,
რას გვირჩევენ ვარსკვლავები 18 თებერვლისთვის:
კეთილგანწყობის მოსაპოვებლად არაფრის გაკეთება არ გჭირდებათ, ყველა ისედაც თქვენს მხარეზეა. ვარსკვლავები გირჩევენ, რომ ეს დღე ახალი კონტაქტების დამყარებას, მხარდაჭერის მოზიდვას და პროექტის განხორციელებას მიუძღვნათ. თქვენი იდეები მიმზიდველია, სიტყვები კი დამაჯერებელი. ასე რომ, შეგიძლიათ სასურველი შედეგის იმედი გქონდეთ.
კურო
ამ დღეს ყველაზე კარგად რთულ ამოცანებზე ფიქრი და მომავლის გეგმების შედგენა გამოგდით. სამაგიეროდ, პროექტების განხორციელებას სირთულეები ახლავს, ამიტომ მნიშვნელოვანი საქმის დაწყებაზე არც კი უნდა იფიქროთ. რთული, ჩახლართული გეგმების სქემების ანალიზი პრობლემიდან გამოსავლის პოვნაში დაგეხმარებათ.
ტყუპები
ყველაზე დიდ წარმატებას გარშემომყოფებთან თანამშრომლობა მოგიტანთ. რა თქმა უნდა, დამოუკიდებლად მოქმედებაც შეგიძლიათ, თუმცა გუნდური მუშაობა მიზნის უფრო სწრაფად მიღწევაში დაგეხმარებათ. გამორიცხული არ არის, რომ გარშემო მყოფთაგან ერთ-ერთმა საინტერესო იდეა ან ღირებული რჩევა მოგაწოდოთ.
კირჩხიბი
ამ დღეს იღბლის იმედად არ უნდა იყოთ. დაბრკოლებების გადალახვასა და წარმატების მიღწევაში თქვენი ენერგიულობა, პრინციპულობა და აქტიურობა დაგეხმარებათ. ამ თვისებებით ყველაზე რთულ და დახლართულ საქმეებსაც ადვილად გაუმკლავდებით. ამ დღეს ზუსტად იცით, რა უნდა გააკეთოთ და, რაც მთავარია, როგორ.
ლომი
ვარსკვლავები გაფრთხილებენ, რომ თქვენი პასიურობის გამო სირთულეები შეიძლება იქ გაჩნდეს, სადაც არ ელით. პრობლემებმა, რომლებიც მოგვარებული გეგონათ, შეიძლება მოულოდნელად თავი იჩინონ და ახალი ძალისხმევა მოითხოვონ. ამჯერად ნებისმიერი საკითხის მოგვარებაზე ბევრად მეტი დროისა და ენერგიის დახარჯვა მოგიწევთ.
ქალწული
თუ რამე კარგად არ გამოგდით, დამნაშავე თავად ხართ. ეს დღე კარგ შესაძლებლობებს გთავაზობთ, მაგრამ შეიძლება ვერ შენიშნოთ და გვერდით ჩაუაროთ. გარდა ამისა, გამორიცხული არ არის, რომ ერთხელ დაშვებული შეცდომა გაიმეოროთ. ნუ მოდუნდებით. ამ დღეს თქვენი წარმატების გასაღები ენერგიასა და პოზიტიურ განწყობაში მდგომარეობს.
სასწორები
შესანიშნავი დიპლომატი ხართ და სურვილის შემთხვევაში, საერთო ენას ნებისმიერთან ადამიანთან იპოვით. ასე რომ, თუ ახლობელი ან, უბრალოდ, ნაცნობი ადამიანის მიმართ კითხვები ან პრეტენზიები დაგიგროვდათ, საუბარი სხვა დღისთვის არ გადადოთ. საკუთარი აზრების გამოხატვას ყველაზე კარგად ახლა შეძლებთ.
მორიელი
თავს დაღლილად და დაბნეულად გრძნობთ და დაწყებული საქმის დასრულება გიჭირთ, თუმცა ახლის დაწყება კიდევ უფრო რთული იქნება. ვარსკვლავები გირჩევენ, კარგად დაისვენოთ, რომ ფიზიკური და სულიერი ძალები აღიდგინოთ.
მშვილდოსანი
მოვლენების განვითარებით სრულიად კმაყოფილი ხართ - ყველაფერი ისეა, როგორც დაგეგმეთ. გარდა ამისა, ისეთი სასიამოვნო სიურპრიზები გელით, როგორიცაა არაჩვეულებრივი ჯილდო, წარმატებული შენაძენი, სასიამოვნო ნაცნობობა, კომპლიმენტი და ა.შ. პოზიტივს ასხივებთ და კარგ განწყობას გულუხვად უზიარებთ ყველას, ვინც თქვენს ახლოსაა.
თხის რქა
მნიშვნელოვანი საკითხების გადაჭრისას მხოლოდ საკუთარ თავს არ უნდა დაეყრდნოთ – შესაძლოა ენერგია, გამოცდილება ან ცოდნა არ გეყოთ. ეს როგორც პირად ცხოვრებას, ისე მიმდინარე საქმეებს და ადამიანებთან ურთიერთობას ეხება. ახლა ერთადერთი სწორი გზა ახლობელ ადამიანებთან მოლაპარაკება და რჩევის კითხვა იქნება.
მერწყული
ამ დღეს წარმატებისთვის განსაკუთრებული ძალისხმევაც არ გჭირდებათ. ეს იმ უიშვიათეს დღეთაგანია, როდესაც თქვენი სურვილები თქვენსავე შესაძლებლობებს ემთხვევა. შესაძლებელია ბედმა სასიამოვნო სიურპრიზით, რომანტიკული შეხვედრით ან მოულოდნელი ფინანსური შემოსავლით გაგახაროთ.
თუ დიდი პროექტის დაწყებას ან საპასუხისმგებლო საუბარს გეგმავდით, დროა, გეგმა განახორციელოთ. ამ დღის დევიზია - ნუ გეშინია მოქმედების, ადგილზე დარჩენის გეშინოდეს!
თევზები
სწავლისთვის, გონებრივი მუშაობისა და გეგმების შედგენისთვის არახელსაყრელი დღეა - შეიძლება ძალიან ბევრი შეცდომა დაუშვათ. თუ გონებრივი მუშაობა მაინც მოგიწევთ, უმჯობესია, ამ შრომის ნაყოფი ჯერჯერობით არავის აჩვენოთ. ნუ ეცდებით საკუთარი გეგმები დაუყოვნებლივ განახორციელოთ! სავარაუდოდ, ეს გეგმები დასახვეწია და მათი განხორციელებისთვის ძალიან ბევრი მუშაობა მოგიწევთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
