,
რას გვირჩევენ ვარსკვლავები 2 ივნისისთვის:
ვერძი (21 მარტი - 20 აპრილი)
ხელსაყრელი დღეა, რაც დაწყებული საქმის სწრაფად და წარმატებით დასრულებაში დაგეხმარებათ. ოჯახურ ურთიერთობებში სრული ჰარმონიაა. ინტუიცია გეხმარებათ, რომ ერთმანეთს უსიტყვოდ გაუგოთ და ძველი წყენა დაივიწყოთ. შესაძლებელია სასიამოვნო სიურპრიზები და მოულოდნელი საჩუქრები.
კურო (21 აპრილი - 21 მაისი)
ამ დღეს სიმშვიდის შენარჩუნება გიჭირთ და ნერვიულობის მიზეზი გაქვთ, რადგან ყველაფერი ისე არ ხდება, როგორც წარმოგედგინათ. გეგმის გზადაგზა შეცვლა და მნიშვნელოვანი საქმეების გადადება გიწევთ, მაგრამ მიზნების მიღწევას მაინც შეძლებთ. ყურადღებით მოუსმინეთ ახლობელი ადამიანების რჩევებს, განსაკუთრებით მათ, ვინც თქვენი მდგომარეობის შესახებ თქვენზე მეტი იცის.
ტყუპები (22 მაისი - 21 ივნისი)
წინააღმდეგობრივი დღეა. სირთულეები გარდაუვალია, მაგრამ პოზიტიური ტენდენციები შექმნილ ვითარებაზე მნიშვნელოვან გავლენას მოახდენს და წარმატების მიღწევაში დაგეხმარებათ. საღამოს სერიოზულ საქმეებს ნუ დაგეგმავთ, უმჯობესია, დრო საყვარელ ადამიანებთან ერთად გაატაროთ ან საყვარელი საქმიანობით დაკავდეთ.
კირჩხიბი (22 ივნისი - 22 ივლისი)
ურთიერთობებისთვის ხელსაყრელი დღეა. საყვარელ ადამიანთან სიახლოვე დაუვიწყარ ემოციებს მოგიტანთ. მოსალოდნელია სასიამოვნო შეხვედრები, გულწრფელი საუბრები და რომანტიკული სიურპრიზები. სამსახურში ფრთხილად უნდა იყოთ - შრომით ხელშეკრულებაზე ხელს ნუ მოაწერთ და თავი შეიკავეთ ახალი საქმიანი ურთიერთობის დაწყებისგან. დროა საკუთარ პრიორიტეტებს გადახედოთ და გეგმები შეცვალოთ.
ლომი (23 ივლისი - 23 აგვისტო)
იღბლიანი და წარმატებული დღეა. შეგიძლიათ თქვენი ყველაზე მნიშვნელოვანი იდეები განახორციელოთ - ყველა მცდელობა თქვენთვის სასურველი შედეგით დასრულდება. თქვენ ადამიანების შთაგონების და იდეის გარშემო გაერთიანების საოცარი ნიჭი გაქვთ, რაც ახლა განსაკუთრებით მნიშვნელოვანია. იზრუნეთ საკუთარ ჯანმრთელობაზე - დროა, ექიმთან კონსულტაციაზე ჩაეწეროთ ან ვარჯიში დაიწყოთ.
ქალწული (24 აგვისტო - 23 სექტემბერი)
დაძაბული დღეა. საყვარელ ადამიანებთან ურთიერთობაში მოსალოდნელია კონფლიქტები. ეცადეთ, პროვოკაციებს არ აჰყვეთ, მწვავე თემების განხილვას თავი აარიდოთ და სიმშვიდე შეინარჩუნოთ. სამსახურში განსაკუთრებული ყურადღება უნდა გამოიჩინოთ. საბუთები და მიღებული ინფორმაცია რამდენჯერმე შეამოწმეთ, თუ შესაძლებელია, თქვენი მოვალეობების ნაწილი სანდო კოლეგებს გაუნაწილეთ.
სასწორი (24 სექტემბერი - 23 ოქტომბერი)
ვარსკვლავები გირჩევენ, ახალი იდეები ოჯახის წევრებს გაუზიაროთ - მათი მხარდაჭერა თავდაჯერებას შეგმატებთ. საყვარელ ადამიანთან ურთიერთობაში ჰარმონია და ურთიერთგაგება სუფევს, თუმცა გახსოვდეთ, რომ საკუთარი სურვილები და მოთხოვნილებებიც არ უნდა დაივიწყოთ.
მორიელი (24 ოქტომბერი - 22 ნოემბერი)
ამ დღეს ბევრი სამუშაო გაქვთ, ამიტომ ეცადეთ, დრო უსარგებლო საუბრებზე არ დაკარგოთ. სასიყვარულო ურთიერთობებში უთანხმოება გელით. შეეცადეთ, გაუგებრობა მშვიდობიანად, სკანდალების გარეშე მოაგვაროთ. დღის მეორე ნახევარი ხელსაყრელია ფინანსური საკითხების გადასაწყვეტად. შეიძლება ხელსაყრელი გარიგება დადოთ.
მშვილდოსანი (23 ნოემბერი - 21 დეკემბერი)
დღე სასიამოვნო სიურპრიზებს და ახალ ნაცნობობას გპირდებათ. ადამიანებთან საერთო ენას ადვილად პოულობთ და თქვენი პიროვნული თვისებებით ხიბლავთ. შესაძლოა, მენეჯმენტმა თქვენი დამსახურება აღიაროს და ფულადი პრემიით დაგაჯილდოოთ. გირჩევთ სამსახურში მეტი ინიციატივა გამოიჩინოთ და საკუთარი იდეების შესახებ მეტი ისაუბროთ. თქვენს ძალისხმევას ხელმძღვანელობა შეამჩნევს და დააფასებს.
თხის რქა (22 დეკემბერი - 20 იანვარი)
ამ დღეს მნიშვნელოვანი გადაწყვეტილებების და რადიკალური ცვლილებების დრო არ არის - მთელი ყურადღება მიმდინარე საქმეებზე უნდა გაამახვილოთ. საყვარელ ადამიანთან ურთიერთობაში მცირე უთანხმოება გელით. ყველაფერს გულთან ახლოს ნუ მიიტანთ და ეცადეთ, სიტუაციას იუმორით შეხედოთ.
მერწყული (21 იანვარი - 18 თებერვალი)
შემოქმედებითი საქმიანობის და ურთიერთობებისთვის ხელსაყრელი დღეა. შესაძლებელია, გავლენიანი ადამიანები გაიცნოთ, რომლებიც მომავალში დაგეხმარებიან. სასიყვარულო ურთიერთობებში ჰარმონია და ურთიერთგაგება სუფევს. გირჩევთ, საღამო საყვარელ ადამიანთან ერთად გაატაროთ.
თევზები (19 თებერვალი - 20 მარტი)
მიენდეთ საკუთარ ინტუიციას და ის სწორ გზას გაჩვენებთ. ყურადღება მიაქციეთ მინიშნებებს და დამთხვევებს. საყვარელ ადამიანთან ურთიერთობაში შესაძლებელია მცირე გაუგებრობა. გულწრფელი საუბარი დაა შეცდომების აღიარება დაგეხმარებათ, წყენა დაივიწყოთ და ურთიერთობა სუფთა ფურცლიდან დაიწყოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
