,
♈ ვერძი (21 მარტი - 19 აპრილი)
დღის მოვლენები: მცირე გაუგებრობები მოსალოდნელია, მაგრამ სიმშვიდით ყველაფერს მოაგვარებ.
ოჯახი: შესაძლოა, შინაური დაძაბულობა იგრძნო – მოდუნდი და ნუ გასცემ ზედმეტ პასუხებს.
ბიზნესი: ფრთხილად იყავი გარიგებებში, განსაკუთრებით თუ საქმე დიდ თანხებს ეხება.
სიყვარული: ემოციური დაძაბულობა შენს ურთიერთობაზეც აისახება – ცოტა დათმობა არ გაწყენდა.
კარიერა: კოლეგებთან კონფლიქტის თავიდან აცილება სასარგებლო იქნება შენთვის.
სამსახური: დატვირთული დღეა, მაგრამ ყურადღებით იყავი – დეტალებში შეიძლება ეშმაკი იმალებოდეს.
♉ კურო (20 აპრილი - 20 მაისი)
დღის მოვლენები: მოსალოდნელია სასიამოვნო სიახლე, მაგრამ რეაქცია არ დააჩქარო.
ოჯახი: ოჯახის წევრები შენგან მეტ ყურადღებას ელოდებიან, ნუ გამოტოვებ ამას.
ბიზნესი: ფინანსური გადაწყვეტილებები სიფრთხილით მიიღე, არაა საუკეთესო დრო რისკისთვის.
სიყვარული: შენი მომხიბვლელობა იზრდება, მაგრამ ნუ იქნები ზედმეტად თვითდაჯერებული.
კარიერა: წარმატება დამოკიდებულია იმაზე, თუ რამდენად გაწონასწორებულად იმოქმედებ.
სამსახური: შესაძლოა, მოულოდნელმა დავალებამ გამოგიჭიროს – მოემზადე სწრაფი რეაგირებისთვის.
♊ ტყუპები (21 მაისი - 20 ივნისი)
დღის მოვლენები: ცვლილებების დღეა, მაგრამ ნუ იჩქარებ გადამწყვეტი ნაბიჯების გადადგმას.
ოჯახი: მეგობრული ურთიერთობები ოჯახის წევრებთან უკეთეს შედეგს მოგიტანს.
ბიზნესი: ახალი შესაძლებლობა გამოჩნდება, მაგრამ ჯერ საფუძვლიანად გამოიკვლიე.
სიყვარული: შეიძლება მოულოდნელი შეხვედრა გქონდეს – არ უგულებელყო.
კარიერა: არავის მისცე უფლება, შენი შრომა დაუფასებელი დარჩეს.
სამსახური: მეტი კომუნიკაცია გამოგადგება, ნუ შეიზღუდავ საკუთარ აზრებს.
♋ კირჩხიბი (21 ივნისი - 22 ივლისი)
დღის მოვლენები: ემოციური დღეა, მაგრამ შენს წონასწორობას არაფერი დაარღვევს, თუ მოინდომებ.
ოჯახი: საჭიროება გაქვს, დრო საკუთარ თავსაც დაუთმო, ახლობლებს მაინც ნუ გაერიდები.
ბიზნესი: ბიუჯეტის კონტროლი საჭიროა – ზედმეტი ხარჯები შეიძლება დაგენგრეს.
სიყვარული: შეიძლება სერიოზული საუბარი გქონდეს პარტნიორთან – მშვიდად მიუდგი.
კარიერა: შესაძლოა, შენი იდეები ჯერ ვერ აღიქვან სერიოზულად, მაგრამ ნუ დანებდები.
სამსახური: ახალი გამოწვევა გაგიჩნდება, მაგრამ ეს ზრდის შესაძლებლობაა.
♌ ლომი (23 ივლისი - 22 აგვისტო)
დღის მოვლენები: კარგი დღეა გეგმების დასახვისთვის, მაგრამ მოქმედებისთვის ცოტა მოიცადე.
ოჯახი: ოჯახის წევრებს შენი მხარდაჭერა სჭირდებათ, ყურადღებით მოუსმინე მათ.
ბიზნესი: კონკურენცია იზრდება – ახლა ზედმეტი სიფრთხილე არ გაწყენდა.
სიყვარული: ვინმესგან მოულოდნელი ინტერესი იგრძნობა – დაფიქრდი, რა გინდა სინამდვილეში.
კარიერა: შენი ავტორიტეტი იზრდება, მაგრამ ზედმეტი ამბიციები შეიძლება დაგაზარალოს.
სამსახური: შესაძლოა, ახალი პროექტი დაგავალონ – ეს შენი შანსია.
♍ ქალწული (23 აგვისტო - 22 სექტემბერი)
დღის მოვლენები: სასარგებლო ინფორმაცია გაიგებ, რომელსაც გონივრულად უნდა მოეკიდო.
ოჯახი: კარგი დროა ოჯახურ საქმეებში დასახმარებლად – ეს შენს სასარგებლოდ იმუშავებს.
ბიზნესი: თუ მოლაპარაკებას აწარმოებ, მეტი დიპლომატიურობა დაგჭირდება.
სიყვარული: შენგან ელიან გულწრფელობას – ნუ შეინახავ ემოციებს საკუთარ თავში.
კარიერა: შენი გეგმები ნელ-ნელა წინ მიდის, მოთმინება არ დაკარგო.
სამსახური: ვიღაც შენს შრომას არ აფასებს სათანადოდ – თუმცა შედეგი მაინც შენს სასარგებლოდ იქნება.
♎ სასწორი (23 სექტემბერი - 22 ოქტომბერი)
დღის მოვლენები: მნიშვნელოვანი გადაწყვეტილება მოგიწევს – იფიქრე ლოგიკურად.
ოჯახი: ურთიერთობებში მეტი სითბო შეიტანე, ეს ყველაფერს გაამარტივებს.
ბიზნესი: ახლა ზედმეტ რისკზე წასვლა არ ღირს – არსებული რესურსები უფრო გონივრულად გამოიყენე.
სიყვარული: დაძაბულობა მოსალოდნელია, მაგრამ პატარა ჟესტიც კი შეიძლება სიტუაციას გამოასწოროს.
კარიერა: პროფესიულ საკითხებში წინსვლის შანსი გაქვს, მაგრამ მონდომება გჭირდება.
სამსახური: ახალი შესაძლებლობა გამოჩნდება, რომელიც პირველივე შეხედვით არ იქნება აშკარა.
♏ მორიელი (23 ოქტომბერი - 21 ნოემბერი)
დღის მოვლენები: ინტუიცია სწორად გიმუშავებს – მიჰყევი მას.
ოჯახი: შეიძლება მოულოდნელი ოჯახური ამბავი გაიგო – რეაქციას აკონტროლე.
ბიზნესი: საუკეთესო დრო არაა ინვესტიციებისთვის, თუმცა მომავალი ნაბიჯები დაიგეგმე.
სიყვარული: ვიღაც შენს მიმართ ინტერესი გამოავლენს – დაფიქრდი, რამდენად რეალურია ეს.
კარიერა: კონკურენცია მატულობს, მაგრამ შენი სიმტკიცე გადამწყვეტი იქნება.
სამსახური: შესაძლოა, ვიღაცამ შენი მიღწევები დაუფასოს, მაგრამ რეალურად შედეგი მაინც შენს სასარგებლოდ იქნება.
♐ მშვილდოსანი (22 ნოემბერი - 21 დეკემბერი)
დღის მოვლენები: აქტიური დღეა, მაგრამ ზედმეტი ენერგიის ხარჯვას მოერიდე.
ოჯახი: საჭიროა, ახლობლებს მეტი ყურადღება დაუთმო – შეიძლება მნიშვნელოვანი რამ გამოგრჩეს.
ბიზნესი: ფრთხილად იყავი თანამშრომლების არჩევისას, ნდობა გადამწყვეტია.
სიყვარული: შეიძლება ურთიერთობა ახალ ფაზაში გადავიდეს, რაც ცოტა მოულოდნელი იქნება.
კარიერა: შეიძლება მცირე შეცდომა დაუშვა, მაგრამ სწრაფად გამოასწორებ.
სამსახური: ზედმეტ პასუხისმგებლობას ნუ აიღებ – ყველა პრობლემა შენი მოსაგვარებელი არაა.
♑ თხის რქა (22 დეკემბერი - 19 იანვარი)
დღის მოვლენები: სტაბილურობის შენარჩუნება დღეს შენთვის პრიორიტეტული უნდა იყოს.
ოჯახი: ნუ აიღებ ზედმეტ პასუხისმგებლობას სხვების პრობლემებზე.
ბიზნესი: ფინანსურად გაწონასწორებული უნდა იყო – სპონტანურ გადაწყვეტილებებს მოერიდე.
სიყვარული: შესაძლოა, ვინმე ძველი ადამიანი გამოჩნდეს – დაფიქრდი, ღირს თუ არა ძველ გზაზე დაბრუნება.
კარიერა: შესაძლებლობა გაქვს, შენი გავლენა გაზარდო, მაგრამ მოითმინე.
სამსახური: თუ დღეს ზედმეტ შრომას მოინდომებ, შედეგი შეიძლება ისეთი არ იყოს, როგორიც გინდა.
♒ მერწყული (20 იანვარი - 18 თებერვალი)
დღის მოვლენები: შესაძლოა, მოულოდნელმა ამბავმა დღის გეგმები შეგიცვალოს – სიმშვიდე შეინარჩუნე.
ოჯახი: საყვარელ ადამიანთან მცირე გაუგებრობა მოსალოდნელია, მაგრამ გულახდილი საუბარი ყველაფერს მოაგვარებს.
ბიზნესი: ახალი იდეები გაჩნდება, მაგრამ ჯერ დეტალურად გააანალიზე, სანამ ნაბიჯებს გადადგამ.
სიყვარული: ემოციურად დაძაბული დღეა, ნუ განიხილავ სერიოზულ თემებს, თუ კარგად არ ხარ მომზადებული.
კარიერა: შეიძლება გაუთვალისწინებელი ცვლილებები მოხდეს სამსახურში, იყავი მზად სწრაფი ადაპტაციისთვის.
სამსახური: დღეს მეტი ყურადღება გმართებს, განსაკუთრებით დეტალებზე – მცირე შეცდომას შეიძლება დიდი შედეგები მოჰყვეს.
♓ თევზები (19 თებერვალი - 20 მარტი)
დღის მოვლენები: ინტუიცია სწორად გიმუშავებს, მაგრამ ზედმეტ ოცნებებში ნუ ჩაეფლობი.
ოჯახი: ოჯახური ატმოსფერო დღეს განსაკუთრებულად მნიშვნელოვანი იქნება – მოერიდე კონფლიქტს.
ბიზნესი: ფინანსური საკითხები სერიოზულ ანალიზს მოითხოვს – ნუ იჩქარებ გადაწყვეტილებების მიღებას.
სიყვარული: შესაძლოა, ახალმა ურთიერთობამ მოგხიბლოს, მაგრამ დარწმუნდი, რომ ეს რეალურია და არა უბრალოდ წამიერი ემოცია.
კარიერა: თუ ახალი პროექტის წამოწყებას ფიქრობ, ჯერ კარგად მოამზადე ბაზა.
სამსახური: ყურადღება მიაქციე კოლეგების დამოკიდებულებას – ვიღაც შეიძლება შენზე ზეწოლას ცდილობდეს.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
