,
რას გვირჩევენ ვარსკვლავები 12 თებერვლისთვის:
ვერძი
პლანეტების განლაგება თავს სიტუაციის ბატონ-პატრონად გაგრძნობინებთ! ვითარებას მთლიანად აკონტროლებთ, რაც მიზნის მიღწევაში დაგეხმარებათ;
თუმცა საკუთარ თავში სისასტიკე და შეუწყნარებლობა უნდა დაძლიოთ, რისკენაც ვარსკვლავები გიბიძგებენ. გახსოვდეთ, რომ მიზნის მისაღწევად ყველა საშუალება არ ვარგა და ეცადეთ საყვარელ ადამიანებთან ურთიერთობა არ გაიფუჭოთ.
კურო
ვარსკვლავები გაფრთხილებენ, რომ შეიძლება მნიშვნელოვანი გადაწყვეტილების მიღებისას შინაგანი სისუსტე და თავდაუჯერებლობა იგრძნოთ. ისეთი უბრალო საქმეებიც კი, როგორიც, მაგალითად, ვახშმის მომზადება ან ტანსაცმლის შერჩევაა, თქვენში ემოციების ქარიშხალი გამოიწვევს.
ორი გამოსავალი გაქვთ: ეჭვებს ნებისყოფის ძალისხმევით გაუმკლავდეთ ან სადავო საკითხებზე კონსულტაცია გამოცდილ ადამიანებთან გაიაროთ.
ტყუპები
ამ დღეს საკუთარ ინტუიციას არ უნდა ენდოთ, რადგან შეიძლება კრიტიკულ მომენტში გიღალატოთ. დიდი შანსია, რომ თქვენი წინათგრძნობა თუ შინაგანი ხმა მცდარი აღმოჩნდეს და ჩიხში შეგიყვანოთ. ამ დღეს სასურველ შედეგს მხოლოდ ლოგიკური აზროვნება და ზუსტი გათვლები მოგიტანთ.
კირჩხიბი
ვარსკვლავები გირჩევენ, რომ ეს დღე დასვენებას და საკუთარ თავზე ზრუნვას დაუთმოთ. როგორც არ უნდა იაქტიუროთ, საქმეს თავს მაინც ვერ გაართმევთ, ამიტომ ის აკეთეთ, რისთვისაც დრო არასოდეს გყოფნით - სილამაზის სალონი, ფიტნესი ან შოპინგი ძალების აღდგენაში დაგეხმარებათ.
იყავით ცოტა ეგოისტი და საკუთარ თავზე მეტი ფული დახარჯეთ, საღამო კი საყვარელ ადამიანებთან ან მეგობრებთან ერთად გაატარეთ.
ლომი
ამ დღეს შეგიძლიათ ნებისმიერი უთანხმოება მოაგვაროთ. ფხიზელი გონებით და მყარი არგუმენტებით ყველაზე მძაფრი მოწინააღმდეგეების დაზავებასაც კი შეძლებთ. რა გასაკვირია, რომ გარშემო მყოფებისთვის მომრიგებელი მოსამართლე და მთავარი მრჩეველი ხართ.
ეცადეთ, თქვენი დიპლომატიური უნარები მნიშვნელოვანი ადამიანების მხარდაჭერის მისაღებად ან საყვარელ ადამიანთან გულწრფელი საუბრისთვის გამოიყენოთ.
ქალწული
ამ დღეს სიტყვები „მოვალეობა“ და „დისციპლინა“ თქვენში თითქმის ალერგიას იწვევს! სავარაუდოდ, უინტერესო საქმეებს ყველაზე მაღალ თაროზე შემოდებთ და იმას გააკეთებთ, რაც თავად გსურთ. სწორი გადაწყვეტილებაა, რადგან თუ საქმე არ გაინტერესებთ, უამრავ შეცდომას დაუშვებთ და დროს უქმად დაკარგავთ.
სასწორი
ცდილობთ, რაღაც სისტემის ნაწილი გახდეთ - ახალი გუნდის წევრობა, ახალი საქმის დაწყება ან, სულაც, დაქორწინება სცადოთ. სხვა სიტყვებით რომ ვთქვათ, შეიძლება ცხოვრებაში საკუთარი ადგილის შესახებ დაფიქრდეთ და ყველაფერი გააკეთოთ, რათა საზოგადოებაში ღირსეული ადგილი დაიკავოთ.
ამ იმპულსს წინააღმდეგობა არ უნდა გაუწიოთ - შესაძლებლობა გაქვთ, რომ სოციალური ან კარიერული მდგომარეობა გაიუმჯობესოთ.
მორიელი
შეიძლება რთული არჩევანის წინაშე დადგეთ. თქვენს გადაწყვეტილებაზე ბევრი რამ იქნება დამოკიდებული. გამორიცხული არ არის, რომ რაღაც საკითხში საბოლოო გადაწყვეტილების მიღება ან ისეთი ნაბიჯის გადადგმა მოგიწიოთ, რომელიც თქვენს ცხოვრებას ახალ მიმართულებას მისცემს. გახსოვდეთ, რომ ასჯერ უნდა გაზომოთ, რომ ერთხელ გაჭრათ.
მშვილდოსანი
გახსოვდეთ, რომ ემოციების აყოლა ვითარებას უფრო გაამძაფრებს. საეჭვოა, წუწუნით და უკმაყოფილებით პრობლემა გადაჭრათ, ამიტომ გირჩევთ, მოდუნდეთ და ბედს მიენდოთ. მოთმინებით უფრო მეტს მოიგებთ, ვიდრე უშედეგო ღელვით.
თხის რქა
ამ დღეს ყველაზე მეტად ცვლილებები გსურთ. ჰაერივით გჭირდებათ საინტერესო ამბები, მოვლენები და გეგმები, რომლებიც თქვენს ცხოვრებას მრავალფეროვანს და საინტერესოს გახდის.
გამორიცხული არ არის, რომ დიდი ხნის უნახავი ადამიანის ნახვა ან შორეულ ქვეყნებში მოგზაურობა მოინდომოთ... ამის გაკეთებას მხოლოდ მაშინ შეძლებთ, თუ საკუთარ პასიურობას დაძლევთ და სიახლეებისთვის მზად იქნებით.
მერწყული
ამ დღეს ნებისმიერ სფეროში პრაქტიკულობითა და ამბიციურობით ხელმძღვანელობთ! ასეთი განწყობის წყალობით ნებისმიერ, ყველაზე რთულ საქმესაც კი შესანიშნავად გაუმკლავდებით.
ერთადერთი, რასაც დღეს უნდა მოერიდოთ - ექსპერიმენტების ჩატარებაა. ამის ნებისმიერი მცდელობა უარეს შემთხვევაში საზიანო იქნება, უკეთეს შემთხვევაში - უშედეგო.
თევზები
ამ დღეს ურთიერთობებში განსაკუთრებული სიფრთხილე და წინდახედულობა უნდა გამოიჩინოთ - მოსალოდნელია კონფლიქტები და გაუგებრობები. აუცილებლად გამოჩნდებიან ადამიანები, რომლებსაც თქვენი გაკრიტიკება ან უბრალოდ, უკმაყოფილების გამოხატვა სურთ. კარგი იქნება, თუ ამ ადამიანებს დროულად გაეცლებით და საკუთარ ბრაზთან დატოვებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
