,
♈ ვერძი (21 მარტი - 19 აპრილი)
დღის მოვლენები: მნიშვნელოვანი გადაწყვეტილებების დროა, მაგრამ ნუ იჩქარებ – სჯობს, ყველაფერი დაფიქრდე.
ოჯახი: შეიძლება ცოტა დაძაბულობა იგრძნო, თუმცა მცირე კომპრომისი დიდ შედეგს მოიტანს.
ბიზნესი: ფინანსური საკითხების გადაჭრა უფრო გონივრულ მიდგომას მოითხოვს.
სიყვარული: ურთიერთობებში გაუგებრობებია, მაგრამ პირდაპირი საუბარი ყველაფერს გაარკვევს.
კარიერა: ახალი შესაძლებლობები ჩნდება, თუმცა სიფრთხილე არ გაწყენდა.
სამსახური: კოლეგებთან ურთიერთობა უმჯობესდება, რაც შენს პროდუქტიულობას გაზრდის.
♉ კურო (20 აპრილი - 20 მაისი)
დღის მოვლენები: ენთუზიაზმი გაქვს, მაგრამ ნუ გადააჭარბებ – ზომიერება გჭირდება.
ოჯახი: ახლობლებთან უფრო მეტი დრო გაატარე, ეს შენთვისაც სასარგებლოა.
ბიზნესი: ფული სიფრთხილით მართე – ზედმეტ ხარჯებს მოერიდე.
სიყვარული: პარტნიორთან მცირე გაუგებრობა მოსალოდნელია, მაგრამ გულწრფელობა ყველაფერს მოაგვარებს.
კარიერა: ამბიციური იდეები გაქვს, მაგრამ ჯერ შესრულებაზე იფიქრე.
სამსახური: შეიძლება უფროსთან დისკუსია გქონდეს, ეცადე არგუმენტირებულად ისაუბრო.
♊ ტყუპები (21 მაისი - 20 ივნისი)
დღის მოვლენები: დღის განმავლობაში განწყობა გეცვლება, მაგრამ საღამოს ყველაფერი დალაგდება.
ოჯახი: ნათესავებთან საერთო ენის გამონახვა გაუადვილდება.
ბიზნესი: პარტნიორული ურთიერთობების გაძლიერების დროა.
სიყვარული: ახალი ნაცნობობა ბევრ რამეს შეცვლის, მაგრამ ნუ აჩქარდები.
კარიერა: იდეების განხორციელებისთვის დრო უნდა გამოინახო.
სამსახური: კოლეგებთან ურთიერთობა დაძაბულია, მაგრამ სიტუაცია გამოსწორდება.
♋ კირჩხიბი (21 ივნისი - 22 ივლისი)
დღის მოვლენები: ემოციური დღეა, მაგრამ დასკვნების გამოტანას ნუ იჩქარებ.
ოჯახი: ოჯახის წევრები შენს მხარდაჭერას საჭიროებენ.
ბიზნესი: ინვესტიციები ახლა არ არის საუკეთესო იდეა.
სიყვარული: თბილი ურთიერთობები შენს ხასიათზე დადებითად აისახება.
კარიერა: რაღაც არ გამოდის, მაგრამ სჯობს, მოთმინება შეინარჩუნო.
სამსახური: ზედმეტ დეტალებზე ნუ ჩაციკავდები – მთავარს მოეჭიდე.
♌ ლომი (23 ივლისი - 22 აგვისტო)
დღის მოვლენები: ენერგია გაქვს, მაგრამ ფუჭად ნუ დახარჯავ.
ოჯახი: შენზეა დამოკიდებული, რამდენად ჰარმონიული იქნება დღეს ყველაფერი.
ბიზნესი: შენს სიტყვებს წონა აქვს – გამოიყენე გონივრულად.
სიყვარული: ინიციატივა გამოიჩინე, თუ რამე გინდა – ხმამაღლა თქვი.
კარიერა: შენი ძალისხმევა ბოლოს მაინც დაფასდება.
სამსახური: ახალი პროექტი ბევრ შესაძლებლობას მოგცემს.
♍ ქალწული (23 აგვისტო - 22 სექტემბერი)
დღის მოვლენები: ბევრი რამ გადაგივლის თავზე, მაგრამ ყველაფრის გადაჭრას შეძლებ.
ოჯახი: შესაძლოა, ნათესავებისგან მოულოდნელი სიახლე გაიგო.
ბიზნესი: დოკუმენტებთან დაკავშირებული სიფრთხილე არ გაწყენდა.
სიყვარული: რომანტიკას მეტი დრო დაუთმე – დაგიფასდება.
კარიერა: გონივრული ნაბიჯები წინ წაგწევს.
სამსახური: მცირე ცვლილებები შენს სასარგებლოდ იმუშავებს.
♎ სასწორი (23 სექტემბერი - 22 ოქტომბერი)
დღის მოვლენები: გეგმები შეიცვლება, მაგრამ ეს შენს სასარგებლოდ იქნება.
ოჯახი: მეტი სიმშვიდე შეინარჩუნე ოჯახურ საკითხებში.
ბიზნესი: ახლა გადამწყვეტი მომენტია – იმოქმედე გონივრულად.
სიყვარული: პატარ-პატარა გაუგებრობები ურთიერთობებში მოსალოდნელია.
კარიერა: პროექტი, რომელშიც ჩართული ხარ, განვითარებას დაიწყებს.
სამსახური: ყურადღება მიაქციე დეტალებს, შეცდომების თავიდან ასარიდებლად.
♏ მორიელი (23 ოქტომბერი - 21 ნოემბერი)
დღის მოვლენები: შეიძლება რაღაცის დათმობა მოგიწიოს, მაგრამ სამომავლოდ ეს კარგი იქნება.
ოჯახი: ოჯახური საქმეები მოგთხოვს ჩართულობას.
ბიზნესი: ინოვაციური იდეები შეიძლება მოგებაზე აისახოს.
სიყვარული: ახალ ნაცნობობას დიდი პერსპექტივა აქვს.
კარიერა: შენი ნიჭი დასაფასებელი გახდება.
სამსახური: არ ინერვიულო, ყველაფერი ისე აეწყობა, როგორც საჭიროა.
♐ მშვილდოსანი (22 ნოემბერი - 21 დეკემბერი)
დღის მოვლენები: ინსპირაციის მოზღვავებას იგრძნობ.
ოჯახი: ოჯახთან დროის გატარება გაგახარებს.
ბიზნესი: პარტნიორული ურთიერთობები განვითარდება.
სიყვარული: შესაძლოა, დიდი ცვლილებები გელოდოს.
კარიერა: პროფესიული წინსვლა აშკარაა.
სამსახური: მეტი ენთუზიაზმი გამოიჩინე და შედეგი არ დააყოვნებს.
♑ თხის რქა (22 დეკემბერი - 19 იანვარი)
დღის მოვლენები: სერიოზული საკითხები მოითხოვს გადაჭრას.
ოჯახი: ოჯახის წევრების რჩევას ნუ უგულებელყოფ.
ბიზნესი: კონკურენცია იმატებს, მაგრამ მზად ხარ.
სიყვარული: მეტი გულწრფელობა გჭირდება.
კარიერა: დროა, ნაბიჯი წინ გადადგა.
სამსახური: ვალდებულებები მოიმატებს, მაგრამ გაძლებ.
♒ მერწყული (20 იანვარი - 18 თებერვალი)
დღის მოვლენები: ენერგია გაქვს, მაგრამ მისი სწორად გამოყენება უნდა იცოდე.
ოჯახი: შეიძლება პატარა კამათი მოხდეს, მაგრამ მალე განიმუხტება.
ბიზნესი: შესაძლოა, ახალი თანამშრომლობა დაიწყოს.
სიყვარული: საინტერესო ადამიანი გამოჩნდება.
კარიერა: შენი ძალისხმევა შედეგს გამოიღებს.
სამსახური: მეტი პასუხისმგებლობა მოგეთხოვება.
♓ თევზები (19 თებერვალი - 20 მარტი)
დღის მოვლენები: ბევრი ფიქრი მოგიწევს, მაგრამ სწორი გადაწყვეტილება იქნება.
ოჯახი: ოჯახის წევრებთან ურთიერთობა დაგამშვიდებს.
ბიზნესი: საბუთებთან მეტი სიფრთხილე გმართებს.
სიყვარული: საინტერესო შეხვედრა გელოდება.
კარიერა: შენი უნარები დაფასდება.
სამსახური: სიახლეები კარიერულ წინსვლას მოიტანს.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
