,
ვერძი (21 მარტი - 20 აპრილი)
ეს დღე საშუალებას მოგცემთ, რომ მიზანს ადვილად მიაღწიოთ - პროფესიულ მოვალეობებს სწრაფად გაუმკლავდებით და საკმარისი დრო დაგრჩებათ საქმეებისთვის, რომლებიც სიამოვნებას განიჭებთ.
სამსახურებრივი რომანი, პრობლემების გარდა, არაფერს მოგიტანთ.
კურო (21 აპრილი - 21 მაისი)
ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. ეს საშუალებას მოგცემთ, სამომავლო გეგმებში მცირე კორექტივები შეიტანოთ.
საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ. გირჩევთ, უცნობ ადამიანებთან ურთიერთობა მინიმუმამდე შეამციროთ. მოერიდეთ ნაჩქარევ შესყიდვებს და ფული დაუფიქრებლად არ დახარჯოთ.
ტყუპები (22 მაისი - 21 ივნისი)
ამ დღეს თითქმის ყველაფერში გიმართლებთ. ბედი საჩუქრებით აგავსებთ, თქვენგან მხოლოდ მადლიერებაა საჭირო. პრობლემები თავისთავად ან თქვენი მინიმალური მონაწილეობით მოგვარდება. სარისკო პროექტები მოგებას და წარმატებას მოგიტანთ.
პროფესიულ უთანხმოებებსაც შესანიშნავად დაძლევთ და გუშინდელი ოპონენტი თქვენი საუკეთესო მოკავშირე გახდება. პირადი ურთიერთობები ჰარმონიულია, ჯანმრთელობის მხრივ პრობლემები არ გელით.
კირჩხიბი (22 ივნისი - 22 ივლისი)
ამ დღეს ბევრი მნიშვნელოვანი, მაგრამ ძალიან დამღლელი საქმე გელით. ძალების არასწორად განაწილება ბევრ პრობლემას მოგიტანთ, რაც თქვენს განწყობაზეც აისახება. გსურთ ახლობელ ადამიანებს საკუთარი რჩევებით დაეხმაროთ, მაგრამ ამას შეიძლება კამათი და გაუგებრობა მოჰყვეს.
კირჩხიბებისთვის ამ დღეს ასაკით უფროს ადამიანებთან ურთიერთობა სასარგებლოა - მათი ცხოვრებისეული გამოცდილება ძალიან დაგეხმარებათ. ნუ დაიჯერებთ თქვენთვის ძვირფას ადამიანთან დაკავშირებულ ჭორებს.
ლომი (23 ივლისი - 23 აგვისტო)
მშვენიერი დღეა ახალი საქმიანი კავშირების დამყარების და ძველის გაძლიერებისთვის. შანსი გაქვთ, სპონსორი იპოვოთ, რომელიც თქვენს ბიზნესპროექტებს დააფინანსებს.
საყვარელ ადამიანებთან ურთიერთობა უფრო თბილი და ნდობით სავსე გახდება. შეგიძლიათ მათ საკუთარი პრობლემები გაუზიაროთ. დარწმუნებული იყავით, რომ კარგ რჩევას, მორალურ მხარდაჭერას ან რეალურ დახმარებას მიიღებთ.
ქალწული (24 აგვისტო - 23 სექტემბერი)
მოემზადეთ - ამ დღეს ძველ ჩვევებსა და ტრადიციებზე უარის თქმა მოგიწევთ. ახალი იდეები და მაცდური შეთავაზებები გელით. ზოგადად, პროფესიული თვალსაზრისით, ძალიან დატვირთული დღეა, თუმცა სწრაფი შედეგის იმედი ნუ გექნებათ.
ხელსაყრელი დღეა ოჯახური პრობლემებისა და ახლობლებს შორის კონფლიქტების მოსაგვარებლად. ბევრი მარტოხელა ქალწული სერიოზულად დაფიქრდება ოჯახის შექმნაზე.
სასწორი (24 სექტემბერი - 23 ოქტომბერი)
იმის გამო, რომ მნიშვნელოვანი გადაწყვეტილებების დამოუკიდებლად მიღებას ცდილობთ, შესაძლოა კონფლიქტური სიტუაციები წარმოიშვას. რჩევებს არ ითვალისწინებთ და მხოლოდ იმას აკეთებთ, რასაც თავად მიიჩნევთ საჭიროდ. ზოგჯერ ეს სერიოზულ პრობლემებს გამოიწვევს, მაგრამ არაფრის შეცვლა არ გსურთ.
პრინციპში, თავდაჯერება გეხმარებათ, რომ რთულ სიტუაციაში არ დანებდეთ. ასე გააგრძელეთ!
მორიელი (24 ოქტომბერი - 22 ნოემბერი)
ხელსაყრელი დღეა რთული პრობლემების გადასაჭრელად - მიზნისკენ მიმავალ გზას სწრაფად და უშეცდომოდ პოულობთ. ზოგჯერ პირდაპირ და ხისტად მოქმედებაც კი გიწევთ, მაგრამ ამაზე არ უნდა ინერვიულოთ.
ეცადეთ, საკუთარი ქმედებები თავად აკონტროლოთ და არავის მისცეთ უფლება თქვენით მანიპულირება მოახდინოს.
მშვილდოსანი (23 ნოემბერი - 21 დეკემბერი)
ხელსაყრელი დღეა კონფლიქტების მოგვარებისა და უთანხმოების დაძლევისთვის. შესაძლოა, ფარული მტრები გამოავლინოთ და საკუთარი პოზიციები გააძლიეროთ. დღის მეორე ნახევარში სავარაუდოდ, იძულებული იქნებით მოსაწყენ ადამიანებთან იკონტაქტოთ, რომლებსაც საკუთარი იდეები არ აქვთ და ცდილობენ თქვენით ისარგებლონ.
თხის რქა (22 დეკემბერი - 20 იანვარი)
ყველაფერი, რასაც ამ დღეს აკეთებთ, ყურადღებას იქცევს. შესაძლოა, ამის წყალობით ახალი მოკავშირეები და პარტნიორები, ასევე ძლიერი მფარველები იპოვოთ.
შესაძლოა, მატერიალურ მხარდაჭერასთან დაკავშირებული მნიშვნელოვანი საკითხები მოაგვაროთ და ახალი პროექტის განხორციელებისთვის თანხაც მიიღოთ.
მერწყული (21 იანვარი - 18 თებერვალი)
რთული დღეა. ნებისმიერ საქმეში ვიღაცასთან დაპირისპირება და საკუთარი სიმართლის მტკიცება მოგიწევთ. რისკზე წასვლას უნდა მოერიდოთ, უმჯობესია სიფრთხილე და წინდახედულობა გამოიჩინოთ.
ფინანსურ საქმეებში ფხიზლად უნდა იყოთ - სულ ერთია, ეს თქვენი ფულია თუ სხვისი. ლიდერის თვისებების დემონსტრირებით შეიძლება დიდ წარმატებას მიაღწიოთ, თუმცა, ეს ადვილი არ იქნება. დღის მეორე ნახევარში უფროსი ნათესავების ან ძველი ნაცნობისგან შეიძლება ფინანსური დახმარება მიიღოთ.
თევზები (19 თებერვალი - 20 მარტი)
ეცადეთ მეტი მოთმინება გამოიჩინოთ. ამ დღეს საიდუმლოს ფარდა აეხდება, მაგრამ არც ისე სწრაფად, როგორც თქვენ გსურთ. შემოსული ინფორმაცია ურთიერთგამომრიცხავია, ამიტომ ვითარებაში გარკვევისთვის დრო გჭირდებათ.
ხელსაყრელი დღეა კომერციული საქმიანობისთვის. დღის მეორე ნახევარში ფიზიკურ შრომას და გადაღლას უნდა მოერიდოთ - გამორიცხული არ არის ქრონიკული დაავადებების გამწვავება.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
