,
რას გვირჩევენ ვარსკვლავები 31 ოქტომბრისთვის ჯანმრთელობის, ბიზნესის და სიყვარულის მიმართულებით?
ვერძი (21 მარტი - 20 აპრილი)
ხელსაყრელი დღე გელით. ნებისმიერ საქმეს, მათ შორის რთულსაც, რომელიც სხვებს გაუჭირდათ, ადვილად გაუმკლავდებით. პრინციპულობა გარშემო მყოფთა თვალში თქვენს ავტორიტეტს გაზრდის. თავი შეიკავეთ ხისტი განცხადებებისა და კრიტიკული შენიშვნებისგან, რათა კონფლიქტი თავიდან აიცილოთ.
კურო (21 აპრილი - 21 მაისი)
თანამოაზრეებისა და მოკავშირეების მოსაძებნად შესაფერისი დღეა. შესაძლოა, შეხვდეთ ადამიანებს, რომლებთან თანამშრომლობაც ნაყოფიერი იქნება და კარიერულ წინსვლაში დაგეხმარებათ. ეცადეთ, რომ თქვენი საქმიანი ავტორიტეტი არ დაზარალდეს, მაგრამ თუ ასე მოხდა, დახმარებას მათგან მიიღებთ, ვისაც ახლახან თავად დაეხმარეთ.
ტყუპები (22 მაისი - 21 ივნისი)
ახალი დღე ბევრ საინტერესოს გპირდებათ. შემოქმედებითი პოტენციალი ძალიან მაღალია. თქვენ შეძლებთ ნაცნობ ნივთებს ახლებურად შეხედოთ და რთული სიტუაციიდან გამოსავალი იპოვოთ. დაუგეგმავი შემოსავალი ფინანსურად წელში გაგმართავთ და უფრო თავდაჯერებულად იმოქმედებთ.
კირჩხიბი (22 ივნისი - 22 ივლისი)
თამამად შეგიძლიათ ახალი პროექტი დაიწყოთ, რადგან დამოუკიდებლად, ანუ სხვა ადამიანების სურვილებისა და იდეების გათვალისწინების გარეშე მუშაობა გაცილებით ადვილია. მოსალოდნელია კამათი, რომლის შემდეგ სულიერი სიმშვიდის აღსადგენად გარკვეული დრო დაგჭირდებათ.
ლომი (23 ივლისი - 23 აგვისტო)
ამ დღეს იმდენი საქმე გექნებათ, რომ დასვენებისთვის ვერ მოიცლით. თუ სიახლეების და ექსპერიმენტების არ გეშინიათ და დამოუკიდებლად მოქმედება შეგიძლიათ, ეს დღე სასიხარულო ემოციებს მოგიტანთ. მოერიდეთ სამომავლო გეგმების და სამოქმედო სტრატეგიის განხილვას იმ ადამიანთან, ვისაც კარგად არ იცნობთ.
ქალწული (24 აგვისტო - 23 სექტემბერი)
მშვიდი და სასიამოვნო დღეა, რომელიც ხელსაყრელია ურთიერთობის, თანამშრომლობის დაწყების და თანამოაზრეებთან ძალების გაერთიანებისთვის. ადამიანების მიმართ ყურადღებიანი ხართ და იცით, როდის წახვიდეთ კომპრომისზე. ამ დღეს ნებისმიერი ადამიანის მოხიბვლა შეგიძლიათ, თუ, რა თქმა უნდა, ეს თავად გსურთ.
სასწორი (24 სექტემბერი - 23 ოქტომბერი)
რთული დღეა, მაგრამ თუ სიტუაციას სწორად შეაფასებთ, ყველა პრობლემის გადაჭრის გზას მონახავთ. ფინანსურ საკითხებში მეტი სიფრთხილე უნდა გამოიჩინოთ - მოერიდეთ უსარგებლო ნივთების შეძენას და საეჭვო ინვესტიციებს. ამ დღეს თქვენი საიდუმლო არავის გაუზიაროთ და თქვენს პირად ცხოვრებაზე არავისთან ისაუბროთ.
მორიელი (24 ოქტომბერი - 22 ნოემბერი)
მშვენივრად იცით, რა გსურთ და სასურველს როგორ მიაღწიოთ. ამ დღეს საშუალება მოგეცემათ, რომ თქვენი ძლიერი მხარეები გამოავლინოთ და გარშემო მყოფთა ყურადღება მიიქციოთ. სავარაუდოდ, ახალ თანამოაზრეებსა და მოკავშირეებს იპოვით და მათთან ერთად მნიშვნელოვანი პროექტის განხორციელებას დაიწყებთ.
მშვილდოსანი (23 ნოემბერი - 21 დეკემბერი)
ეს დღეს პრობლემებით დაიწყება, მაგრამ პოზიტიური ტენდენციების გავლენა თანდათან გაიზრდება, ასე რომ, ოპტიმიზმს ნუ დაკარგავთ. მნიშვნელოვანი გადაწყვეტილებების მიღებას ნუ იჩქარებთ. ეცადეთ, მოსალოდნელი შედეგები გათვალოთ და რჩევა გამოცდილ ადამიანებს სთხოვოთ. დღის მეორე ნახევარი გაცილებით საინტერესო და ნაყოფიერი იქნება, ვიდრე პირველი.
თხის რქა (22 დეკემბერი - 20 იანვარი)
ეცადეთ, საკუთარი ან სხვა ადამიანის საიდუმლო არ გაამხილოთ და ზოგადად, ამ დღეს ურთიერთობებში ნაკლებად გულწრფელი იყოთ - ეს ახლობლებსაც ეხებათ. ამ დღეს ფინანსურ საკითხებში მეტი სიფრთხილე უნდა გამოიჩინოთ - მოერიდეთ ძვირად ღირებული ნივთების შეძენას და ფულის გასესხებას. ნუ მოახდენთ თანამოსაუბრეზე ზეწოლას, ეცადეთ, კომპრომისი მოძებნოთ.
მერწყული (21 იანვარი - 18 თებერვალი)
წინ ხელსაყრელი დღე გელით, რომელიც შესანიშნავ განწყობას გპირდებათ. საკუთარი შესაძლებლობების გჯერათ, ამიტომ წარმატებას მიაღწევთ იქ, სადაც სხვებმა დანებება არჩიეს. ბევრი ახალი საქმე გელით. ნუ იფიქრებთ, რომ თქვენს ცხოვრებაში რაღაც ისე არ ხდება, როგორც ისურვებდით - რამდენიმე დღეში ამ მოვლენებს სხვანაირად შეაფასებთ.
თევზები (19 თებერვალი - 20 მარტი)
ამ დღეს შანსი გექნებათ, რომ საკუთარი ცხოვრება უკეთესობისკენ შეცვალოთ. ყურადღებით დააკვირდეთ გარშემო მიმდინარე მოვლენებს და ეცადეთ, სიტუაციის მიხედვით იმოქმედოთ. თუ შესაძლებელია, ჯობს, მოსაწყენი, რუტინული სამუშაო სამომავლოდ გადადოთ და ამ დღეს მხოლოდ ის აკეთოთ, რაც სიამოვნებას განიჭებთ. დღის მეორე ნახევარში საინტერესო შეხვედრა გელით.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
