,
რას გვირჩევენ ვარსკვლავები 16 აპრილისთვის:
ვერძი (21 მარტი - 20 აპრილი)
მუშაობის განწყობა არ გაქვთ, მაგრამ გადაუდებელი სამუშაო ამის საშუალებას არ გაძლევთ. როგორც არ უნდა გაჩქარებდნენ, მშვიდად იმუშავეთ და ურთიერთობები შეზღუდეთ, რათა დაპირისპირება თავიდან აიცილოთ. ამ დღეს სტრესის მოხსნაში ბავშვებთან და საყვარელ ადამიანებთან ურთიერთობაც კი ვერ დაგეხმარებათ.
კურო (21 აპრილი - 21 მაისი)
სახლსა და ოჯახის წევრებზე ბევრს ფიქრობთ და ნერვიულობთ. ნუ მისცემთ გარშემო მყოფებს თქვენით მანიპულირების საშუალებას, მაგრამ თუ დახმარება შეგიძლიათ, უნდა დაეხმაროთ. სხვა ქალაქიდან ან ქვეყნიდან შეიძლება უსიამოვნო სიახლე მიიღოთ. მეგობრებთან შეხვედრა ან გასართობ დაწესებულებაში ვიზიტი სტრესის მოხსნასა და განწყობის გაუმჯობესებაში დაგეხმარებათ.
ტყუპები (22 მაისი - 21 ივნისი)
არახელსაყრელი დღეა აქტიური ურთიერთობების, შეხვედრებისა და სოციალური ცხოვრებისთვის. ვარსკვლავები გირჩევენ, რომ კონფლიქტების ასაცილებლად ურთიერთობები მაქსიმალურად შეზღუდოთ. კოლეგებთან და ხელმძღვანელობასთან უფრო თავშეკავებული და ყურადღებიანი იყავით. გაფრთხილდით - შეიძლება ვიღაცამ თქვენი მოტყუება სცადოს.
კირჩხიბი (22 ივნისი - 22 ივლისი)
უახლოეს ხანებში დაუგეგმავი ხარჯები გელით, ამიტომ ძვირად ღირებული ნივთების შეძენას უნდა მოერიდოთ. იზრუნეთ საკუთარ ჯანმრთელობაზე და აქტივობები შეამცირეთ. გახსოვდეთ, რომ ცხოვრება ბევრად უფრო ადვილია, როდესაც საკუთარ განცდებს ან საზრუნავს საყვარელ ადამიანებს გაუზიარებთ.
ლომი (23 ივლისი - 23 აგვისტო)
ამ დღეს ნებისმიერი წვრილმანი გაღიზიანებთ, ამიტომ საქმიან პარტნიორებთან თუ პირად ცხოვრებაში ბევრი კამათი გელით. ნუ ეცდებით ადამიანებზე ზეწოლას და საპასუხო აგრესიას არ მიიღებთ. გაითვალისწინეთ, რომ საყვარელი ადამიანის მიმართ უსაფუძვლო ეჭვიანობა თქვენს ურთიერთობას დააზიანებს. ეცადეთ, ღრუბლებიდან მიწაზე დაეშვათ და რეალური პრობლემები დაინახოთ.
ქალწული (24 აგვისტო - 23 სექტემბერი)
გინდათ თუ არა, მოგიწევთ, რომ საკუთარ და საყვარელი ადამიანების ჯანმრთელობას მეტი ყურადღება მიაქციოთ. არახელსაყრელი დღეა ფინანსური საკითხების მოსაგვარებლად და მიმდინარე საქმეებშიც დაბრკოლებები გელით. დამშვიდდით, წარუმატებლობის პერიოდი ხანმოკლე იქნება.
სასწორი (24 სექტემბერი - 23 ოქტომბერი)
მოერიდეთ ზედმეტ აქტიურობას პროფესიულ საქმიანობასა და პირად ცხოვრებაში. ეს დღე შესაფერისია მიმდინარე საქმეების დასრულებისა და დასვენებისთვის. ახალ დავალებას ნუ დათანხმდებით, სანამ საკუთარ შესაძლებლობებს არ შეაფასებთ - ეს ამოცანა შეიძლება თქვენთვის რთული აღმოჩნდეს.
მორიელი (24 ოქტომბერი - 22 ნოემბერი)
სამსახურში ბევრი საქმე გაქვთ, მაგრამ ყველაფრის სწრაფად და მარტივად დასრულება არ გამოდის. ამ დღეს ნებისმიერი ურთიერთობა სასარგებლო იქნება - ღირებულ რჩევას ან ავტორიტეტულ აზრს მოისმენთ, რომელიც სამომავლოდ გამოგადგებათ. მოერიდეთ უთანხმოებას განსხვავებული პოზიციის მქონე ადამიანებთან.
მშვილდოსანი (23 ნოემბერი - 21 დეკემბერი)
ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. ეცადეთ, ყოველი გადაწყვეტილება მშვიდად და აუღელვებლად მიიღოთ. ნუ იქნებით ეგოისტი, ეცადეთ საყვარელი ადამიანის გრძნობებიც გაითვალისწინოთ.
თხის რქა (22 დეკემბერი - 20 იანვარი)
გირჩევთ, სახლში დაგეგმილ ცვლილებებზე და ფინანსური საკითხები მოგვარებაზე ჯერჯერობით უარი თქვათ. თუ საკუთარ ცხოვრებაში რაღაცის შეცვლა გსურთ, დიდი ძალისხმევა უნდა გამოიჩინოთ. საყვარელ ადამიანს გული გადაუშალეთ და საკუთარი ემოციების შესახებ გულწრფელად ესაუბრეთ.
მერწყული (21 იანვარი - 18 თებერვალი)
ამ დღეს სასურველის მისაღებად დიდი ძალისხმევა უნდა გამოიჩინოთ. შეიძლება რაღაც პირველივე ცდაზე არ გამოვიდეს და ვინმესთან კამათიც კი მოგიწიოთ, მაგრამ ეს დროებითი სირთულეებია. ფრთხილად იყავით მგზავრობის და მანქანის მართვის დროს. თუ გრძნობთ, რომ საქმიან პარტნიორთან ურთიერთობა იძაბება, სასწრაფოდ კომპრომისული გადაწყვეტილება უნდა იპოვოთ.
თევზები (19 თებერვალი - 20 მარტი)
ხელსაყრელი დღეა მიმდინარე საქმეების მოსაგვარებლად. ვარსკვლავები გირჩევენ, რომ სამსახურში გადატვირთვას მოერიდოთ და ხშირად დაისვენოთ. კოლეგებთან სასიამოვნო ურთიერთობა განწყობას აგიმაღლებთ. გირჩევთ, საყვარელი ადამიანების პრობლემებს მეტი ყურადღება მიაქციოთ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
