარ შენიშვნა ეხება. თუ არ გსურთ, რომ თქვენი რისხვა ვინმე უდანაშაულო ადამიანს თავს დაატყდეს, საცურაო აუზზე წადით. წყალი უარყოფით აზრებს ჩამორეცხავს და სიმშვიდით აგავსებთ.
სასწორი (24 სექტემბერი - 23 ოქტომბერი)
ამ დღეს თქვენგან ლოგიკური მოქმედების მოლოდინი არავის უნდა ჰქონდეს. ყველაფერს, რასაც ამ დღეს გააკეთებთ, ისეთი „რკინის არგუმენტები“ ახლავს, როგორიცაა „მინდა“ ან „არ მინდა“. წამიერი ემოციების გავლენით შეცდომები რომ არ დაუშვათ, ხვალ მეგობრებისა და ახლობლების გაფრთხილებებს უნდა მოუსმინოთ. გახსოვდეთ რომ გარედან ყველაფერი უკეთ ჩანს.
მორიელი (24 ოქტომბერი - 22 ნოემბერი)
შესაძლოა, ზოგ მოვლენას იმაზე მეტ მნიშვნელობას ანიჭებთ, ვიდრე იმსახურებს - მდიდარი წარმოსახვა გარშემო მიმდინარე მოვლენებს კონტრასტული ფერებით ხატავს. წყენის ან სიხარულისთვის უმცირესი მიზეზიც გყოფნით, ამიტომ ამ დღეს თქვენთან ურთიერთობა ადვილი არაა. ჰოროსკოპის ვარსკვლავები გპირდებიან, რომ თუ ემოციების კონტროლს შეძლებთ, ეს დღე ნათელი, საინტერესო და მოვლენებით სავსე იქნება!
მშვილდოსანი (23 ნოემბერი - 21 დეკემბერი)
ამ დღეს თუ მოინდომებთ, უფროსების, კოლეგების ან საყვარელი ადამიანის სასიამოვნოდ გაოცებას და საჭირო ადამიანებზე შთაბეჭდილების მოხდენას შეძლებთ! ამისთვის საკმარისია მოვლენების ცენტრში იტრიალოთ. ნუ მოგერიდებათ საკუთარი ნიჭი და შესაძლებლობები თუნდაც ყველაზე არაპროგნოზირებად გარემოში გამოავლინოთ.
თხის რქა (22 დეკემბერი - 20 იანვარი)
შესაძლოა, ვიღაცამ თქვენი ნების საწინააღმდეგოდ, რაღაც ინტრიგებში ჩაგითრიოთ. ამასთან, გარშემომყოფებმა საკუთარი მიზნების მისაღწევად შეიძლება თქვენით მანიპულირება სცადონ. ჰოროსკოპის ვარსკვლავები გირჩევენ, რომ ხვალ სხვისი საქმეებისგან თავი შორს დაიჭიროთ და რაც უფრო შორს, მით უკეთეს
მერწყული (21 იანვარი - 18 თებერვალი)
ამ დღეს შეიძლება მოვლენათა ორომტრიალსა და ემოციებში ჩაიძიროთ! ამაღლებულ განწყობაზე ხართ და შეიძლება იმპულსური მოქმედებები განახორციელოთ. ერთი ნახვით შეყვარება, ახალი ნაცნობობა, გართობა და მოულოდნელი გადაწყვეტილებები - ეს თქვენი ხვალინდელი მოქმედების განრიგია. ჰოროსკოპის ვარსკვლავები გაფრთხილებენ, რომ ემოციები აკონტროლოთ, წინააღმდეგ შემთხვევაში, შესაძლოა, მძიმე პრობლემები შეიქმნათ.
თევზები (19 თებერვალი - 20 მარტი)
ამ დღეს შესაძლოა, ადამიანებისგან მომდინარე შურს ან სიხარბეს შეეჯახოთ ან ვიღაცის მიმართ შური თავად იგრძნოთ. იმისთვის, რომ ამ დღემ მშვიდად ჩაიაროს, მოერიდეთ იმ ადამიანებთან შეხვედრას, რომელთა შემოსავალი ან სოციალური მდგომარეობა თქვენზე მაღალია. ამასთან, საკუთარ წარმატებებზე საუბარსაც უნდა მოერიდოთ, რომ უნებურად სხვების შური არ გამოიწვიოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
