,
რას გვირჩევენ ვარსკვლავები 20 დეკემბრისთვის:
ვერძი (21 მარტი - 20 აპრილი)
წარმატებული და ნაყოფიერი დღეა. ნებისმიერ საქმეში ინიციატივას იჩენთ, კოლეგებს საკუთარ ცოდნას უზიარებთ და დავალების შესრულებაში ეხმარებით. ზოგი თქვენგანი შეხვდება ადამიანს, რომელიც მოგვიანებით ერთგული თანამოაზრე და თანამებრძოლი გახდება. თვითკრიტიკაში ცუდი არაფერია. პირიქით, ამ დროს გაიგებთ, ვინაა თქვენი ნამდვილი მეგობარი. ხელსაყრელი დღეა მავნე ჩვევებთან ბრძოლის დასაწყებად.
კურო (21 აპრილი - 21 მაისი)
თითქოს ყველაფერი კარგადაა, მაგრამ წვრილმანი პრობლემები ისე გაწუხებთ, რომ თავს ბედნიერად არ გრძნობთ. ეცადეთ, გვერდით გყავდეთ მხიარული და ოპტიმისტი ადამიანი, რომელიც ნებისმიერ სიტუაციაში დაგეხმარებათ და საკუთარ პოზიტივს გაგიზიარებთ. შესაძლოა, კოლეგებს ან მეგობრებს თქვენი მხარდაჭერა დასჭირდეთ და უარი არ უნდა უთხრათ. ერიდეთ საყვარელ ადამიანთან კამათს და ეცადეთ, ერთად ყოფნისთვის დრო გამონახოთ.
ტყუპები (22 მაისი - 21 ივნისი)
თუ ჯერ არ გესმით, სიტუაცია რამდენად სერიოზულია, მაშინ გადაწყვეტილება არ უნდა მიიღოთ. მიმდინარე საქმეებს რაღაც აფერხებს და საბოლოო შედეგამდე იმაზე გრძელი გზა უნდა გაიაროთ, ვიდრე გგონიათ. შესაძლოა, რომელიღაც კოლეგამ იმედი გაგიცრუოთ, ამიტომ ეცადეთ, დამოუკიდებლად იმოქმედოთ. თუ შესაძლებელია, ყველაფერი მომდევნო დღისთვის გადადეთ და სახლში ცოტა ადრე წადით. ოჯახთან ერთად გატარებული დრო გაცილებით მნიშვნელოვანია.
კირჩხიბი (22 ივნისი - 22 ივლისი)
სავარაუდოდ, ამ დღეს ვიღაც თქვენზე ძლიერ გავლენას მოახდენს. შესაძლოა, ცვლილებებისკენ გიბიძგებენ, რომლებისთვისაც ჯერ მზად არ ხართ. სამსახურში ყველაფერი გეგმის მიხედვით მიმდინარეობს და სიურპრიზებს არ უნდა ელოდოთ. შესაძლოა, რომელიმე კოლეგამ საღამოს კაფეში დასაჯდომად და სასაუბროდ მიგიწვიოთ. სანამ რამეს იტყვით, კარგად დაფიქრდით – შეიძლება ვიღაცამ თქვენი სიტყვები არასწორად გაიგოს და გაგინაწყენდეთ.
ლომი (23 ივლისი - 23 აგვისტო)
ეს დღე შესაფერისია მეგობრებთან ან კოლეგებთან შეხვედრისა და დროის სასიამოვნოდ გატარებისთვის. ეს უფრო დაგაახლოებთ და თქვენი გუნდური მუშაობა გაცილებით ნაყოფიერი გახდება. ზოგი ლომი შეიძლება შეხვდეს ადამიანს, რომელიც თავდავიწყებით შეუყვარდება, ზოგს კი ძველი სიყვარული დაუბრუნდება და ურთიერთობის განახლებას მოინდომებს. მხოლოდ თქვენი გადასაწყვეტია, ამ შეთავაზებას მიიღებთ თუ არა.
ქალწული (24 აგვისტო - 23 სექტემბერი)
ნაკლები იოცნებეთ, თორემ რეალობას მოწყდებით და სამუშაო შეუსრულებელი დაგრჩებათ. ნურც მეორე უკიდურესობაში გადავარდებით - ქანცგაწყვეტამდე, შეუსვენებლად მუშაობა თქვენს ჯანმრთელობაზე უარყოფითად აისახება. მნიშვნელოვან საკითხთან დაკავშირებით უმჯობესია, დამკვირვებლის პოზიციას დასჯერდეთ და მოვლენები თვითდინებაზე მიუშვათ. დღის მეორე ნახევარში შეიძლება მეგობრების გამო საყვარელ ადამიანთან იკამათოთ
სასწორი (24 სექტემბერი - 23 ოქტომბერი)
პარტნიორთან ურთიერთობაში სირთულე გელით. გირჩევთ, სიტუაციის მოსაგვარებლად პირველი ნაბიჯი თავად გადადგათ, თორემ მოვლენების განვითარების ლოდინი დიდხანს მოგიწევთ. სამსახურში საქმე უინტერესოდ მიდის, ამიტომ აჯობებს, რომ ამ დღეს მეტი დრო ოჯახს და საყოფაცხოვრებო საკითხებს დაუთმოთ.
მორიელი (24 ოქტომბერი - 22 ნოემბერი)
პროექტი, რომელზეც ამ ბოლო დროს მუშაობდით, თითქმის დასრულებულია. სასურველი შედეგის სწრაფად მისაღწევად, გირჩევთ, თქვენი გეგმა მცირე ნაწილებად დაყოთ და მოვლენები არ დააჩქაროთ. ამ დღეს მხოლოდ საკუთარ ძალებს უნდა დაეყრდნოთ - პარტნიორებს და მოკავშირეებს ახლა თქვენთვის არ სცალიათ. თუ მოსალოდნელ რისკებს გაითვალისწინებთ, შეიძლება შეცდომები თავიდან აიცილოთ. გირჩევთ, პირად ურთიერთობებში საყვარელ ადამიანს მეტად ენდოთ.
მშვილდოსანი (23 ნოემბერი - 21 დეკემბერი)
საშიში არაფერია თუ კოლეგის მიმართ გრძნობები გაგიჩნდათ. ნუ ნერვიულობთ იმაზე თუ რას იტყვის ხალხი - როგორც არ უნდა მოიქცეთ, ისინი ყოველთვის რაღაცას ამბობენ. მნიშვნელოვანი შეხვედრის წინ ნუ აჩქარდებით და ტანსაცმელი გულმოდგინედ შეარჩიეთ – ამ დღეს ძალიან კარგად უნდა გამოიყურებოდეთ.
თხის რქა (22 დეკემბერი - 20 იანვარი)
ნუ ცდილობთ ათი საქმის ერთდროულად კეთებას, რადგან შუა გზაზე ძალა გამოგელევათ და ათივე საქმე დაუსრულებელი დაგრჩებათ. ნუ შეგეშინდებათ გარშემო მყოფებთან გულწრფელად საუბრის. მშვენიერი დღეა მოკავშირეებთან ერთად საერთო გეგმების განხორციელება დაიწყოთ. ეცადეთ დასვენებისთვის დრო გამონახოთ, წადით სადმე ოჯახთან ან საყვარელ ადამიანთან ერთად. საღამოს შეიძლება, ძველ ნაცნობებს შეხვდით, რომლებთანაც ბევრი განსახილველი თემა დაგიგროვდათ.
მერწყული (21 იანვარი - 18 თებერვალი)
ნუ გგონიათ, რომ იმის გაკეთება, რაზეც ოცნებობთ, ასაკის, სტატუსის, წონის ან სხვა ფაქტორის გამო დაგვიანებულია. თუ რამის გაკეთება ნამდვილად გსურთ, მოქმედების დროა. ოჯახურ ცხოვრებაში მოსალოდნელია სასიამოვნო სიახლეები და ცვლილებები. თუ რაღაც ვერ გაიგეთ, ვარაუდებით მოქმედებას სჯობს, ახლობელ ადამიანებს რჩევისთვის მიმართოთ.
თევზები (19 თებერვალი - 20 მარტი)
ეცადეთ, ამ დღეს რაღაც სასარგებლო გააკეთოთ. საქმეში რაც უფრო მეტ შრომას ჩადებთ, მით უფრო მეტ ფულს, კეთილგანწყობას და სხვა სიკეთეებს მიიღებთ. გარშემო მყოფები მზად არიან, თქვენი ნებისმიერი თხოვნა დააკმაყოფილონ და ამას ოსტატურად იყენებთ. გირჩევთ, შეცდომები დაუყოვნებლივ გამოასწოროთ, სანამ მათ შესახებ ყველასთვის ცნობილი გახდება. პირად ურთიერთობებში ყველაფერი მშვიდადაა. ასე რომ, შეგიძლიათ, სტაბილურობით ისიამოვნოთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
