,
რას გვირჩევენ ვარსკვლავები 23 აპრილს:
ვერძი
სავარაუდოდ, ეს დღე სიახლეებითა და ცვლილებებით დაგამახსოვრდებათ. დიდი ხანია, ამაზე ოცნებობთ და დროა, ოცნებების ასრულება დაიწყოთ. დღის მეორე ნახევარში ხელსაყრელ შეთავაზებას მიიღებთ, მაგრამ სანამ დათანხმდებით, მოსალოდნელი რისკები უნდა გათვალოთ.
კურო
დღის პირველი ნახევარი დაძაბული იქნება - გაუთვალისწინებელი შემთხვევის გამო ნერვიულობა მოგიწევთ. გეგმები სწრაფად იცვლება, ამიტომ ეცადეთ სიმშვიდე შეინარჩუნოთ და არ ინერვიულოთ იმაზე, რისი შეცვლაც არ შეგიძლიათ.
ტყუპები
ვარსკვლავების დახმარებით, ამ დღეს სასურველს ადვილად აღწევთ. იღბალი თქვენს მხარესაა, თქვენ მხოლოდ რთულ სიტუაციებში სწრაფი რეაგირება უნდა შეძლოთ. გულწრფელობა და კომუნიკაბელურობა საჭირო კავშირების დამყარებაში დაგეხმარებათ.
კირჩხიბი
ხელსაყრელი დღეა ფინანსურ საკითხებზე მუშაობისთვის. დილიდან საქმიან განწყობაზე ხართ და თქვენს ყურადღებას არცერთი უმნიშვნელო წვრილმანი არ ეპარება. დღის მეორე ნახევარში ახლობელ ადამიანთან შესაძლოა, კონფლიქტური სიტუაცია შეიქმნას და დაპირისპირების თავიდან ასაცილებლად კომპრომისული გადაწყვეტილების პოვნა მოგიწევთ.
ლომი
ნაყოფიერი და დატვირთული დღე გელით. დილიდან უამრავი პრობლემის მოგვარება მოგიწევთ, რაშიც გამოცდილი ადამიანების რჩევა დაგეხმარებათ. გირჩევთ წარსული შეცდომები გაითვალისწინოთ და უსარგებლო საუბრებში დრო არ დაკარგოთ. დიდი ხნის უნახავ ადამიანებთან შეხვედრის დროს მნიშვნელოვან ინფორმაციას მიიღებთ.
ქალწული
ზღვარგადასული ოპტიმიზმი სწორი გადაწყვეტილებების მიღებასა და სიტუაციის ობიექტურ შეფასებაში ხელს გიშლით. გირჩევთ „ვარდისფერი სათვალე“ მოიხსნათ, რომ საქმე სანანებლად არ გაგიხდეთ. დიდი ხნის წინ დაწყებული საქმეები შესაძლოა, ამ დღეს, თქვენთვის სასარგებლოდ დასრულდეს. ახალ შეხვედრებსა და ნაცნობობაზე უარი არ უნდა თქვათ.
სასწორი
ეცადეთ, საკუთარმა სიზარმაცემ დღის აქტიურად და ნაყოფიერად გატარებაში ხელი არ შეგიშალოთ. ამ დღეს შეგიძლიათ ადრე დაწყებული და დავიწყებული საქმე წარმატებით დაასრულოთ. მეგობრებთან შეხვედრის დროს სასიამოვნო სიურპრიზი გელით.
მორიელი
დღის პირველ ნახევარში გეგმების შეცვლა და ცვალებად გარემოებებთან შეგუება მოგიწევთ. სამუშაო იმაზე მეტი იქნება, ვიდრე ელოდით, მაგრამ იღბალი თქვენს მხარეზეა და წარმატების მიღწევაში დაგეხმარებათ. იზრუნეთ საკუთარ ჯანმრთელობაზე. ავადმყოფობის ნებისმიერი სიმპტომი უყურადღებოდ არ უნდა დატოვოთ.
მშვილდოსანი
ნუ დაელოდებით, რომ ყველაფერი თავისთავად გადაწყდება, ინიციატივა საკუთარ ხელში აიღეთ და იმოქმედეთ! შეიძლება შედეგს პირველივე ცდაზე ვერ მიაღწიოთ, მაგრამ თქვენი ძალისხმევა უშედეგო არ იქნება. ვარსკვლავების კეთილგანწყობა დაგეხმარებათ, ნებისმიერი რთული სიტუაციიდან გამარჯვებული გამოხვიდეთ.
თხის რქა
ამ დღეს გარშემო მყოფების მიმართ განსაკუთრებულად მზრუნველი და ყურადღებიანი ხართ, რაც შეუმჩნეველი არ დარჩება და თქვენი სიკეთე მალე ორმაგად დაგიბრუნდებათ. ძველი წყენა და გაუგებრობა მალე წარსულში დარჩება და ახლობელ ადამიანთან ურთიერთობა ახალ დონეს მიაღწევს. ხელსაყრელი გარიგების შედეგად თქვენი ბიუჯეტი მნიშვნელოვნად შეივსება.
მერწყული
იდეებით სავსე ხართ, მაგრამ მათი განხორციელების დრო ჯერ არ მოსულა. გირჩევთ რთული და საპასუხისმგებლო პროექტის დაწყებამდე საკუთარი შესაძლებლობები ობიექტურად შეაფასოთ და მხოლოდ ამის შემდეგ იმოქმედოთ. იგივე ეხება სწავლას ან განათლებას. პირად ურთიერთობებში სრული სიყვარული და ჰარმონია სუფევს.
თევზები
დღის პირველ ნახევარში შესაძლოა, მოვლენები ისე არ განვითარდეს, როგორც გეგმავდით. მცირე წარუმატებლობამ და იმედგაცრუებამ შეიძლება, გეგმების შეცვლა გაიძულოთ. მოულოდნელი შემოსავალი განწყობას გაგიუმჯობესებთ.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
