USD 2.7433
EUR 2.8862
RUB 2.7214
Tbilisi
ასტროლოგი - რას გვპირდება 26 ივნისი?
Date:  689

რას გვირჩევენ ვარსკვლავები 26 ივნისისთვის:

ვერძი (21 მარტი - 20 აპრილი)

საკუთარ სისუსტეებთან და მავნე ჩვევებთან რთული ბრძოლა გელით, თუმცა სანამ არ დაამარცხებთ, წარმატების იმედი არ უნდა გქონდეთ. მზად იყავით შეცდომების აღიარებისთვის და ეცადეთ, რაც შეიძლება მალე გამოასწოროთ.

თუ ახლობელ ადამიანებთან ურთიერთობის გაუმჯობესება გსურთ, მათი მოსმენა და დათმობებზე წასვლა უნდა ისწავლოთ.

 

კურო (21 აპრილი - 21 მაისი)

დღის პირველი ნახევარი საკმაოდ რთული იქნება, ამიტომ სიფრთხილე და ყურადღება უნდა გამოიჩინოთ და შეცდომები არ დაუშვათ, რომლებიც შეიძლება ძვირი დაგიჯდეთ. სამომავლოდ, პოზიტიური ტენდენციების გავლენა გაიზრდება და მდგომარეობა გაუმჯობესდება.

ეცადეთ სხვის შეცდომებზე ისწავლოთ და გამოცდილ ადამიანებს უსმინოთ. სავარაუდოდ, თქვენთვის ძვირფას ადამიანთან დაკავშირებით მნიშვნელოვან ინფორმაციას მიიღებთ.

ტყუპები (22 მაისი - 21 ივნისი)

ამ დღეს დაიწყება რომანტიკული ისტორია, რომელიც თქვენს ცხოვრებაში მნიშვნელოვან როლს შეასრულებს. ცდილობთ მნიშვნელოვანი გადაწყვეტილებები დამოუკიდებლად მიიღოთ და უგულებელყოფთ რჩევებს, რომლებიც ბევრ შეცდომას აგაცილებდათ. ამ დღეს სასურველი კი არა, აუცილებელიც კია, რომ სხვისი გამოცდილება საკუთარი ინტერესებისთვის გამოიყენოთ.

კირჩხიბი (22 ივნისი - 22 ივლისი)

დღის პირველი ნახევარი რთული და დამღლელი იქნება, ამიტომ უმჯობესია მნიშვნელოვანი საქმეები არ დაგეგმოთ. ძველი მეგობრები და სანდო მოკავშირეები საკუთარი საქმეებით არიან დაკავებული და დახმარებას მათგან მიიღებთ, ვისგანაც არ ელოდით.

დღის მეორე ნახევარში ვითარება თქვენ სასარგებლოდ შეიცვლება. შესაძლოა, შეხვდეთ ადამიანებს, რომლებიც წარმატებულ შესყიდვებში დაგეხმარებიან.

ლომი (23 ივლისი - 23 აგვისტო)

წინააღმდეგობრივი და ქაოსური დღეა. ზოგჯერ ბედი მოულოდნელად გაგიღიმებთ, ზოგჯერ კი ზურგს ისეთ დროს გაქცევთ, რომ ვერც კი წარმოიდგენთ.

არახელსაყრელი გარემოებების მიუხედავად, შესაშურ სიჯიუტეს იჩენთ და დაწყებული საქმე ბოლომდე მიგყავთ. სპონტანურად რაღაცის შეძენას არ გირჩევთ - შენაძენი წარუმატებელი იქნება.

ქალწული (24 აგვისტო - 23 სექტემბერი)

ხელსაყრელი დღეა და შეეცადეთ, მისგან მაქსიმალური სარგებელი მიიღოთ. ენერგიით სავსე ხართ და ურთულეს დავალებებსაც კი ადვილად უმკლავდებით. სამსახურში მოსალოდნელია უთანხმოება. ეცადეთ, რომ თქვენს გადაწყვეტილებაზე პირადმა სიმპათიებმა და ანტიპათიებმა გავლენა ვერ მოახდინონ.

საღამოს საშუალება გექნებათ, რომ მნიშვნელოვანი საკითხები კომფორტულ გარემოში განიხილოთ. ენდეთ საკუთარ ინტუიციას და მიზანს ადვილად მიაღწევთ.

სასწორი (24 სექტემბერი - 23 ოქტომბერი)

ეს დღეს უფრო შესაფერისია დასვენებისთვის, ვიდრე აქტიურობისა და გადამწყვეტი მოქმედებებისთვის. ყველა საქმის გადადებას ვერ შეძლებთ, მაგრამ ეცადეთ, ყურადღება ყველაზე მნიშვნელოვან საკითხებზე გაამახვილოთ. გონებას თუ დაძაბავთ, იპოვით საშუალებას, რომელიც ცხოვრებას გაგიმარტივებთ და მიმდინარე პრობლემებისგან გაგათავისუფლებთ.

შესაძლოა, ოჯახში ურთიერთობები გაცივდეს, მაგრამ ნუ ინერვიულებთ - ეს დროებით პრობლემებია.

მორიელი (24 ოქტომბერი - 22 ნოემბერი)

შესანიშნავი დღეა იმისთვის, რომ სამომავლო გეგმებზე და მათი განხორციელების გზებზე იფიქროთ - ამჟამად რეალური სიტუაციის დანახვაში ილუზიები და ფანტაზიები ხელს არ გიშლით, ამასთან ინტუიციაც შესანიშნავად მუშაობს.

ადამიანზე შთაბეჭდილების მოსახდენად ერთი შეხედვაც გყოფნით. მისი კეთილგანწყობისა და სიმპათიის მოპოვებისთვის კი რამდენიმე წუთიც საკმარისია.

მშვილდოსანი (23 ნოემბერი - 21 დეკემბერი)

დღის პირველ ნახევარში ეცადეთ, პლანეტების კეთილგანწყობა ფინანსური საკითხების მოგვარებისა და მნიშვნელოვან ადამიანებთან ურთიერთობისთვის გამოიყენოთ. საღამოს შეიძლება კონფლიქტურ სიტუაციებში აღმოჩნდეთ, სადაც აუცილებლად თავშეკავება უნდა გამოიჩინოთ.

თხის რქა (22 დეკემბერი - 20 იანვარი)

ამ დღეს ბევრი პრობლემა მოულოდნელად, ძალიან მარტივად მოგვარდება. თქვენ იპოვით პასუხებს კითხვებზე, რომლებზეც დიდი ხანია გაწუხებთ. მშვენიერი დღეა იმისთვის, რომ ძალები ახალ საქმეში მოსინჯოთ და მავნე ჩვევებზე უარი თქვათ.

ბევრი თხის რქისთვის ამ დღიდან ცვლილებების პერიოდი დაიწყება. თქვენი ინტუიცია ახლა ძალიან გამახვილებულია და სწორ მინიშნებებს გაძლევთ. აი, გარშემო მყოფთა რჩევებმა კი შეიძლება, საბედისწერო შეცდომა დაგაშვებინოთ.

 მერწყული (21 იანვარი - 18 თებერვალი)

ურთიერთობების თვალსაზრისით ძალიან ხელსაყრელი დღეა. გარშემო მყოფებს ყოველგვარი ძალისხმევის გარეშე ხიბლავთ და თქვენ მიმართ კეთილად განაწყობთ. ეცადეთ, ეს შესაძლებლობა იმ ადამიანებთან ურთიერთობისთვის გამოიყენოთ, ვისგანაც რაღაცის მიღება გსურთ.
ყოველ ნაბიჯს გულმოდგინედ აფასებთ, ამიტომ საეჭვოა, ვინმემ თქვენი მოტყუება შეძლოს.

თევზები (19 თებერვალი - 20 მარტი)

ბევრს მიაღწევთ, რადგან პრინციპულად მოქმედებთ და სირთულეების მიუხედავად, სიტუაციის გაკონტროლებას ცდილობთ. წარმატებული, მაგრამ ძალიან დამღლელი დღეა. ეცადეთ, დასვენებისა და ძალების აღდგენისთვის ყველა შესაძლებლობა გამოიყენოთ.

ხელსაყრელი დღეა საქმიანი ურთიერთობებისთვის. შეხვედრები ნაყოფიერად ჩაივლის. მოსალოდნელია შემთხვევით შეხვედრა ადამიანთან, რომელიც დიდი ხანია, გენატრებათ.

analytics
«The Washington Post» (აშშ): „ომისადმი შიშის გამო, საქართველო რუსეთისაკენ დაბრუნებას ირჩევს“

ამერიკული გაზეთი „ვაშინგტონ პოსტი“ (The Washington Post) აქვეყნებს სტატიას სათაურით „ომისადმი შიშის გამო, საქართველო რუსეთისაკენ დაბრუნებას ირჩევს“ (ავტორი - მარია ილიუშინა), რომელშიც განხილულია არჩევნებისშემდგომი სიტუაცია საქართველოში.

გთავაზობთ პუბლიკაციას შემოკლებით:

(...) ქართველთა უმრავლესობა - გამოკითხვების მიხედვით, 80%-ზე მეტი - მხარს უჭერს ქვეყნის ევროპულ ორიენტაციას და მოსკოვის მიმართ მაინცდამაინც განსაკუთრებულ სიყვარულს არ ამჟღავნებს, ოპოზიცია კი ცდილობს ხმის მიცემის შედეგები წარმოადგინოს როგორც არჩევანი ევროკავშირსა და რუსეთს შორის.

მაგრამ იმის გათვალისწინებით, რომ ორ ქვეყანას შორის 2008 წლის აგვისტორში მომხდარი ხანმოკლე ომის შედეგად საქართველოს ტერიტორიის 20% დე-ფაქტოდ რუსეთის კონტროლის ქვეშ იმყოფება, მოსკოვის სამხერო ძლიერების ჩრდილი სულ უფრო შესამჩნევი ხდება. შესაბამისად, „ქართულმა ოცნებამ“ ამომრჩევლებს უფრო რადიკალური დილემა შესთავაზა: არჩევანი მშვიდობასა და ომს შორის.

მმართველი პარტიის „რუსეთის მხარეს შებრუნება“ შედარებით ახალ მოვლენას წარმოადგენს. 2012 წელს, როცა „ქართული ოცნება“ ხელისუფლებაში მოვიდა, მნიშვნელოვან საგარეოპოლიტიკურ წარმატებას მიაღწია - სწრაფად დაუახლოვდა ევროკავშირს მასში გაწევრიანების სურვილით, მაგრამ რუსეთ-უკრაინის ომის დაწყების კვალობაზე პარტიამ რუსეთის ორბიტისაკენ გადაუხვია. მთავრობამ ევროპა და ადგილობრივი ოპოზიცია წარმოადგინა „ომის გლობალური პარტიად“, რომელსაც სურს საქართველო მოსკოვთან ომში ჩაითრიოს და კრემლთან დაპირისპირების ინსტრუმენტად გამოიყენოს

ამჟამად „ქართული ოცნება““ ოფიციალურად პრორუსულ პარტიას არ წარმოადგენს, მაგრამ ხშირად მისი პრაქტიკული მოქმედება საერთო პრორუსულ ჩარჩოებში ჯდება. 

ევროპული გზიდან გადახვევის პოლიტიკის ცენტრში მოჩანს „ქართული ოცნების“ დამაარსებელი ბიძინა ივანიშვილი - მილიარდერი, ყოფილი პრემიერ-მინისტრი, რომელიც ბოლო ათწლეულში წავიდა ქართული პოლიტიკიდან, მაგრამ იმავდროულად გავლენიან ადამიანად რჩებოდა. ბიძინა ივანიშვილი რუსეთში ყოფნის დროს გამდიდრდა, 1990-იან წლებში და როგორც მისი კრიტიკოსები ამბობენ,  მისი რიტორიკა და პოლიტიკური მრწამსი რუსეთის ლიდერის პოზიციას უთავსდება.

რუსეთის არმიის უკრაინაში შეჭრის დაწყებიდან პურველ ეტაპზე საქართველომ უკრაინას მხარი დაუჭირა. თბილისში დღესაც ბევრი უკრაინული დროშა ფრიალებს, მაგრამ მთავრობა თავს იკავებს რუსეთის გადაჭარბებული კრიტიკისაგან და ერიდება ანტირუსული სანქციების რეალიზებას.

„ჩვენ, როგორც ქვეყნის მმართველმა პარტიამ, მთავრობამ, ყველაფერი გავაკეთეთ უკრაინისა და უკრაინელი ხალხის მხარდასაჭერად“, - განაცხადა „ვაშინგტონ პოსტთან“ საუბარში „ქართული ოცნების“ თავმჯდომარის მოადგილემ არჩილ თალაკვაძემ, მაგრამ, მისი თქმით, დასავლეთის ოფიციალურმა პირებმა რუსეთ-უკრაინის ომში საქართველოს ჩათრევა მოისურვეს: „ჩვენ ჩავთვალეთ, რომ ასეთი პოლიტიკა საქართველოსათვის ძალზე სარისკო და გაუმართლებელი იქნებოდა“.

„ქართულმა ოცნებამ“ წინასაარჩევნო კამპანიის დროს აქტიურად ისარგებლა უკრაინის ომით და ამომრჩევლებს პლაკატების სერია შესთავაზა, რომლებზე გამოსახულია ერთი მხრივ, ომით დანგრეული უკრაინის ქალაქები და სოფლები, მეორე მხრივ - აღმშენებლობის პროცესში მყოფი საქართველო. ასეთმა პროპაგანდამ თავისი გამოძახილი ჰპოვა რუსეთთან ომგადატანილ საქართველოს მოსახლეობაში, განსაკუთრებით სოფლებში, ოკუპირებულ რეგიონებთან ახლოს, მხარეთა დამაშორიშორებელ ე.წ. სადემარკაციო ხაზის გასწვრივ.

როგორ ავიცილოთ თავიდან ომი

ქართველებს კარგად ახსოვთ 2008 წლის აგვისტოს ომი. ჭორვილისაკენ - ბიძინა ივანიშვილის მშობლიური სოფლისაკენ მიმავალი გზა, რომელიც კავკასიის ქედის სამხრეთ კალთებზე მდებარეობს, სწორედ რუსეთის მიერ ოკუპირებული რეგიონის - სამხრეთ ოსეთთან ახლოს გადის, სულ რაღაც ორიოდე კილომეტრში, სადემარკაციო ხაზთან.

ჭორვილაში ბიძინა ივანიშვილს თითქმის ეროვნულ გმირად თვლიან - მდიდარ ადამიანად, რომელიც თანასოფლელებს ყოველმხრივ ეხმარებოდა - სახლებისა თუ გზების მშენებლობაში, ჯანდაცვასა თუ კომუნალური გადასახადების გადახდაში, სანამ მან სახელმწიფო თანამდებობა - ქვეყნის პრემიერ-მინისტრის პოსტი არ დაიკავა.

„მე ომის მოწინააღმდეგ ვარ. დარწმუნებული ვარ, რომ „ქართული ოცნება“ მსვიდობას შეინარჩუნებს. არ გვსურს, რომ რომელიმე ქვეყანა საქართველოს მტერი იყოს და არც ის გვინდა, რომ საქართველოს იყოს სხვა ქვეყნის მტერი“, - ამბობს გიორგი გურძენიძე, სკოლის დირექტორი, რომელსაც ახსოვს, თუ როგორ ხმაურით დაფრინავდნენ სოფლის თავზე, ცაში რუსული თვითმფრინავები 2008 წელს.

„ქართული ოცნება“ აქტიურად უჭერს მხარს ბიძინა ივანიშვილის პოლიტიკური კურსის ორ ძირითად მომენტს - მშვიდობას ნეიტრალიტეტის გზით და ქართული ტრადიციული ფასეულობების დაცვას. „ქართული ოცნების“ მტკიცებით, მისი სტრატეგიული მიზანი არ შეცვლილა - ევროინტეგრაცია ძალაში რჩება, რომლის რეალიზებას 2030 წლისათვის არის დაგეგმილი: საქართველო ევროკავშირის წევრი გახდება „ღირსეულად“ და ტრადიციული ეროვნული ფასეულობების დაცვით.

„რა თქმა უნდა, მსურს ევროკავშირის წევრი ვიყოთ, მაგრამ ჩვენ ჩვენი წინაპრების ღირსებაც და მემკვიდრეობაც უნდა დავიცვათ. ქალი ქალი უნდა იყოს, კაცი კი - კაცი“, - ამბობს ჭორვილელი მამია მაჭავარიანი.

ქართველთა ღირსება კი დაცული იქნება ორი კანონით, რომლებმაც, პრაქტიკულად, ევროკავშირში საქართველოს პოტენციური წევრობის პროცესი შეაჩერეს - იმიტომ, რომ მათი დებულებები ევროპული ბლოკის სტანდარტებს ეწინააღმდეგება. ეს კანონებია „ოჯახური ფასეულობებისა და არასრულწლოვანების დაცვის, ასევე უცხოური გავლენის გამჭვირვალობის შესახებ, რომლებიც, როგორც ოპოზიცია აცხადებს, რუსული სამართლებრივი აქტების ასლებს წარმოადგენენ.

ევროპა შორეული ხდება?!

საქართველოს დედაქალაქის მცხოვრებთა ნაწილი შეშფოთებულია, რომ ქვეყნის შანსი ევროკავშირის წევრობაზე მცირდება. „არჩევნებში „ქართული ოცნების“ გამარჯვება სხვა არაფერია, თუ არა ხელისუფლების უზურპაცია“, - ამბობს 38 წლის გიორგი, რომელიც გვარს არ ასახელებს, ვაითუ დევნა დაუწყონ, - „ჩვენ ევროკავშირთან ინტეგრაცია უნდა გავაღრმავოთ. რუსეთთან დაახლოებას კი არცერთი ნორმალური ქვეყანა არ ცდილობს. პრორუსუსლი ორიენტაცია თვითმკვლელობას ნიშნავს, რადგან მოსკოვი არანაირი შეთანხმების პირობებს არ იცავს“.

ოპოზიცია მწვავედ აკრიტიკებს „ქართული ოცნების“ ომის წინააღმდეგ მიმართულ კურსს და მას პროპაგანდისტულს უწოდებს, ზოგიერთები კი თვლიან, რომ მმართველ პარტიის მხრიდან ამგვარი ლოზუნგების წარმოჩენა ხელისუფლებაში დარჩენასა და ერთპარტიული მმართველი სისტემის შენარჩუნებას ემსახურება.

პარტია „საქართველოსათვის“ ლიდერის გიორგი გახარიას განცხადებით, ბიძინა ივანიშვილისა და „ქართული ოცნების“ პოლიტიკაში მომხდარი ცვლილებები - პრორუსული გადახრები - იმითაა გამოწვეული, რომ ევროკავშირში გაწევრიანება ხელისუფლების როტაციას ნიშნავს: „მისი მთავარია მიზანია ხელისუფლების შენარჩუნება. იგი ხედავს, რომ ევროპული დემოკრატია ხელისუფლების არჩევნების გზით შეცვლას ითვალისწინებს“.

მაგრამ არჩევნების შედეგების წინააღმდეგ მიმდინარე საპროტესტო აქციები ისეთივე ძლიერი და ფართო არ არის, როგორიც გაზაფხულზე მიმდინარეობდა ზემოთ ხსენებული კანონების მიღების დროს. ეს ნიშნავს, რომ ოპოზიცია გამოფიტულია. მათ ვერც დასავლეთი ვერ უწევს სათანადო დახმარებას. ბრიუსელს შეუძლია გარკვეული ზეწოლა მოახდინოს „ქართულ ოცნებაზე“, მაგრამ ევროპელი ჩინოვნიკების რეაქცია აწონილ-დაწონილია: დამკვირვებლებმა ნამდვილად დააფიქსირეს დარღვევები, მაგრამ მათ თავი შეიკავეს იმის განცხადებაზე, რომ არჩევნები გაყალბდა და ხმები მოპარულია.

არჩევნებში მომხდარი ყველა დარღვევის დეტალურად გამოკვლევა დროს მოითხოვს - კვირეებს და შეიძლება თვეებსაც, თანაც საკმაოდ რთულია მათი დამტკიცება-დადასტურება. „ჩვენ ახლა ისეთ სიტუაციასთან გვაქვს საქმე, როცა დასავლეთს არ სურს ხისტი ნაბიჯები გადადგას საკმარისი მტკიცებულებების გარეშე, ოპოზიციას კი საკმარისი მტკიცებულებები არ აქვს“, - ამბობს ჯონ დიპირო საერთაშორისო რესპუბლიკური ინსტიტუტიდან.

ბიძინა ივანიშვილი აშკარად იმაზე დებს თავის ფსონს, რომ ევროპა საქართველოსადმი ინტერესს დაკარგავს. ჯერ კიდევ ზაფხულში იგი აცხადებდა, რომ აშშ-ის საპრეზიდენტო არჩევნებში დონალდ ტრამპის გამარჯვება რუსეთ-უკრაინის ომს დაასრულებს. „ჩვენ მაქსიმუმ ერთი წელი გვაქვს, რომ ეს ყველაფერი მოვითმინოთ, შემდეგ კი [დასავლეთის] გლობალური და რეგიონული ინტერესები შეიცვლება, მათთან ერთად კი შეიცვლება ინტერესები საქართველოს მიმართაც“, - ამბობდა ბიძინა ივანიშვილი, - ომის დასრულებასთან ერთად კი ყველა გაუგებრობა ევროპასთან და ამერიკასთან გაქრება“.

წყარო: https://www.washingtonpost.com/world/2024/11/21/georgia-russia-elections-influence/

 

See all
Survey
ვინ გაიმარჯვებს რუსეთ - უკრაინის ომში?
Vote
By the way