რას გვირჩევენ ვარსკვლავები 29 იანვრისთვის:

ვერძი (21 მარტი - 20 აპრილი)

ძველი გამოცდილების და უკვე არსებული შედეგების გათვალისწინებით, პროფესიულ სფეროში ბევრ რამის მიღწევა შეგიძლიათ. თვეების მიხედვით შედგენილი, მკაფიო გეგმა დავალების შესრულებას გაგიადვილებთ, მეგობრებთან შეხვედრა კი განწყობას აგიმაღლებთ. ნუ მისცემთ გარშემო მყოფებს თქვენით მანიპულირების საშუალებას, მაგრამ თუ დახმარება შეგიძლიათ, დაეხმარეთ.

 კურო (21 აპრილი - 21 მაისი)

გირჩევთ, გეგმა ნაწილებად დაყოთ და თითოეული ცალ-ცალკე განახორციელოთ. ასე რთულ პრობლემებსაც კი სწრაფად და წარმატებით გადაჭრით. ვიღაც შეეცდება, თქვენი სიკეთით ისარგებლოს და საკუთარი პასუხისმგებლობა გადმოგაბაროთ, მაგრამ ამის საშუალება არ უნდა მისცეთ. ვარსკვლავები გირჩევენ, საღამო აქტიურად და მხიარულად გაატაროთ.

ტყუპები (22 მაისი - 21 ივნისი)

ეს დღე დიდი და რთული საქმეების მოსაგვარებლად არახელსაყრელია, ამიტომ რამდენიმე დღე უნდა მოითმინოთ. მანამდე კი გირჩევთ საყოფაცხოვრებო საკითხების მოგვარებას და ოჯახის წევრებთან ურთიერთობას. გახსოვდეთ, ცხოვრება ბევრად უფრო ადვილია, როდესაც საკუთარ განცდებს ან საზრუნავს საყვარელ ადამიანებს უზიარებთ.

კირჩხიბი (22 ივნისი - 22 ივლისი)

ამ დღეს მნიშვნელოვანი მოლაპარაკებები ან რთული პროექტის დაწყება არ უნდა დაგეგმოთ. ყურადღებით მოუსმინეთ საუბრებს თქვენს გარემოცვაში, რათა მნიშვნელოვანი ინფორმაცია არ გამოტოვოთ. როგორც არ უნდა გაჩქარებდნენ, მშვიდად იმუშავეთ და ურთიერთობები შეზღუდეთ, რომ დაპირისპირება თავიდან აიცილოთ.

ლომი (23 ივლისი - 23 აგვისტო)

ამ დღეს ისეთი საქმის კეთება მოგიწევთ, რომელიც არ მოგწონთ. თქვენი გეგმები ვითარებიდან გამომდინარე, იცვლება, ამიტომ 29 იანვარს მნიშვნელოვანი შეხვედრები ან ღონისძიებები არ უნდა დაგეგმოთ. რაც შეიძლება მეტის და რაც შეიძლება სწრაფად კეთების სურვილმა შეიძლება შეცდომა და იმედგაცრუება გამოიწვიოს. გაატარეთ საღამო მშვიდ გარემოში.

ქალწული (24 აგვისტო - 23 სექტემბერი)

ეცადეთ, თავიდან აიცილოთ რთული სამუშაო ან დამატებითი ვალდებულებები. მეტი ყურადღება მიაქციეთ საყვარელ ადამიანებს, რომლებსაც თქვენი მხარდაჭერა სჭირდებათ. ამ დღეს უცნობებთან ურთიერთობა მინიმუმამდე უნდა შეამციროთ. მარტოობაში, მშვიდად გატარებული საღამო ძალის აღდგენაში დაგეხმარებათ.

სასწორი (24 სექტემბერი - 23 ოქტომბერი)

ეცადეთ, ამ დღეს მოვლენების შუაგულში იტრიალოთ და ყველაფერი აკონტროლოთ, რაც თქვენ გარშემო ხდება. ეს საშუალებას მოგცემთ, სიტუაციას თქვენთვის საჭირო მიმართულება მისცეთ. ცვლილებებისთვის არახელსაყრელი დროა, ამიტომ ვარსკვლავები გირჩევენ, ძველი მეთოდებით, აუჩქარებლად იმოქმედოთ. ნუ გაუმხელთ საკუთარ საიდუმლოს ადამიანს, რომელმაც საიდუმლოს ფასი არ იცის.

მორიელი (24 ოქტომბერი - 22 ნოემბერი)

დაწყებული სამუშაოს დასასრულებლად და შედეგების შესაჯამებლად ხელსაყრელი დღეა. ეცადეთ, ღრუბლებიდან მიწაზე დაეშვათ და რეალობას თვალებში ჩახედოთ. მოვლენები თვითდინებაზე არ უნდა მიუშვათ, რადგან ეს ქაოსამდე მიგიყვანთ. ვარსკვლავები გირჩევენ, რომ სასურველი მიზნის მისაღწევად სესხის აღებას მოერიდოთ და ფულის დაგროვება დაიწყოთ.

მშვილდოსანი (23 ნოემბერი - 21 დეკემბერი)

ამ დღეს სახლში ჯდომა დანაშაულია. შესანიშნავი დღეა ახალი ურთიერთობებისა და თანამოაზრეების აღმოსაჩენად. თუ რაიმე მნიშვნელოვანი საქმის დაწყებას გეგმავთ, ის რამდენიმე ნაწილად გაყავით. ეს სწრაფად რეაგირებას და წარმატების მიღწევას გაგიადვილებთ. ეცადეთ, ემოციები აკონტროლოთ და ჯანმრთელობა არ დაიზიანოთ - გადაღლამ შეიძლება მოულოდნელი პრობლემები გამიწვიოს.

თხის რქა (22 დეკემბერი - 20 იანვარი)

ამ დღეს ზედმეტი აქტიურობა დაღლილობას და ჯანმრთელობის პრობლემებს მოგიტანთ. სავარაუდოდ, ამის გამო გეგმების შეცვლა და მნიშვნელოვანი შეხვედრების გადადება მოგიწევთ. ყურადღება მიაქციეთ ნებისმიერ დეტალს - დღეს ისინი ძალიან მნიშვნელოვანია.

 მერწყული (21 იანვარი - 18 თებერვალი)

ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. გარშემო ყურადღებით მიმოიხედეთ და ეცადეთ, გარემოებების წარმატებული დამთხვევით ისარგებლოთ. თავი შეიკავეთ უცნობ ადამიანებთან საკუთარ გეგმებზე საუბრისგან - შესაძლოა, ვიღაცამ თქვენი იდეების მითვისება მოინდომოს.

თევზები (19 თებერვალი - 20 მარტი)