,
ვერძი (21 მარტი – 19 აპრილი)
დღეს ვერძებს ელის ინტენსიური დღის წესრიგი. ჯანმრთელობის მხრივ ყურადღება მიაქციეთ საჭმლის მომნელებელ სისტემას — სიფრთხილით მოეკიდეთ მძიმე საკვებს. ოჯახში შეიძლება ჩნდეს ძველი უთანხმოების ჩრდილები, თუმცა სწორი ტონი სიტუაციას მალევე განაიარაღებს. კარიერაში საჭიროა დინამიკა, მაგრამ არა აგრესია — ზედმეტი თავდასხმები დამსაქმებლის ან პარტნიორის მიმართ შეიძლება ცუდად შემობრუნდეს. სიყვარულში ეჭვიანობა მახეა — დაეყრდენით ნდობას, თორემ გაწითლებული ყურებით გაატარებთ საღამოს.
კურო (20 აპრილი – 20 მაისი)
დაბადების დღის პერიოდია და შიგნიდან რაღაც კარგია, გარედან — ცოტა დაძაბულობა. ჯანმრთელობა სტაბილურია, თუ ზედმეტად არ გადააჭარბეთ ტკბილეულსა და ალკოჰოლს. ოჯახში შეიძლება მოულოდნელი სტუმარი მოგივიდეთ, ან ვინმე მოითხოვოს ძველი დაპირების შესრულება. კარიერაში — პატარა ბონუსი ან შექება გამოგადგებათ მოტივაციისთვის. ბიზნესში — ფულის ტრიალი არ უნდა გააკეთოთ სპონტანურად. სიყვარულში სიჩუმე სჯობს სიტყვების გუდას — ზოგი რამ ჯერ კიდევ არ არის სათქმელად მზად.
ტყუპები (21 მაისი – 20 ივნისი)
დღე აქტიურია, თუმცა კონცენტრაციის შენარჩუნება ძნელად გამოგივათ — ერთი საათით ადრე დაიწყეთ საქმეები, თორემ ყველაფერი "მაღაზიის დახურვის დროს" დაგჭირდებათ. ჯანმრთელობა — უძილობა ან თავბრუსხვევა შესაძლოა შეგახსენოთ, რომ ცოტა დასვენება საჭიროა. ოჯახში ბავშვებთან კავშირი ან სასიამოვნო საუბარი დაგაბრუნებთ შინაურ კომფორტში. კარიერა და ბიზნესი — ინტუიციაა დღეს თქვენი მთავარი ინსტრუმენტი, თუნდაც სხვები ცინიკურად უყურებდნენ. სიყვარულში — შეიძლება მომაჯადოვებელი დიალოგი გქონდეთ სრულიად უცხოსთან.
კირჩხიბი (21 ივნისი – 22 ივლისი)
ემოციური და შინაგანი წინააღმდეგობებით სავსე დღეა. ჯანმრთელობა გაუმჯობესდება თუ საღამოს გაატარებთ სიწყნარეში — იდეალურია სეირნობა ან ჩაის ცერემონია. ოჯახში შეიძლება დაგვიანებული სითბო იგრძნოთ, მაგრამ სწორედ ამიტომ იქნება ძვირფასი. კარიერაში — ელოდეთ წინადადებას, რომელიც გგონიათ უმნიშვნელო, მაგრამ რეალურად საყრდენია მომავლისთვის. ბიზნესში არ ღირს პარტნიორის გამოცვლა — დრო ჯერ არაა. სიყვარულში კი, თუ ძველი ჭრილობები არ შეგხორცებიათ, დღეს ვერ იკურნებით — მოითმინეთ.
ლომი (23 ივლისი – 22 აგვისტო)
დღეს დაგჭირდება თავმდაბლობა, რაც ლომისთვის ცოტათი იშვიათი ვარჯიშია. ჯანმრთელობა – გადაღლილობა და თვალების დაღლა იგრძნობა, ეცადეთ არ დააცხრეთ ყველაფერს. ოჯახში ბავშვთან ან უფროსთან ერთი თბილი სიტყვა მთელ ატმოსფეროს შეცვლის. კარიერაში — შეგიძლიათ თამამად წარმოადგინოთ იდეა, ოღონდ ზედმეტი დრამის გარეშე. ბიზნესში — მოსალოდნელია უცაბედი შეთავაზება, რომელიც დაფიქრების გარეშე არ უნდა მიიღოთ. სიყვარულში – ცეცხლი ჩაქრა? ეცადეთ სიტყვით გააღვივოთ და არა პრეტენზიით.
ქალწული (23 აგვისტო – 22 სექტემბერი)
დღე პრაქტიკულია, როგორც თქვენ გიყვართ — მაგრამ ყველა სხვას ასე არ ეწყობა. ჯანმრთელობა დასაშვებია, ოღონდ ჭარბი კონტროლი არ უნდა შეგეშალოთ იპოქონდრიაში. ოჯახში ტრადიციული მიდგომები გაამართლებს — ახლობლებს სჭირდებათ სტაბილურობის განცდა. კარიერაში — ვიღაც ცდილობს თქვენი პრინციპების გადალახვას; არ დათმოთ, მაგრამ არც გაიჭედოთ. ბიზნესში ფულის ანალიზი მოგიტანთ მოულოდნელ იდეას. სიყვარულში კი — ზედმეტი კრიტიკა შეიძლება დაგვიჯდეს ძვირი, დროული კომპლიმენტი კი — სასწაულებს ქმნის.
სასწორი (23 სექტემბერი – 22 ოქტომბერი)
ენერგია ცოტაა, მაგრამ ფაქიზი ჭკუა კარგად გაგიყვანთ დღეში. ჯანმრთელობა მოითხოვს ყურადღებას — ალერგიები ან კანის გაღიზიანება მოსალოდნელია. ოჯახში ცდილობენ რბილად გითხრან სიმართლე — ნუ აიღებთ თავდაცვით პოზიციას. კარიერაში თქვენი დიპლომატია სასწაულებს ახდენს — გამოიყენეთ, ოღონდ არა ზურგს უკან. ბიზნესში კარგი დღეა პარტნიორული დიალოგისთვის. სიყვარულში კი — ბევრი არაა საჭირო, რომ გრძნობებმა გაიხაროს — ერთი ჟესტიც კმარა.
მორიელი (23 ოქტომბერი – 21 ნოემბერი)
მძიმეა, მაგრამ მტკიცე ხართ. ჯანმრთელობა — გადამეტებული ემოცია შეიძლება გამოიხატოს გულის არეში დისკომფორტით. ოჯახში თქვენს მოთმინებას გამოცდიან — შეინარჩუნეთ შინაგანი სიმშვიდე. კარიერაში არ ღირს შურისძიებაზე ფიქრი — შეინახეთ ენერგია უფრო ჭკვიან ნაბიჯზე. ბიზნესში მკვეთრი სვლა შეიძლება მოგებაც იყოს და დაკარგვაც — გაანალიზეთ ზუსტად. სიყვარულში — ფარული ემოციები ზედაპირზე ამოვა. თუ მზად ხართ, თქვით; თუ არა — არ ითამაშოთ სხვის გრძნობებზე.
მშვილდოსანი (22 ნოემბერი – 21 დეკემბერი)
დღე კარგია მოგზაურობაზე ფიქრისთვის, თუნდაც ვერ წახვიდეთ. ჯანმრთელობა — კუნთოვანი ტკივილები ან სახსრებთან დაკავშირებული პრობლემები თავს შეგახსენებთ. ოჯახში იუმორის გრძნობა სიტუაციას გადაარჩენს. კარიერაში — ირგვლივ შფოთი იზრდება, მაგრამ თქვენ თუ ხართ მშვიდი, სხვებიც დამშვიდდებიან. ბიზნესში ფულთან დაკავშირებული გადაწყვეტილება დღის მეორე ნახევარში მიიღეთ. სიყვარულში — ბევრი თავისუფლება კი გიყვართ, მაგრამ ცოტა გულწრფელობა სასწორზე გადაგარჩენთ.
თხის რქა (22 დეკემბერი – 19 იანვარი)
მოწესრიგებული დღეა, თუმცა ერთი სიურპრიზი მაინც შემოგეპარებათ. ჯანმრთელობა — ხერხემალი ან წელის არე მოითხოვს ყურადღებას. ოჯახში შეგიძლიათ გახდეთ ლიდერი — არა მკაცრი, არამედ მზრუნველი. კარიერაში — ერთი ახალი პროექტი ან საქმე შეიძლება გახდეს თქვენი მომავალი აღმასვლის კიბე. ბიზნესში — გადაჭარბებული ეკონომია დროში ცუდ შედეგს მოიტანს, ნუ გააიაფებთ ხარისხს. სიყვარულში — რუტინა ემუქრება ურთიერთობას, დაგეგმეთ მცირე სასიამოვნო ცვლილება.
მერწყული (20 იანვარი – 18 თებერვალი)
დღეს ორიგინალურ იდეებს ვერავინ შეგედრება, მაგრამ მათი გაზიარება სიფრთხილეს მოითხოვს — ზოგმა შეიძლება მოიპაროს. ჯანმრთელობა სტაბილურია, თუ ღამით კარგ ძილს არ დააკლებთ. ოჯახში არ გაგიკვირდეთ მოულოდნელი ამბავი — არაა აუცილებელი ცუდი იყოს, უბრალოდ ახლებური. კარიერაში — ვიღაც ეჭვობს თქვენზე, მაგრამ თქვენი საქმე საბოლოოდ დაამტკიცებს სიმართლეს. ბიზნესში — დროა ექსპერიმენტს მისცეთ სივრცე, თუნდაც მცირე მასშტაბით. სიყვარულში — ურთიერთობაში მეტი სივრცე და ცოტა საიდუმლო უფრო იზიდავს თქვენს პარტნიორს.
თევზები (19 თებერვალი – 20 მარტი)
ემოციური დღეა — იფიქრებთ ათ რამეზე ერთდროულად. ჯანმრთელობა — წყლის ბალანსი და საკვების რეჟიმი დაალაგეთ. ოჯახში — თქვენი სითბო ბევრს გადაარჩენს, ამიტომ არ დაიშუროთ. კარიერაში შეიძლება მოგთხოვონ ის, რაც თქვენთვის ემოციურად ზედმეტია — ასახსნელია, რომ არც თქვენ ხართ უღელქვეშ გაჩერებული. ბიზნესში ერთმა პატარა კონტაქტმა შეიძლება დიდი შესაძლებლობა გახსნას. სიყვარულში — თქვენ გჭირდებათ მეტი სითბო და ამის თქმაც არ შეგრცხვეთ — საყვარელი ადამიანი ვერ კითხულობს ფიქრებს, თევზებო.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
