ვერძი (21 მარტი - 20 აპრილი)

ამ დღეს ნებისმიერი წვრილმანი ყურადღებას გიფანტავთ, ამიტომ დაგეგმილი საქმეების დროულად დასრულებისთვის ეცადეთ, მთელი ყურადღება საუშაოზე გადაიტანოთ. ვარსკვლავები გირჩევენ, რომ საკუთარი პრინციპები და შეხედულებები ნებისმიერ ვითარებაში დაიცვათ. მოზღვავებული ემოციები ურთიერთობებში ხელს გიშლით. ეცადეთ დღეს ურთიერთობები შეზღუდოთ და საკუთარი სიტყვები აკონტროლოთ.

კურო (21 აპრილი - 21 მაისი)

მოულოდნელი პრობლემები განწყობას გაგიფუჭებთ. ვარსკვლავები გირჩევენ, სამსახურში ნაკლები იაქტიუროთ, რათა შეცდომები არ დაუშვათ. არახელსაყრელი გარემოებები შესაძლებლობას მოგცემთ, რომ თქვენი საუკეთესო თვისებები გამოავლინოთ და საკუთარ თავში დაფარული ნიჭი აღმოაჩინოთ. სტრესის მოსახსნელად, საღამო ჰაერზე გაატარეთ.

ტყუპები (22 მაისი - 21 ივნისი)

შესაძლოა, ძველ გადაწყვეტილებაზე უარი თქვათ და გეგმები შეცვალოთ. მიზნის მისაღწევად მეტი მონდომება უნდა გამოიჩინოთ და საკუთარი შესაძლებლობების იწამოთ. თუ არ იზარმაცებთ, შესაძლოა, მატერიალური მდგომარეობა გაიუმჯობესოთ. ეცადეთ, კონფლიქტები როგორც სახლში, ისე სამსახურში თავიდან აიცილოთ. თუ ვინმეს აწყენინეთ, უნდა აღიაროთ და მოუბოდიშოთ.

კირჩხიბი (22 ივნისი - 22 ივლისი)

ვარსკვლავები გირჩევენ, საქმიანი აქტივობა შეანელოთ. დროა, შედეგები შეაჯამოთ და ყველაფერს ადგილი მიუჩინოთ. ამ დღეს ყველაზე კარგად შემოქმედებასთან დაკავშირებული საქმეები გამოგდით, სხვა რამეზე კი დრო არ უნდა დაკარგოთ.

ლომი (23 ივლისი - 23 აგვისტო)

თუ შინაგან შფოთვას და გაურკვევლობას გრძნობთ, თქვენი განცდები ახლო მეგობრებს უნდა გაუზიაროთ. მეტი დრო დაუთმეთ იმ აქტივობებს, რომლებიც ყველაზე კარგად გამოგდით. ნუ მოგერიდებათ, რომ საკუთარ უნარებზე და მიღწევებზე საჯაროდ ისაუბროთ, ახალი ადამიანები გაიცნოთ და ახალი პროექტები დაგეგმოთ. ნუ დაივიწყებთ პირობას, რომელიც ახლობელ ადამიანს მიეცით. მისი შესრულების დროა.

ქალწული (24 აგვისტო - 23 სექტემბერი)

რთულ სიტუაციებში მხოლოდ ინტუიციას და შინაგან ხმას უნდა ენდოთ. სიბრძნე და გამოცდილება შეცდომების აცილებასა და სწორი გადაწყვეტილების მიღებაში დაგეხმარებათ. გირჩევთ, ურთიერთობის დროს თანამოსაუბრის განწყობას და ჟესტებსა მეტი ყურადღება მიაქციოთ - ეს საშუალებას მოგცემთ, მისი ნამდვილი მოტივები და გეგმები გაიგოთ.

სასწორი (24 სექტემბერი - 23 ოქტომბერი)

ამ დღეს დამატებითი პასუხისმგებლობის აღებას უნდა მოერიდოთ. პირიქით - ეცადეთ, საკუთარი პასუხისმგებლობები კოლეგებს ან ოჯახის წევრებს გაუნაწილოთ. ვარსკვლავების დახმარებით შეიძლება მოულოდნელი შემოსავალი მიიღოთ და მატერიალური მდგომარეობა გაიუმჯობესოთ. ნურც საკუთარ ჯანმრთელობას დაივიწყებთ - დროა პროფილაქტიკური კვლევები ჩაიტაროთ.

მორიელი (24 ოქტომბერი - 22 ნოემბერი)

ზედმეტი სტრესის თავიდან ასაცილებლად, სამსახურში აქტიურობა უნდა შეამციროთ და რთული დავალებები სამომავლოდ გადადოთ. ამ დღეს ყველაზე მეტად დასვენება და ძალების აღდგენა გჭირდებათ. ეცადეთ, არ ჩაერთოთ კონფლიქტში როგორც სახლში, ისე სამსახურში. ნურც ჯანმრთელობას დაივიწყებთ, დროა ვარჯიში დაიწყოთ.

მშვილდოსანი (23 ნოემბერი - 21 დეკემბერი)

ამ დღეს ყველაზე მეტად უსარგებლო საუბრები გაღიზიანებთ, ამიტომ ეცადეთ, განმარტოებით მეტი დრო გაატაროთ და ყურადღება მუშაობაზე გადაიტანოთ. პირად ურთიერთობებში კომპრომისები უნდა იპოვოთ და საყვარელ ადამიანებზე ზეწოლას მოერიდოთ. მარტოხელა მშვილდოსანს საინტერესო ადამიანთან შეხვედრა ელის, რომელმაც შეიძლება მისი ცხოვრება მთლიანად შეცვალოს. მთავარია, ცვლილებებმა არ შეგაშინოთ.

თხის რქა (22 დეკემბერი - 20 იანვარი)

ამ დღეს უცხო ადამიანების რჩევა არაფერში გამოგადგებათ. სასურველია გადაწყვეტილების მიღებისას საკუთარ გამოცდილებას და ინტუიციას დაეყრდნოთ. გახსოვდეთ, რომ ერთდროულად ბევრი საქმის კეთების სურვილმა შეიძლება საპირისპირო შედეგამდე მიგიყვანოთ. გირჩევთ, ოჯახში წარმოქმნილი დაძაბულობა პოზიტიური განწყობით, იუმორით და კომპლიმენტებით განმუხტოთ.

 მერწყული (21 იანვარი - 18 თებერვალი)

ნუ ეცდებით დიდი ხნის მანძილზე დაგროვილი საქმეების ერთდროულად დასრულებას, რადგან ეს თქვენს ჯანმრთელობაზე უარყოფითად აისახება. გირჩევთ, სათადარიგო გეგმა მოამზადოთ, რათა შეფერხების შემთხვევაში დრო არ დაკარგოთ. ახლა ყველაზე მთავარია, რომ ძველი შეცდომები არ გაიმეოროთ და სულელური კამათის გამო ახლობელ ადამიანთან ურთიერთობა არ გაწყვიტოთ.

თევზები (19 თებერვალი - 20 მარტი)

წარმატებული და ნაყოფიერი დღეა. ვარსკვლავები გირჩევენ, შესაძლებლობა გამოიყენოთ და დიდი ხნის წინ თაროზე შემოდებული საქმეები დაასრულოთ. ნებისმიერი საქმე, რომელსაც ხელს მოჰკიდებთ, თქვენი გამარჯვებით დასრულდება. ახალი ნაცნობობა არა მარტო სასიამოვნო, არამედ სასარგებლოც იქნება.