,
ვერძი (21 მარტი - 19 აპრილი)
დღეს მოულოდნელი ცვლილებები გელოდება, რაც შეიძლება პირველ ეტაპზე არ მოგეწონოს, მაგრამ საბოლოოდ სასიკეთო აღმოჩნდება. ოჯახში შენს რჩევას ელიან, მაგრამ სჯობს, ზედმეტი არ თქვა – ყველა თავის გზაზე უნდა წავიდეს. სამუშაო გარემოში დაძაბულობაა, თუმცა შენი ორგანიზებულობით სწრაფად დაძლევ. ინვესტიციებთან ფრთხილად იყავი – ახლა რისკიანი ნაბიჯების დრო არ არის. თუ პარტნიორთან ურთიერთობა გაურკვეველია, მოითმინე, ვიდრე რამე არასწორს იტყვი.
კურო (20 აპრილი - 20 მაისი)
დღეს ყველაფერი კარგად გაქვს გათვლილი, მაგრამ ვიღაც შენს გეგმებს არევს. ოჯახში უხერხული საუბარი გექნება, რაც სიმშვიდეს მოიტანს. ახალი პასუხისმგებლობები გაწუხებს, მაგრამ მათგან სარგებელსაც მიიღებ. ბიზნესში პროცესები შენელებულია, თუმცა მოთმინება შედეგს მოგიტანს. სიყვარულში ან მეტი ინტერესი უნდა გამოიჩინო, ან ხელი ჩაიქნიო.
ტყუპები (21 მაისი - 20 ივნისი)
მოულოდნელი შეხვედრა შეიძლება მნიშვნელოვან მოვლენად იქცეს. ოჯახში ატმოსფეროს დამშვიდება შენს ხელშია. სამსახურში ვიღაც შენი იდეების მითვისებას ცდილობს – არ მოდუნდე. ბიზნესში დღეს გარიგებების გაფორმება სარისკოა, კარგად გადაამოწმე ყველა დეტალი. თუ გინდა, რომ ურთიერთობა გაგრძელდეს, მეტი ყურადღება გამოიჩინე.
კირჩხიბი (21 ივნისი - 22 ივლისი)
დღეს ემოციებზე კონტროლი მნიშვნელოვანია. ოჯახში ბევრი რამ შენზეა დამოკიდებული – ინიციატივა აიღე. სამსახურში მნიშვნელოვანი ცვლილებებია, რომელთა გამოყენება შეგიძლია შენი სასარგებლოდ. ბიზნესში "არა" ზოგჯერ საუკეთესო პასუხია. სიყვარულში ფაქტებსაც შეხედე, არა მხოლოდ ემოციებს.
ლომი (23 ივლისი - 22 აგვისტო)
დღეს მოთმინება გადაგარჩენს. ოჯახში ზედმეტი პასუხისმგებლობის აღებას მოერიდე. სამსახურში კრიტიკას ნუ აიგდებ გულთან ახლოს – შეიძლება გამოსაყენებელი ინფორმაცია მიიღო. ბიზნესში ახალი პროექტი მიმზიდველია, მაგრამ დეტალები გასარკვევია. სიყვარულში თამაშობ? შედეგიც შესაბამისი გექნება.
ქალწული (23 აგვისტო - 22 სექტემბერი)
დღეს დეტალები გადამწყვეტი იქნება. ოჯახში ძველი კონფლიქტის მოგვარების შანსი გაქვს. შენი შრომა აღიარებას მოგვიანებით მიიღებს. ფინანსური სირთულეები დროებითია – პანიკაში არ ჩავარდე. სიყვარულში უფრო მეტად შენს გონებას ენდობი, მაგრამ ზოგჯერ გულსაც მოუსმინე.
სასწორი (23 სექტემბერი - 22 ოქტომბერი)
დღეს სხვის საქმეებში ჩარევა არ ღირს. ოჯახში მცირე კამათი მოსალოდნელია, თუმცა სწრაფად მოაგვარებ. სამსახურში სხვებზე ბევრს ფიქრობ, საკუთარ თავზეც უნდა იზრუნო. ბიზნესში პარტნიორებთან გაუგებრობა შეიძლება წარმოიშვას – ყველაფერი პირდაპირ გაარკვიე. სიყვარულში წარსულთან კავშირის გაწყვეტა წინსვლისთვის აუცილებელია.
მორიელი (23 ოქტომბერი - 21 ნოემბერი)
დღეს სიმართლეს გაიგებ – შესაძლოა, არც ისე სასიამოვნო იყოს. ემოციებზე კონტროლი მნიშვნელოვანია. სამსახურში კონკურენცია მატულობს, მაგრამ უპირატესობა შენს მხარესაა. ბიზნესში ახალი პარტნიორობა საინტერესოდ ჩანს, მაგრამ ჯერ კარგად გამოსაკვლევია. სიყვარულში დრამატიზებას მოერიდე – ზოგჯერ ყველაფერი უფრო მარტივია, ვიდრე ჩანს.
მშვილდოსანი (22 ნოემბერი - 21 დეკემბერი)
დღეს გეგმებს ხასიათის მიხედვით შეცვლი – არაფერი მოგაბეზრებს თავს. ოჯახში კარგი სიახლე გელოდება. სამსახურში შენი იდეები ფასდება, მაგრამ ყველას ვერ დაარწმუნებ. ბიზნესში ინვესტიცია დამატებით ანალიზს საჭიროებს. სიყვარულში ღიაობა ხელს შეგიწყობს, რომ ყველაფერი უფრო მარტივი გახდეს.
თხის რქა (22 დეკემბერი - 19 იანვარი)
დღეს მუშაობას აზრი აქვს – შედეგი მალე გამოჩნდება. ოჯახში ბევრი პასუხისმგებლობა გაწუხებს, მაგრამ ეს დროებითია. სამსახურში მოთმინება გჭირდება – ახლა შენი შესაძლებლობების გამოჩენის დრო ჯერ არ მოსულა. ბიზნესში ფინანსური გაუგებრობაა, მაგრამ კონტროლი შენს ხელშია. სიყვარულში ინიციატივა უნდა გამოიჩინო, თორემ ყველაფერი გაცივდება.
მერწყული (20 იანვარი - 18 თებერვალი)
დღეს ექსპერიმენტები წარმატებას მოგიტანს. ოჯახში ახალი ამბავი გაგაოცებს. სამსახურში მოლაპარაკებები წარმატებით დასრულდება, თუ სწორად წარმართავ საუბარს. ბიზნესში ახალი წამოწყება მოითმინე – ჯერ ყველაფერი დასაზუსტებელია. სიყვარულში მოულოდნელი სიახლე გელოდება – გაუღე კარი.
თევზები (19 თებერვალი - 20 მარტი)
დღეს ინტუიციას ენდე – არ გაგტყუებს. ოჯახში მეტი ყურადღება მოგთხოვენ. სამსახურში რაღაც უნდა შეცვალო, რომ სტაგნაციიდან გამოხვიდე. ბიზნესში ახლა დაგეგმვა უმნიშვნელოვანესია. სიყვარულში ეჭვები გაქვს – დასკვნების გამოტანას ნუ იჩქარებ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
