,
რას გვირჩევენ ვარსკვლავები 2 ივლისისთვის:
ვერძი (21 მარტი - 20 აპრილი)
ამ დღეს ნებისმიერი, ყველაზე უმნიშვნელო მიზეზიც კი გაღიზიანებთ, ამიტომ საყვარელ ადამიანებთან ურთიერთობის დროს მოსალოდნელია გაუგებრობა და კონფლიქტიც კი. ვარსკვლავები გირჩევენ ჯერჯერობით ძვირადღირებული ნივთების შეძენისგან, ფინანსური ოპერაციებისა და დაპირებების მიცემისგან თავი შეიკავოთ. გადაწყვეტილების მიღებისას ეცადეთ, გარშემო მყოფი ადამიანების განწყობა გაითვალისწინოთ.
კურო (21 აპრილი - 21 მაისი)
ხელსაყრელი დღეა ფიზიკური აქტივობის, ურთიერთობების, აქტიური დასვენებისა და გართობისთვის. დროა, თქვენი ხანგრძლივი და დაძაბული შრომის ნაყოფი მოიწიოთ. ხშირად შეახსენეთ საკუთარ თავს, რომ ახალი საქმის დაწყებამდე ყველაფერი კარგად უნდა აწონ-დაწონოთ.
ტყუპები (22 მაისი - 21 ივნისი)
ხელიშემშლელი ფაქტორების და დაბრკოლებების მიუხედავად, შეიძლება მიზანს მიაღწიოთ. ეცადეთ ეს შესაძლებლობა სამომავლო გეგმების შესადგენად გამოიყენოთ. საოჯახო საქმეები ჩვეულებრივზე მეტ ყურადღებას მოითხოვს. შესანიშნავი ინტუიციის წყალობით ადამიანებში კარგად ერკვევით. თუ ვინმე მოგწონთ, ის ამას იმსახურებს.
კირჩხიბი (22 ივნისი - 22 ივლისი)
საუკეთესო დღეა უძრავი ქონების ან მანქანის შესაძენად. ყურადღება მიაქციეთ ფულს და ძვირფას ნივთებს - ვიღაც თქვენს გაძარცვას ცდილობს. ბევრ კირჩხიბს შესაძლებლობა ექნება, რომ ოჯახური საკითხები მოაგვაროს და სახლის რემონტი დაიწყოს. გირჩევთ სხვების რჩევები ნაკლებად გაითვალისწინოთ - ისინი პრობლემების გარდა, არაფერს მოგიტანთ.
ლომი (23 ივლისი - 23 აგვისტო)
ოჯახის ბიუჯეტისადმი თქვენი დამოკიდებულება შეიძლება ოჯახში კამათის, შემდეგ კი კონფლიქტის მიზეზი გახდეს. თუ შინაგან სიმშვიდეს შეინარჩუნებთ, შეიძლება, ბევრი პრობლემა მოაგვაროთ. მოერიდეთ სარისკო ფინანსურ გარიგებებს და აზარტულ თამაშებს. ამ დღის მოვლენები მიზნის მიღწევაში თუ არა, მასთან დაახლოებაში დაგეხმარებათ.
ქალწული (24 აგვისტო - 23 სექტემბერი)
სიურპრიზებით სავსე დღეა. ეცადეთ მეტი იაქტიუროთ და ნებისმიერ სიტუაციაში დიპლომატიური თვისებები გამოავლინოთ. ნუ იქნებით ზედმეტად თავდაჯერებული და გულუბრყვილო, თორემ პრობლემებს ვერ აიცილებთ. სიფრთხილე გამოიჩინეთ საპირისპირო სქესის წარმომადგენლებთან ურთიერთობისას - მატყუარა ადამიანი თქვენს ცდუნებას ეცდება.
სასწორი (24 სექტემბერი - 23 ოქტომბერი)
საშუალება გექნებათ, რომ თქვენი საქმიანი თვისებები გამოავლინოთ და გარშემო მყოფებს თავი მოაწონოთ, რაც აუცილებლად უნდა გამოიყენოთ. რომანტიკული შეხვედრა გაიძულებთ ამაღელვებელი გრძნობები და ემოციები განიცადოთ. გირჩევთ მთელი ყურადღება პირადი პრობლემების გადაჭრისკენ მიმართოთ. ახლობელი ადამიანები საოჯახო საქმეებთან გამკლავებაში გეხმარებიან, მაგრამ ზოგჯერ თქვენს ცხოვრებაში უხეშად ჩარევასაც ცდილობენ. ეცადეთ, ამას იუმორით შეხედოთ.
მორიელი (24 ოქტომბერი - 22 ნოემბერი)
ამ დღეს საუკეთესო ტაქტიკა მოულოდნელი მოქმედებაა. ის დაგეხმარებათ, რომ ჩანაფიქრი განახორციელოთ და სასურველი შედეგი მიიღოთ. გირჩევთ საყვარელი ადამიანების მიმართ მეტი თანაგრძნობა გამოიჩინოთ. თუ გრძნობთ, რომ პარტნიორი ცუდ ხასიათზეა, მიზეზი ჰკითხეთ და ეცადეთ დაეხმაროთ. ახალი ნაცნობობა სასარგებლოა, თუმცა ადამიანები, რომლებსაც დღეს შეხვდებით, იმედებს გაგიცრუებენ.
მშვილდოსანი (23 ნოემბერი - 21 დეკემბერი)
ხელსაყრელი დღეა. თუ არ იზარმაცებთ, ამ დღეს თქვენი სანუკვარი ოცნება ახდება. ეცადეთ დილიდან დადებითად განეწყოთ. ზოგადად ეცადეთ, რომ ადრე გაღვიძება წესად აქციოთ. ეს თქვენი დღის ყველაზე ნაყოფიერი დროა. თქვენი თანდაყოლილი ღირსებები სწორედ გამთენიისას აქტიურდება.
თხის რქა (22 დეკემბერი - 20 იანვარი)
ნუ გაჯიუტდებით. უმჯობესია, ტაქტიკა შეცვალოთ და ოპონენტებს დაეთანხმოთ, მაგრამ მიზნისკენ სვლა გააგრძელოთ. თუ ჯანმრთელობის პრობლემები გაწუხებთ, ექიმთან მისვლას ნუ დააგვიანებთ. თუ მოინდომებთ, ნებისმიერი რთული სიტუაციიდან გამოსავალს იპოვით, მაგრამ ზოგჯერ მიზნის მისაღწევად ეშმაკობა მოგიწევთ და ამას უნდა შეეგუოთ.
მერწყული (21 იანვარი - 18 თებერვალი)
რთული დღეა. დღის პირველ ნახევარში შეიძლება მცირე პრობლემები წარმოიშვას, თანამოაზრეების დახმარებით გაუმკლავდებით. ამ დღეს გაჯიუტება პრობლემების გარდა, არაფერს მოგიტანთ, ამიტომ გირჩევთ საჭიროების შემთხვევაში კომპრომისზე წახვიდეთ. საღამოს მოულოდნელი შეხვედრა გელით, რომელიც თქვენს ცხოვრებაზე ძლიერ გავლენას მოახდენს.
თევზები (19 თებერვალი - 20 მარტი)
ამ დღეს ბედი გაგიღიმებთ. შესანიშნავი დღეა, რომ ბედი აზარტულ თამაშებში სცადოთ და მაგალითად, ლატარიის ბილეთი იყიდოთ. ნუ დაკარგავთ ძვირფას დროს და მოაგვარეთ პრობლემები, რომლებიც ადრე ძალიან რთული ჩანდა. საკუთარ თავში არ უნდა „ჩაიკეტოთ“, თუნდაც გარშემო მყოფებთან ურთიერთობა დამღლელი ჩანდეს, ახლა ყველაზე მეტად ურთიერთობები გჭირდებათ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
