რას გვირჩევენ ვარსკვლავები 28 ივნისისთვის:

ვერძი (21 მარტი - 20 აპრილი)

ნებისმიერი წვრილმანი ყურადღებას გიფანტავთ, რაც ნაყოფიერად მუშაობაში ხელს გიშლით. ამ დღეს მნიშვნელოვანი საქმეების დაწყებისგან თავის შეკავება ჯობს. არ მიიღოთ საქმიანი შეთავაზება - დროს უშედეგოდ დაკარგავთ და სარგებელს ვერ ნახავთ.

კურო (21 აპრილი - 21 მაისი)

როგორც ხშირად ხდება, საყვარელი ადამიანების პრობლემების მოგვარებას მეტ დროს და ენერგიას უთმობთ, ვიდრე საკუთარ მოვალეობებს. გინდათ თუ არა, დრო უნდა გამონახოთ, რომ დაწყებული საქმეები დაასრულოთ. სასურველია, საღამო განმარტოებით გაატაროთ და უახლოესი დღეების გეგმა შეადგინოთ.

ტყუპები (22 მაისი - 21 ივნისი)

ამ დღეს უმჯობესია, მნიშვნელოვანი საქმეები მარტომ აკეთოთ. გარშემო მყოფი ადამიანების საუბარი ყურადღებას გიფანტავთ დ სასურველი შედეგის მიღწევას ვერ ახერხებთ. ეცადეთ, დასვენებისა და ძალების აღდგენისთვის დრო გამონახოთ.

კირჩხიბი (22 ივნისი - 22 ივლისი)

ამ დღეს ყველაზე მეტად გადაწყვეტილების მიღება და მნიშვნელოვან კითხვებზე პასუხის პოვნა გიჭირთ, ამიტომ გირჩევთ, მნიშვნელოვანი საქმეების მოგვარება სხვა დროისთვის გადადოთ. გახსოვდეთ, რომ მძიმე ფიზიკური და გონებრივი შრომა თქვენს ჯანმრთელობაზე ცუდად აისახება. უსმინეთ საკუთარ სხეულს და მიეცით საშუალება, რომ დაისვენოს.

ლომი (23 ივლისი - 23 აგვისტო)

გინდათ თუ არა, ამ დღეს წესების დაცვა და გარკვეულ ჩარჩოებში მოქმედება მოგიწევთ. სასურველი შედეგის მიღწევაში ეს უფრო დაგეხმარებათ, ვიდრე სარისკო მეთოდები ან ექსპერიმენტები. გირჩევთ საქმეების დიდი გროვიდან ყველაზე მნიშვნელოვანი აირჩიოთ და დაასრულოთ, მეორეხარისხოვანი საქმეები კი სამომავლოდ გადადოთ.

ქალწული (24 აგვისტო - 23 სექტემბერი)

შესაძლოა, ამ დღეს სურვილი გაგიჩნდეთ, რომ გარშემო ბევრი რამ შეცვალოთ. შეგიძლიათ გარკვეული პრიორიტეტები მართლაც შეცვალოთ, მაგრამ სხვა ადამიანების გრძნობებს უნდა გაუფრთხილდეთ. ისიც გაითვალისწინეთ, რომ შესაძლოა, თქვენმა სურვილმა ახლობელ ადამიანს გული ატკინოს.

სასწორი (24 სექტემბერი - 23 ოქტომბერი)

არახელსაყრელი დღეა ურთიერთობებისა და გუნდური მუშაობისთვის. თუ მნიშვნელოვანი სამუშაოს დასრულება გსურთ, ამის გაკეთება მარტო, კოლეგების დახმარების გარეშე მოგიწევთ. მარტო მუშაობა საშუალებას მოგცემთ, ყურადღება მთავარ საკითხებზე გაამახვილოთ და უფრო დიდი მოცულობის სამუშაო შეასრულოთ, ვიდრე სხვა დროს.

მორიელი (24 ოქტომბერი - 22 ნოემბერი)

უჩვეულოდ გამახვილებული ინტუიციის წყალობით შეგიძლიათ მოვლენების განვითარება იწინასწარმეტყველოთ და სწორი გადაწყვეტილებები მიიღოთ. ეცადეთ, ვარსკვლავების მინიშნებები სწორად გაიგოთ და ნათქვამის ქვეტექსტს ჩასწვდეთ. ეს ორიენტირებაში დაგეხმარებათ და ნებისმიერი სიურპრიზისთვის მოგამზადებთ. გათავისუფლდით იმისგან, რაც განვითარების საშუალებას არ გაძლევთ.

მშვილდოსანი (23 ნოემბერი - 21 დეკემბერი)

ემოციურად დატვირთული დღეა. გარშემო განვითარებული მოვლენების შეფასება და სწორი გადაწყვეტილებების მიღება გიჭირთ. ადამიანს, რომელიც დიდი ხნის წინ პრობლემების მოგვარებაში უანგაროდ დაგეხმარათ, ახლა თქვენი მორალური დახმარება სჭირდება. გირჩევთ, ძველი გატაცება გაიხსენოთ, რომელიც ენერგიის აღდგენასა და სიმშვიდის დაბრუნებაში დაგეხმარებათ.

თხის რქა (22 დეკემბერი - 20 იანვარი)

მოულოდნელმა ინფორმაციამ შეიძლება გეგმების შეცვლა გაიძულოთ. ცვლილებებსა და სიახლეებზე არ უნდა ინერვიულოთ. ისინი თქვენ წინაშე ახალი შესაძლებლობების კარს გახსნიან, რომელიც აქამდე უხილავი იყო. პროფესიონალებთან ურთიერთობა ახალი პროექტების განხორციელებასა და კარიერულ ზრდაში დაგეხმარებათ.

 მერწყული (21 იანვარი - 18 თებერვალი)

შესაძლოა, საკუთარი უყურადღებობით საყვარელი ადამიანი გაანაწყენოთ, თუმცა ისიც კი აღიარებს, რომ ამ დღეს თქვენი ყველა გადაწყვეტილება და ნაბიჯი კარგად გააზრებულია და უნაკლოა. მომავლის გეგმები კი დამატებით განხილვას საჭიროებს, ამიტომ გირჩევთ, მათი განხორციელება დროებით გადადოთ.

თევზები (19 თებერვალი - 20 მარტი)