რას გვირჩევენ ვარსკვლავები 17 ივნისისთვის:

ვერძი (21 მარტი - 20 აპრილი)

ამ დღეს ყველაზე კარგად პროფესიული საკითხების განხილვა და უბრალოდ მეგობრული ურთიერთობა გამოგდით. ეცადეთ ხელსაყრელი დრო საჭირო კავშირების დასამყარებლად და საინტერესო ადამიანების გასაცნობად გამოიყენოთ. სახლის, განსაკუთრებით სამუშაო მაგიდის მოწესრიგება დამშვიდებაში და ყურადღების მოკრებაში დაგეხმარებათ.

კურო (21 აპრილი - 21 მაისი)

პროფესიულ წრეებში რაც უფრო მეტ ახალ ადამიანს გაიცნობთ, მით უფრო მეტი შანსი გქვთ, რომ სამსახურებრივი მდგომარეობა გაიუმჯობესოთ და დაწინაურებას მიაღწიოთ. პიროვნული მომხიბვლელობის წყალობით თანამოსაუბრესთან შეთანხმებას და სასურველის მიღებას ადვილად ახერხებთ. გირჩევთ, დაწყებული საქმე დროულად დაასრულოთ, ახალი პროექტები კი სხვა დღისთვის გადადოთ.

ტყუპები (22 მაისი - 21 ივნისი)

მიეცით საკუთარ თავს უფლება, რომ ემოციურად დაისვენოთ. თუ შესაძლებელია, ამ დღისთვის მნიშვნელოვან შეხვედრებს ან მოლაპარაკებებს ნუ დანიშნავთ. საყვარელ ადამიანებთან გატარებული დრო ძალას და ოპტიმიზმს შეგმატებთ. ადამიანს, რომელიც ბევრჯერ უანგაროდ დაგეხმარათ, თქვენი მხარდაჭერა სჭირდება.

კირჩხიბი (22 ივნისი - 22 ივლისი)

ვარსკვლავები გირჩევენ, რომ საკუთარი ცხოვრება სიახლეებით გაამდიდროთ. ეცადეთ, ავეჯს ადგილი შეუცვალოთ, სახლის ინტერიერი ახალი ნივთებით განაახლოთ და ა.შ.; გამონახეთ დრო საყვარელ ადამიანებთან ურთიერთობის გაძლიერებისა და საერთო მომავლის დაგეგმვისთვის. ახლობელ ადამიანებთან საკუთარ პრობლემებზე საუბრის არ უნდა შეგეშინდეთ. ახლა ყველაზე მეტად მათი რჩევა გჭირდებათ.

ლომი (23 ივლისი - 23 აგვისტო)

გირჩევთ, ახალ ადამიანებთან ურთიერთობისას მეტი სიფრთხილე და წინდახედულობა გამოიჩინოთ. არ დაიჯეროთ ყველაფერი, რაც საკუთარი თვალით არ გინახავთ - შესაძლოა, ვიღაც თქვენით მანიპულირებას ან მოტყუებას ცდილობს. მნიშვნელოვანი გადაწყვეტილების მიღებისას მხოლოდ საკუთარ ინტუიციას უნდა ენდოთ.

ქალწული (24 აგვისტო - 23 სექტემბერი)

ამ დღეს მნიშვნელოვანია მოვლენებს არ ჩამორჩეთ და გადაწყვეტილებები სწრაფად მიიღოთ. შესაძლებლობა გექნებათ, რომ ხელმძღვანელობის შექება დაიმსახუროთ და პროფესიული პოზიცია გაიუმჯობესოთ. ახალი ნაცნობობა საინტერესო და სასარგებლო იქნება და შეიძლება, დიდ მეგობრობაში გადაიზარდოს.

სასწორი (24 სექტემბერი - 23 ოქტომბერი)

პოზიტიური განწყობა და თავდაჯერება საშუალებას მოგცემთ წინსვლისა და განვითარების ახალი შესაძლებლობები დაინახოთ. საყვარელი გატაცება სტრესისა და დაძაბულობისგან თავის დაღწევაში დაგეხმარებათ. პარტნიორთან გულწრფელი საუბარი თქვენს ურთიერთობას უფრო მყარს და ჰარმონიულს გახდის.

მორიელი (24 ოქტომბერი - 22 ნოემბერი)

ყურადღება მიაქციეთ ადამიანებს, რომლებიც თქვენს ცხოვრებაში გამოჩნდნენ - შესაძლოა, მათზე ბევრი რამ იყოს დამოკიდებული. თუ საინტერესო ღონისძიებაზე მიგიწვიეს, უარს ნუ იტყვით. ეცადეთ, ვალები დროულად დააბრუნოთ და პირობა შეასრულოთ. ნურც საკუთარ ჯანმრთელობას დაივიწყებთ. სულთა ჰაერზე სეირნობა და სრულყოფილი ძილი ძალების აღდგენაში დაგეხმარებათ.

მშვილდოსანი (23 ნოემბერი - 21 დეკემბერი)

ამ დღეს აჩქარება უფრო მეტ ზიანს მოგიტანთ, ვიდრე სარგებელს. შეცდომების თავიდან ასაცილებლად გირჩევთ, თქვენი საქმიანი აქტივობა შეამციროთ და დაისვენოთ. თუ დამხმარეები და მოკავშირეები გჭირდებათ, გირჩევთ გეგმები ოჯახის წევრებს გაუზიაროთ. მათი რჩევა მტკივნეული პრობლემის გადაჭრაში დაგეხმარებათ.

თხის რქა (22 დეკემბერი - 20 იანვარი)

შეწყვიტეთ წინასწარ იმაზე ნერვიულობა, რაც ჯერ არ მომხდარა და სავარაუდოდ, არც მოხდება. ვარსკვლავები გირჩევენ, რომ აწმყოს მეტი ყურადღება მიაქციოთ თქვენს აწმყოს და თქვენი გარემო უფრო კომფორტული გახადოთ. ხელსაყრელი დღეა დაწყებული საქმეების დასასრულებლად.

 მერწყული (21 იანვარი - 18 თებერვალი)

მოემზადეთ ცვლილებებისთვის, რომლებიც თქვენს ცხოვრებაში მალე დადგება. შეწყვიტეთ ნერვიულობა წარსულის შეცდომების გამო და განთავისუფლდით უარყოფითი აზრებისგან, რომლებიც განვითარებაში ხელს გიშლიან. ეს იღბლიანი დღეა, ამიტომ ეცადეთ, ბედნიერი შესაძლებლობა ხელიდან არ გაუშვათ.

თევზები (19 თებერვალი - 20 მარტი)