,
რას გვიმზადებენ ვარსკვლავები 25 აპრილისათვის:
ვერძი (21 მარტი - 20 აპრილი)
ფინანსური თვალსაზრისით მალე სრულიად მოულოდნელი ცვლილებები გელით. შესაძლოა, ოჯახის შემოსავალი გაიზარდოს, ფინანსური ბონუსი მიიღოთ ან ახალი სამსახური იშოვოთ. დიდი პროექტების დაწყებისგან თავი შეიკავეთ - ამ დღეს გონებაგაფანტული ხართ და შეიძლება რაღაც მნიშვნელოვანი გამოტოვოთ.
კურო (21 აპრილი - 21 მაისი)
ამ დღეს გარშემო მყოფები თქვენს საქმეებზე მნიშვნელოვან გავლენას მოახდენენ. ეცადეთ, ამას მშვიდად შეხვდეთ და კონფლიქტი თავიდან აიცილოთ. თუ ვითარება მოითხოვს, დათმობა და უკან დახევაც უნდა შეძლოთ. ნუ დამალავთ საკუთარ ღირსებებს, პირიქით, ეცადეთ ბოლომდე გამოავლინოთ. აჩვენეთ გარშემომყოფებს, რისი გაკეთება შეგიძლიათ და რისი ღირსი ხართ.
ტყუპები (22 მაისი - 21 ივნისი)
ამ დღეს ბევრი პატარა, მაგრამ აუცილებელი საქმე გაქვთ, რაც განწყობას გიფუჭებთ, მაგრამ მენეჯმენტი თქვენს მონდომებას შენიშნავს და ღირსეულად დააფასებს. ამ დღეს შეიძლება რაღაც ჭორი ან ვიღაცის საიდუმლო გაიგოთ, რომელიც გაიძულებთ, ამ ადამიანის მიმართ დამოკიდებულება შეცვალოთ. გუნდური მუშაობისთვის არახელსაყრელი დღეა, დამოუკიდებლად მუშაობა გაცილებით ნაყოფიერი იქნება.
კირჩხიბი (22 ივნისი - 22 ივლისი)
ეს დღე თავგადასავლებითა და მოულოდნელი მოვლენებით დაგამახსოვრდებათ. მაგალითად, შეიძლება საყვარელმა ადამიანმა სასიამოვნო სიურპრიზი მოგიწყოთ ან ახლობელმა ადამიანმა ნანატრი ნივთი გაჩუქოთ. ხელსაყრელი დღეა მოგზაურობის დაგეგმვისთვის. დიდი ალბათობით, ამ დღეს დაგეგმილს წარმატებით განახორციელებთ.
ლომი (23 ივლისი - 23 აგვისტო)
სამსახურში მომხდარმა შემთხვევამ შეიძლება ოჯახურ გეგმებზე ან ურთიერთობებზე გავლენა მოახდინოს. ეცადეთ მოსალოდნელ ცვლილებებს მშვიდად შეხვდეთ - სავარაუდოდ, თქვენთვის ხელსაყრელი სიახლეები გელით. პარტნიორისგან საინტერესო შეთავაზებას მიიღებთ. ვარსკვლავები გირჩევენ, რომ მეგობრებთან ერთად მხიარული წვეულება მოაწყოთ - ეს მთელი კვირის სამყოფი პოზიტივით მოგამარაგებთ
ქალწული (24 აგვისტო - 23 სექტემბერი)
ამ დღეს ბევრ ადგილზე მისვლა, უამრავი შეხვედრა და ურთიერთობა გელით. ამჟამად თქვენი წარმატების საიდუმლო, თანამოაზრეებთან ერთად, გუნდური მუშაობაა. ერთგული ადამიანების რჩევებით და მხარდაჭერით ნებისმიერ, თუნდაც ყველაზე რთულ ამოცანას ადვილად გაუმკლავდებით.
სასწორი (24 სექტემბერი - 23 ოქტომბერი)
ფინანსების მხრივ მოსალოდნელია ცვლილებები - ზოგ სასწორს სესხის აღება, ზოგს კი ვალის დაბრუნება მოუწევს. სამსახურში შეიძლება საქმე მოგემატოთ, მაგრამ სწორი დაგეგმვით ყველაფერს დროულად დაასრულებთ. დროა, შეწყვიტოთ ურთიერთობა იმ ადამიანებთან, რომლებიც მუდმივად პრობლემებს გიქმნიან.
მორიელი (24 ოქტომბერი - 22 ნოემბერი)
დროა, საკუთარ თავს მეტი დრო და ყურადღება დაუთმოთ. ხელსაყრელი დღეა იურიდიული საქმეების მოგვარებისთვის, ამიტომ თუ ასეთი პრობლემები გაქვთ, უნდა იმოქმედოთ.
მშვილდოსანი (23 ნოემბერი - 21 დეკემბერი)
გამორიცხული არ არის, რომ საკუთარი გატაცება ფულის შოვნის საშუალებად აქციოთ. ამ დღეს ყველაფერს ზედმეტად მკაცრად და კატეგორიულად აფასებთ, რაც თქვენს გადაწყვეტილებებზე და ურთიერთობაზე გავლენას მოახდენს. გირჩევთ მცირე უთანხმოების გამო ახლობელ ადამიანთან ურთიერთობა არ გაიფუჭოთ.
თხის რქა (22 დეკემბერი - 20 იანვარი)
ნუ აჩქარდებით - ეს დღე მშვიდი და გონივრული გადაწყვეტილებების მიღებას მოითხოვს. შეიძლება გეგმების შეცვლა მოგიწიოთ, რადგან მათი შედგენის დროს ბევრი რამ არ გაითვალისწინეთ. ურთიერთობებში მეტი სიფრთხილე უნდა გამოიჩინოთ, განსაკუთრებით - უცნობ ადამიანებთან.
მერწყული (21 იანვარი - 18 თებერვალი)
ხელსაყრელი დღეა ფინანსური პრობლემების მოგვარების, მოლაპარაკებებისა და ურთიერთობებისთვის. სამსახურში მთელი ყურადღება კარიერულ საკითხებზე და მენეჯმენტთან ურთიერთობაზე გაქვთ გადატანილი. სახლში კი, სავარაუდოდ, ოჯახის წევრებთან მცირე დებატები გელით, თუმცა, განსხვავებული პოზიციების მიუხედავად, შეთანხმება შედგება.
თევზები (19 თებერვალი - 20 მარტი)
სიახლემ, რომელსაც ამ დღეს მიიღებთ შეიძლება გაგაოცოთ. გახსოვდეთ, რომ დასკვნის გამოტანამდე ფაქტები უნდა გადაამოწმოთ. ცდილობთ, სასურველი რეალობად აღიქვათ და ილუზიებს იქმნით, ეს კი აუცილებლად უსიამოვნებებსა და დანაკარგებს გამოიწვევს.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
