USD 2.7207
EUR 2.9509
RUB 2.8314
Тбилиси
ასტროლოგი - რას გვპირდება 21 ოქტომბერი?!
 328

რას გვირჩევენ ვარსკვლავები 21 ოქტომბერისთვის:

ვერძი (21 მარტი - 20 აპრილი)

ოცნებებმა და წარმოსახვის უნარმა შეიძლება საინტერესო იდეამდე მიგიყვანოთ, რომელსაც მოგვიანებით განახორციელებთ. ნურც თქვენი უშუალო პასუხისმგებლობების შესახებ დაივიწყებთ, რადგან თქვენი ფინანსური კეთილდღეობა ამაზეა დამოკიდებული. გამორიცხული არ არის, რომ მისტიკური თემებით დაინტერესდეთ.

 კურო (21 აპრილი - 21 მაისი)

ამ დღეს თქვენი კონკურენტები ეცდებიანმ ხაფანგი დაგიგონ ან დაწყებული საქმის დასრულებაში ხელი შეგიშალონ. მეგობრების დახმარება თავდაჯერებას გაგრძნობინებთ და განწყობას აგიმაღლებთ. ხოლო სრულიად უცნობი ადამიანის რჩევები პრობლემიდან გამოსავალს გიკარნახებთ. არც ფიზიკური ვარჯიშისა და დასვენების შესახებ დაივიწყოთ.

ტყუპები (22 მაისი - 21 ივნისი)

თუ ვინმესთან დაპირისპირებული ხართ ან თქვენი ურთიერთობა ჩიხში შევიდა, ეს დღე სადავო საკითხების გასარკვევად ხელსაყრელია. შესაძლოა, საყვარელი ადამიანის შესანარჩუნებლად კომპრომისზე წასვლა მოგიწიოთ. ყურადღებით მოუსმინეთ გარშემო მყოფთა საუბრებს და შეიძლება, ყველა კითხვაზე პასუხი იპოვოთ.

კირჩხიბი (22 ივნისი - 22 ივლისი)

ამ დღეს ნებისმიერი სამუშაო გაცილებით მეტ ძალისხმევას და წინააღმდეგობის დაძლევას მოითხოვს. თავდაჯერებულად იმოქმედეთ, არჩეულ კურსს არ გადაუხვიოთ და ყველაფერი გამოგივათ. დღის მეორე ნახევარში საყვარელ ადამიანების მხრიდან კრიტიკას ელოდეთ, თუმცა ემოციებს ნუ აჰყვებით - ყველა გაუგებრობა მალე მოგვარდება.

ლომი (23 ივლისი - 23 აგვისტო)

ამ დღეს საოჯახო საქმეებს და ოჯახის წევრებთან ურთიერთობას მეტი ყურადღება უნდა მიაქციოთ. კარგი იქნება, თუ ცოტა ხნით პროფესიულ საქმიანობას მოწყდებით და მთელ დღეს საყვარელ ადამიანებთან ერთად გაატარებთ. იზრუნეთ საკუთარ ჯანმრთელობაზე, რათა ძველმა დაავადებებმა თავი არ შეგახსენოთ.

ქალწული (24 აგვისტო - 23 სექტემბერი)

ადამიანებთან ურთიერთობის და მათი დარწმუნების უნარი დღეს განსაკუთრებით გაძლიერებული გაქვთ. თუ მოინდომებთ, შეიძლება ნებისმიერი ადამიანი თქვენს თანამოაზრედ და მხარდამჭერად აქციოთ. ეცადეთ, ამ შესაძლებლობით ისარგებლოთ და თქვენთვის საჭირო ადამიანთან შეხვედრა დანიშნოთ. ვარსკვლავები გირჩევენ, საკუთარ ჯანმრთელობაზე იზრუნოთ და იმუნური სისტემა გაიძლიეროთ.

სასწორი (24 სექტემბერი - 23 ოქტომბერი)

პიროვნული მომხიბვლელობა დაგეხმარებათ, რომ მიზანს მარტივად მიაღწიოთ. სასარგებლო იქნება პროფესიული მიმართულებით ცოდნის ამაღლება. ვარსკვლავები თქვენს მხარეს არიან, ამიტომ თამამად შეგიძლიათ აკეთოთ ყველაფერი, რასაც ადრე ვერ ბედავდით.

მორიელი (24 ოქტომბერი - 22 ნოემბერი)

ხელსაყრელი დღეა ფინანსური საკითხების გადაჭრის ან განხილვისთვის. სანამ საქმიან შეთავაზებას დათანხმდებით, ეცადეთ, ყველა მოსალოდნელი რისკი გაითვალისწინოთ, გამოცდილ ადამიანებს რჩევა ჰკითხოთ და პასუხი მხოლოდ ამის შემდეგ გასცეთ. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.

მშვილდოსანი (23 ნოემბერი - 21 დეკემბერი)

ამ დღეს მშვილდოსანს ნებისმიერი ადამიანის დარწმუნება შეუძლია. ეცადეთ, ამ შესაძლებლობით ისარგებლოთ და საჭირო ადამიანები თქვენს მხარდამჭერებად აქციოთ. ვარსკვლავები გირჩევენ, რომ სწორ კვებას და დასვენებას მეტი ყურადღება მიაქციოთ.

თხის რქა (22 დეკემბერი - 20 იანვარი)

ამ დღეს თქვენი შემოქმედებითი პოტენციალი დაბალ დონეზეა. გირჩევთ, ახალი საქმის დაწყებას მოერიდოთ. გუნდური მუშაობა სასურველ შედეგს და საჭირო მხარდაჭერას მოგიტანთ. გამორიცხული არ არის, რომ მნიშვნელოვან კითხვაზე პასუხი მიიღოთ.

 მერწყული (21 იანვარი - 18 თებერვალი)

მოემზადეთ რთული და წინააღმდეგობრივი დღისთვის. სავარაუდოდ, მხარდამჭერებთან ერთად რთული საკითხების მოგვარება მოგიწევთ. თქვენი ენერგიულობა საშუალებას მოგცემთ, ყველა ამოცანას გაუმკლავდეთ და კარგი განწყობა შეინარჩუნოთ. ოჯახური ურთიერთობები ჰარმონიულია, ჯანმრთელობის მხრივ პრობლემები არ გელით, თუმცა ისწავლეთ, რომ უსიამოვნო სიახლეებს უფრო მშვიდად უნდა შეხვდეთ.

თევზები (19 თებერვალი - 20 მარტი)

თუნდაც გარემოებები თქვენს სასარგებლოდ არ მეტყველებდნენ, არ უნდა დანებდეთ და მიზნისკენ სვლა განაგრძოთ. მოერიდეთ ახალ ნაცნობობას. უმჯობესია დღე საყვარელ ადამიანებთან ერთად გაატაროთ.

область
რუსთავის ჭალის ტყის აღდგენა-გაშენების მასშტაბური პროექტის განხორციელება იწყება

ქალაქ რუსთავის განვითარებისთვის მნიშვნელოვანი პროექტის, რუსთავის ჭალის ეკოსისტემის აღდგენა დავიწყეთ. პროექტი გარემოსთვის მიყენებული ზიანის ანაზღაურების შედეგად აკუმულირებული თანხებიდან დაფინანსდება, - ამის შესახებ გარემოს დაცვისა და სოფლის მეურნეობის მინისტრმა ოთარ შამუგიამ რუსთავის ჭალის ტყის აღდგენის პროექტის პრეზენტაციაზე განაცხადა.

როგორც მინისტრმა აღნიშნა, ეს არის პირველი პრეცედენტი მას შემდეგ, რაც ამოქმედდა გარემოსდაცვითი პასუხისმგებლობის შესახებ ახალი კანონი, რომელმაც მოგვცა შესაძლებლობა და დანერგა ეს პრინციპი.

მისივე თქმით, ჭალის ტერიტორიის აღდგენა, ერთი მხრივ, დადებითად იმოქმედებს რუსთავის ჰაერის ხარისხზე, რაც ჩვენთვის პრიორიტეტულია და, ამავდროულად, რუსთაველებს და რუსთავის სტუმრებს ექნებათ ძალიან ლამაზი, მოწესრიგებული და მასშტაბური რეკრეაციული სივრცე.

სამინისტროს მიერ გავრცელებული ინფორმაციით, რუსთავის ჭალის ტერიტორიაზე, 160 ჰა ფართობზე მოეწყობა ტურისტულ-რეკრეაციული ინფრასტრუქტურა - საფეხმავლო და ველობილიკები, მოსასვენებელი სივრცეები, საგუშაგო კოტეჯები, საპრეზენტაციო სივრცე, დამონტაჟდება ფრინველებსა და ცხოველებზე დაკვირვების პროცესისთვის საჭირო ფოტოხაფანგები, მტკვარზე მოეწყობა მყარი ნარჩენებისგან წყლის გამწმენდი ბარიერი; 24 ჰა ფართობზე კი, 60 ათასი ხის ნერგი დაირგვება. პარკი ვიზიტორებს ფიზიკური აქტივობებისთვის უსაფრთხო და ხელსაყრელ გარემოს შესთავაზებს, სადაც საგანმანათლებლო დაწესებულებებისთვის ხელმისაწვდომი იქნება გარემოს დაცვის საკითხებზე შემეცნებითი შეხვედრების მოწყობა.

პროექტის პრეზენტაციას რუსთავის მერი ნინო ლაცაბიძე, საქართველოს პარლამენტის წევრები მაია ბითაძე და ირაკლი შატაკიშვილი ესწრებოდნენ.

რუსთავის მერმა სამოქალაქო აქტივისტებს, საქართველოს პარლამენტს და სამთავრობო გუნდს მადლობა გადაუხადა პროექტის მხარდაჭერისთვის და რუსთავის ეკოლოგიური მდგომარეობის გაუმჯობესებაზე ზრუნვისთვის.

„ეს სივრცე ჩვენი ქალაქის ფილტვებია, რომელიც, სამწუხაროდ, 90-იან წლებში იყო განადგურებული. დღეს ჩვენს თაობას, ჩვენს გუნდს გვაქვს შესაძლებლობა, ყველამ ერთად მივიღოთ მონაწილეობა, აღვადგინოთ უნიკალური ჭალის ტყე, რომელიც გააჯანსაღებს და გააუმჯობესებს ქალაქის ეკოლოგიურ მდგომარეობას. ეს არის უპრეცედენტო, ძალიან მასშტაბური პროექტი, რომელსაც რუსთაველები დიდი ხანია ველოდებით“, - აღნიშნა ნინო ლაცაბიძემ.

საქართველოს პარლამენტის წევრმა მაია ბითაძემ პროექტის მასშტაბურობაზე გაამახვილა ყურადღება და აღნიშნა, რომ რუსთავის ჭალის ტყის აღდგენის პროექტის განხორციელება ქალაქის რეკრეაციულ განვითარებას შეუწყობს ხელს, რომელიც მიმზიდველი იქნება როგორც ადგილობრივი მოსახლეობისთვის, ასევე ტურისტებისთვის.

„გარემოს დაცვის და სოფლის მეურნეობის სამინისტროს და რუსთავის მერიის ერთობლივი ძალისხმევით აღდგება და განახლდება 160 ჰა რუსთავის ტყის ჭალების ტერიტორია. ეს არის უპრეცედენტო პროექტი, რომელიც გარემოს დაცვით ფონდში აკუმულირებული თანხებით განხორციელდება“, - განაცხადა მაია ბითაძემ.

„პროექტის განსახორციელებლად საჭირო თანხები გარემოსდაცვითი ფონდის ბიუჯეტიდან გამოიყო, რომელიც გარემოსთვის მიყენებული ზიანის ფულადი ანაზღაურების შედეგად გადახდილი თანხებით შეიქმნა. გარემოსდაცვითი ფონდები თითქმის ყველა ევროპულ ქვეყანაში არსებობს, თუმცა აღმოსავლეთ ევროპის ქვეყნებში საქართველო პირველია, რომელმაც მსგავსი ფონდი შექმნა. აღნიშნული ფონდის მიზანი გარემოს მდგომარეობის გასაუმჯობესებლად სხვადასხვა მუნიციპალიტეტში საჭირო ღონისძიებების დაგეგმვა და განხორციელებაა. აღსანიშნავია, რომ რუსთავის ჭალის ტყის აღდგენის პროექტი გარემოსდაცვითი ფონდიდან დაფინანსებული პირველი პროექტია.

ჭალის ტყე ქალაქ რუსთავის მუნიციპალიტეტის საზღვრებში, მტკვრის ორივე სანაპიროზე, ძველსა და ახალ ხიდს შორის არსებულ სივრცეში მდებარეობს. ჭალის ტყის განვითარების სტრატეგიის დოკუმენტის თანახმად, ამჟამად ეს მონაკვეთი გამოუყენებელ სივრცეს წარმოადგენს,სადაც ეკოსისტემა დეგრადირებულია და დაბინძურებულია სხვადასხვა ტიპის ნარჩენით“, - ნათქვამია სამინისტროს მიერ გავრცელებულ ინფორმაციაში.

более
голосование
ვინ გაიმარჯვებს რუსეთ - უკრაინის ომში?
голосование
Кстати