USD
EUR
RUB
თბილისი
ასტროლოგი - რას გვპირდება 25 იანვარი?
თარიღი : 01.23.2023 16:48  104

რას გვირჩევენ ვარსკვლავები 25 იანვრისთვის:

ვერძი

ამ დღეს ინიციატივის ნაკლებობას განიცდით და ნებისმიერი მიზნის განხორციელება გიჭირთ. თუ არ გსურთ, რომ ეს დღე ტყუილად დაიკარგოს, გვერდით უნდა გადგეთ და ინიციატივა უფრო ენერგიულ ადამიანს უნდა გადასცეთ. დაუთმეთ ეს დღე შემოქმედებას ან ახალი ცოდნის მიღებას - შედეგით კმაყოფილი დარჩებით.

კურო

ამ დღეს ემოციებით სავსე ხართ, ამიტომ ფრთხილად უნდა იყოთ, რომ გრძნობებმა თავბრუ არ დაგახვიოთ. კარგი ისაა, რომ თქვენი ემოციები, ძირითადად, დადებითია. ამ დღეს შესაძლებლობა გექნებათ, განიტვირთოთ.

ტყუპები

დაუგეგმავი შენაძენი და ხარჯები გელით, თუმცა, ამის ნუ შეგეშინდებათ - ფინანსურ საკითხებში, როგორც ყოველთვის, გააზრებულად და წინდახედულად მოქმედებთ. ასე რომ, საეჭვოა, შოპინგმა თქვენი ბიუჯეტი დააზარალოს, სარგებელს კი აუცილებლად მოგიტანთ.

კირჩხიბი

ეცადეთ, საკუთარი ბედის მჭედელი გახდეთ და არა მარტო საკუთარი! ახლობელი ადამიანები ცდილობენ, რომ ინიციატივა თქვენ გადმოგილოცონ. ამ დღეს თქვენი ემოციები პოზიტიური და გადამდებია, იდეები და გეგმები კი - საინტერესო. გაითვალისწინეთ, რომ ეს დღე თქვენი ნებისმიერი იდეის განხორციელებისა და ახალი ნაცნობობისთვის ხელსაყრელია.

ლომი

ლომს ყველა შანსი აქვს, რომ სასურველს მიაღწიოს და მიღწეული ხელიდან არ გაუშვას. ამ დღეს ლომის შეჩერება არ უნდა სცადოთ - მიზნის მისაღწევად ის უკან არაფერზე დაიხევს და არავის დაინდობს. თუ არ გსურთ, რომ ლომის რისხვა თავზე დაგატყდეთ, მას ხელი არ შეუშალოთ.

ქალწული

ეცადეთ, გადაწყვეტილებები ცოტა უფრო სწრაფად მიიღოთ! ეს დღე უამრავ ბედნიერ შანსს შემოგთავაზებთ - როგორც ბიზნესში, ისე სიყვარულში, მაგრამ იმდენ ხანს იფიქრებთ, რომ ყველა შანსს დაკარგავთ. გახსოვდეთ, ზედმეტი ფიქრი საზიანოა.

სასწორები

ამ დღეს სურვილიც გექნებათ და შესაძლებლობაც, რომ ფული სასარგებლო საქმისთვის დახარჯოთ. გამორიცხული არაა, რომ უამრავი მაღაზიის შემოვლა და დახლებთან საათების გატარება მოგიწიოთ, სამაგიეროდ, ნამდვილად საჭირო და ხარისხიან ნივთებს შეიძენთ.

მორიელი

მორიელს შესაძლებლობა ექნება, საკუთარი ნიჭი და უნარები გამოავლინოს და გარშემო მყოფები გააოცოს. ეცადეთ, ზედმეტი არ მოგივიდეთ, რადგან ერთი საინტერესო იდეაც საკმარისია, რომ ყველას ყურადღება მიიქციოთ. ეს დღე შეიძლება სასარგებლო კონტაქტების დასამყარებლად, საკუთარი იდეები გასავრცელებლად ან სპონსორის საპოვნელად გამოიყენოთ.

მშვილდოსანი

სავარაუდოდ, ცდუნებას აჰყვებით და სახლისთვის რაღაც წვრილმან ნივთს შეიძენთ. თუ არ გსურთ, რომ მთელი საოჯახო ბიუჯეტი მაღაზიებში დატოვოთ, რეკლამას და მეგობრების რჩევებს ნაკლები ყურადღება უნდა მიაქციოთ.

თხის რქა

ერთადერთი, რაც გეგმების განხორციელებაში ხელს გიშლით, თქვენივე არაორგანიზებულობაა. ამის გამო არა მარტო თქვენ, თქვენს ახლობლებსაც მოუწევთ გეგმების შეცვლა. რა თქმა უნდა, ამისთვის მადლობას არავინ გეტყვით. ამიტომ სხვის საქმეებში ჩარევის ნაცვლად, ეცადეთ, საკუთარი საქმეები მოაწესრიგოთ.

მერწყული

გამორიცხული არ არის, რომ ამ დღეს ფული იპოვოთ ან სრულიად უიმედო საქმე თქვენს სასარგებლოდ შემოაბრუნოთ. საკუთარი გულწრფელობისა და დამაჯერებელი საუბრის წყალობით, არა მხოლოდ მოკავშირეებს, არამედ სპონსორებსაც იპოვით, რომლებიც მზად არიან, თქვენი ვალდებულებები დააფინანსონ. ეცადეთ, ნებისმიერ სიტუაციაში ზომიერების გრძნობა არ დაკარგოთ.

თევზები

ამ დღეს ყველაზე მეტად შოპინგს უნდა ერიდოთ. მაღაზიაში უწყინარი გასეირნება შეიძლება თქვენი ოჯახური ბიუჯეტისთვის დარტყმად იქცეს. ეცადეთ, საღამო სახლში ოჯახის წევრებთან ან უახლოეს მეგობრებთან ერთად გაატაროთ.

 

 
მსოფლიო
«BBC news» (დიდი ბრიტანეთი): „სად არის მოსალოდნელი რუსეთის ახალი დარტყმა უკრაინაში“

ბრიტანულმა სამაუწყებლო კომპანიის „ბიბისის“ რუსულმა სამსახურმა (BBC news russian) თავის ვებ-გვერდზე გამოაქვეყნა სტატია სათაურით „სად არის მოსალოდნელი რუსეთის ახალი დარტყმა“ (ავტორი ილია აბიშევი), რომელშიც გაანალიზებულია უკრაინაში მოქმედი რუსეთის არმიის სავარაუდო შეტევის სავარაუდო მიმართულების პლუსები და მინუსები.

გთავაზობთ შემოკლებით:

რუსეთ-უკრაინის ომის ერთი წლისთავისა და გაზაფხულის მოახლოებასთან ერთად ძლიერდება ხმები რუსეთის არმიის ფართომასშტაბიან შეტევაზე. პრეზიდენტმა ვლადიმერ ზელენსკიმ უკვე განაცხადა, რომ რუსეთის არმია თებერვალში ახალი ფართო შეტევისათვის ემზადება - „გასული წლის განმავლობაში განცდილი მარცხის ასანაზღაურებლად“.

როგორც გაზეთი „ფაინენშელ თაიმსი“ (Financial Times) წერს, უკრაინის არმიის სამხედრო მრჩეველმა კორესპონდენტს აცნობა, რომ კიევმა მიიღო „ძალიან საიმედო სადაზვერვო მონაცემები რუსეთის არმიის შეტევის განზრახვის გეგმებზე - კრემლი ვარაუდობს, რომ შეტევა 10 დღეში უნდა დაიწყოს. თუ ეს მართლაც ასეა, მაშინ სად უნდა ელოდოს უკრაინის არმია ახალ დარტყმას?

„ბი-ბი-სი“-ს რუსული სამსახური მიმომხილველი ილია აბიშევი სხვადასხვა ვარიანტებს იხილავს:

ა) ხერსონის მიმართულება

დნეპრის მარჯვენა ნაპირისაკენ შეტევა, საიდანაც რუსეთმა გასულ წელს უკან დაიხია, ალყაში რომ არ მოხვედრილიყო, ყველაზე ნაკლებსავარაუდოდ ითვლება. იმ დროს, როცა რუსეთმა, მსხვილი სამხედრო დაჯგუფების მიუხედავად, ხერსონის შენარჩუნება ვერ მოახერხა, ახლა მით უმეტეს, მის ხელახლა დაკავებას ვერ შეძლებს, მდინარე დნეპრზე გადასასვლელი ხიდები განადგურებულია. ამრიგად, ხერსონის მიმართულება რუსეთის ჯარის შეტევისათვის თვითმკვლელობას ნიშნავს.

ბ) კიევი, ჩერნიგოვი, სუმი

უკრაინის არმიას ქვეყნის ჩრდილო-აღმოსავლეთში შედარებით უფრო ძლიერი ტავდაცვითი ზღუდეები აქვს სექმნილი - ღრმა ეშელონური თავდაცვა. მით უმეტეს, რომ ამ რეგიონში გზები შედარებით ცოტაა და რაც არის, ისიც კარგად არის დანაღმული და საცეცხლე კონტროლშია მოქცეული. ცალკეული მცირე ტერიტორიების დაკავება უფრო ცუდია, ვიდრე კარგი. ეს უკვე გააცნობიერა რუსეთის არმიამ, რომელსაც უკრაინაში შეჭრის დროს სწორედ კიევის მიმართულებით განიცადა მარცხი და ქალაქი ვერ დაიკავა.

გ) ხარკოვის ოლქი

ხარკოვის ოლქის ჩრდილო-აღმოსავლეთი მიმზიდველია რუსეთის არმიისათვის უპირველესად იმიტომ, რომ ქალაქ კუპიანსკის ხელში ჩაგდებით დონბასში მოქმედი უკრაინის ჯარებს მომარაგების არხს გადაუჭრის. ხარკოვის ოლქი რუსეთს ესაზღვრება და შესაბამისად, რუსეთს შეუძლია ტავისტერიტორიაზე დიდი რაოდენობის ძალა დააგროვოს და შეტევის ბრძანების შემთხვევაში თავის ჯარ საიმედო ზურგი შეუქმნას. მაგრამ, რასაკვირველია, უკრაინა ითვალისწინებს რუსეთის ჯარის სავარაუდო შეტევის მიმართულებას და ამისთვის მზად არის. გარდა ამისა, კიევის არმიას შეუძლია რუსეთის ბელგოროდის ოლქში შეიჭრას.

დ) დონბასი

სალავიანსკ-კრამატორსკისა და უგლედარ-ალექსანდროვკის ხაზი რუსეთის არმიისათვის ყველაზე მნიშვნელოვან მიმართულებად შეიძლება ჩაითვალოს. სრულიად შესაძლებელია, რომ რუსული სარდლობა სწორედ დონბასში განახორციელებს შეტევას. რატომ?

იმიტომ, რომ დონბასის ორი ოლქის - დონეცკისა და ლუგანსკის ტერიტორიების (ე.წ. „სახალხოს რესპუბლიკების“) დაუფლებით რუსეთი თავის „პროგრამა-მინიმუმს“ მაინც შეისრულებს. სამხედროებს, რა ტქმა უნდა, ყოველთვის კონკრეტული მიზნები აინტერესებთ და არა ზოგადი მიმართულებები. რუსი გენერლები ბოლო დროს უკრაინის ძალების ე.წ. „ღრღნის ტაქტიკას“ ახორციელებნ შედარებით მცირე ქვედანაყოფების მეშვეობით - ისე, როგორც, ვთქვათ, „ვაგნერ-ჯგუფის“ მიერ სოლედარის შტურმის დროს მოხდა. ანუ შეიძლება ნელ-ნელა წინ წახვიდე, შეიძლება დაყოვნებულად, მაგრამ საბოლოოდ მაინც წარმატებას მიაღწიო. თუმცა, ცხადია, დანაკარგებს თავიდან მაინც ვერ აიცილებ, რომელიც ასეთი ტაქტიკის დროს ძალიან დიდია.

მართლაც მზადაა თუ არა უკვე რუსეთის არმიის სარდლობა შეტევის განსახორციელებლად? გამოიყენებს თუ არა მობილიზებულებს და „ვაგნერის ჯგუფის მებრძოლებს შეტევაში? ამას ახლო მომავალში ვნახავთ. წინ ცხელი ბრძოლებია მოსალოდნელი.

 მოამზადა სიმონ კილაძემ

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.