,
რას გვირჩევენ ვარსკვლავები 14 თებერვლისთვის:
ვერძი
ეს დღე მთლიანად ადამიანებთან ურთიერთობას უნდა დაუთმოთ. პიროვნული თვისებები და კომუნიკაციური უნარები საშუალებას მოგცემთ, პრობლემები მარტივად მოაგვაროთ, ადამიანები დაარწმუნოთ და ახალი ნაცნობები შეიძინოთ. როგორც რომანტიკულ, ისე საქმიან კონტაქტებს ჩვეულებრივზე ადვილად ამყარებთ. სავარაუდოდ, შეხვდებით ადამიანს, რომელიც კარიერულ წინსვლაში დაგეხმარებათ.
კურო
წინააღმდეგობრივი დღეა - ენერგიით სავსე ხართ და ყველაზე რთულ ამოცანებთან გამკლავება შეგიძლიათ, თუმცა, მიზნის მიღწევას მხოლოდ სირთულეების გადალახვით შეძლებთ. ნუ ინერვიულებთ, თუ ყოველი ფეხის ნაბიჯზე დაბრკოლებას ხვდებით. მხოლოდ ასე შეძლებთ, რომ საკუთარი შესაძლებლობები სრულად გააცნობიეროთ და წარმატებას მიაღწიოთ.
ტყუპები
ეს დღე უამრავ ბედნიერ შესაძლებლობას გთავაზობთ, მაგრამ ამით ისარგებლებთ თუ არა, მხოლოდ თქვენზეა დამოკიდებული. საქმე ისაა, რომ მოვლენების განვითარებამ შეიძლება, სწრაფი გადაწყვეტილების მიღება მოითხოვოს, თქვენ კი ამ დღეს ენერგიულობა გაკლიათ. გირჩევთ, სახეზე ცივი წყალი შეისხათ, მაგარი ყავა დალიოთ და გააქტიურდეთ - მიზანს მხოლოდ ასე მიაღწევთ.
კირჩხიბი
ვარსკვლავები გირჩევენ, რუტინას და ყოველდღიურ აურზაურს თავი დააღწიოთ! შეგიძლიათ, საღამოს მეგობრებთან ერთად სადმე, საინტერესო ადგილზე წახვიდეთ, სადაც აქამდე არასოდეს ყოფილხართ. თუ სახლში დარჩენა გირჩევნიათ, ეცადეთ, კულინარიული შედევრი შექმნათ ან გარდერობი განაახლოთ. უბრალოდ, ცვლილებისკენ პირველი ნაბიჯი უნდა გადადგათ და არ ინანებთ.
ლომი
ამ დღეს სახლში მარტო ყოფნა კატეგორიულად აკრძალულია. ისეთ ადგილზე უნდა წახვიდეთ, სადაც ხალხმრავლობაა. ყურადღების ცენტრში თავს ისე იგრძნობთ, როგორც თევზი წყალში! პიროვნული თვისებებისა და კომუნიკაბელურობის დამსახურებით, ნებისმიერი კამპანია სიამოვნებით მიგიღებთ. ვარსკვლავები გირჩევენ ამ შესაძლებლობით ისარგებლოთ და საინტერესო ადამიანები გაიცნოთ.
ქალწული
შესაძლოა, საკუთარ თავზე გამოცადოთ, რომ თანამშრომლობა, თანადგომა და პარტნიორობა მხოლოდ ლამაზი სიტყვები არ არის. შესაძლოა, სიტუაცია ისე განვითარდეს, რომ დახმარება დაგჭირდეთ ან ვინმეს თავად დაეხმაროთ. ნებისმიერ შემთხვევაში, ცხოვრება გაიძულებთ დაფიქრდეთ, როგორი ადამიანები არიან თქვენს გვერდით ან ვის უნდა ენდოთ.
სასწორი
დაბნეულობისა და არაორგანიზებულობის გამო შეიძლება, რომ შემთხვევით ვიღაცის მოთმინების საზღვრები დაარღვიოთ. ამ დღეს საუკეთესოდ გამოგივათ შემოქმედებასთან დაკავშირებული საქმეები, მაგრამ იმ საქმეებში, რომლებიც სიზუსტეს მოითხოვს, წარმატების შანსი არ გაქვთ. გამორიცხული არ არის, რომ საღამოს რაღაც გაუგებრობაში აღმოჩნდეთ, ამიტომ ნებისმიერი ურთიერთობის გარჩევისგან თავი შორს უნდა დაიკავოთ.
მორიელი
მოვლენები გაიძულებთ, საკუთარ ფინანსურ მდგომარეობას მეტი ყურადღება მიაქციოთ. ვარსკვლავები გაფრთხილებენ, რომ თქვენი საფულე შეიძლება მოულოდნელად შეივსოს ან მთლიანად დაცარიელდეს - ყველაფერი იმაზეა დამოკიდებული, რამდენად გაგიმართლებთ. გირჩევთ, საეჭვო ფინანსური გარიგებებისგან თავი შორს დაიკავოთ.
მშვილდოსანი
ვითარება გაიძულებთ, რომ საკუთარი ინტერესები დაიცვათ და ამ ამოცანას კარგად გაუმკლავდებით. ადამიანებს საკუთარ სიმართლეში ადვილად არწმუნებთ, ამიტომ თქვენს არგუმენტებს ყურადღებით ისმენენ და გიჯერებენ. ვარსკვლავები გირჩევენ, ეს შანსი მხოლოდ სადავო საკითხების გადასაჭრელად კი არა, მოლაპარაკებისთვისაც გამოიყენოთ.
თხის რქა
გირჩევთ, საკუთარ სიზმრებს მეტი ყურადღება მიაქციოთ - ისინი შეიძლება წინასწარმეტყველური იყოს. ქვეცნობიერი სუსტი ხმა ყველაზე კარგად ღამით, ძილის დროს ისმის. ამ დღეს ინტუიცია მაქსიმალურად გამძაფრებული გაქვთ, ამიტომ სიზმრებს განსაკუთრებული ყურადღება უნდა მიაქციოთ.
მერწყული
ამ დღეს შეიძლება ისეთ ფენომენს შეეჯახოთ, როგორიც დეჟავუა. ისეთი განცდა გაქვთ, რომ თქვენ გარშემო მიმდინარე მოვლენები სადღაც ოდესღაც უკვე მოხდა. მიზეზი თქვენი ძლიერი ინტუიცია და წინათგრძნობაა. ეს თვისებები დაგეხმარებათ, მოვლენების განვითარება და ადამიანების აზრები ამოიცნოთ.
თევზები
ამ დღეს შესაძლებლობა გექნებათ, რომ მიღწეული პოზიცია შეინარჩუნოთ და გარკვეულწილად, გაიუმჯობესოთ კიდეც. ვარსკვლავები გეგმების განხორციელებაში მხარდაჭერას და საქმის ბოლომდე მისაყვანად საჭირო ენერგიას გპირდებიან. ამ დღის დევიზია - "იღბალი მასთანაა, ვინც იმსახურებს".
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
