,
ვერძი (21 მარტი - 20 აპრილი)
პირადი ურთიერთობების თვალსაზრისით, რთული დღეა - საყვარელ ადამიანთან საერთო ენის პოვნა გიჭირთ. შესაძლებელია უსაფუძვლო ეჭვები და ამის გამო, ჩხუბი. ეცადეთ, ოჯახს მეტი ყურადღება მიაქციოთ - ახლობლებს დღეს თქვენი დახმარება განსაკუთრებით სჭირდებათ.
ამ დღეს შესაძლოა, შეხვდეთ ადამიანებს, რომლებიც გეგმების განხორციელებაში დაგეხმარებიან. სასიცოცხლო პოტენციალი მაღალია, ჯანმრთელობის მხრივ პრობლემები არ გელით.
კურო (21 აპრილი - 21 მაისი)
საკუთარ ინტერესებსა და საყვარელი ადამიანების სურვილებს შორის რთული არჩევანის გაკეთება მოგიწევთ. თუ ხვდებით, რომ გეგმების დამოუკიდებლად განხორციელებას ვერ ახერხებთ, დახმარებისთვის ახლობელ ადამიანებს უნდა მიმართოთ.
შესაძლებელია მოულოდნელი ხარჯები და ფინანსური დანაკარგები, მაგრამ რაც არ უნდა მოხდეს, იმედი არ დაკარგოთ. ამ დღეს კარგი განწყობა და ოპტიმიზმი წარმატების აუცილებელი პირობაა.
ტყუპები (22 მაისი - 21 ივნისი)
მნიშვნელოვანი და საპასუხისმგებლო დღეა. დროა, მიიღოთ გადაწყვეტილება, რომელზედაც ბევრი რამაა დამოკიდებული. მნიშვნელოვანია სიტუაციის ობიექტური შეფასება, ამიტომ გირჩევთ „ვარდისფერი სათვალე“ მოიხსნათ.
დღის მეორე ნახევარში ხმაურიანი დაპირისპირება გელით. სურვილის მიუხედავად, პრობლემის მშვიდად და დელიკატურად მოგვარებას ვერ შეძლებთ. გამოწვევებით სავსე დღეა, მაგრამ შანსი გაქვთ, რომ ღირსეულად დაძლიოთ და ღირებული გამოცდილება მიიღოთ.
კირჩხიბი (22 ივნისი - 22 ივლისი)
ამ დღეს უსიამოვნო სიურპრიზები გელით. ძველ პარტნიორებთან ურთიერთობას ბზარი გაუჩნდა, ამიტომ ახალი კავშირები უნდა დაამყაროთ. არ არის გამორიცხული პრობლემები სამთავრობო უწყებებთან და მაკონტროლებელ ორგანოებთან.
ფრთხილად იყავით - შეიძლება ძვირფასი ნივთი დაკარგოთ ან ძარცვის მსხვერპლი გახდეთ. თავი შეიკავეთ მაღაზიებში სიარულისგან, რადგან შეიძლება ბევრი უსარგებლო ნივთი შეიძინოთ და უფულოდ დარჩეთ.
ლომი (23 ივლისი - 23 აგვისტო)
თუ არ იზარმაცებთ, შეიძლება ნებისმიერ საქმეში წარმატებას მიაღწიოთ. გავლენიანი ადამიანების დახმარებით თამამ იდეებს განახორციელებთ და გარშემო მყოფთა პატივისცემას დაიმსახურებთ.
ზოგიერთი ლომი დაუგეგმავ შემოსავალს მიიღებს ან დავიწყებულ ვალს დაუბრუნებენ. მშვენიერი დღეა ხალხმრავალ წვეულებებზე გართობისა და საჯარო გამოსვლებისთვის. საყვარელ ადამიანებთან ურთიერთობა და ახალი ნაცნობობა გაგახარებთ.
ქალწული (24 აგვისტო - 23 სექტემბერი)
ეჭვებით სავსე ხართ და ყველგან ინტრიგები და შეთქმულებები გელანდებათ, რაც საქმიან ურთიერთობებზეც აისახება და პირადზეც.
ეცადეთ, სიმშვიდე შეინარჩუნოთ და სიტუაციის განვითარებას დააკვირდეთ - ეს უკეთესია, ვიდრე რეალურ თუ წარმოსახვით მტრებთან ბრძოლა. ამ დღეს ფიზიკური აქტივობები აუცილებელია, თუმცა ეცადეთ არ გადაიღალოთ.
სასწორი (24 სექტემბერი - 23 ოქტომბერი)
ამ დღეს წარმატებით გაუმკლავდებით პრობლემებს, რომლებსაც სხვები ვერ უმკლავდებიან. საქმიანი მოლაპარაკებები კარგად ჩაივლის. კონფერენციებზე, სემინარებსა და მსგავს ღონისძიებებზე ყურადღების ცენტრში აღმოჩნდებით.
ეცადეთ, საკუთარ ცხოვრებაში ცოტაოდენი მრავალფეროვნება შეიტანოთ - მოუწყვეთ საყვარელ ადამიანს სასიამოვნო სიურპრიზი, გაახარეთ მოულოდნელი საჩუქრით და ეს თქვენც განწყობას აგიმაღლებთ.
მორიელი (24 ოქტომბერი - 22 ნოემბერი)
ხელსაყრელი დღეა კონფლიქტების მოგვარებისა და შერიგებისთვის. სავარაუდოდ, მოგებიანი გარიგებების დადებას და მოკავშირეების პოვნას შეძლებთ. ასევე შეიძლება ძველ პარტნიორებთან ურთიერთობა აღადგინოთ.
ახალი ნაცნობობა თქვენს ცხოვრებას საგრძნობლად შეცვლის, თუმცა ურთიერთობა ისე არ განვითარდება, როგორც ელით.
მშვილდოსანი (23 ნოემბერი - 21 დეკემბერი)
ამ დღეს გარშემომყოფები თქვენ მიმართ კრიტიკულად არიან განწყობილნი, ამიტომ ეცადეთ, ურთიერთობა მინიმუმამდე შეამციროთ. ყველაფერი გააკეთეთ იმისთვის, რომ ვერავინ ვერაფერში მოგედავოთ. განსაკუთრებით მოერიდეთ ახალი იდეებისა და ინიციატივების წარდგენას, რათა თავზე საყოველთაო რისხვა არ დაიტეხოთ.
თხის რქა (22 დეკემბერი - 20 იანვარი)
ამ დღეს საშუალება გექნებათ, პრიორიტეტები დასახოთ და საჭირო კავშირები დაამყაროთ. ამ დღეს დაწყებული თანამშრომლობა ნაყოფიერი იქნება და მოგების გარდა, ღირებულ გამოცდილებასაც მოგიტანთ.
ოჯახში ურთიერთგაგება სუფევს, ამიტომ უთანხმოება და კონფლიქტები მოსალოდნელი არ არის. შეყვარებულ თხის რქებს ახლა ყველაზე მეტად გარემოს შეცვლა და განტვირთვა სჭირდებათ.
მერწყული (21 იანვარი - 18 თებერვალი)
ხელსაყრელი დღეა ურთიერთობისთვის - საქმიანი მოლაპარაკებების, მეგობრული შეხვედრებისა და რომანტიკული პაემნებისთვის. პირად ცხოვრებაში სასიკეთო ცვლილებებია მოსალოდნელი, უბრალოდ ინიციატივა უნდა გამოიჩინოთ. მარტოხელა მერწყულს საინტერესო ნაცნობობა ელის.
თუ სახლში დარჩით, ეცადეთ არ მოიწყინოთ, მით უმეტეს, რომ ოპტიმიზმის უამრავი მიზეზი გაქვთ.
თევზები (19 თებერვალი - 20 მარტი)
სირთულეებით სავსე დღეა, მაგრამ ყველაფერს გაუმკლავდებით. მთავარია, საკუთარ სურვილებში გაერკვეთ და მოლოდინებსა და შიშებს მოერიოთ. ეცადეთ, საკუთარ თავთან გულწრფელი იყოთ - ეს პრობლემებთან გამკლავებაში დაგეხმარებათ.
ბოლოს და ბოლოს, შეძლებთ ურთიერთობის დამყარებას, რომელსაც დიდი ხანი ვერ ახერხებდით. ბევრი თევზი საყვარელ ადამიანთან ურთიერთობაში დაძაბულობის პერიოდის დასრულებას შეძლებს
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
