,
ვერძი (21 მარტი – 19 აპრილი)
დღის მოვლენები: გადამწყვეტი დღეა – რაღაც ან უნდა მოაგვარო, ან სამუდამოდ გადადო.
ოჯახი: თუ ზედმეტ კრიტიკას მოერიდები, ოჯახური სიმშვიდე არ დაირღვევა.
ბიზნესი: ერთს მოაგვარებ, სამ ახალ პრობლემას გადააწყდები – მოთმინება და ტაქტიკა გადაგარჩენს.
სიყვარული: უცნობი ადამიანის ინტერესი შენს მიმართ შეიძლება სასიამოვნო აღმოჩნდეს.
კარიერა: სამსახურში დაძაბული გარემო გელოდება – სჯობს, ზედმეტს არ ილაპარაკო.
ჯანმრთელობა: გადაღლილობა იგრძნობა, დაისვენე და ორგანიზმს არ გადატვირთო.
კურო (20 აპრილი – 20 მაისი)
დღის მოვლენები: გეგმები იცვლება, მაგრამ საბოლოო შედეგი შენზეა დამოკიდებული.
ოჯახი: ოჯახური საკითხები მეტ ყურადღებას მოითხოვს – დროა, გადადო სხვა საქმეები.
ბიზნესი: ფრთხილად, კონკურენტები შენს შეცდომებზე თამაშობენ.
სიყვარული: არაპროგნოზირებადი ემოციები – დღეს გაარკვევ, რა გინდა სინამდვილეში.
კარიერა: სიტუაცია უმჯობესდება, მაგრამ ჯერ ნუ მოითხოვ იმაზე მეტს, ვიდრე შეგიძლია.
ჯანმრთელობა: გადაჭარბებული ჭამა ან სტრესი შესაძლოა პრობლემად იქცეს.
ტყუპები (21 მაისი – 20 ივნისი)
დღის მოვლენები: მოულოდნელი ამბავი შესაძლოა გეგმებს აგირიოს.
ოჯახი: მეგობრებთან საუბარი ოჯახის წევრების მხარდაჭერას ვერ შეგიცვლის.
ბიზნესი: საინტერესო შეთავაზება გამოჩნდება, მაგრამ კარგად დაფიქრდი, სანამ დათანხმდები.
სიყვარული: ვიღაც შენს ცხოვრებაში სერიოზულად ჩარევას ცდილობს.
კარიერა: კარიერული წინსვლა სავსეა წინააღმდეგობებით – ნუ დაკარგავ მოთმინებას.
ჯანმრთელობა: ძილის უკმარისობა შენს ენერგიას საგრძნობლად ამცირებს.
კირჩხიბი (21 ივნისი – 22 ივლისი)
დღის მოვლენები: შესაძლოა, რაღაც არასწორად გესმოდეს – ნუ იჩქარებ დასკვნების გამოტანას.
ოჯახი: ნათესავებთან კონტაქტი სასიამოვნო, მაგრამ დროში გაწელილი იქნება.
ბიზნესი: ინიციატივას თუ გამოიჩენ, შედეგი მალე გამოჩნდება.
სიყვარული: ემოციებს გადახედე – არის თუ არა ეს ნამდვილი გრძნობა?
კარიერა: ზოგიერთი ადამიანი შეგნებულად გიშლის ხელს, მაგრამ არ დაიბნე.
ჯანმრთელობა: კუჭის პრობლემები მოსალოდნელია – სჯობს, კვებაზე გაამახვილო ყურადღება.
ლომი (23 ივლისი – 22 აგვისტო)
დღის მოვლენები: საჭიროა კომპრომისი, თორემ სიტუაცია სერიოზულად დაგიმძიმდება.
ოჯახი: ოჯახურ საკითხებში სიახლე გელოდება – სასიამოვნო თუ არასასიამოვნო, შენზეა დამოკიდებული.
ბიზნესი: შესაძლოა, ინვესტიცია დაგჭირდეს, მაგრამ სიფრთხილე არ დაკარგო.
სიყვარული: ზედმეტმა თავდაჯერებულობამ შეიძლება საყვარელი ადამიანი დაგაშოროს.
კარიერა: ახალ პროექტს თუ ჩაეჭიდები, მნიშვნელოვანი შედეგები გექნება.
ჯანმრთელობა: ყურადღება მიაქციე გულ-სისხლძარღვთა სისტემას.
ქალწული (23 აგვისტო – 22 სექტემბერი)
დღის მოვლენები: გეგმები შეიცვლება, მაგრამ ეს ახალი შესაძლებლობების დასაწყისი იქნება.
ოჯახი: ახლობლებთან ემოციური კავშირი მნიშვნელოვანია – ნუ დაივიწყებ მათ.
ბიზნესი: ფინანსური გადაწყვეტილებები სიფრთხილით უნდა მიიღო.
სიყვარული: დაუგეგმავი შეხვედრა შესაძლოა მნიშვნელოვან ურთიერთობად იქცეს.
კარიერა: ცოტა მეტი ძალისხმევა და პროფესიულად ახალ დონეზე გადახვალ.
ჯანმრთელობა: ალერგიები ან წვრილი გაღიზიანებები მოსალოდნელია.
სასწორი (23 სექტემბერი – 22 ოქტომბერი)
დღის მოვლენები: გრძნობ, რომ რაღაც იცვლება – მზად იყავი ამის მისაღებად.
ოჯახი: სჯობს, ზოგიერთ საკითხზე დათმობაზე წახვიდე, კონფლიქტს ვერ აირიდებ.
ბიზნესი: პროექტი, რომელშიც დიდი დრო დახარჯე, საბოლოოდ მოიტანს შედეგს.
სიყვარული: ძველი ემოციები იჩენს თავს – დაფიქრდი, გჭირდება კი ეს?
კარიერა: ახალი თანამშრომლების ან პარტნიორების მხარდაჭერა წარმატების საწინდარია.
ჯანმრთელობა: ნერვული სისტემა გადატვირთულია, სჯობს, ცოტახანს დაისვენო.
მორიელი (23 ოქტომბერი – 21 ნოემბერი)
დღის მოვლენები: დღის მეორე ნახევარი ბევრად მარტივი იქნება, ვიდრე დილა.
ოჯახი: მნიშვნელოვანია, უსმინო ახლობლების რჩევას, თუნდაც არ მოგეწონოს.
ბიზნესი: საინტერესო წინადადება გექნება, მაგრამ ყველასთან არ გაამჟღავნო შენი გეგმები.
სიყვარული: შესაძლოა, ურთიერთობაში გაურკვევლობა გაჩნდეს – ნუ იჩქარებ დასკვნების გამოტანას.
კარიერა: ფარული მტრები გამოჩნდებიან – ყურადღებით იყავი.
ჯანმრთელობა: ორგანიზმის გაძლიერება სასარგებლო იქნება.
მშვილდოსანი (22 ნოემბერი – 21 დეკემბერი)
დღის მოვლენები: მოულოდნელი შანსი გამოჩნდება – შენზეა დამოკიდებული, გამოიყენებ თუ არა.
ოჯახი: ყურადღება მიაქციე ოჯახის წევრების ემოციურ მდგომარეობას.
ბიზნესი: ახალი კავშირები დაგეხმარება, მაგრამ თავდაჯერებულობა არ დაკარგო.
სიყვარული: წარსულში დაბრუნება კარგი იდეა არ არის.
კარიერა: ხელმძღვანელობასთან საუბარი წარმატებულად ჩაივლის, თუ სწორად მოიქცევი.
ჯანმრთელობა: ფიზიკური აქტივობა შენს მდგომარეობას გააუმჯობესებს.
თხის რქა (22 დეკემბერი – 19 იანვარი)
დღის მოვლენები: სიფრთხილე აუცილებელია, მოულოდნელი ცვლილებები მოსალოდნელია.
ოჯახი: ოჯახის წევრების მხარდაჭერა გადამწყვეტი იქნება.
ბიზნესი: ფინანსური საკითხები მოითხოვს მეტ ყურადღებას.
სიყვარული: ფლირტი სასიამოვნოა, მაგრამ სერიოზულ ნაბიჯებს მოერიდე.
კარიერა: კოლეგებთან ურთიერთობა შეიძლება დაძაბული გახდეს.
ჯანმრთელობა: ძილის რეჟიმის მოწესრიგება აუცილებელია.
მერწყული (20 იანვარი – 18 თებერვალი)
დღის მოვლენები: სიურპრიზი გელოდება, მაგრამ მზად იყავი მისი მისაღებად.
ოჯახი: ზოგჯერ სჯობს, უბრალოდ მოუსმინო.
ბიზნესი: ახალი პროექტი საინტერესო იქნება, მაგრამ მოითხოვს დამატებით რესურსებს.
სიყვარული: ვინმე შენზე ფიქრობს, მაგრამ ჯერ არ გამოჩენილა.
კარიერა: კარიერული წინსვლისთვის მნიშვნელოვანია მოთმინება.
ჯანმრთელობა: ნაკლები სტრესი, მეტი დასვენება.
თევზები (19 თებერვალი – 20 მარტი)
დღის მოვლენები: შინაგანი ინტუიცია სწორ გზას გაჩვენებს.
ოჯახი: ოჯახში მშვიდობა შენს მოქნილობაზეა დამოკიდებული.
ბიზნესი: ფული შემოვა, მაგრამ სწრაფად გაქრება.
სიყვარული: დაუფიქრებელი ნაბიჯები შეიძლება სანანებელი გაგიხდეს.
კარიერა: ახალი შესაძლებლობები გამოჩნდება, მაგრამ ჯერ ადრეა მოქმედებისთვის.
ჯანმრთელობა: წყლის ბალანსი დაიცავი.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
