USD 2.7384
EUR 2.8548
RUB 2.6619
Тбилиси
ასტროლოგი - რას გვპირდება 15 თებერვალი?
дата:  510

რას გვირჩევენ ვარსკვლავები 14  თებერვლისთვის:

ვერძი

ვარსკვლავები კარგ შესაძლებლობებს გთავაზობენ და ხელიდან რომ არ გაუშვათ, სწრაფად მოგიწევთ ფიქრი და გადაწყვეტილების მიღება! სავარაუდოდ, სიტუაცია თქვენგან ოსტატურად და არასტანდარტულად მოქმედებას მოითხოვს და ამისთვის ყველა საჭირო თვისება გაქვთ: სწრაფი რეაქცია, აზარტი და კომუნიკაბელურობა. ეს დაგეხმარებათ, რომ გარშემო მყოფთა სიმპათია მოიპოვოთ და ნებისმიერი მოვლენა თქვენს სასარგებლოდ გამოიყენოთ.

კურო

შეგიძლიათ ნებისმიერი, თუნდაც ყველაზე თამამი გეგმების განხორციელება დაიწყოთ - შედეგი მოსალოდნელზე კარგი იქნება. ამიტომ გირჩევთ, იმოქმედოთ და დრო წვრილმანებზე და ყოველდღიურ საზრუნავზე არ დაკარგოთ. წინ ახალი ჰორიზონტები გელით!

ტყუპები

რაღაც საკითხში არჩევანის გაკეთება მოგიწევთ. შესაძლოა, ახლა ეს საკითხი უმნიშვნელო გგონიათ, მაგრამ თქვენს გადაწყვეტილებაზე ბევრი რამ არის დამოკიდებული.

ეცადეთ, არჩევანის გაკეთებისას ემოციებს არ აჰყვეთ და სხვების რჩევებს არ ენდოთ. საქმე სანანებლად რომ არ გაგიხდეთ, კარგად გააზრებული გადაწყვეტილება უნდა მიიღოთ.

კირჩხიბი

ამ დღეს არ ხართ კომპრომისისთვის განწყობილი - ყველაფერი ან არაფერი. მიზანს ნათლად ხედავთ, მისკენ მიდიხართ და ეს განწყობა საკუთარი თავისა და გარშემომყოფების მიმართ მოთხოვნებზე აისახება.

გასაკვირი არ არის, რომ მთელი დღე უკმაყოფილო ხართ და ბრაზს გარშემომყოფებზე იყრით. ასეთი დამოკიდებულებით პროფესიულ საქმიანობაში შეიძლება ბევრს მიაღწიოთ, მაგრამ არა - ადამიანებთან ურთიერთობაში.

ლომი

ამ დღეს ყველაზე ნაკლებად გარშემომყოფების აზრი გაინტერესებთ და საკუთარ სიმართლესა და მოქმედებებში დარწმუნებული ხართ. ასეთი დამოკიდებულება შეიძლება გადაწყვეტილების მიღებასა და წარმატებაში დაგეხმაროთ, მაგრამ ასევე შეიძლება ჩხუბის მიზეზი გახდეს.

მზად ხართ საკუთარი გამოცდილება სხვებს გაუზიაროთ, რჩევით დაეხმაროთ და ბრძენი მენტორის როლი მოირგოთ.

ქალწული

თქვენი ენერგიულობა გარშემო მყოფებში შურს აღძრავს. ამ დღეს თქვენს ჰოროსკოპში ისეთი თვისებები ჭარბობს, როგორიცაა აქტიურობა და თავდაჯერება.

გასაკვირი არ არის, რომ ასეთი მუხტით ყველაზე რთული საქმეების მოგვარებას გეგმავთ. მთავარია, თქვენი ზედმეტი თავდაჯერებით გარშემო მყოფები არ გააღიზიანოთ.

სასწორი

მოულოდნელმა სირთულეებმა შეიძლება დაგაბნიოთ, მაგრამ სავარაუდოდ, გამოწვევას გაუმკლავდებით. ვარსკვლავებმა ისეთი თვისებებით დაგაჯილდოვეს, როგორიცაა ნებისყოფა, მოქნილი გონება და ადამიანების დარწმუნების ნიჭი. ამის წყალობით შეძლებთ ნებისმიერი სიტუაცია თქვენს სასარგებლოდ შემოაბრუნოთ. ყოველი გარემოების უკან კონკრეტული ადამიანები დგანან, მათთან მოლაპარაკება კი არ გაგიჭირდებათ.

მორიელი

ვარსკვლავები გირჩევენ, არ დაეყრდნოთ ისეთ არასაიმედო რამეს, როგორიც ინტუიცია. ამ დღეს ყველაზე კარგად იმ საქმეებს უმკლავდებით, სადაც ზუსტი გათვლები და ფაქტების ანალიზი გჭირდებათ.

გირჩევთ, ეს დღე ზუსტ მეცნიერებებს, დაგეგმვასა და ფინანსებს მიუძღვნათ და არ ინანებთ. ეს საშუალებას მოგცემთ, ანგარიშები მოაწესრიგოთ, ბიუჯეტი დაგეგმოთ ან გამდიდრების გენიალური გეგმა შეადგინოთ.

მშვილდოსანი

სხვების დახმარებაზე უარს ამბობთ, რჩევებს უგულებელყოფთ და დარწმუნებული ხართ, რომ ყველაფერი სხვებზე უკეთ იცით. მშვენიერია, მაგრამ თქვენმა ზღვარგადასულმა თავდაჯერებამ შეიძლება საქმე გააფუჭოს.

თუნდაც რაღაცაში ბოლომდე დარწმუნებული იყოთ, ეს არ ნიშნავს, რომ მართალი ხართ. თქვენი გამოცდილება და უნარები გარკვეული საკითხების გადასაჭრელად შეიძლება არასაკმარისი იყოს, ყველაზე დიდი შეცდომა კი ისაა, რომ თავი შეუმცდარი გგონიათ.

თხის რქა

თავს დაღლილად და ძალაგამოცლილად გრძნობთ და უმარტივესი სამუშაოს შესრულებაც კი გიჭირთ. ამიტომ სიამოვნებით შემოდებთ თაროზე ყველაფერს, რისი სამომავლოდ გაკეთებაც შეიძლება. მდგომარეობს თქვენი პესიმისტური განწყობაც ამძიმებს.

ვარსკვლავები გპირდებიან, რომ თუ გამოფხიზლდებით, ეს დღე კარგ შესაძლებლობებს შემოგთავაზებთ.

მერწყული

ემოციებით სავსე დღეა! მდიდარი წარმოსახვის წყალობით შემოქმედებით საქმიანობაში წარმატება გელით, მაგრამ მთავარი, რასაც ვარსკვლავები გპირდებიან,სპონტანურად გაჩენილი გრძნობებია. ამის მიზეზი შეიძლება ვიღაცის ღიმილი ან პაემანზე მინიშნებაა. გრძნობები თქვენს გულს უფრო სწრაფად ფეთქვას აიძულებს და ეს მშვენიერია!

თევზები

რაღაც საკითხში მოგების შანსი გაქვთ. ეს შეიძლება პროექტის წარმატებით დასრულება, სიყვარულში ან დებატებში გამარჯვება იყოს. ვარსკვლავები გირჩევენ, რომ ეს შესაძლებლობა პოზიციების გასაუმჯობესებლად და კონკურენტების დასამარცხებლად გამოიყენოთ.

იდეალური დღეა ამბიციური გეგმების დასახვისა და მიზნების მიღწევისთვის.

аналитика
«The Washington Post» (აშშ): „ომისადმი შიშის გამო, საქართველო რუსეთისაკენ დაბრუნებას ირჩევს“

ამერიკული გაზეთი „ვაშინგტონ პოსტი“ (The Washington Post) აქვეყნებს სტატიას სათაურით „ომისადმი შიშის გამო, საქართველო რუსეთისაკენ დაბრუნებას ირჩევს“ (ავტორი - მარია ილიუშინა), რომელშიც განხილულია არჩევნებისშემდგომი სიტუაცია საქართველოში.

გთავაზობთ პუბლიკაციას შემოკლებით:

(...) ქართველთა უმრავლესობა - გამოკითხვების მიხედვით, 80%-ზე მეტი - მხარს უჭერს ქვეყნის ევროპულ ორიენტაციას და მოსკოვის მიმართ მაინცდამაინც განსაკუთრებულ სიყვარულს არ ამჟღავნებს, ოპოზიცია კი ცდილობს ხმის მიცემის შედეგები წარმოადგინოს როგორც არჩევანი ევროკავშირსა და რუსეთს შორის.

მაგრამ იმის გათვალისწინებით, რომ ორ ქვეყანას შორის 2008 წლის აგვისტორში მომხდარი ხანმოკლე ომის შედეგად საქართველოს ტერიტორიის 20% დე-ფაქტოდ რუსეთის კონტროლის ქვეშ იმყოფება, მოსკოვის სამხერო ძლიერების ჩრდილი სულ უფრო შესამჩნევი ხდება. შესაბამისად, „ქართულმა ოცნებამ“ ამომრჩევლებს უფრო რადიკალური დილემა შესთავაზა: არჩევანი მშვიდობასა და ომს შორის.

მმართველი პარტიის „რუსეთის მხარეს შებრუნება“ შედარებით ახალ მოვლენას წარმოადგენს. 2012 წელს, როცა „ქართული ოცნება“ ხელისუფლებაში მოვიდა, მნიშვნელოვან საგარეოპოლიტიკურ წარმატებას მიაღწია - სწრაფად დაუახლოვდა ევროკავშირს მასში გაწევრიანების სურვილით, მაგრამ რუსეთ-უკრაინის ომის დაწყების კვალობაზე პარტიამ რუსეთის ორბიტისაკენ გადაუხვია. მთავრობამ ევროპა და ადგილობრივი ოპოზიცია წარმოადგინა „ომის გლობალური პარტიად“, რომელსაც სურს საქართველო მოსკოვთან ომში ჩაითრიოს და კრემლთან დაპირისპირების ინსტრუმენტად გამოიყენოს

ამჟამად „ქართული ოცნება““ ოფიციალურად პრორუსულ პარტიას არ წარმოადგენს, მაგრამ ხშირად მისი პრაქტიკული მოქმედება საერთო პრორუსულ ჩარჩოებში ჯდება. 

ევროპული გზიდან გადახვევის პოლიტიკის ცენტრში მოჩანს „ქართული ოცნების“ დამაარსებელი ბიძინა ივანიშვილი - მილიარდერი, ყოფილი პრემიერ-მინისტრი, რომელიც ბოლო ათწლეულში წავიდა ქართული პოლიტიკიდან, მაგრამ იმავდროულად გავლენიან ადამიანად რჩებოდა. ბიძინა ივანიშვილი რუსეთში ყოფნის დროს გამდიდრდა, 1990-იან წლებში და როგორც მისი კრიტიკოსები ამბობენ,  მისი რიტორიკა და პოლიტიკური მრწამსი რუსეთის ლიდერის პოზიციას უთავსდება.

რუსეთის არმიის უკრაინაში შეჭრის დაწყებიდან პურველ ეტაპზე საქართველომ უკრაინას მხარი დაუჭირა. თბილისში დღესაც ბევრი უკრაინული დროშა ფრიალებს, მაგრამ მთავრობა თავს იკავებს რუსეთის გადაჭარბებული კრიტიკისაგან და ერიდება ანტირუსული სანქციების რეალიზებას.

„ჩვენ, როგორც ქვეყნის მმართველმა პარტიამ, მთავრობამ, ყველაფერი გავაკეთეთ უკრაინისა და უკრაინელი ხალხის მხარდასაჭერად“, - განაცხადა „ვაშინგტონ პოსტთან“ საუბარში „ქართული ოცნების“ თავმჯდომარის მოადგილემ არჩილ თალაკვაძემ, მაგრამ, მისი თქმით, დასავლეთის ოფიციალურმა პირებმა რუსეთ-უკრაინის ომში საქართველოს ჩათრევა მოისურვეს: „ჩვენ ჩავთვალეთ, რომ ასეთი პოლიტიკა საქართველოსათვის ძალზე სარისკო და გაუმართლებელი იქნებოდა“.

„ქართულმა ოცნებამ“ წინასაარჩევნო კამპანიის დროს აქტიურად ისარგებლა უკრაინის ომით და ამომრჩევლებს პლაკატების სერია შესთავაზა, რომლებზე გამოსახულია ერთი მხრივ, ომით დანგრეული უკრაინის ქალაქები და სოფლები, მეორე მხრივ - აღმშენებლობის პროცესში მყოფი საქართველო. ასეთმა პროპაგანდამ თავისი გამოძახილი ჰპოვა რუსეთთან ომგადატანილ საქართველოს მოსახლეობაში, განსაკუთრებით სოფლებში, ოკუპირებულ რეგიონებთან ახლოს, მხარეთა დამაშორიშორებელ ე.წ. სადემარკაციო ხაზის გასწვრივ.

როგორ ავიცილოთ თავიდან ომი

ქართველებს კარგად ახსოვთ 2008 წლის აგვისტოს ომი. ჭორვილისაკენ - ბიძინა ივანიშვილის მშობლიური სოფლისაკენ მიმავალი გზა, რომელიც კავკასიის ქედის სამხრეთ კალთებზე მდებარეობს, სწორედ რუსეთის მიერ ოკუპირებული რეგიონის - სამხრეთ ოსეთთან ახლოს გადის, სულ რაღაც ორიოდე კილომეტრში, სადემარკაციო ხაზთან.

ჭორვილაში ბიძინა ივანიშვილს თითქმის ეროვნულ გმირად თვლიან - მდიდარ ადამიანად, რომელიც თანასოფლელებს ყოველმხრივ ეხმარებოდა - სახლებისა თუ გზების მშენებლობაში, ჯანდაცვასა თუ კომუნალური გადასახადების გადახდაში, სანამ მან სახელმწიფო თანამდებობა - ქვეყნის პრემიერ-მინისტრის პოსტი არ დაიკავა.

„მე ომის მოწინააღმდეგ ვარ. დარწმუნებული ვარ, რომ „ქართული ოცნება“ მსვიდობას შეინარჩუნებს. არ გვსურს, რომ რომელიმე ქვეყანა საქართველოს მტერი იყოს და არც ის გვინდა, რომ საქართველოს იყოს სხვა ქვეყნის მტერი“, - ამბობს გიორგი გურძენიძე, სკოლის დირექტორი, რომელსაც ახსოვს, თუ როგორ ხმაურით დაფრინავდნენ სოფლის თავზე, ცაში რუსული თვითმფრინავები 2008 წელს.

„ქართული ოცნება“ აქტიურად უჭერს მხარს ბიძინა ივანიშვილის პოლიტიკური კურსის ორ ძირითად მომენტს - მშვიდობას ნეიტრალიტეტის გზით და ქართული ტრადიციული ფასეულობების დაცვას. „ქართული ოცნების“ მტკიცებით, მისი სტრატეგიული მიზანი არ შეცვლილა - ევროინტეგრაცია ძალაში რჩება, რომლის რეალიზებას 2030 წლისათვის არის დაგეგმილი: საქართველო ევროკავშირის წევრი გახდება „ღირსეულად“ და ტრადიციული ეროვნული ფასეულობების დაცვით.

„რა თქმა უნდა, მსურს ევროკავშირის წევრი ვიყოთ, მაგრამ ჩვენ ჩვენი წინაპრების ღირსებაც და მემკვიდრეობაც უნდა დავიცვათ. ქალი ქალი უნდა იყოს, კაცი კი - კაცი“, - ამბობს ჭორვილელი მამია მაჭავარიანი.

ქართველთა ღირსება კი დაცული იქნება ორი კანონით, რომლებმაც, პრაქტიკულად, ევროკავშირში საქართველოს პოტენციური წევრობის პროცესი შეაჩერეს - იმიტომ, რომ მათი დებულებები ევროპული ბლოკის სტანდარტებს ეწინააღმდეგება. ეს კანონებია „ოჯახური ფასეულობებისა და არასრულწლოვანების დაცვის, ასევე უცხოური გავლენის გამჭვირვალობის შესახებ, რომლებიც, როგორც ოპოზიცია აცხადებს, რუსული სამართლებრივი აქტების ასლებს წარმოადგენენ.

ევროპა შორეული ხდება?!

საქართველოს დედაქალაქის მცხოვრებთა ნაწილი შეშფოთებულია, რომ ქვეყნის შანსი ევროკავშირის წევრობაზე მცირდება. „არჩევნებში „ქართული ოცნების“ გამარჯვება სხვა არაფერია, თუ არა ხელისუფლების უზურპაცია“, - ამბობს 38 წლის გიორგი, რომელიც გვარს არ ასახელებს, ვაითუ დევნა დაუწყონ, - „ჩვენ ევროკავშირთან ინტეგრაცია უნდა გავაღრმავოთ. რუსეთთან დაახლოებას კი არცერთი ნორმალური ქვეყანა არ ცდილობს. პრორუსუსლი ორიენტაცია თვითმკვლელობას ნიშნავს, რადგან მოსკოვი არანაირი შეთანხმების პირობებს არ იცავს“.

ოპოზიცია მწვავედ აკრიტიკებს „ქართული ოცნების“ ომის წინააღმდეგ მიმართულ კურსს და მას პროპაგანდისტულს უწოდებს, ზოგიერთები კი თვლიან, რომ მმართველ პარტიის მხრიდან ამგვარი ლოზუნგების წარმოჩენა ხელისუფლებაში დარჩენასა და ერთპარტიული მმართველი სისტემის შენარჩუნებას ემსახურება.

პარტია „საქართველოსათვის“ ლიდერის გიორგი გახარიას განცხადებით, ბიძინა ივანიშვილისა და „ქართული ოცნების“ პოლიტიკაში მომხდარი ცვლილებები - პრორუსული გადახრები - იმითაა გამოწვეული, რომ ევროკავშირში გაწევრიანება ხელისუფლების როტაციას ნიშნავს: „მისი მთავარია მიზანია ხელისუფლების შენარჩუნება. იგი ხედავს, რომ ევროპული დემოკრატია ხელისუფლების არჩევნების გზით შეცვლას ითვალისწინებს“.

მაგრამ არჩევნების შედეგების წინააღმდეგ მიმდინარე საპროტესტო აქციები ისეთივე ძლიერი და ფართო არ არის, როგორიც გაზაფხულზე მიმდინარეობდა ზემოთ ხსენებული კანონების მიღების დროს. ეს ნიშნავს, რომ ოპოზიცია გამოფიტულია. მათ ვერც დასავლეთი ვერ უწევს სათანადო დახმარებას. ბრიუსელს შეუძლია გარკვეული ზეწოლა მოახდინოს „ქართულ ოცნებაზე“, მაგრამ ევროპელი ჩინოვნიკების რეაქცია აწონილ-დაწონილია: დამკვირვებლებმა ნამდვილად დააფიქსირეს დარღვევები, მაგრამ მათ თავი შეიკავეს იმის განცხადებაზე, რომ არჩევნები გაყალბდა და ხმები მოპარულია.

არჩევნებში მომხდარი ყველა დარღვევის დეტალურად გამოკვლევა დროს მოითხოვს - კვირეებს და შეიძლება თვეებსაც, თანაც საკმაოდ რთულია მათი დამტკიცება-დადასტურება. „ჩვენ ახლა ისეთ სიტუაციასთან გვაქვს საქმე, როცა დასავლეთს არ სურს ხისტი ნაბიჯები გადადგას საკმარისი მტკიცებულებების გარეშე, ოპოზიციას კი საკმარისი მტკიცებულებები არ აქვს“, - ამბობს ჯონ დიპირო საერთაშორისო რესპუბლიკური ინსტიტუტიდან.

ბიძინა ივანიშვილი აშკარად იმაზე დებს თავის ფსონს, რომ ევროპა საქართველოსადმი ინტერესს დაკარგავს. ჯერ კიდევ ზაფხულში იგი აცხადებდა, რომ აშშ-ის საპრეზიდენტო არჩევნებში დონალდ ტრამპის გამარჯვება რუსეთ-უკრაინის ომს დაასრულებს. „ჩვენ მაქსიმუმ ერთი წელი გვაქვს, რომ ეს ყველაფერი მოვითმინოთ, შემდეგ კი [დასავლეთის] გლობალური და რეგიონული ინტერესები შეიცვლება, მათთან ერთად კი შეიცვლება ინტერესები საქართველოს მიმართაც“, - ამბობდა ბიძინა ივანიშვილი, - ომის დასრულებასთან ერთად კი ყველა გაუგებრობა ევროპასთან და ამერიკასთან გაქრება“.

წყარო: https://www.washingtonpost.com/world/2024/11/21/georgia-russia-elections-influence/

 

более
голосование
ვინ გაიმარჯვებს რუსეთ - უკრაინის ომში?
голосование
Кстати