,
რას გვირჩევენ ვარსკვლავები 31 მაისისთვის:
ვერძი (21 მარტი - 20 აპრილი)
ბოლო დროს გავიწყდებათ, რომ თქვენს ცხოვრებაში ყველაზე მნიშვნელოვანი ოჯახია. ვარსკვლავები გირჩევენ, ვითარება სასწრაფოდ გამოასწოროთ და ოჯახს და მეგობრებს ყველაზე მეტი დრო და ყურადღება დაუთმოთ. სამსახურის საქმეები მოიცდიან, მთავარია საყვარელი ადამიანები არ გაანაწყენოთ. საღამოს აკეთეთ ის, რაც ყველაზე მეტად გამშვიდებთ, შესაძლოა ეს ფიზიკური დატვირთვა იყო.
კურო (21 აპრილი - 21 მაისი)
თქვენი ფინანსური მდგომარეობა არასახარბიელოა, ამიტომ ახლა უფროსებთან დაპირისპირების და პრინციპულობის დრო არაა. ეცადეთ, რეალობას მოერგოთ და იმ წესებით იმოქმედოთ, რომლებსაც გთავაზობენ. შესაძლოა, ამ დღეს თქვენი ცხოვრებიდან ვიღაც ან რაღაც წავიდეს, თუმცა მის ადგილს მალე ახალი დაიკავებს.
ტყუპები (22 მაისი - 21 ივნისი)
სარკეში იმას ხედავთ, რასაც მიირთმევთ, ამიტომ შეწყვიტეთ არაჯანსაღი საკვების მიღება და დაბალანსებულ დიეტაზე გადადით. თუ თქვენს ცხოვრებაში მეტისმეტად ბევრი პრობლემა გაჩნდა, ეს ნიშნავს, რომ მნიშვნელოვან საკითხთან დაკავშირებით არასწორი გადაწყვეტილება მიიღეთ, თუმცა შეცდომის გამოსწორება ჯერ კიდევ შეიძლება.
კირჩხიბი (22 ივნისი - 22 ივლისი)
მოზღვავებულ გრძნობებს გულში ვეღარ იტევთ და გსურთ, რომ ახლობელ ადამიანებს გაუზიაროთ. შეეცადეთ თქვენთვის მეტისმეტად პირად და მნიშვნელოვან თემებზე არ ისაუბროთ, რადგან ვიღაცამ თქვენი გულწრფელობა შეიძლება თქვენ წინააღმდეგ გამოიყენოს. ყველა დაპირებას, რომელსაც დღეს მოისმენთ, არ უნდა დაუჯეროთ.
ლომი (23 ივლისი - 23 აგვისტო)
სიტყვები ფრთხილად შეარჩიეთ. ერთმა დაუფიქრებლად ნათქვამმა სიტყვამ შეიძლება მთელი დღე გაგიფუჭოთ. წარმოდგენა არ გაქვთ, როგორ რეაგირებენ ადამიანები თქვენს სიტყვებზე. თქვენმა მწარე შენიშვნებმა და უადგილო ხუმრობებმა გული ბევრს ატკინა, ამიტომ წარსულის შეცდომები არ უნდა გაიმეოროთ. შესაძლოა რაღაც საკითხზე შეხედულება შეგეცვალოთ, რომელსაც დიდი ხანია, სარგებლობა არ მოაქვს და წინსვლაში ხელს გიშლით.
ქალწული (24 აგვისტო - 23 სექტემბერი)
ეს დღე ოჯახს და მხოლოდ ოჯახს უნდა მიუძღვნათ. პარასკევი თქვენთვის საოჯახო დღე უნდა იყოს. მნიშვნელობა არ აქვს, რა სირთულეებია სამსახურში - სახლში დროულად წადით და, რაც მთავარია, სამსახურის განწყობა არ მიიტანოთ. პირადი ნივთების მოწესრიგება სტრესისგან გათავისუფლებაში დაგეხმარებათ და თავს უკეთ იგრძნობთ.
სასწორი (24 სექტემბერი - 23 ოქტომბერი)
თქვენი შეცდომები უკვე იმდენად აშკარა და შესამჩნევია, უნდა აღიაროთ, რომ დახმარება გჭირდებათ. კოლეგების რჩევა და გამოცდილება დაგეხმარებათ, რომ სამუშაო რეჟიმს დაუბრუნდეთ. ეცადეთ, ყველა მოვლენის ცენტრში იტრიალოთ და არცერთი სიახლე არ გამოგეპაროთ. გარკვეულწილად, თქვენი პროფესიული განვითარება და კარიერული წინსვლა ამაზეა დამოკიდებული.
მორიელი (24 ოქტომბერი - 22 ნოემბერი)
პარასკევს დიდი ქაოსი და აურზაური გელით, რაც თქვენს ემოციურ მდგომარეობაზე აისახება. გარშემო მყოფების მიმართ უჩვეულოდ მკაცრი ხართ და საკუთარ თავს უხეშობის უფლებასაც აძლევთ, მაგრამ მალე ამის გამო ბოდიშის მოხდა მოგიწევთ. თუ ხვდებით, რომ ვიღაც თქვენით მანიპულირებას ცდილობს, წინააღმდეგობა გაუწიეთ და მიახვედრეთ, რომ თქვენთან ასე მოქცევა არ შეიძლება.
მშვილდოსანი (23 ნოემბერი - 21 დეკემბერი)
დააფასეთ ადამიანი, რომელმაც ოჯახური პრობლემების მოგვარება საკუთარ თავზე აიღო და საშუალებას გაძლევთ, სამსახურს მეტი დრო და ყურადღება დაუთმოთ. რაღაც შემთხვევა თქვენს ცხოვრებაში მიმდინარე მოვლენებზე თვალს აგიხელთ, მაგრამ გადაწყვეტილების მიღებამდე ეცადეთ, მოსალოდნელი შედეგები აწონ-დაწონოთ და მერე იმოქმედოთ.
თხის რქა (22 დეკემბერი - 20 იანვარი)
დროა, პროფესიული დონის გაუმჯობესებაზე იზრუნოთ. ის, რასაც ახლა აკეთებთ, ისეთ სიამოვნებას აღარ განიჭებთ, როგორც ადრე. ეცადეთ, საქმიანობის სფერო შეცვალოთ ან თქვენი ამოცანები უფრო გაართულოთ. შეიძლება გარკვეულ საკითხებში გასარკვევად ძველი კავშირების ან ურთიერთობების აღდგენა მოგიწიოთ. სასურველია საღამო მყუდრო ოჯახურ გარემოში გაატაროთ.
მერწყული (21 იანვარი - 18 თებერვალი)
დროა ეკონომიურად ცხოვრება ისწავლოთ. ფინანსური წიგნიერების გაკვეთილებიც გამოგადგებათ, რადგან დიდი შრომის შედეგად მოპოვებული ფული თქვენი საფულიდან მყისიერად ქრება. ფრთხილად იყავით - ზედმეტი ემოციების გამო შეიძლება რაღაც ისეთი თქვათ, რომ უახლოეს ადამიანთან ურთიერთობა გაიფუჭოთ.
თევზები (19 თებერვალი - 20 მარტი)
ამ კვირაში კარგად და ნაყოფიერად იმუშავეთ, ამიტომ სრულყოფილი დასვენება გჭირდებათ. გაუგებრობების თავიდან ასაცილებლად უმჯობესია კოლეგებთან ურთიერთობას მოერიდოთ და დამოუკიდებლად იმუშაოთ. ეცადეთ, მეტისმეტად ბევრს საქმეს არ შეეჭიდოთ - ნუ გაუადვილებთ სხვებს ცხოვრებას.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
