,
რას გვირჩევენ ვარსკვლავები 3 იანვრისთვის:
ვერძი
ამ დღისთვის არაფერი დაგეგმოთ, რადგან, დიდი ალბათობით, მოვლენების მოულოდნელი განვითარება გეგმების შეცვლას გაიძულებთ. უმჯობესია, რომ ეს დღე მთლიანად გართობას და სასიამოვნო საქმეებს დაუთმოთ. გარშემო მყოფთა კრიტიკულ შენიშვნებს გულთან ახლოს ნუ მიიტანთ. ეცადეთ საყვარელ ადამიანს მეტი ყურადღება მიაქციოთ. კარგი დღეა რომანტიკული შეხვედრისთვის.
კურო
ვარსკვლავები გირჩევენ, რომ ახალი ვალდებულებების აღებამდე ძველი დაასრულოთ და ამისთვის ეს ხელსაყრელი დღეა. ეცადეთ, გვერდით გყავდეთ ადამიანი, რომელიც რეალობის აღქმაში დაგეხმარებათ. ძველი კონტაქტები არ დაკარგოთ, რომ საჭირო დროს მათთან დაკავშირება შეძლოთ.
ტყუპები
ძველ მეგობრებთან და დიდი ხნის უნახავ ნათესავებთან ურთიერთობა სიამოვნებას მოგანიჭებთ. წვეულებაზე შესაძლოა, ვიღაც ისეთის ყურადღება მიიქციოთ, ვინც მომავალში თქვენი მოკავშირე გახდება. არსებობს მოულოდნელი შემოსავლის მიღების შანსი, თუმცა საბოლოო შედეგი თქვენს გადაწყვეტილებაზეა დამოკიდებული. იზრუნეთ ჯანმრთელობაზე - სასურველია, რომ ალკოჰოლის და ცხიმიანი კერძების მიღება შეზღუდოთ.
კირჩხიბი
დროა ჩატარებული სამუშაოს შედეგები შეაჯამოთ და პროფესიულ სფეროში ახალი მიზნები დაისახოთ. ეცადეთ საკუთარი თავს „გარედან“ შეხედოთ და საკუთარი ძლიერი და სუსტი მხარეები შეაფასოთ. ყველაზე მეტად, ნაჩქარევი, ემოციური გადაწყვეტილების მიღებას უნდა მოერიდოთ და კარგად შედგენილ გეგმას უნდა მიჰყვეთ.
ლომი
მეგობრებისა თუ ნაცნობების დახმარებით მნიშვნელოვან საკითხს მოაგვარებთ. გირჩევთ, თავდაპირველ გეგმას მიჰყვეთ და არაფერი შეცვალოთ. წინააღმდეგ შემთხვევაში უამრავ დროს უშედეგოდ დაკარგავთ. ამ დღეს ყველაზე მეტად სხვის საქმეებში ჩარევას და რჩევების მიცემას უნდა მოერიდოთ - მით უფრო, თუკი ამის შესახებ არ გთხოვენ. არსებობს მოულოდნელი შემოსავლის მიღების შანსი, რომელიც აუცილებლად უნდა გამოიყენოთ.
ქალწული
ამ დღისთვის მკაფიოდ შედგენილი გეგმა გჭირდებათ, რადგან ნაჩქარევი და იმპულსური მოქმედება სავალალო შედეგს მოგიტანთ. გირჩევთ, სიტყვები და ემოციები აკონტროლოთ, რათა უნებურად, თანამოსაუბრე არ შეურაცხყოთ. ამ დღეს დამოუკიდებლად, სხვების დახმარების გარეშე უნდა იმუშაოთ, რადგან ეს სასურველი შედეგის მიღწევას გაგიადვილებთ.
სასწორი
ვარსკვლავები გირჩევენ, რომ სხვის საქმეებში არ ჩაერიოთ. ახლო მეგობრებთან ურთიერთობაში შესაძლოა, დაძაბულობამ თავი იჩინოს. გირჩევთ, პაუზა აიღოთ და გარკვეული დრო განმარტოებით გაატაროთ. მნიშვნელოვანი გადაწყვეტილებების მიღება, უმჯობესია, სხვა დროისთვის გადადოთ.
მორიელი
ახლო მეგობრებთან ურთიერთობაში შესაძლოა დაძაბულობამ თავი იჩინოს, ამიტომ ეცადეთ ურთიერთობები შეზღუდოთ და ემოციები აკონტროლოთ. მალე პლანეტების ხელსაყრელი განლაგების წყალობით ახალი მოკავშირეების პოვნას და ოპონენტების დარწმუნებას შეძლებთ. ეცადეთ, თქვენი პირადი ურთიერთობები გააანალიზოთ და კომუნიკაციის სტილი შეცვალოთ.
მშვილდოსანი
ამ დღეს მოზღვავებული ემოციები მუშაობაშიც და ურთიერთობებშიც ხელს გიშლით, ამიტომ უმჯობესია რთულ ამოცანებსა და მოლაპარაკებებზე უარი თქვათ. ახლობლებმა ადამიანებმა შეიძლება რაღაც სიურპრიზით გაგახარონ. ყურადღებით იყავით - შესაძლოა, წარმატებას ერთი ნაბიჯი გაშორებთ. შეთავაზებაზე, რომელსაც მალე მიიღებთ, უარი არ უნდა თქვათ.
თხის რქა
გავლენიანმა ადამიანებმა, რომლებსაც დღეს შეხვდებით, შესაძლოა დახმარება ან მფარველობა შემოგთავაზონ, ამიტომ მიწვევაზე უარს ნუ იტყვით და ყველა იმ შესაძლებლობით ისარგებლეთ, რომელიც ამ დღეს გექნებათ. ნუ ცდილობთ, სასურველი რეალობად აღიქვათ – ეს აუცილებლად დანაკარგებს გამოიწვევს.
მერწყული
მოერიდეთ კამათს, საკუთარი სიმართლის მტკიცებას და დაპირისპირებას. გირჩევთ, ახალ გარემოებებს არ შეეწინააღმდეგოთ და შეძლებისდაგვარად, მოერგოთ. დაგეგმილი მოგზაურობა საინტერესო და ნაყოფიერი იქნება – შეიძლება თქვენი მომავალი პროექტისთვის მშვენიერი იდეა იპოვოთ.
თევზები
ვარსკვლავები გირჩევენ, რომ 3 იანვარს დაწყებული საოჯახო საქმეები დროულად დაასრულოთ და საღამოს საყვარელი საქმისთვის დრო გამონახოთ. დაგეგმილი მოგზაურობა საინტერესო და ნაყოფიერი იქნება - თქვენ შეძლებთ, იპოვოთ იდეები მომავალი პროექტისთვის. უმჯობესია მნიშვნელოვანი გადაწყვეტილებები სამომავლოდ გადადოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
