,
არჩევანის წინაშე ხართ - ფიქრობთ საკუთარ საქმეს მიხედოთ თუ მეგობრებსა და ნათესავებს დაეხმაროთ. თუ გონივრულად და წინდახედულად იმოქმედებთ, შეიძლება ყველა ჩანაფიქრი განახორციელოთ. დღის მეორე ნახევარი ხელსაყრელია საახალწლო შოპინგისთვის.
არახელსაყრელი დღეა სოციალურ ღონისძიებებზე დასასწრებად. შესაძლოა, თქვენი გულუხვობა ფინანსურ მდგომარეობაზე უარყოფითად აისახოს. მოსალოდნელია დაუგეგმავი ხარჯები. ეცადეთ, ცდუნებებს გაუმკლავდეთ და საკუთარ მოქმედებებში მეტი პასუხისმგებლობა გამოიჩინოთ. სამსახურში ფინანსური ბონუსი ან ფასიანი საჩუქარი გელით.
შესაძლოა, უფროსის ნათქვამმა სიტყვებმა ძალიან გაგაღიზიანოთ. სამსახურში გარკვეული ცვლილებები გელით. ნებისმიერ კამათში ძლიერი არგუმენტები გაქვთ, რაც მოწინააღმდეგეს ფარ-ხმალს დააყრევინებს. მთავარია, სიტუაცია არ გაართულოთ – თქვენი წარმატების საიდუმლო მონდომებასა და სიმარტივეშია. ხელსაყრელი დღეა საყვარელ ადამიანთან ერთად გასართობ ად წასვლისთვის, ასევე ერთობლივი შოპინგისთვის. მარტოხელა ტყუპებს საინტერესო ნაცნობობა ელით.
კირჩხიბი მოგზაურობაზე და საშობაოდ მორთული შორეული ქვეყნების ნახვაზე ოცნებობს, მაგრამ იმდენი საქმე აქვს, სამსახურიდან გასვლას ვერ ახერხებს. მოსალოდნელია გარკვეული პოზიტიური ცვლილებები. დროა, გათავისუფლდეთ იმისგან, რაც აღარ გჭირდებათ. ეს დღე ხელსაყრელია ძველი პრობლემების მოგვარებისთვის. მოუცლელობის მიუხედავად, ეცადეთ, რომ ცოტა ხნით სუფთა ჰაერზე გაისეირნოთ.
შესაძლოა მეგობრებთან ურთიერთობაში ცვლილებები მოხდეს. გირჩევთ, ამ დღეს ხალხმრავალ ადგილებში სიარულს და ტოქსიკურ ადამიანებთან ურთიერთობას მოერიდოთ და მათ შეფარულ პროვოკაციებს სიმშვიდით უპასუხოთ. სასურველია, საღამო ოჯახთან ერთად გაატაროთ და ბავშვებს მეტი ყურადღება მიაქციოთ. მარტოხელა ლომებს ინტერნეტში საინტერესო ადამიანის გაცნობის საშუალება ექნებათ და სავარაუდოდ, ეს ურთიერთობა დიდხანს გაგრძელდება.
სამსახურში გარკვეული ცვლილებებისა და სიახლეების მიღება გიჭირთ და ამის გამო შეიძლება, უფროსის შენიშვნა დაიმსახუროთ. სავარაუდოდ, დღესასწაულის წინ ახლობელი ადამიანისგან ფინანსურ დახმარებას მიიღებთ. ეცადეთ, ფული გონივრულად დახარჯოთ, რათა ნაახალწლევს უფულოდ არ დარჩეთ. ვარსკვლავები ენერგიას მოგცემენ, რაც ამ ეტაპზე ძალიან გჭირდებათ და თქვენს მოტივაციას აამაღლებს.
სამსახურში, სავარაუდოდ, ბოლოდროინდელ ცვლილებებთან და ახალ მოვალეობებთან შეგუება გიჭირთ, მაგრამ მოგიწევთ, ეს დამოკიდებულება დაძლიოთ. თუსაღამო საკმაოდ სასიამოვნო და ნაყოფიერი იქნება, განსაკუთრებით თუ მეგობრულ წრეში ან რომანტიკულ გარემოში გაატარებთ. მარტოხელა სასწორს შანსი ექნება, პირად ცხოვრებაში სიახლე შეიტანოს. ხელსაყრელი დღეა რომანტიკული ნაცნობობისთვის.
კარგი დღეა, მაგრამ ნაჩქარევმა გადაწყვეტილებებმა და დაუფიქრებლად ნათქვამმა სიტყვებმა შეიძლება ყველაფერი გააფუჭოს. არ არის გამორიცხული, ძველი, გამოცდილი ნაცნობის რჩევა დაგჭირდეთ, რომელიც ძალიან დაგეხმარებათ.
ახალგაცნობილ ადამიანთან ურთიერთობაში სიფრთხილე უნდა გამოიჩინოთ - მან, შეიძლება თქვენი სიკეთე ბოროტად გამოიყენოს. დღის მეორე ნახევარი ხელსაყრელია ინფორმაციის ანალიზისთვის.
თუ ვინმესთან გულწრფელი საუბარი და გულის გადაშლა მოგინდებათ, თანამოსაუბრე ფრთხილად უნდა შეარჩიოთ, რომ მან თქვენი პირადი ინფორმაცია თავისი მიზნებისთვის არ გამოიყენოს. ამ დღეს საკუთარი თავისგან ძალიან ბევრს ითხოვთ. ეცადეთ გააცნობიეროთ, რომ აჩქარება და ერთდროულად რამდენიმე საქმის კეთება არაფერში გჭირდებათ.
მშვენიერი დღეა მეგობრებთან ერთად გასატარებლად, მაგრამ ეცადეთ ,ფულთან სიფრთხილე გამოიჩინოთ და ყველაფერი ერთბაშად არ დახარჯოთ, თორემ ახალ წელს ჯიბეცარიელი შეხვდებით. შესაძლოა, მხარდაჭერა იქიდან მიიღოთ, საიდანაც არ ელით. დახმარებაზე უარს ნუ იტყვით, როგორი უმნიშვნელოც არ უნდა გეჩვენოთ.
ხელსაყრელი დღეა რომანტიკული პაემნებისთვის, ნათესავებთან და მშობლებთან ურთიერთობისთვის. არ არის გამორიცხული, საინტერესო ამბავი გაიგოთ. ნუ შეეწინააღმდეგებით თქვენს ცხოვრებაში შემოსულ ცვლილებებს. ეცადეთ, მავნე ჩვევებისგან გათავისუფლდეთ. შედეგად უზარმაზარ ფიზიკურ და სულიერ პოტენციალს შეიძენთ, რაც ცხოვრებისეული სირთულეების დაძლევაში დაგეხმარებათ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
