,
რას გვირჩევენ ვარსკვლავები 2 თებერვლისთვის:
ვერძი
სახლი, აგარაკი, სამუშაო ადგილი - ამ დღეს პირადი სივრცის დალაგებას და კეთილმოწყობას თუ გეგმავთ, კარგი იქნება, ახლობელ ადამიანებიც დაიხმაროთ.
თუმცა, გამორიცხული არ არის, რომ ზოგად დალაგება-დასუფთავებას არ დასჯერდეთ და კაპიტალური რემონტი დაიწყოთ.
კურო
ინტელექტუალური და ფილოსოფიური საუბრის მოთხოვნილება გაქვთ და ღირსეულ თანამოსაუბრეს ეძებთ. თანამოსაუბრეც რომ ვერ ნახოთ, უბრალო მეგობრული საუბარიც კი შეიძლება ინტელექტუალურ კამათამდე მიიყვანოთ! თქვენთვის კამათის შედეგზე მნიშვნელოვანი აზრების ემოციური გაცვლის პროცესია.
ტყუპები
ფინანსებთან დაკავშირებულ ნებისმიერ პროექტში წარმატება გელით და სულ ერთია, ეს ფინანსური ინვესტიციები იქნება, ბიზნესის გაფართოების გადაწყვეტილება თუ შვებულებასთან დაკავშირებული გეგმები.
თქვენი ტვინი შესანიშნავად მუშაობს და თქვენი იდეების უპირატესობა პრაქტიკულობაა.
კირჩხიბი
ანალიტიკური აზროვნებისა და გამჭრიახობის წყალობით ამ დღეს ნებისმიერი რთული საკითხის გარკვევას შეძლებთ. მთავარია ფაქტების საჭირო რაოდენობა მოაგროვოთ და შემდეგ უკვე სწორი დასკვნების გაკეთებას თავად შეძლებთ.
გამჭრიახობა კირჩხიბის განსაკუთრებული ხიბლია და ეს გასაგებია - ადამიანს არაფერი ამშვენებს ისე, როგორც საკუთარ თავთან მეგობრობა.
ლომი
კარგად დაფიქრდით და აღიარეთ - ჩიხში ხომ არ ხართ? თავის მოტყუების დრო დასრულდა, ამიტომ დროა, სიმართლეს თვალი გაუსწოროთ.
თუ მოვლენების გაანალიზების შემდეგ მიხვდით, რომ არასწორი გზით მიდიხართ, მშვენიერია. ახლა შეიძლება ყველა შესაძლო ვარიანტიდან საუკეთესო გზა აირჩიოთ.
ქალწული
ვარსკვლავები გირჩევენ, თქვენს გარემოცვაში მყოფი ადამიანი უკეთ გაიცნოთ. ეს ადამიანი შეიძლება იყოს ნაცნობი, კოლეგა, მეზობელი და ა.შ.;
ურთიერთობებში ქალწული ლოგიკით ხელმძღვანელობს და არა ემოციებით, ამიტომ კარგი იქნება, ადამიანის შესახებ რაც შეიძლება მეტი ინფორმაცია მიიღოთ. მომავალში ეს ურთიერთობა ძალიან გამოგადგებათ.
სასწორები
ვარსკვლავები გირჩევენ აურზაურს თავი დააღწიოთ და საკუთარ ფიქრებთან მარტო დარჩეთ. მშვენიერი დღეა საქმეებისა და გეგმების გააზრებისა და დასკვნების გამოსატანად. ფილოსოფიურად მოაზროვნე სასწორს შეუძლია საკუთარ თავში ჩაიხედოს და სწორი პასუხი იპოვოს კითხვებზე - "რა მინდა ცხოვრებისგან?", "საით მივდივარ?" და "რა გავაკეთო შემდეგ?". ეს პასუხები სულის სიღრმეში დიდი ხანია, იცით, ახლა უბრალოდ უნდა აღიაროთ.
მორიელი
წარმატების მისაღწევად საკუთარი შესაძლებლობების ობიექტური შეფასება აუცილებელია. გამორიცხული არ არის, სპეციალისტის რჩევა დაგჭირდეთ. უნდა გახსოვდეთ, რომ ორი თავი ერთზე უკეთესია.
ერთმანეთის იმედი და დახმარება რომ არა, ადამიანები დღემდე გამოქვაბულებში იცხოვრებდნენ.
მშვილდოსანი
ერთადერთი სურვილი გამოძრავებთ - ყველას დაუმტკიცოთ, რომ მართალი ხართ. გარშემო მყოფებს ერთადერთი არჩევანი აქვთ - თქვენს არგუმენტებთან უნდა დაეთანხმონ. მშვილდოსანი მხოლოდ მაშინ იქნება კმაყოფილი და ბედნიერი, თუ მის ინტელექტუალურ უპირატესობას აღიარებენ.
თხის რქა
მთელ დღეს ეჭვებსა და გაურკვევლობაში გაატარებთ, რაც თქვენს საქმეებზე უარყოფითად აისახება. პრობლემების თავიდან ასაცილებლად, გირჩევთ, დილა აქტიურად დაიწყოთ - დილის ვარჯიში და კონტრასტული საქმიან განწყობას შეგიქმნით.
მერწყული
ახალი ვალდებულებები ახალ პერსპექტივებს მოგიტანთ. ეს შეიძლება იყოს ხელის თხოვნა, პროფესიული საქმიანობის გაფართოება, კარიერული წინსვლა და ა.შ.
ვარსკვლავები გირჩევენ, ახალი პასუხისმგებლობებისა და ვალდებულებების არ შეგეშინდეთ - შედეგი მოლოდინს გაამართლებს და თქვენი ცხოვრება გაცილებით უკეთესი გახდება.
თევზები
თუ მოინდომებთ, საკუთარი ერუდიციით ნებისმიერ თანამოსაუბრეს გააოცებთ. ეს საშუალებას მოგცემთ, გამოცდები წარმატებით ჩააბაროთ, მოლაპარაკებაზე სასურველი შედეგი მიიღოთ, ახალი პროექტი წარმოადგინოთ და ა.შ.
თქვენ ინტელექტუალურ კომუნიკაციაში ბადალი არ გყავთ, რაც უზარმაზარ უპირატესობას განიჭებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
