,
რას გვირჩევენ ვარსკვლავები 3 ივნისისთვის:
ვერძი (21 მარტი - 20 აპრილი)
ამ დღეს ისეთ შეთავაზებას მიიღებთ, რომელზედაც უარის თქმა გაგიჭირდებათ. ის სრულიად ახალ, განსხვავებულ შესაძლებლობებს დაგანახვებთ. თუ დილას გეჩვენებათ, რომ მარტო ყველა დავალებას ვერ გაუმკლავდებით, დღის მეორე ნახევარში საკუთარ შესაძლებლობებში ბოლომდე დარწმუნებული იქნებით. გირჩევთ, საღამოს სტუმრად წახვიდეთ - ახლა სახლის გარეთ ყოფნა გჭირდებათ.
კურო (21 აპრილი - 21 მაისი)
ეს დღე ბევრ თავსატეხსა და საიდუმლოს უკავშირდება, რომელთა ამოხსნაც კუროს მოუწევს. ნუ მოუსმენთ „ჭკუის დამრიგებლებს“ - ისინი არასწორ რჩევებს გაძლევენ. უმჯობესია, საკუთარი სიბრძნე და ინტუიცია გამოიყენოთ. ისინი სწორი მიმართულებით წაგიყვანენ და თქვენს ყველა კითხვაზე პასუხს იპოვით. ეცადეთ, დღის მეორე ნახევარი ღია ცის ქვეშ გაატაროთ.
ტყუპები (22 მაისი - 21 ივნისი)
ეს დღე ახალ შესაძლებლობებს მოგიტანთ. შეგიძლიათ თამამად დადოთ გარიგებები, პარტნიორებს შეხვდეთ და თანამშრომლები დაიქირაოთ - ვერც კი შეამჩნევთ, რამდენად სწრაფად მოაგვარებთ ყველა ამოცანას და ყველაფერი საუკეთესოდ გამოვა. სრული უფლება გაქვთ, საღამოს მხიარულად და ხმაურიანად დაისვენოთ. მით უმეტეს, რომ განწყობაც შესაბამისი გაქვთ.
კირჩხიბი (22 ივნისი - 22 ივლისი)
ეცადეთ, დღის უმეტესი ნაწილი სახლის გარეთ, სუფთა ჰაერზე გაატაროთ. ახლა ყველაზე მეტად განტვირთვა და დადებითი ენერგიის დამუხტვა გჭირდებათ. მუშაობა გიჭირთ, ახალი იდეები არ გაქვთ, მენეჯმენტი კი თქვენგან შეუძლებელს ითხოვს. ეცადეთ, ამ რიტმს საღამომდე გაუძლოთ, რადგან საღამოს, სახლში კვლავ სიმშვიდეს და საყვარელი ადამიანების მხარდაჭერას იგრძნობთ.
ლომი (23 ივლისი - 23 აგვისტო)
დღის პირველ ნახევარში გამორიცხული არ არის მცირე კონფლიქტი. გარშემო მყოფები თქვენს მხარს დაიჭერენ, ამიტომ განსაკუთრებულ პრობლემებს არ უნდა ელოდოთ. ეცადეთ, სიმშვიდე შეინარჩუნოთ, თუმცა საკუთარი პრინციპებზე უარი არ თქვათ. რაც მთავარია, პრობლემის მოგვარება სამომავლოდ არ გადადოთ.
ქალწული (24 აგვისტო - 23 სექტემბერი)
ამ დღეს სამომავლო გზის არჩევა მოგიწევთ. ეცადეთ, არ აჩქარდეთ, რადგან ამ არჩევანზეა დამოკიდებული თქვენი კარიერა და ფინანსური მდგომარეობა. რჩევას არავისგან ელოდოთ - ყველაფერი თავად უნდა გადაწყვიტოთ. საყვარელი ადამიანის მხარდაჭერა საშუალებას მოგცემთ, ბნელი აზრებისგან გათავისუფლდეთ. ეცადეთ, მასზე მასზე თქვენი დაღლილობა და ცხოვრებით უკმაყოფილება არ გადაიტანოთ.
სასწორი (24 სექტემბერი - 23 ოქტომბერი)
პირადი ცხოვრების პრობლემები მუშაობაში ხელს გიშლით, მაგრამ კოლეგების დახმარებით და უსიამოვნო შეცდომებს თავიდან აიცილებთ. პრობლემების პირისპირ არც მეგობრები დაგტოვებენ. ახლობელ ადამიანთან ურთიერთობა გაგრძელდება, თუ მის ეშმაკობას დროულად მიხვდებით და შეწყვეტთ. ამ დღეს ადამიანების მოხიბვლის უნარი იმაზე უფრო სასარგებლო იქნება, ვიდრე ოდესმე.
მორიელი (24 ოქტომბერი - 22 ნოემბერი)
პლანეტების განლაგება პროფესიულ საქმიანობაში სიფრთხილისკენ მოგიწოდებთ. ეცადეთ გონივრულად იმოქმედოთ, მაგრამ მეტისმეტი სიფრთხილე საჭირო არაა. მეგობრები ქმედით დახმარებას ვერ გაგიწევენ, თუმცა მორალურად თქვენ გვერდით იქნებიან.
მშვილდოსანი (23 ნოემბერი - 21 დეკემბერი)
ამ დღეს ეცადეთ, ყურადღება მნიშვნელოვან საკითხებზე გაამახვილოთ. ყოველდღიურ წვრილმანებზე დროს ნუ დაკარგავთ. პრობლემების მოგვარებას სამომავლოდ ნუ გადადებთ და მთელი ენერგია გადაჭრისკენ მიმართეთ. დახმარებაზე უარს ნუ იტყვით. ზოგჯერ ეს საშუალებას გაძლევთ, სიტუაციას სხვა თვალით შეხედოთ და საკუთარი შეცდომები დაინახოთ. დღის მეორე ნახევარში საშუალება გექნებათ დაისვენოთ და ურთიერთობით დატკბეთ.
თხის რქა (22 დეკემბერი - 20 იანვარი)
თხის რქებს რთული და არახელსაყრელი დღე ელით. ამ დღეს სასურველ შედეგს შესაძლოა, დამქანცველი მუშაობის შედეგადაც კი ვერ მიაღწიოთ. სირთულეებთან გამკლავებაში იუმორის გრძნობა და ოპტიმისტური განწყობა დაგეხმარებათ. პირად ურთიერთობაში ყველაფერი მშვენივრადაა. გირჩევთ, აქტიური დასვენება და ერთობლივი მოგზაურობა დაგეგმოთ.
მერწყული (21 იანვარი - 18 თებერვალი)
თქვენი საიდუმლო გაცხადდება და მოვლენების ცენტრში აღმოჩნდებით. ახლობელი ადამიანების დასამშვიდებლად მთელი თქვენი დიპლომატიური უნარების გამოვლენა მოგიწევთ. წინააღმდეგ შემთხვევაში, დამნაშავედ გამოგაცხადებენ. საღამოს კი სიტუაცია გამოსწორდება და თავისუფლად ამოისუნთქავთ.
თევზები (19 თებერვალი - 20 მარტი)
ენერგიით სავსე ხართ. ეცადეთ, ეს შესაძლებლობა სამუშაო და პირად ურთიერთობებში გამოიყენოთ. დღეს ისეთ საკითხში გაგიმართლებთ, რომელიც მახვილგონიერებას და სისწრაფეს მოითხოვს. ყველაფერში საუკეთესო შედეგს დადებთ, რასაც შეამჩნევენ და დააფასებენ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
