,
ვერძი (21 მარტი – 19 აპრილი)
დღე მოითხოვს სიფრთხილეს გადაწყვეტილებების მიღებისას. ოჯახში შესაძლოა წამოიჭრას ძველი უთანხმოება – ეცადე არ დაამძიმო სიტუაცია. ჯანმრთელობის მხრივ ყურადღება მიაქციე ძილზე, გადაღლილობა დაგიგროვდა. ბიზნესში მცირე სარგებელი მოსალოდნელია, თუმცა მნიშვნელოვანი გადაწყვეტილებების მიღება გადაიდე. პირად ურთიერთობებში პირდაპირობა დაგეხმარება, მაგრამ ხისტ ტონს მოერიდე. კარიერულად ახალი შესაძლებლობები ჯერ არ ჩანს – მოთმინება ახლა შენი მთავარი იარაღია.
კურო (20 აპრილი – 20 მაისი)
ემოციური სტაბილურობა დღეს განსაკუთრებით დაგეხმარება როგორც სახლში, ისე საქმეში. ოჯახის წევრების მხარდაჭერა და სითბო შენზე დადებითად იმოქმედებს. ჯანმრთელობის მხრივ საჭიროა მეტი მოძრაობა – სეირნობა ან მსუბუქი ვარჯიში. ფინანსურად კარგი დღეა მცირე ინვესტიციებისთვის. სიყვარულში სიურპრიზი ან გრძნობის ღია გამოხატვა დაგაკავშირებს პარტნიორთან. კარიერაში მოსალოდნელია ახალ გამოწვევასთან შეხვედრა, რომელიც გონივრულ ანალიზს მოითხოვს.
ტყუპი (21 მაისი – 20 ივნისი)
კონტაქტებში სიფრთხილე გმართებს – შეიძლება შენი სიტყვა სხვამ არასწორად გაიგოს. ოჯახში დაგროვილი საქმეები დაგაყრიან თავზე, მაგრამ სწრაფადვე დაამთავრებ. ჯანმრთელობა სტაბილურია, მაგრამ გაღიზიანებას და ზედმეტ კოფეინს ერიდე. ფინანსურად შესაძლებელია მოულოდნელი შემოსავალი. სიყვარულში კი უკეთესია ცოტა დისტანცია – გადააზრებული ნაბიჯი უკეთეს შედეგს მოიტანს. კარიერაში შესაძლოა წამოსწიონ ძველი შეცდომა – იყავი მზად ახსნა-განმარტებისთვის.
კირჩხიბი (21 ივნისი – 22 ივლისი)
ინტუიცია დღეს შენი საუკეთესო რჩევის მომცემი იქნება – ნდობა საკუთარ გრძნობებს. ოჯახში შეიძლება საჭირო გახდეს შენი ყურადღება უფროს წევრთან დაკავშირებით. ჯანმრთელობის მხრივ ყურადღება მიაქციე იმუნიტეტს – ჩაი, ხილი და ცოტა დასვენება. ფინანსურად ნეიტრალური დღეა – არც კარგი, არც ცუდი. სიყვარულში მოსალოდნელია სითბო და გულწრფელობა, რაც გაგახარებს. კარიერულად თავი შეიკავე ინტრიგებში ჩართვისგან – რუტინა დღეს ბევრად უფრო უსაფრთხოა.
ლომი (23 ივლისი – 22 აგვისტო)
ენერგია და მოტივაცია ჭარბად გაქვს, თუმცა ეცადე ეს არ გადაიზარდოს ავტორიტარულ ტონში. ოჯახში შენზეა დამოკიდებული მყუდრო გარემოს შენარჩუნება. ჯანმრთელობას არ ემუქრება საფრთხე, მაგრამ მცირე ფიზიკური დატვირთვა აუცილებელია ენერგიის დასაბალანსებლად. ბიზნესში მოსალოდნელია საინტერესო შემოთავაზება, თუმცა ყველაფერი კარგად შეამოწმე. სიყვარულში ლიდერის როლი შენია – პარტნიორს უნდა დაანახო, რომ აფასებ. კარიერაში – არ იჩქარო, მოთმინება უკეთეს შედეგს მოგიტანს.
ქალწული (23 აგვისტო – 22 სექტემბერი)
პრაქტიკულობა დღეს დაგეხმარება ქაოსურ გარემოში დასტაბილურებაში. ოჯახის წევრთან გულწრფელი საუბარი მოგიტანს სიმშვიდეს. ჯანმრთელობის მხრივ ყურადღება მიაქციე საჭმლის მონელებას – მსუბუქად ივახშმე. ფინანსური ასპექტით სტაბილური დღეა, მაგრამ დიდი ხარჯებისგან თავი შეიკავე. სიყვარულში მეტი სითბო და კომპრომისი დაგჭირდება – ზედმეტი კრიტიკა პრობლემას შექმნის. კარიერაში – კარგი დროა გეგმების გადახედვისა და პრიორიტეტების დალაგებისთვის.
სასწორი (23 სექტემბერი – 22 ოქტომბერი)
დიპლომატიური უნარები დღეს ბევრს გადაგარჩენს. ოჯახში მცირე დაძაბულობა მოსალოდნელია, მაგრამ შენი ტაქტიანობით ყველაფერი დალაგდება. ჯანმრთელობა კარგია, თუმცა უმჯობესია ნაკლები დრო გაატარო ეკრანთან. ფინანსურად მოგებიანი დღეა მცირე გარიგებებისთვის. სიყვარულში საჭირო იქნება ბალანსი – არც ზედმეტი დისტანცია და არც გადაჭარბებული მოთხოვნები. კარიერაში მოსალოდნელია თანამშრომლებთან საინტერესო იდეის განხილვა – გააჟღერე შენი აზრი თამამად.
მორიელი (23 ოქტომბერი – 21 ნოემბერი)
ინტენსიური ემოციების დღეა – ეცადე არ აიტანო გულზე ყველაფერი. ოჯახში საუბარი რთულ თემებზე შეიძლება მოულოდნელად გამოიწვიოს დაპირისპირება – იყავი ფრთხილად. ჯანმრთელობის მხრივ ყურადღება მიაქციე ძილსა და დასვენებას. ფინანსურად დღემდე დაგროვილი სირთულეები შეიძლება იჩენს თავს, თუმცა ოსტატურად მართავ. სიყვარულში მართალია იდუმალი ხარ, მაგრამ დროა გაიხსნა. კარიერულად – დაგრჩენია გაუკეთებელი საქმეები, არ გადადო ხვალისთვის.
მშვილდოსანი (22 ნოემბერი – 21 დეკემბერი)
გრძნობს შფოთვას მომავალი გეგმების გამო – გაჩერდი და გადახედე რეალისტურად რა შეგიძლია შეცვალო. ოჯახში პოზიტიური ახალი ამბავი მოსალოდნელია. ჯანმრთელობის მხრივ კარგი დროა აქტიურობისთვის – სპორტი გაგიხარდება. ფინანსურად შემოსავალი მოსალოდნელია მეორე ნახევრის ან მეგობრის წყალობით. სიყვარულში თავგადასავლები და ხალისი გაგაცოცხლებს – იმპულსები პოზიტიური იქნება. კარიერაში – დროა იფიქრო განათლებაზე ან უნარების გაღრმავებაზე.
თხის რქა (22 დეკემბერი – 19 იანვარი)
სერიოზულობა და პასუხისმგებლობა დღეს კიდევ ერთხელ დაგიფასდება. ოჯახში შესაძლოა დაგჭირდეს ხელმძღვანელობა – შენი სიტყვა გადამწყვეტი იქნება. ჯანმრთელობა კარგი აქვს, თუმცა ქრონიკულ პრობლემებზე ნუ დახუჭავ თვალს. ფინანსურად ყურადღება მიაქციე დაუგეგმავ ხარჯებს. სიყვარულში ნაკლები კრიტიკა – მეტი მოთმინება გჭირდებათ ორივეს. კარიერულად კარგი დღეა საქმიანი მიმოწერისა და კონტაქტებისთვის – დაფასდები შენს პროფესიონალიზმში.
მერწყული (20 იანვარი – 18 თებერვალი)
დღეს იდეებით სავსე ხარ, მაგრამ რეალობას ნუ მოწყდები. ოჯახში მოულოდნელად საჭირო გახდება შენი ჩარევა. ჯანმრთელობის მხრივ საჭიროა მეტი წყალი და ნაკლები სტრესი. ფინანსურად ექსპერიმენტებისთვის კარგი დრო არაა – დაიცავი არსებული რესურსი. სიყვარულში შეიძლება გაგიჩნდეს ეჭვი – დალაპარაკება დაგეხმარება სიმართლის დადგენაში. კარიერაში შენი იდეა შეიძლება დაგიცინოს ან გაგაქეზოს – გააანალიზე ვის უმხელ.
თევზები (19 თებერვალი – 20 მარტი)
ემოციური სიღრმე გძაბავს, მაგრამ ეს ის დღეა, როცა გულით საუბარი შეიძლება სასწაულად იქცეს. ოჯახში მხარდაჭერას იგრძნობ. ჯანმრთელობა ზოგადად კარგია, მაგრამ თავი დაანებე უაზრო ღელვას – ის ენერგიას გიფანტავს. ფინანსური კუთხით შესაძლებელია დახმარება ნათესავისგან. სიყვარულში დროა თქვა ის, რაც გულში დიდი ხანია დაგიგროვდა. კარიერულად – კარგი დროა არტისტულ, შემოქმედებით საქმიანობებში წარმატებისათვის.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
