,
რას გვირჩევენ ვარსკვლავები 26 ოქტომბერისთვის:
ვერძი (21 მარტი - 20 აპრილი)
ინფორმაციის ნაკადში რომ არ დაიბნეთ, მხოლოდ იმას უნდა უსმინოთ, რაც თქვენს საქმიანობას ან ინტერესის სფეროს ეხება. ვარსკვლავების აზრით, ამ დღეს მნიშვნელოვანი სიახლეები მოსალოდნელი არ არის, ამიტომ შეგიძლიათ მოდუნდეთ და დაისვენოთ. საღამოს უწყინარ ხუმრობას შეიძლება ახლობელთან კონფლიქტი მოჰყვეს, ამიტომ ყურადღებით იყავით.
კურო (21 აპრილი - 21 მაისი)
გირჩევთ, დღის პირველი ნახევარი დაგროვილი საქმეების დასრულებას დაუთმოთ, რადგან სადილის შემდეგ ემოციური ფონი გაიზრდება, რაც კოლეგებთან ურთიერთობაზე აისახება. მოლაპარაკებები და დისკუსიები, თუ შესაძლებელია, რამდენიმე დღით გადადეთ, რადგან შეთანხმების მიღწევა გაგიჭირდებათ. ფრთხილად იყავით მანქანის მართვის დროს.
ტყუპები (22 მაისი - 21 ივნისი)
დღის პირველი ნახევარი დაძაბული იქნება. ეცადეთ, ემოციები აკონტროლოთ, რადგან დაუფიქრებლად ნათქვამმა ნებისმიერმა სიტყვამ შეიძლება ვითარება დაძაბოს. ამ დღეს წამოჭრილი პრობლემები რამდენიმე კვირის განმავლობაში გაგრძელდება.
კირჩხიბი (22 ივნისი - 22 ივლისი)
დღის მერე ნახევარში ფრთხილად უნდა იყოთ - მოსალოდნელია კონფლიქტი როგორც კოლეგებთან, ასევე საყვარელ ადამიანებთან. სავარაუდოდ, დაგეგმილი შეხვედრები თქვენგან დამოუკიდებელი მიზეზის გამო გაუქმდება. ამ დღეს ეცადეთ, მეტი თავშეკავება გამოიჩინოთ, რათა სიტუაციის ესკალაცია არ მოხდეს.
ლომი (23 ივლისი - 23 აგვისტო)
დღის პირველი ნახევარი კომუნიკაციის სიმარტივით და კარგი განწყობით გაგახარებთ. ეცადეთ, ვარსკვლავების კეთილგანწყობით ისარგებლოთ და ყველა მნიშვნელოვანი დავალება სადილამდე დაასრულოთ. საღამოს სიტუაცია შეიცვლება - შესაძლოა, ახლობელთან ურთიერთობის გარკვევა ან მოულოდნელად მივლინებაში წასვლა მოგიწიოთ.
ქალწული (24 აგვისტო - 23 სექტემბერი)
არ დაგეზაროთ და ყველა საინტერესო იდეა და აზრი, რომელიც ამ დღეს თავში მოგივათ, უბის წიგნაკში ჩაიწერეთ. მნიშვნელოვანი და რთული საქმეები უმჯობესია დღის პირველი ნახევრისთვის დაგეგმოთ. საღამოსთვის თქვენი ოპტიმისტური განწყობა შემცირდება. არ არის გამორიცხული სტრესული სიტუაცია, საიდანაც თავის დაღწევა მოგიწევთ.
სასწორი (24 სექტემბერი - 23 ოქტომბერი)
ამ დღეს მნიშვნელოვანი და საპასუხისმგებლო სამუშაოები დილისთვის უნდა დაგეგმოთ. საღამოს მოსალოდნელია ტექნიკური პრობლემები ან რთული საუბარი, რაც განწყობას გაგიფუჭებთ. შეეცადეთ, სიმშვიდე შეინარჩუნოთ და ხვალ მდგომარეობა გაუმჯობესდება. ეცადეთ, საყვარელი ადამიანების მიმართ მეტი ყურადღება გამოიჩინოთ - დღეს მათ თქვენი ზრუნვა და მხარდაჭერა სჭირდებათ.
მორიელი (24 ოქტომბერი - 22 ნოემბერი)
ამ დღეს მაღალი ემოციური ფონია. სავარაუდოდ, დილიდან უამრავი პრობლემის გადაჭრა და ცხარე დებატებში მონაწილეობა მოგიწევთ. ამ დღეს სხვების დახმარების იმედი ნუ გექნებათ - ყველა პრობლემას დამოუკიდებლად უნდა გაუმკლავდეთ. არახელსაყრელი დღეა მოგზაურობისთვის.
მშვილდოსანი (23 ნოემბერი - 21 დეკემბერი)
თუ უცნობ ადამიანებთან ურთიერთობას გეგმავთ, ეცადეთ ეს საკითხი დღის პირველ ნახევარში მოაგვაროთ. სადილის შემდეგ გარშემო მყოფებთან საერთო ენის პოვნა და შეთახმების მიღწევა გაგიჭირდებათ. იგივე ეხება პირად ურთიერთობებს. ეცადეთ, საყვარელ ადამიანებთან კამათში ძველი პრობლემები არ გაიხსენოთ
თხის რქა (22 დეკემბერი - 20 იანვარი)
ვარსკვლავები გირჩევენ, რომ ეს დღე აქტიურად გაატაროთ, საჭირო და საინტერესო ადამიანებს შეხვდეთ და ინიციატივა გამოიჩინოთ. ეს კარიერულ წინსვლასა და საქმიან პარტნიორებთან კავშირების გაძლიერებაში დაგეხმარებათ. საღამოს მოულოდნელ სიახლეს შეიტყობთ, მაგრამ დასკვნების გამოტანამდე ინფორმაცია უნდა გადაამოწმოთ. ეცადეთ, მეტი დიპლომატია გამოიჩინოთ და ემოციებს თქვენი ქმედებების გაკონტროლების უფლება არ მისცეთ.
მერწყული (21 იანვარი - 18 თებერვალი)
ამ დღეს სასარგებლო იქნება ინტელექტუალური საქმიანობა, რომელიც დადებით ემოციებს მოგანიჭებთ. დილა ხელსაყრელია ბავშვებთან და საყვარელ ადამიანებთან ურთიერთობისთვის. საღამოს რთული ან უსიამოვნო საკითხების მოგვარება მოგიწევთ, თუმცა შედეგი თქვენთვის ხელსაყრელი იქნება.
თევზები (19 თებერვალი - 20 მარტი)
უსმინეთ თქვენს შინაგან ხმას და აკეთეთ ის, რასაც ის გიკარნახებთ. შესაძლოა, ამ დღეს იპოვოთ პასუხი კითხვებზე, რომლებიც დიდი ხანია გაწუხებთ. ამ დღეს მიღებული გამოცდილება მომავალში ბევრჯერ გამოგადგებათ. მთავარია, არ გაჯიუტდეთ და ახლობელი ადამიანების რჩევებს დაუჯეროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
