,
რას გვირჩევენ ვარსკვლავები 27 მარტს:
ვერძი
თქვენს ცხოვრებაში მნიშვნელოვანი ცვლილებების დრო დადგა და პროფესიული საქმიანობის შეცვლაც მათ რიცხვში შედის. შესაძლებლობები, რომლებსაც მიიღებთ, იმდენად მოულოდნელია, რომ შეიძლება არ დაიჯეროთ. მთავარია, დრო და შანსი ხელიდან არ გაუშვათ და სწრაფად იმოქმედოთ.
კურო
ახალი საქმის დაწყებისთვის არახელსაყრელი დღეა. ამ დღეს ყველა ურთიერთობის განმსაზღვრელი თქვენი პირადი სიმპათია ან ანტიპათია იქნება. არავითარ შემთხვევაში არ შეურაცხყოთ ან განაწყენოთ ადამიანი, რომელზედაც დამოკიდებული ხართ. ეს შეიძლება არა მხოლოდ სამსახურის და შემოსავლის, არამედ ჯანმრთელობის დაკარგვის ფასადაც დაგიჯდეთ.
ტყუპები
ამ დღის დევიზია „ყველაფერი ან არაფერი“. ის შესაძლებლობას მოგცემთ, რომ ყველაფერი მიიღოთ და მწვერვალზე ახვიდეთ ან პირიქით, ყველაფერი დაკარგოთ. თუ ერთ საქმეზე ფოკუსირებას შეძლებთ და რისკის არ შეგეშინდებათ, შეგიძლიათ სერიოზულ შედეგებს მიაღწიოთ.
კირჩხიბი
არ არის გამორიცხული, რომ ახალი ჰობი იპოვოთ, რომელიც საბოლოოდ, თქვენს მთავარ პროფესიად იქცევა. უსმინეთ საკუთარ სურვილებს. თუ ცეკვა გსურთ, იცეკვეთ, თუ გიყვართ, გამოუტყდით, თუ საკუთარი საქმის დაწყება გსურთ, უნდა დაიწყოთ. ამ დღეს ყველაფერი გამოგივათ.
ლომი
შესანიშნავი დღეა უფროსი თაობის ადამიანებთან ურთიერთობისთვის, მაგრამ ბავშვებთან ურთიერთობა დიდ ძალისხმევას წაიღებს. შეეცადეთ მათზე ზეწოლა არ მოახდინოთ. შესაძლოა, წინასწარმეტყველური სიზმარი ნახოთ, რომელიც მომავლის შესახებ გიამბობთ. საღამოს ეცადეთ, ხანდაზმული ნათესავები მოინახულოთ ან ტელეფონით მაინც დაეკონტაქტოთ
ქალწული
საქმის მიმართ პასუხისმგებლობით სავსე დამოკიდებულებით და პრინციპულობით გარშემო მყოფთა ნდობას და პატივისცემას მოიპოვებთ. ზედმეტად ნუღარ ეცდებით ადამიანებზე შთაბეჭდილების მოხდენას, ეს უკვე შეძელით.
სასწორი
მზად ხართ მეგობრებს პრაქტიკული რჩევებით დაეხმაროთ, მაგრამ არავინ გისმენთ. ამ დღეს ძვირად ღირებული ნივთის შეძენისგან თავი უნდა შეიკავოთ - ფულის დაზოგვის დროა. სიყვარულში, ნაზი პაემნის ნაცვლად, ქარიშხლიანი სცენა გელით. ოპონენტებთან შეთანხმებას ნუ ეცდებით, სამართლიანობის აღდგენა უნდა მოითხოვოთ.
მორიელი
მორიელის პიროვნებას სიყვარული აყალიბებს და სიყვარულივე ახდენს გავლენას მორიელის ღირებულებათა სისტემაზე. თქვენი სიყვარულის შუამავალი შეიძლება მეზობელი ან მეგობარი გახდეს. გრძნობებს ნუ დამალავთ, თქვენს ცხოვრებაში ბედნიერი მომენტები აღიქვით, როგორც ბედის საჩუქარი.
მშვილდოსანი
დღის მეორე ნახევარში დადებითი აურა შესუსტდება, სიამოვნებისკენ ლტოლვა კი გაიზრდება. დიდმა ტყუილმა შეიძლება მშვილდოსნის სულიერი ტრანსფორმაციის პროცესი შეანელოს. საჭირო არაა საოცნებო იდეალის ძიებაში პარტნიორები იცვალოთ. დროა, არჩევანი გააკეთოთ და პრიორიტეტები განსაზღვროთ.
თხის რქა
ხელსაყრელი დღე სულიერი ზრდისა და ჰარმონიული განვითარებისთვის. თუ ყურადღებით იქნებით, შეიძლება თქვენი მეორე ნახევარი იპოვოთ, რომელსაც დიდი ხანია, ელით. თუ ძალიან გინდათ, აუცილებლად მიიღებთ იმას, რაც ბედნიერებისთვის გაკლიათ.
მერწყული
ბევრი მერწყული ებრძვის ცდუნებას, რომ გაწყვეტილი ურთიერთობები არ აღადგინოს. ადამიანი, ვისთანაც სიყვარული გაკავშირებდათ, შეიძლება თქვენს ცხოვრებაში ისევ გამოჩნდეს. თუ საკუთარი სურვილში დარწმუნებული არ ხართ, გირჩევთ მხოლოდ ტელეფონზე საუბრით ან sms ურთიერთობით შემოიფარგლოთ.
თევზები
ამ დღეს ინტელექტუალურ საქმიანობასა და საკომუნიკაციო აღჭურვილობის შეძენასთან დაკავშირებული ხარჯები გელით. ეცადეთ, თქვენი ცხოვრება უფრო კომფორტული გახადოთ, მაგრამ გახსოვდეთ, რომ ბედნიერი მხოლოდ მაშინ იქნებით, როდესაც სხვა ადამიანებთან სრულფასოვან თანამშრომლობას შეძლებთ.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
