USD 2.7050
EUR 3.0872
RUB 3.3681
თბილისი
ასტროლოგი - რას გვპირდება 13 თებერვალი?
 394

ვერძი (21 მარტი - 19 აპრილი)
სამსახურში მოულოდნელი ცვლილებებია მოსალოდნელი. ახალი დავალებები და დამატებითი პასუხისმგებლობები გაჩნდება. სწრაფი რეაგირება და ორგანიზებულობა დაგეხმარება, პოზიციები გაიმყარო.
ოჯახში შეიძლება, მცირე გაუგებრობა წარმოიშვას, განსაკუთრებით, თუ შენს აზრს ძალიან კატეგორიულად გამოხატავ.
სასიყვარულო ურთიერთობაში დროა, ინიციატივა გამოიჩინო. შესაძლოა, პარტნიორს მეტი ყურადღება სჭირდებოდეს, ვიდრე აქამდე ფიქრობდი.
ბიზნესში ფრთხილად იყავი პარტნიორებთან ურთიერთობაში – დღეს გადაჭარბებული ოპტიმიზმი შეიძლება შეცდომად მოგიბრუნდეს.

კურო (20 აპრილი - 20 მაისი)
სამსახურში შენს შესაძლებლობებს დააკვირდებიან. თუ გინდა, რომ ყურადღება მიიქციო, დროა, ინიციატივა გამოიჩინო.
ოჯახში ჰარმონიის შესანარჩუნებლად საჭიროა, მეტად მოუსმინო ახლობლებს და ზედმეტი კრიტიკა აირიდო.
სასიყვარულო ურთიერთობაში ახალი ეტაპი იწყება – ემოციების დამალვას აზრი აღარ აქვს.
ბიზნესში მნიშვნელოვანი ნაბიჯები გადაგდგმევინებს გარემოება. კარგად აწონ-დაწონე ყველაფერი, სანამ საბოლოო გადაწყვეტილებას მიიღებ.

ტყუპები (21 მაისი - 20 ივნისი)
სამსახურში დიდი დატვირთვა გექნება, მაგრამ ეს შანსია, რომ საკუთარ შესაძლებლობებში სხვებიც დაარწმუნო.
ოჯახში შეიძლება, რაღაც საკითხები თავიდან უნდა განიხილოთ, რადგან ძველი მიდგომები აღარ მუშაობს.
სასიყვარულო ურთიერთობაში დროა, დისტანცია შეამცირო და მეტი გულახდილობა გამოიჩინო.
ბიზნესში ექსპერიმენტების დროა, მაგრამ გაუთვალისწინებელი ხარჯებისგან თავი შეიკავე – ზედმეტი რისკი არასასურველ შედეგამდე მიგიყვანს.

კირჩხიბი (21 ივნისი - 22 ივლისი)
სამსახურში სტაბილურობა გაწუხებს, მაგრამ სანამ რადიკალურ ნაბიჯს გადადგამ, დაფიქრდი, როგორ შეიძლება არსებული ვითარება შენს სასარგებლოდ გამოიყენო.
ოჯახში მეტი დრო უნდა დაუთმო იმ ადამიანებს, ვინც შენს გვერდით ყოველთვის დგას.
სასიყვარულო ურთიერთობაში გაუგებრობები მოსალოდნელია, თუ ერთმანეთს სათანადოდ არ მოუსმენთ.
ბიზნესში შეიძლება, ახალ თანამშრომლობაზე დაფიქრდე, მაგრამ ჯერ დარწმუნდი, რომ პარტნიორი შენს პრინციპებს იზიარებს.

ლომი (23 ივლისი - 22 აგვისტო)
სამსახურში შენი სითამამე და თვითრწმენა დღეს განსაკუთრებით დაგჭირდება – რაღაც საკითხში ლიდერობა მოგიწევს.
ოჯახში საკუთარი პოზიციების გატანა გინდა, მაგრამ კონფლიქტს მოერიდე.
სასიყვარულო ურთიერთობაში გაბედე და თქვი ის, რასაც ფიქრობ – მხოლოდ ასე გაიგებ, რეალურად რა ხდება.
ბიზნესში თუ გაფართოებაზე ფიქრობ, ახლა საუკეთესო დროა, რომ გრძელვადიან გეგმებზე დაიწყო მუშაობა.

ქალწული (23 აგვისტო - 22 სექტემბერი)
სამსახურში ყურადღება დეტალებზე გაამახვილე – შეიძლება, რაღაც მნიშვნელოვანი გამოგეპაროს.
ოჯახში სიტუაცია მშვიდია, მაგრამ ეს დრო უნდა გამოიყენო იმ ურთიერთობების გასამყარებლად, რომლებიც ბოლო დროს მეორე პლანზე გადაიტანე.
სასიყვარულო სფეროში გადაწყვეტილებები არ დააჩქარო – ჯერ კარგად უნდა გაიაზრო, რა გინდა.
ბიზნესში შენს ანალიტიკურ უნარებს დასჭირდება მაქსიმალური ჩართულობა. მოულოდნელ გადაწყვეტილებებს მოერიდე.

სასწორი (23 სექტემბერი - 22 ოქტომბერი)
სამსახურში დიპლომატია გამოგადგება – შესაძლოა, ორ სხვადასხვა პოზიციას შორის მოგიწიოს შუალედის დაჭერა.
ოჯახში მეტი მოთმინება გმართებს, განსაკუთრებით, თუ ვიღაც შენგან რთული გადაწყვეტილების მიღებას ელოდება.
სასიყვარულო ურთიერთობაში ინიციატივა გადადგი – არ დაელოდო, რომ ყველაფერი თავისთავად მოგვარდება.
ბიზნესში რაღაც საკითხები გადახედვას საჭიროებს. არ იჩქარო ხელშეკრულებების გაფორმება, სანამ ბოლომდე არ გაიგებ დეტალებს.

მორიელი (23 ოქტომბერი - 21 ნოემბერი)
სამსახურში მეტი დაკვირვება გჭირდება – ვიღაც შენი იდეებით სარგებლობას ცდილობს.
ოჯახში შენი პირდაპირობა შესაძლოა, ვინმეს ეწყინოს.
სასიყვარულო ურთიერთობაში დროა, გარკვეული საკითხები ღიად განიხილო.
ბიზნესში კონკურენცია იზრდება – არავის მისცე უფლება, შენი შრომით მიღწეული წარმატება მიითვისოს.

მშვილდოსანი (22 ნოემბერი - 21 დეკემბერი)
სამსახურში ვალდებულებები გიმძიმდება, მაგრამ შენი ენერგია საკმარისი იქნება, რომ ყველაფერს გაართვა თავი.
ოჯახში მშვიდი გარემო გჭირდება – კონფლიქტებისგან თავი შეიკავე.
სასიყვარულო ურთიერთობაში დიდი ცვლილებებია მოსალოდნელი – ემოციებს ნუ გაექცევი.
ბიზნესში ახალი იდეების განხორციელებაზე შეგიძლია იფიქრო, მაგრამ ფრთხილად იყავი ხარჯების მართვაში.

თხის რქა (22 დეკემბერი - 19 იანვარი)
სამსახურში შესაძლოა, ვიღაც შენი შრომის შეფასებას არასწორად აკეთებდეს, მაგრამ ამაზე დროის ხარჯვა არ ღირს – გააგრძელე შენი გზით.
ოჯახში სიტუაცია კონტროლს საჭიროებს – ნუ მისცემ სხვებს უფლებას, შენი პირადი სივრცე დაარღვიონ.
სასიყვარულო ურთიერთობაში საკუთარ ემოციებს გულწრფელად გამოხატე.
ბიზნესში ნდობასთან დაკავშირებული საკითხები წამოიჭრება – დარწმუნდი, რომ გარშემომყოფები შენს კეთილსინდისიერებას არ ბოროტად იყენებენ.

მერწყული (20 იანვარი - 18 თებერვალი)
სამსახურში მოულოდნელი ცვლილებებია მოსალოდნელი, მაგრამ შენი სწრაფი აზროვნება გამოსავალს მალე გაპოვნინებს.
ოჯახში შენს აზრს პატივს სცემენ, მაგრამ საჭიროა, სხვების მოსმენაც ისწავლო.
სასიყვარულო ურთიერთობაში ცივი გონებით იმოქმედე – ემოციები ნუ დაგაბრმავებს.
ბიზნესში ფრთხილად იყავი – შეიძლება, ვიღაც გადაჭარბებულ დაპირებებს გაძლევდეს.

თევზები (19 თებერვალი - 20 მარტი)
სამსახურში დეტალების გაკონტროლება მოგიწევს – ყველაფერი ისე არ არის, როგორც ერთი შეხედვით ჩანს.
ოჯახში მეტი ყურადღება სჭირდებათ იმ ადამიანებს, ვინც ყოველთვის შენს გვერდითაა.
სასიყვარულო ურთიერთობაში გულახდილობა საუკეთესო გამოსავალია.
ბიზნესში საჭირო იქნება მოთმინება – სწრაფი შედეგები არ იქნება, მაგრამ გრძელვადიანი პერსპექტივა კარგია.

 დღის მთავარი გზავნილი:
გონივრულობა და წინდახედულობა დღეს გადამწყვეტ როლს ითამაშებს. არ აჰყვე ემოციებს, იფიქრე მომავლის პერსპექტივებზე.

 
ანალიტიკა
The Daily Telegraph - ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს

ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.

გთავაზობთ სტატიას შემოკლებით:

დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.

დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.

აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.

კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.

უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?

როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.

რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.

ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან)  ამასწინანდელი საჰაერო შეტაკების გამო.

არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.

იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.

ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.

თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.