,
რას გვირჩევენ ვარსკვლავები 31 დეკემბრისთვის:
ვერძი (21 მარტი - 20 აპრილი)
დღის პირველი ნახევარი ხელსაყრელია საოჯახო ვალდებულებების შესასრულებლად. გირჩევთ, ეს დღე წინასწარ დაგეგმოთ, რათა არაფერი დაგავიწყდეთ და მოგვიანებით არ ინერვიულოთ. დღის მეორე ნახევარში ემოციური იქნება, ამიტომ მოსალოდნელია ხმამაღალი საუბარი და ურთიერთობების გარკვევა. პოზიტიური ტენდენციების მიუხედავად, მოულოდნელი ცვლილებისთვისაც უნდა მოემზადოთ.
კურო (21 აპრილი - 21 მაისი)
მოზღვავებული ენერგიის წყალობით, ამ დღეს უამრავ საქმეს სრულიად მარტო გაუმკლავდებით. მომავალს ოპტიმიზმით უყურებთ და ოპტიმისტურ განწყობას გარშემო მყოფებზეც ავრცელებთ. ადამიანებს სიამოვნებთ თქვენს ენერგეტიკულ ველში ყოფნა. საღამოს მოახლოებასთან ერთად ემოციური ფონი იმატებს. ეცადეთ, გარშემო მყოფებთან ურთიერთობაში მეტი მოთმინება გამოიჩინოთ. ამ დღეს თქვენი დევიზი სისწრაფე და მოქმედებაა და ამ გზას არ უნდა გადაუხვიოთ.
ტყუპები (22 მაისი - 21 ივნისი)
თქვენი და თქვენი პარტნიორის ერთობლივი ძალისხმევა სასურველ შედეგს გამოიღებს. გამორიცხული არ არის, რომ გეგმების შეცვლა მოგიწიოთ. ეცადეთ, რომ ურთიერთობის დროს ნაკლებად ემოციური და მეტად კონსტრუქციული იყოთ. მაღაზიების შემოვლა უმჯობესია დღის პირველი ნახევრისთვის დაგეგმოთ. შესაძლებელია ახალი ადამიანების გაცნობა, რომლებთან ურთიერთობაც ენერგიით აგავსებთ.
კირჩხიბი (22 ივნისი - 22 ივლისი)
აუცილებელი არ არის, რომ ყველაფერი მარტომ აკეთოთ. შეგიძლიათ თქვენს საქმიანობაში ოჯახის წევრები და ახლობელი ადამიანები ჩართოთ. შეწყვიტეთ ნებისმიერ თემაზე კამათი - ადამიანებს უფლება აქვთ, რომ ყველაფერში არ გეთანხმებოდნენ და საკუთარი აზრი ჰქონდეთ. გეგმის მიხედვით მოქმედება დაგეხმარებათ, რომ დრო დაზოგოთ და საახალწლო ზეიმისთვის საგულდაგულოდ მოემზადოთ. გირჩევთმ ემოციები აკონტროლოთ და ვინმე უნებლიეთ არ გაანაწყენოთ.
ლომი (23 ივლისი - 23 აგვისტო)
გირჩევთ, საოჯახო საქმეები ოჯახის წევრებს შორის გაანაწილოთ. საახალწლო ზეიმისთვის იმდენ პროდუქტს ნუ შეიძენთ, რომ ნახევარი გადასაყრელი გაგიხდეთ. თუ ეცდებით, შეიძლება თქვენს მრავალმხრივ ნიჭს უამრავი გამოყენება მოუძებნოთ, თუმცა სასურველია, რომ ღრუბლებიდან მიწაზე დაეშვათ და რეალურად იაზროვნოთ. ვარსკვლავები გაფრთხილებენ, რომ ოჯახის წევრებთან საქმის გარჩევას და კამათს მაქსიმალურად მოერიდოთ.
ქალწული (24 აგვისტო - 23 სექტემბერი)
ამ დღეს შემოქმედებითი აღმაფრენა გელით. უამრავი საქმე გაქვთ, თუმცა ენერგიის მოზღვავებას დღის მეორე ნახევარში იგრძნობთ და შეძლებთ ყველა საახალწლო ამოცანას გაუმკლავდეთ. გახსოვდეთ, რომ თქვენი წარმატების საიდუმლო მონდომებასა და სისწრაფეშია.
სასწორი (24 სექტემბერი - 23 ოქტომბერი)
მთელ დღეს სახლში, საახალწლო სამზადისში გაატარებთ. ცდილობთ, თქვენს საქმიანობაში ოჯახის წევრებიც ჩართოთ, თუმცა ისინი თქვენს ინიციატივას ენთუზიაზმის გარეშე ხვდებიან. პასუხისმგებლობების განაწილება საშუალებას მოგცემთ, ყველაფერი დროულად დაასრულოთ. ელოდეთ დიდი ხნის უნახავი მეგობრის ზარს, რომელიც სასიამოვნო სიახლეს შეგატყობინებთ.
მორიელი (24 ოქტომბერი - 22 ნოემბერი)
ამ დღეს მორიელი ადამიანებთან ურთიერთობებს დაუთმობს. მოლოცვები, საახალწლო კერძების რეცეპტების გაცვლა, უახლესი ჭორების გაგება და ა.შ. - საუბრის ბევრი მიზეზი გექნებათ. სავარაუდოდ, დილას უფროს ნათესავებს თქვენი ყურადღება დასჭირდებათ. გირჩევთ, სანამ მოინახულებთ, მათთვის ლამაზი საჩუქარი შეარჩიოთ.
მშვილდოსანი (23 ნოემბერი - 21 დეკემბერი)
რომ არაფერი დაგავიწყდეთ, დილიდან სამოქმედო გეგმა შეადგინეთ და საქმეს შეუდექით. სავარაუდოდ, შორიდან ახალი ამბები გელით – ვიღაცას თქვენთვის ახალი წლის განსაკუთრებულად მოლოცვა მოუნდება. ამ დღეს გაიცნობთ ადამიანს, რომელიც თქვენს ცხოვრებაში მნიშვნელოვან როლს შეასრულებს. შეიძლება, მეგობრებმა ან ოჯახის წევრებმა საახალწლო სიურპრიზი მოგიმზადონ, რომელიც დიდხანს გემახსოვრებათ.
თხის რქა (22 დეკემბერი - 20 იანვარი)
ენერგიით სავსე ხართ, მაგრამ კარგი იქნება, რომ საოჯახო საქმეებში პარტნიორი ან ოჯახის სხვა წევრი დაიხმაროთ. გაატარეთ დღე მშვიდ გარემოში და მნიშვნელოვანი გადაწყვეტილებების მიღებას ნუ იჩქარებთ. დღის მეორე ნახევარში ზოგი მერწყულის გეგმები შეიძლება გარემოებების ან განწყობის გამო მკვეთრად შეიცვალოს. თქვენი სულიერი სიმშვიდისთვის ოჯახში ემოციურ გარემოს გადამწყვეტი მნიშვნელობა აქვს.
მერწყული (21 იანვარი - 18 თებერვალი)
დღის პირველ ნახევარში ეცადეთ, მთელი ყურადღება საყოფაცხოვრებო საკითხებზე და ოჯახის უფროს წევრებზე გადაიტანოთ. დღის განმავლობაში სიმშვიდე შეინარჩუნეთ და კრიტიკულ შენიშვნებს ნაკლები ყურადღება მიაქციეთ. პირადი ურთიერთობები უკეთესობისკენ შეიცვლება; ეცადეთ, დაშვებული შეცდომები გამოასწოროთ.
თევზები (19 თებერვალი - 20 მარტი)
გირჩევთ, ახალი წლის საღამოს ალკოჰოლურ სასმელებს მოერიდოთ, რათა მეორე დღეს თავი შეუძლოდ არ იგრძნოთ. საღამოს სასიამოვნო სიურპრიზი და მოულოდნელი სიახლე გელით, რომელიც თქვენს ცხოვრებაზე სასიკეთოდ აისახება.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
