რას გვირჩევენ ვარსკვლავები 24 დეკემბრისთვის:

ვერძი (21 მარტი - 20 აპრილი)

თუ პირად ან საქმიან ურთიერთობებში რაღაც არ მოგწონთ, ნუ ეცდებით, გარშემო მყოფებს საკუთარი აზრი მოახვიოთ, ამან შეიძლება დაპირისპირება გამოიწვიოს. კონფლიქტის თავიდან ასაცილებლად, ეცადეთ, კრიტიკულ მომენტში განყენებულ თემაზე გადაიტანოთ საუბარი. უფროს ნათესავებთან ურთიერთობამ შეიძლება განწყობა გაგიფუჭოთ. უსმინეთ საკუთარ ინტუიციას, რომელიც შეცდომებისა და იმპულსური ქმედებებისგან დაგიცავთ.

 კურო (21 აპრილი - 21 მაისი)

ახალი, საინტერესო ურთიერთობების დასაწყებად შესანიშნავი დღეა, ამიტომ სახლში ნუ ჩაიკეტებით და ხალხმრავალ ადგილებს ეწვიეთ. თქვენი ქარიზმატული ბუნება ადამიანებს მაგნიტივით იზიდავს. სხვა ადამიანების პრობლემებში შესანიშნავად ერკვევით და მათი დახმარებაც მშვენივრად გამოგდით. ამ თვისებების წყალობით, რომელიღაც მეგობარს ფასდაუდებელ სამსახურს გაუწევთ.

ტყუპები (22 მაისი - 21 ივნისი)

შეგიძლიათ, ეს დღე მნიშვნელოვან გადაწყვეტილებებს დაუთმოთ. სავარაუდოდ, თქვენს მრავალმხრივ ნიჭს უამრავ გამოყენებას მოუძებნით. საქმეს ჩვეულზე ადვილად უმკლავდებით, ხოლო თქვენი გადაწყვეტილებები მარტივი და ეფექტიანია. ეცადეთ, ურთიერთობისას მეტი სიფრთხილე და წინდახედულობა გამოიჩინოთ, რადგან თქვენმა მახვილგონივრულმა შენიშვნებმა შეიძლება პრობლემა შეგიქმნათ.

კირჩხიბი (22 ივნისი - 22 ივლისი)

ამ დღეს ნებისმიერ კამათში ძლიერი არგუმენტები გაქვთ, რაც მოწინააღმდეგეს ფარ-ხმალს დააყრევინებს. ლოგიკური მსჯელობით გარშემო მყოფებს გააოცებთ. შესაძლოა, მენეჯმენტის ქებაც კი დაიმსახუროთ. მნიშვნელოვანია გახსოვდეთ, რომ საუბარში დაუფიქრებელ სიტყვებს მოერიდოთ. ბევრისთვის სიმართლე ძალიან მტკივნეულია და შესაძლოა, თქვენი პირდაპირობა სანანებლად გაგიხდეთ. არახელსაყრელი დღეა ვარჯიშისა და ფიზიკური აქტივობისთვის, ამიტომ ეცადეთ, საღამო მშვიდად გაატაროთ და ორშაბათისთვის ძალები მოიკრიბოთ.

ლომი (23 ივლისი - 23 აგვისტო)

დილიდან დადებითი ემოციებითა და შესანიშნავი იდეებით ხარ სავსე. მიმზიდველი გარეგნობისა და გამორჩეული პიროვნული თვისებების წყალობით გარშემო მყოფთა ყურადღებას იქცევთ. ხელსაყრელი დროა თვითგანათლებისთვის, ამიტომ შეგიძლიათ თქვენთვის საინტერესო კურსებზე დარეგისტრირდეთ. მთავარია სიტუაცია არ გაართულოთ - თქვენი წარმატების საიდუმლო მონდომებასა და სიმარტივეშია.

ქალწული (24 აგვისტო - 23 სექტემბერი)

ამ დღეს ყურადღება, ძირითადად, საკუთარ თავსა და საჭიროებებზე გაქვთ გადატანილი. ეს დღე ხელსაყრელია ძველი პრობლემების მოგვარებისთვის. თუ შესაძლებლობა გაქვთ, სასურველია, რომ ქალაქგარეთ, სუფთა ჰაერზე გახვიდეთ. ყურადღება მიაქციეთ უფროს ნათესავებს, სავარაუდოდ, მათგან ერთ-ერთ ექიმთან ვიზიტი და ხანმოკლე მკურნალობა სჭირდება.

სასწორი (24 სექტემბერი - 23 ოქტომბერი)

დღეს მაქსიმალურად მოერიდეთ ტოქსიკურ ადამიანებთან ურთიერთობას და მათ შეფარულ პროვოკაციებს სიმშვიდით უპასუხეთ. არახელსაყრელი დღეა უძრავი ქონების შესახებ გადაწყვეტილების მისაღებად. უმჯობესია, საოჯახო საქმეებზე კონცენტრირდეთ. დღის განმავლობაში შეგიძლიათ, ხალხმრავალი ადგილები მოინახულოთ - ეს განწყობას აგიმაღლებთ.

მორიელი (24 ოქტომბერი - 22 ნოემბერი)

მეგობრების მესაიდუმლე და დამხმარე ხართ, ამიტომ თქვენთან ურთიერთობას ბევრი ცდილობს. ადამიანები თქვენს მხარდაჭერას გრძნობენ და მადლიერებით გპასუხობენ. თქვენი გაწონასწორებული ხასიათი სამსახურშიც გეხმარებათ და პირად ცხოვრებაშიც. ვარსკვლავები ენერგიას მოგცემენ, რაც ამ ეტაპზე ძალიან გჭირდებათ და თქვენს მოტივაციას აამაღლებს.

მშვილდოსანი (23 ნოემბერი - 21 დეკემბერი)

მოახლოვებული დღესასწაულის წინ სახლის განახლების დაუძლეველ სურვილს გრძნობთ. სულ ერთია, მარტო ცხოვრობთ თუ ოჯახთან ერთად, ახალ წლამდე ახალი იდეების განხორციელება გსურთ. მათგან ზოგი საინტერესოა, მაგრამ ზოგადად, ეცადეთ, ღრუბლებიდან მიწაზე დაეშვათ და რეალურად იაზროვნოთ.

თხის რქა (22 დეკემბერი - 20 იანვარი)

ამ დღეს საკუთარ და ახლობელი ადამიანების ჯანმრთელობას მეტი ყურადღება უნდა მიაქციოთ. მნიშვნელოვანი საუბარი ან საქმიანი მივლინება წარმატებული იქნება და სასურველ შედეგს მოგიტანთ. დღის მეორე ნახევარში მნიშვნელოვანი საუბარი გელით, რომელიც თქვენს მომავალზე გავლენას მოახდენს.

მერწყული (21 იანვარი - 18 თებერვალი)

დღეს მიეცით თავს დასვენების უფლება. გაერთეთ მეგობრებთან ან ოჯახის წევრებთან ერთად, ან გააკეთეთ ის, რაც სიამოვნებას განიჭებთ, უყურეთ ფილმს, წაიკითხეთ წიგნი... მარტოხელა მერწყულებს ექნებათ შანსი, რომ სიახლე შეიტანონ პირად ცხოვრებაში. ხელსაყრელი დღეა რომანტიკული ნაცნობობისა და პაემნისთვის.

თევზები (19 თებერვალი - 20 მარტი)

ამ დღეს საკუთარი თავისგან ძალიან ბევრს ითხოვთ. ეცადეთ გააცნობიეროთ, რომ აჩქარება და ერთდროულად რამდენიმე საქმის კეთება არაფერში გჭირდებათ. გადახედეთ თქვენს პრიორიტეტებს და ყურადღება ყველაზე მთავარ საკითხებზე გაამახვილეთ, მეორეხარისხოვანი პრობლემების მოგვარება შეგიძლიათ სამომავლოდ შემოინახოთ.