,
რას გვირჩევენ ვარსკვლავები 5 ივნისისთვის:
ვერძი (21 მარტი - 20 აპრილი)
ამ დღეს ბევრი ფიქრი მოგიწევთ. გარშემომყოფების ქმედებები, საყვარელი ადამიანების სიტყვები, საკუთარი ემოციები და ქცევა უნდა შეაფასოთ. გეჩვენებათ, რომ გარშემო ყველაფერი შენელებული კადრივით მოძრაობს და ამ ტემპს უნდა მოერგოთ. გირჩევთ, თავისუფალი დრო სახლის გარეთ გაატაროთ. სახლში გარკვეული დაძაბულობა იგრძნობა, თქვენ კი განტვირთვა გჭირდებათ.
კურო (21 აპრილი - 21 მაისი)
არასწორი კვება და ფიზიკური აქტივობის ნაკლებობა თქვენს ჯანმრთელობაზე უარყოფითად აისახება. დროა, ექიმს მიმართოთ და ძალების აღდგენაზე იზრუნოთ. შეიძლება ვიტამინების ან ანტიდეპრესანტების მიღება დაგჭირდეთ. გირჩევთ, თუ შესაძლებელია, სამსახურიდან ცოტა ადრე გათავისუფლდით და სახლში დაისვენეთ.
ტყუპები (22 მაისი - 21 ივნისი)
დილიდან მოზღვავებულ ბრაზს და ემოციებს ებრძვით. ეცადეთ, პროვოკაციებს არ აჰყვეთ და უხეშობას უხეშობით არ უპასუხოთ. თუ ეს შეძელით, კოლეგებში თქვენი ავტორიტეტი გაიზრდება და კონკურენტებს უკან მოიტოვებთ. დღის მეორე ნახევარში მოსალოდნელია საყვარელ ადამიანებთან ფულის გამო კამათი.
კირჩხიბი (22 ივნისი - 22 ივლისი)
ფრთხილად იყავით - შეიძლება მუშაობის დროს ისეთი შეცდომა დაუშვათ, რომელიც საყვედურს და მენეჯმენტთან ურთიერთობის გაუარესებას გამოიწვევს. ეცადეთ, სიბრძნე და სიმშვიდე გამოიჩინოთ. ოჯახურ საკითხებში ბავშვებთან დაკავშირებული გაუგებრობები გელით.
ლომი (23 ივლისი - 23 აგვისტო)
სამსახურში შესაძლოა, მოვლენები თქვენთვის არახელსაყრელად განვითარდეს. მზად იყავით უსაფუძვლო ბრალდებებისა და ინტრიგებისთვის. გირჩევთ, შეთქმულებებში მონაწილეობაზე უარი თქვათ, თორემ საბოლოოდ ყველაფერი თქვენ დაგბრალდებათ. დღის მეორე ნახევარს სასიამოვნოდ გაატარებთ და მთელი დღის ნერვიულობა და უკმაყოფილება დაგავიწყდებათ.
ქალწული (24 აგვისტო - 23 სექტემბერი)
ამ დღეს თქვენს კომუნიკაბელურობას საზღვარი არ აქვს, მაგრამ ფრთხილად იყავით, ამან შეიძლება პროფესიულ საქმიანობაში ხელი შეგიშალოთ. ეცადეთ, სამუშაო პროცესს მეტი ყურადღება მიაქციოთ და დისკუსიებში არ ჩაერთოთ. შესაძლოა კარიერის შეცვლა შემოგთავაზონ, მაგრამ გადაწყვეტილების მიღება ცოტა ხნით უნდა გადადოთ.
სასწორი (24 სექტემბერი - 23 ოქტომბერი)
პლანეტების განლაგების მიხედვით, იღბლის იმედად არ უნდა იყოთ, მაგრამ შეგიძლიათ, წარმატებას საკუთარი უნარებითა და შესაძლებლობებით მიაღწიოთ. გარდა ამისა, მეგობრებისა და კოლეგების უზარმაზარ მხარდაჭერას გრძნობთ და შეგიძლიათ საკუთარი მოვალეობების ნაწილი მათ გადააბაროთ.
მორიელი (24 ოქტომბერი - 22 ნოემბერი)
სამსახურში თქვენს მიღწევებს ყველა აღიარებს. მთავარია, ზედმეტი არ მოგივიდეთ და კოლეგების შეხედულებები გაითვალისწინოთ. წინააღმდეგ შემთხვევაში, მზად იყავით, რომ თქვენზე შურს თქვენივე მეთოდებით იძიებენ. საღამოს განმარტოება საშუალებას მოგცემთ, რომ ძალები აღიდგინოთ.
მშვილდოსანი (23 ნოემბერი - 21 დეკემბერი)
შესაძლოა, მენეჯმენტის ახირებებისა და შურიანი კოლეგების ინტრიგების გამო დაძაბულობამ ისე დაგღალათ, რომ მზად ხართ ყველაფერი მიატოვოთ და გაიქცეთ, მაგრამ ნუ აჩქარდებით - რამდენიმე დღეში შეიძლება აზრი შეიცვალოთ.
თხის რქა (22 დეკემბერი - 20 იანვარი)
ეცადეთ, ამ დღეს მხოლოდ თქვენთვის სასარგებლოდ იმოქმედოთ. სხვებზე ფიქრი კარგია, მაგრამ არა ამ დღეს. ნუ იქნებით ზედმეტად მიმნდობი, თორემ ვიღაც შეეცდება, სიტუაციით ისარგებლოს და მახე დაგიგოთ. რაც შეეხება სამსახურს, აქ უდავო ლიდერი ხართ. პირად ურთიერთობებში შესაძლებელია გაუგებრობა, რომელიც ჩხუბს გამოიწვევს.
მერწყული (21 იანვარი - 18 თებერვალი)
თუ აპირებთ, რომ მენეჯერს საქმიანი წინადადებით მიმართოთ, ახლა ამისთვის საუკეთესო დღეა. კოლეგებთან ურთიერთობაში შესაძლებელია სირთულეები. ვიღაცას მეტისმეტად ამპარტავანი და უგრძნობი ჰგონიხართ, ამიტომ ეცადეთ, საკუთარი სიტყვები და ქმედებები მოზომოთ. საქმის სიყვარული გეხმარებათ, ნებისმიერი სირთულე დაძლიოთ და წარმატებას მიაღწიოთ.
თევზები (19 თებერვალი - 20 მარტი)
არსებობს რისკი, რომ მტრულად განწყობილი ადამიანების გავლენის ქვეშ მოექცეთ, ამიტომ სანამ რაიმეს გააკეთებთ, შეამოწმეთ - თქვენი ქმედება კანონიერია თუ უკანონო. ბევრი საინტერესო მოვლენა გელით. ეცადეთ, ხალხმრავალ ადგილებს მოერიდოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
