USD 2.7203
EUR 3.2029
RUB 3.4550
Тбилиси
ასტროლოგი - რას გვპირდება 13 აპრილი?
 2263

ვერძი (21 მარტი – 19 აპრილი)
დღის მოვლენები: მცირე გაღიზიანება და მოულოდნელი ამბები დაგაკარგვინებთ თავდაჯერებულობას. ნუ გაბრაზდებით წვრილმანებზე – ამით მხოლოდ დრო დაკარგავთ.
ოჯახი: შეიძლება იჩინოს თავი ძველი გაუგებრობა. მშვიდად მოაგვარეთ და თავადვე იგრძნობთ შვებას.
ბიზნესი: დაუთმეთ დრო დაგეგმვას, განსაკუთრებით ფინანსურ საკითხებში. ახალი იდეა ჯერ არ გახადოთ საჯარო.
სიყვარული და კარიერა: იმპულსურმა სიტყვებმა შეიძლება ღირებული ადამიანი დაგაკარგვინოთ. სამსახურში თავი შეიკავეთ ინიციატივისგან – არ არის მორიგი რევოლუციის დრო.


კურო (20 აპრილი – 20 მაისი)
დღის მოვლენები: სტაბილურობა თქვენს მხარეს იქნება, თუმცა უმნიშვნელო ჩარევა დღიურ გეგმებში მოსალოდნელია.
ოჯახი: ოჯახური საკითხები ყურადღებას მოითხოვს. უფროსებთან საუბარი იქნება წარმატებული.
ბიზნესი: კარგი დღეა ფინანსური დოკუმენტების გადასამოწმებლად. შესაძლოა ძველი ვალების მოგვარება.
სიყვარული და კარიერა: სიმშვიდე და სიჯიუტე კარგ კომბინაციას არ ქმნის – აუღელვებლად იმოქმედეთ, კარიერული შანსი გამოგიჩნდებათ.


ტყუპი (21 მაისი – 20 ივნისი)
დღის მოვლენები: დღე აქტიურია, მაგრამ ყურადღების დეფიციტმა შეიძლება შეგიშალოთ ხელი.
ოჯახი: ოჯახის წევრის ნათქვამი სიტყვა დაგაფიქრებთ – ნუ იჩქარებთ პასუხის გაცემას.
ბიზნესი: არარეალური გეგმების დრო არ არის. კონცენტრირდით იმაზე, რაც უკვე მუშაობს.
სიყვარული და კარიერა: სასიყვარულო ურთიერთობაში – ან მარცხი, ან მოულოდნელი გამარჯვება. სამსახურში – ეჭვის დროა, თუმცა არა შიშის.


კირჩხიბი (21 ივნისი – 22 ივლისი)
დღის მოვლენები: ემოციურად დატვირთული დღეა. კარგი იქნება, თუ თავს მცირე განმარტოებას მისცემთ.
ოჯახი: ოჯახში მხარდაჭერა გელით, ოღონდ გულწრფელად უნდა ილაპარაკოთ.
ბიზნესი: არ არის დრო ინვესტირებისთვის – შეინარჩუნეთ არსებულის სტაბილურობა.
სიყვარული და კარიერა: შეიძლება წარსულში დაბრუნების ცდუნება გქონდეთ, მაგრამ იქ არაფერია ახალი. კარიერულად – კოლეგებთან ჭორებს თავი აარიდეთ.


ლომი (23 ივლისი – 22 აგვისტო)
დღის მოვლენები: გაბედული იდეები თავში დაგიტრიალდებათ. არ დაგავიწყდეთ, რომ ყველა იდეა მოქმედებად არ ღირს.
ოჯახი: ოჯახის წევრთან დაპირისპირება შესაძლებელი, თუ არ დაასვენებთ თქვენს ეგოს.
ბიზნესი: კარგი დროა პრეზენტაციისთვის ან შეხვედრისთვის, თუ მზად ხართ.
სიყვარული და კარიერა: სიყვარულში მცირე იმედგაცრუება არაა ტრაგედია. კარიერაში – ნათელი წამია, გამოიყენეთ.


ქალწული (23 აგვისტო – 22 სექტემბერი)
დღის მოვლენები: პრაქტიკული ხედვა გიხსნით ქაოსიდან. იყავით თქვენი სტილის ერთგული.
ოჯახი: ოჯახში ჩუმი მხარდაჭერა იგრძნობა – მხოლოდ თქვენ თუ მიხვდებით.
ბიზნესი: დეტალებისადმი სიფრთხილე დღესაც გადაგარჩენთ. ახალი საქმე არ დაიწყოთ.
სიყვარული და კარიერა: რუტინა სიყვარულსაც ეხება. პატარა სიურპრიზი სასწაულს მოახდენს. კარიერაში – ვინმე თქვენ გიყურებთ, დაიმსახურეთ პატივისცემა.


სასწორი (23 სექტემბერი – 22 ოქტომბერი)
დღის მოვლენები: ბალანსის დაცვა გაგიჭირდებათ. ნუ იქნებით უკიდურესობაში.
ოჯახი: საოჯახო საკითხები მოსაგვარებელია – დროა ვინმეს პატიება.
ბიზნესი: თანამშრომლობა შედეგს მოიტანს, თუ ზედმეტი პრეტენზიები არ გექნებათ.
სიყვარული და კარიერა: ურთიერთობაში ბევრი ვრცელდება და ცოტა რჩება. კარიერაში – კარგი მომენტია კონტაქტებისთვის, არა რადიკალური ცვლილებებისთვის.


მორიელი (23 ოქტომბერი – 21 ნოემბერი)
დღის მოვლენები: ინტუიცია მაღალ დონეზეა – ენდეთ საკუთარ გრძნობას.
ოჯახი: ოჯახში შეიძლება დაინახოთ ის, რასაც დიდი ხანია ვერ ამჩნევდით.
ბიზნესი: ძველი პროექტი შეიძლება ისევ აქტუალური გახდეს – გადახედეთ ჩანაწერებს.
სიყვარული და კარიერა: ემოციური სიმძიმე – მაგრამ არ არის საშიში. კარიერულად – ჩრდილში ყოფნა დღეს სჯობს.


მშვილდოსანი (22 ნოემბერი – 21 დეკემბერი)
დღის მოვლენები: მოულოდნელად ჩნდება შანსი, რომელიც ერთდროულად გიცდუნებთ და გაშინებთ. ნუ იტყვით „არა“ მხოლოდ იმიტომ, რომ ეჭვი გაქვთ.
ოჯახი: ოჯახში მეტი მოსმენა და ნაკლები მენტორობა სჭირდება სიტუაციას.
ბიზნესი: კარგი დროა გარიგებებისთვის, მაგრამ მხოლოდ სუფთა იურიდიული საფუძვლით.
სიყვარული და კარიერა: სიმართლე თქვით და მოუსმინეთ. კარიერაში – ზოგჯერ მოთმინება უფრო ძლიერია, ვიდრე ინიციატივა.


თხის რქა (22 დეკემბერი – 19 იანვარი)
დღის მოვლენები: სტაბილურობა თქვენს მხარესაა – თქვენზეა დამოკიდებული, როგორ გამოიყენებთ.
ოჯახი: ოჯახისგან მხარდაჭერა გექნებათ, მაგრამ შეიძლება სხვებმა ნაკლებად შეამჩნიონ თქვენი საჭიროებები.
ბიზნესი: წარმატება დეტალებშია – მიხედეთ პუნქტუალურობას.
სიყვარული და კარიერა: სიყვარულში ზედმეტი კონტროლი დაგღუპავთ. კარიერაში – თქვენი სიჩუმე ბევრს აფიქრებინებს. ეს ზოგჯერ ძალაა.


მერწყული (20 იანვარი – 18 თებერვალი)
დღის მოვლენები: შესაძლოა მოულოდნელი მოვლენები შეცვალოს დღის გეგმები. იმპროვიზაცია თქვენი მეგობარია.
ოჯახი: ოჯახის წევრთან გულწრფელი საუბარი წამსვე გამოიწვევს შვებას.
ბიზნესი: ტექნიკური ხარვეზი ან გაუგებრობა მოსალოდნელია – არ ინერვიულოთ.
სიყვარული და კარიერა: ორაზროვანი ურთიერთობები მწყობრიდან დაგაყენებთ – სჯობს სიმართლეს თავი დაანებოთ დროებით. კარიერაში – იდეა გაჩნდება უცნაურ დროს და ადგილას.


თევზები (19 თებერვალი – 20 მარტი)
დღის მოვლენები: ემოციური სენსიტიურობა მაღალ წერტილშია – არასწორი ინტერპრეტაციით რთულ მდგომარეობაში აღმოჩნდებით.
ოჯახი: დროა ბავშვობასთან დაშორების – ოჯახში პასუხისმგებლობა გეკისრებათ.
ბიზნესი: დიდი ხნის წინ დაწყებული საქმე დაიძვრება – ნუ შეეშინდებით მისი დასრულების.
სიყვარული და კარიერა: სიყვარულში სიღრმე და სიმარტოვე ერთმანეთში აირევა. კარიერაში – ტაქტიკურ ნაბიჯს გააკეთებთ, თუ ხმამაღლა არ ილაპარაკებთ.

аналитика
«The Guardian»: „ პლანეტაზე მშვიდობის ბედი სასტიკი და დაუნდობელი პატრიარქების ხელშია, რომლებიც მომავალ თაობას მსოფლიო წესრიგის ნანგრევებს უტოვებენ“

„სწორედ იმ დროს, როცა მსოფლიოს უაღრესად ჭირდება ბრძენი უხუცესები, პლანეტაზე მშვიდობის ბედი სასტიკი და დაუნდობელი პატრიარქების ხელშია, რომლებიც მომავალ თაობას მსოფლიო წესრიგის ნანგრევებს უტოვებენ“ - ასეთი სათაური აქვს ბრიტანულ გაზეთ „გარდიანში“ (The Guardian) გამოქვეყნებულ სტატიას, რომლის ავტორია დევიდ ვან რეიბრუკი, ნობელის პრემიის ლაურეატი ფილოსოფიაში ნიდერლანდებიდან.

გთავაზობთ პუბლიკაციას მცირე შემოკლებით:

მოდით ერთ დელიკატურ საკითხზე მსჯელობას შევეცადოთ: ვისაუბროთ ასაკზე ისე, რომ ეიჯიზმში - ასაკობრივ დისკრიმინაციაში - არ გადავვარდეთ.

არასოდეს არ მომხდარა ისეთი პრეცედენტი პლანეტის თანამედროვე ისტორიაში, როგორიც დღეს არის: მსოფლიოში მშვიდობის ბედი ისეთი ადამიანების ხელშია, რომლებიც საკმაოდ ხანდაზმულები არიან. ვლადიმერ პუტინს და სი ძინპინს 72 წელი შეუსრულდათ, ნარენდრა მოდი - 74 წლისაა, ბენიამინ ნეთანიაჰუ - 75-ის, დონალდ ტრამპი - 79-ის, ალი ჰამენეი - 86-ის.

რასაკვირველია, მედიცინის განვითარების წყალობით, ადამიანები სულ უფრო მეტ ხანს ცოხლობენ და შეუძლიათ აქტიური ცხოვრებით იცხოვრონ, მაგრამ ამის მიუხედავად, დრეს ცვენ მოწმენი ვართ იმ პოლიტიკური ლიდერების რაოდენობის ზრდისა, რომლებიც ასაკის კვალობაზე სულ უფრო ამკაცრებენ საკუთარ ხელისუფლებას, ხშირად თავიანთი ახალგაზრდა კოლეგების ხარჯზე.

გასულ კვირაში ჰააგაში ნატოს ყოველწლიურ სამიტზე ალიანსის ლიდერები, ემანუელ მაკრონის და მეტე ფრედერიქსონის (ორივე 47-47 წლისაა), ჯორჯა მელონის (48 წლის), პედრო სანჩესის (53 წლის) ჩათვლით, იძულებულნი იყვნენ დათანხმებულიყვნენ დონალდ ტრამპის მოთხოვნას სამხედრო ბიუჯეტის გაზრდის შესახებ. ნატოს წევრი ქვეყნების მეთაურების საშუალო ასაკი 60 წელს შეადგენს: გერმანიის კანცლერი 69-ისაა, ხოლო თურქეთის პრეზიდენტი რეჯეფ ერდოღანი - 71 წლის.

ყველა დაეთანხმა სამხედრო ასიგნებათა 5%-იან ზრდას, თუმცა აშკარაა, რომ ეს ციფრო თვითნებურად არის დადგენილი - მისი განხილვა სერიოზული დებატებით არ მომხდარა არც ნატოში და არც წევრი ქვეყნების შიგნით. ამ დროს უფრო მეტად სამხედრო-პოლიტიკური რეალობას კი არ მიექცა ყურადღება, არამედ ჭირვეული ამერიკელი პატრიარქის პატივისცემას და მის აკვიატებულ მოთხოვნას. ნატოს გენერალური მდივანი მარკ რიუტე, რომელიც მხოლოდ 58 წლისაა, ისე შორს წავიდა აშშ-ის პრეზიდენტისადმი მოწიწებაში, რომ დონალდს „მამიკოთი“ (Daddy) მიმართა. ეს დიპლომატია არ არის. ეს მორჩილებაა.

თაობათა კონფლიქტი სხვა არენებზეც ხდება: უკრაინის 47 წლის პრეზიდენტი ვოლოდიმირ ზელენსკი უპირისპირდება მასზე ბევრად უფროსი ასაკის კოლეგას - რუსეთის 72 წლის პრეზიდენტ ვლადიმერ პუტინს. იმავე ასაკის მქონე სი ძინპინი მტრული თვალით უყურებს ტაივანის  პრეზიდენტს, რომელიც კომუნისტ ბელადზე 7 წლით უმცროსია. ბენიამინ ნეთანიაჰუ, რომლის წლოვანება საუკუნის სამ მეოთხედს შეადგენს, აუღელვებლად უყურებს ღაზას სექტორის განადგურებას, რომლის მოსახლეობის საშუალო ასაკი 18-20 წელია. ირანში 86 წლის ლიდერი მართავს ქვეყნის 80-მილიონიან მოსახლეობას, რომელთა საშუალო ასაკი 32 წელია. კამერუნელი 92 წლის პრეზიდენტი პოლ ბია 1982 წლიდან იმყოფება იმ ქვეყნის სათავეში, რომლის მცხოვრებლების საშუალო ასაკს 18 წელი შეადგენს, ხოლო სიცოცხლის საშუალო ხანგრძლივობა - 62 წელს.

რასაკვირველია, ჩვენ არ ვდგავართ გერონტოკრატიული შეთქმულების წინაშე. ჯერ-ჯერობით არც მოხუცი მოქმედი ლიდერების კლუბი არ არსებობს, რომლებიც მსოფლიოს ბატონობას სიცოცხლის ბოლომდე ესწრაფვიან... მაგრამ არის რაღაც შემაშფოთებელი იმაში, რომ  მშვიდობა ინგრევა სწორედ იმ ადამიანების მიერ, რომელთა ცხოვრება მეორე მსოფლიო ომის შემდომი არქიტექტურით განისაზღვრა. ალი ჰამენეი 6 წლისა იყო, როცა ჯერ გერმანიამ, შემდეგ კი იაპონიამ ხელი უსიტყვო კაპიტულაციას მოაწერეს.

დონალდ ტრამპი 1946 წელს დაიბადა, როცა გაერომ თავისი პირველი გენერალური ასამბლეის სხდომა ჩაატარა. ბენიამინ ნეთანიაჰუ  დაიბადა ისრაელის სახელმწიფოს შექმნიდან ერთი წლის შემდეგ. ნარენდრა მოდი დაიბადა 1950 წელს, როცა ინდოეთი საპარლამენტო რესპუბლიკად გამოცხადდა და ქვეყნის კონსტიტუცია მიიღეს. ვლადიმერ პუტინი ქვეყანას 1952 წლის ოქტომბერში მოევლინა, იოსებ სტალინის სიკვდილამდე რამდენიმე თვით ადრე. ამხანაგი სი ძინპინი - 1953 წლის ივნისში დაიბადა, სტალინის სიკვდილის შემდეგ. რეჯეფ ერდოღანი გაჩნდა 1954 წელს, თურქეთის ნატოში შესვლიდან ორი წლის შემდეგ. ყველა ჩამოთვლილი პირები ომისშემდგომი ეპოქის ბავშვები არიან და ახლა, როცა თავიანთი სიცოცხლის მიჯნას უახლოვდებიან, ისინი, როგორც ჩანს, მზად არიან იმ მსოფლიოს დასანგრევად, რომლებშიც თვითონ დაიბადნენ. ასთი მოქმედება შურისძიებას ჰგავს.

დიახ, საერთაშორისო წესრიგი, რომელიც თეორიულად გარკვეულ წესებს ემყარებოდა, პრაქტიკაში ყოველთვის არეულ-დარეული იყო, ვიდრე ეს ქაღალდზე ჩანდა. მაგრამ, ნებისმიერ შემთხვევაში რაღაც იდეალი არსებობდა, რომლის მიღწევას ყველა თავისებურად ცდილობდა. არსებობდა საერთო მორალური პრინციპები - დიახ, მყიფე, მაგრამ გულწრფელი, რომელიც იმ რწმენას ემყარებოდა, რომლის მიხედვით, კაცობრიობას აღარ უნდა გაემეორებინა მე-20 საუკუნის პირველი ნახევრის მხეცობები და რომ უმჯობესია უთანხმოებები დიალოგისა და დიპლომატიის მეშვეობით მოგვარდეს. დღეს ეს რწმენები აორთქლდა, გაქრა და უმეტესად იმ ადამიანთა გონებასა და სულში, რომლებისთვისაც ყველაზე ძვირფასი უნდა ყოფილიყო და რომელებიც სიკეთის რწმენას ყველაზე მეტად უნდა გაფრთხილებოდნენ.

დღეს უპრეცედენტო მომენტია. წინა მსოფლიო მართლწესრიგის არქიტექტორები - ადოლფ ჰიტლერი, ბენიტო მუსოლინი, იოსებ სტალინი და მაო ძედუნი სულ რაღაც 30-40 წლისანი იყვნენ, როცა ხელისუფლებაში მოვიდნენ. ახალმა თაობამ ახალი მსოფლიო ააშენა, მაგრამ წინა მართლწესრიგის შედეგებს შეეჯახნენ. დრეს ახალი მსოფლიოც ინგრევა იმ ძველი თაობის ადამიანების მიერ, რომლებიც ვერ იცოცხლებენ იმ დრომდე, რათა დაინახონ, როგორი ნანგრევები დარჩება მათი მოქმედებით.

ჩვენ შეიძლებოდა გვქონოდა იმის იმედი, რომ თაობა, რომელსაც ბედმა გაუღიმა და სიცოცხლის ხანგრძლივობა გაუგრძელდა, თავიანთი სიკვდილის შემდეგ სიკეთის, პტივისცემის და გლობალური პოზიტიური ხელმძღვანელობის მემკვიდრეობას დატოვებდა. ამის ნაცვლად ჩვენ მოწმენი ვართ ბოლო ათწლეულებში მომხდარი ყველაზე უარესი რეპრესიების, ძალადობის, გენოციდების, ეკოციდების და საერთაშორისო სამართლის მიმართ უპატივცემლო დამოკიდებულებისა, რომლებსაც ყველაზე მეტად ულმობელი 70-80 წლის მოხუცები სჩადიან და რომლებიც, როგორც ჩანს, უფრო მეტად იმით არიან დაინტერესებული, რომ თავი აარიდონ სამართლებრივ პასუხისმგებლობას, ვიდრე მშვიდობის შენარჩუნებაზე იზრუნონ.

მაგრამ ასე არ უნდა იყოს.

როცა ნელსონ მანდელამ 1999 წელს სამხრეთ აფრიკის რესპუბლიკის პრეზიდენტის პოსტი დატოვა, მან ჩამოაყალიბა ორგანიზაცია „უხუცესები“, რომელიც ყოფილ მსოფლიო ლიდერებს აერთიანებდა. ისინი მუშაობდნენ მშვიდობის, სამართლიანობისა და ადამიანის უფლებების მხარდასაჭერად. დღეს, მოქმედებენ რა კონსენსუსის ტრადიციებით და წინა თაობების პოლიტიკოსთა საუკეთესო გამოცდილებით, „უხუცესების“ წევრები ითვლებიან იმის მაგალითად, თუ როგორ შეუძლიათ ასაკოვან ადამიანებს კაცობრიობას მოუტანონ მეტი სინათლე, გამოხატონ თანაზიარობა, იმოქმედონ სინდისით და არა მარტო გავლენითა და ძალით.

პრობლემა მოხუცებულობაში არ არის. პრობლემა იმაშია, თუ როგორი მიზნის მიღწევა სურთ მისი სარგებლობით და რას აძლევენ უპირატესობას. მსოფლიოს არ სურს ისეთი ახალი მოხუცი ძალოვანი პირები, რომლებსაც მმართველის საჭისა და ტახტის დატოვება არ სურთ. მსოფლიოსათვის უკეტესია ის მოხუცი ლიდერები, ის უხუცესები, რომლებიც მზად არიან კომპრომისებისათვის და ადამიანთა ენერგიის სასიკეთოდ წარმართვისათვის. ისინი, ვინც მემკვიდრეობაზე ფიქრობენ არა როგორც პირად დიდებაზე, არამედ როგორც მშვიდობაზე, რომელსაც ისინი თავიათი სიცოცხლის შემდეგ დატოვებენ. ჩვენს დროში გვჭირდება არა ბატონობა, არამედ სიბრძნის გამოვლენა. და ეს, საბოლოო ჯამში, არის ის, რაც მმართველს ლიდერისაგან განასხვავებს.

более
голосование
ვინ გაიმარჯვებს რუსეთ - უკრაინის ომში?
голосование
Кстати