,
ვერძი (21 მარტი - 20 აპრილი)
რთული დღეა. თუ ახალ ბიზნესს ან პროექტს იწყებთ, პრობლემებისა და უსიამოვნებებისთვის უნდა მოემზადოთ. რჩევებს ყურადღებით მოუსმინეთ და კრიტიკა გაითვალისწინეთ - ასე ჩანაფიქრის განხორციელება გაგიადვილდებათ.
ეცადეთ კონფლიქტები როგორც სახლში, ისე სამსახურში თავიდან აიცილოთ. თუ ვინმეს აწყენინეთ, უნდა აღიაროთ და მოუბოდიშოთ.
კურო (21 აპრილი - 21 მაისი)
დღის პირველ ნახევარში ყურადღებით იყავით - შეიძლება ისეთი შეცდომა დაუშვათ, რომელიც სამსახურთან დაკავშირებით თქვენი გეგმების განხორციელებას საფრთხეს შეუქმნის.
დღის მეორე ნახევარი ხელსაყრელი დროა შემოქმედებითი საქმიანობისთვის. ამ დღეს პიროვნული თვისებების წყალობით გარშემო მყოფებს ადვილად მოხიბლავთ.
ტყუპები (22 მაისი - 21 ივნისი)
წინააღმდეგობრივი დღეა, თუმცა სწორედ არახელსაყრელი გარემოებები მოგცემთ შესაძლებლობას, რომ თქვენი საუკეთესო თვისებები გამოავლინოთ.
თქვენ ირგვლივ - სამსახურში ან სახლში - მოსალოდნელია მცირე გაუგებრობა. თქვენი ამოცანაა, კომპრომისი იპოვოთ და სერიოზული კონფლიქტი თავიდან აიცილოთ. მოერიდეთ ვინმეზე უსარგებლო საუბრებს, განსაკუთრებით სამსახურში.
.კირჩხიბი (22 ივნისი - 22 ივლისი)
ამ დღეს მხოლოდ საკუთარ ძალებს უნდა დაეყრდნოთ - ეს თქვენი წარმატების შანსებს მნიშვნელოვნად გაზრდის. მოსალოდნელია მცირე უთანხმოება კოლეგებთან. ამაზე სერიოზულად ნუ ინერვიულებთ, მალე სიტუაცია უკეთესობისკენ შეიცვლება. ბევრმა კირჩხიბმა შეიძლება მოულოდნელი საჩუქარი მიიღოს ან მონატრებულ ადამიანებს შეხვდეს.
ლომი (23 ივლისი - 23 აგვისტო)
ხელსაყრელი დღეა რთული პრობლემების გადასაჭრელად და დაბრკოლებების დასაძლევად, რომლებიც წინსვლაში ხელს გიშლით. საშუალება გექნებათ, რომ პროფესიული და კარიერული პოზიციები გაიძლიეროთ. წარმატება ადვილად არ მოდის, მაგრამ წინააღმდეგობები არ გაშინებთ და მზად ხართ იმუშაოთ.
ქალწული (24 აგვისტო - 23 სექტემბერი)
რთული დღეა, მაგრამ წარმატების შანსი მაინც გაქვთ. მთავარია, ერთხელ არჩეულ გზას არ უღალატოთ, თუნდაც გეჩვენებოდეთ, რომ გარემოებები თქვენთვის არასასურველი მიმართულებით ვითარდება.
შეგიძლიათ მეგობრებს დახმარება სთხოვოთ და აუცილებლად მიიღებთ. ფინანსურ საკითხებში ფრთხილად უნდა იყოთ. მოერიდეთ საეჭვო გარიგებებს - თაღლითების მსხვერპლი არ გახდეთ.
სასწორი (24 სექტემბერი - 23 ოქტომბერი)
ამ დღეს შესაძლებლობა გექნებათ, რომ სამსახურთან დაკავშირებული გეგმები განახორციელოთ. საკუთარ წარმატებებზე საუბარი ნუ მოგერიდებათ - მოხერხებული თვითრეკლამა შეიძლება კარიერულ ზრდაში დაგეხმაროთ. დროა, ძველ მეგობრებს შეეხმიანოთ - მათ შეიძლება თქვენთვის საინტერესო შეთავაზებები ჰქონდეთ.
შესანიშნავი დღეა საყოფაცხოვრებო ტექნიკის შეძენისთვის - ახალი ნივთები დიდხანს და ხარისხიანად მოგემსახურებათ.
მორიელი (24 ოქტომბერი - 22 ნოემბერი)
ხელსაყრელი დღეა საქმიანი ურთიერთობისთვის - თქვენი ნებისმიერი იდეა მხარდაჭერას და მოწონებას დაიმსახურებს. ამაში გარკვეულ როლს თქვენი პიროვნული ხიბლიც შეასრულებს, რომელსაც ოსტატურად იყენებთ. მალე შესაძლოა, საჭირო ადამიანები გაიცნოთ.
მარტოხელა მორიელებისთვის გამორიცხული არ არის სამსახურებრივი რომანი, რომელიც დადებით ემოციებს მოგანიჭებთ.
მშვილდოსანი (23 ნოემბერი - 21 დეკემბერი)
დაძაბული დღეა, თუმცა ყველაფერი მშვიდობიანად დასრულდება. პიროვნული თვისებების წყალობით წარმატებას მალე მიაღწევთ. ახლობელი ადამიანების გამოცდილებას თუ გაიზიარებთ, შეცდომებს თავიდან აიცილებთ. ამ დღეს განსაკუთრებით მშვიდი და თავშეკავებული ხართ, რაც ბევრ ადამიანს თქვენ კითხვებს გაუჩენს.
თხის რქა (22 დეკემბერი - 20 იანვარი)
ცხოვრების მნიშვნელოვან სფეროებში მოსალოდნელია ცვლილებები. ეცადეთ, მომხდარი მშვიდად მიიღოთ - ნურაფრის შეგეშინდებათ და მოვლენების განვითარებასაც ნუ დააჩქარებთ. ყურადღება მიაქციეთ წვრილმანებს - ეს სიტუაციის სწორად შეფასებასა და შეცდომების აცილებაში დაგეხმარებათ.
საყვარელი ადამიანების მხარდაჭერა მნიშვნელოვანია, მაგრამ სამწუხაროდ, ზოგ თხის რქას ძველ წყენას გაახსენებენ, რაც მტკივნეული ინება.
მერწყული (21 იანვარი - 18 თებერვალი)
მშვიდი დღეა, რომელიც უფრო ხელსაყრელია ფიქრისთვის, ვიდრე კონკრეტული ქმედებებისთვის, მაგრამ არც მიმდინარე საქმეები უნდა დაივიწყოთ. გირჩევთ, ყველა პრობლემას დამოუკიდებლად გაუმკლავდეთ, რათა მოგვიანებით სხვების შეცდომები არ ასწოროთ.
დღის მეორე ნახევარში შეიძლება დიდი ხნის წინ შესრულებული სამუშაოსთვის სასიამოვნო ჯილდო მიიღოთ.
თევზები (19 თებერვალი - 20 მარტი)
ყველაფერს თავისი დრო აქვს - ახლა დასვენების დროა. შეჩერდით და ეცადეთ, ძალები აღიდგინოთ. მოქმედებისა და დაბრკოლებების გადალახვის პერიოდი მოგვიანებით დაიწყება.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
