რას გვირჩევენ ვარსკვლავები 13 აპრლისთვის:
ვერძი (21 მარტი - 20 აპრილი)
მეგობრული ურთიერთობა და იუმორის გრძნობა მოლაპარაკებებში დაგეხმარებათ და სკეპტიკურად განწყობილი ადამიანების გულს მოგაგებინებთ. გარშემო მყოფების მიმართ მეტი ინტერესი გამოიჩინეთ, კომპლიმენტები ნუ დაგენანებათ და სასურველს სწრაფად მიაღწევთ. ეცადეთ, საკუთარი შესაძლებლობები ობიექტურად შეაფასოთ და ისეთ საქმეს არ წაეპოტინოთ, რომელსაც ვერ გაუმკლავდებით.
კურო (21 აპრილი - 21 მაისი)
დღის პირველ ნახევარს საოჯახო და საყოფაცხოვრებო საქმეებს დაუთმობთ. ეცადეთ, ყველაფერი დროულად დაასრულოთ და ამ შაბათ დღეს საყვარელი საქმიანობისთვის დრო გამონახოთ. დაუნანებლად მოიცილეთ ყველა და ყველაფერი, რაც წინსვლაში ხელს გიშლით და ენერგიას გართმევთ. სიმტკიცე გამოიჩინეთ და დაასრულეთ ურთიერთობა, რომელსაც მომავალი არა აქვს.
ტყუპები (22 მაისი - 21 ივნისი)
რთული და შრომატევადი კვირის შემდეგ სრული უფლება გაქვთ, რომ ეს დღეს ისე გაატაროთ, როგორც თავად გინდათ - მეგობრებთან ერთად წვეულებაზე წადით, იშოპინგეთ ან, სულაც, განმარტოვდით და კარგ ფილმს უყურეთ. შემოქმედებითი საქმიანობისთვის ნაკლებად ხელსაყრელი დღეა.
კირჩხიბი (22 ივნისი - 22 ივლისი)
აქტიური და საინტერესო დღეა. სახლში უსაქმოდ ჯდომას, ჯობს დიდი ხნის წინ დაწყებული, მნიშვნელოვანი საქმე დაასრულოთ და შემდეგ მეგობრებთან ერთად გაერთოთ. ყურადღება მიაქციეთ მინიშნებებს და ყველაფერს, რაც თქვენ გარშემო ხდება. ეცადეთ მიხვდეთ, რისი თქმა სურთ თქვენთვის ვარსკვლავებს.
ლომი (23 ივლისი - 23 აგვისტო)
ვარსკვლავები გირჩევენ, რომ სირთულეებისთვის მოემზადოთ - ამ დღეს გარემოებები თქვენ წინააღმდეგ იქნებიან. მოერიდეთ აგრესიულად განწყობილ ადამიანებს და მუშაობა ორშაბათამდე გადადეთ. ნუ გააზვიადებთ საკუთარ პრობლემებს, რათა ეს თქვენს ჯანმრთელობაზე არ აისახოს. სიტუაციის დრამატიზება საჭირო არ არის. ხვალ პრობლემა თავისთავად გამოსწორდება.
ქალწული (24 აგვისტო - 23 სექტემბერი)
შესანიშნავი დღეა ფიქრისა და სამომავლო მოქმედებების დაგეგმვისთვის. გახსოვდეთ, რომ ეშმაკი დეტალებში იმალება, ამიტომ განსაკუთრებული ყურადღება წვრილმანებს უნდა მიაქციოთ. ეცადეთ, წესები და შეთანხმებები დაიცვათ, რათა შეცდომები არ დაუშვათ და უსიამოვნო სიტუაციაში არ აღმოჩნდეთ.
სასწორი (24 სექტემბერი - 23 ოქტომბერი)
გამუდმებით ძველ პრობლემაზე ფიქრობთ, რაც ხასიათს გიფუჭებთ. ეცადეთ, ხალისიან, ოპტიმისტურად განწყობილი ადამიანების გარემოცვაში იტრიალოთ, რათა უარყოფითი გამოცდილება წარსულში დატოვოთ და ბნელი ფიქრებისგან გათავისუფლდეთ. ამ დღეს გულწრფელობას უახლოეს მეგობრებთანაც კი უნდა მოერიდოთ, რადგან შეიძლება თქვენი ნათქვამი არასწორად გაიგონ.
მორიელი (24 ოქტომბერი - 22 ნოემბერი)
რაღაც მოვლენა ან გარემოება დიდ დროს გართმევთ და წინსვლაში ხელს გიშლით. შეეცადეთ, შემაფერხებელი ფაქტორებისგან გათავისუფლდეთ და თქვენი შემოქმედებითი პოტენციალი ბოლომდე გამოავლინოთ. ზუსტად შედგენილი სამოქმედო გეგმა თქვენს თავდაჯერებას გაზრდის და მუშაობაში დაგეხმარებათ.
მშვილდოსანი (23 ნოემბერი - 21 დეკემბერი)
ამ დღეს ის საქმე უნდა აკეთოთ, რომელსაც დიდი ხანია, სამომავლოდ ინახავთ. წვრილმანებზე ძვირფას დროს ნუ დაკარგავთ და ყურადღება ყველაზე მნიშვნელოვანზე გადაიტანეთ. ეცადეთ, გარშემო მყოფი ადამიანების განწყობა გაითვალისწინოთ, რათა თქვენი ერთობლივი საქმიანობა ნაყოფიერი იყოს.
თხის რქა (22 დეკემბერი - 20 იანვარი)
ამ დღეს საყვარელ ადამიანებთან ურთიერთობაში მოსალოდნელია კამათი. ეცადეთ, კომპრომისული გადაწყვეტილება იპოვოთ, რათა თქვენთვის ძალიან ძვირფასი ურთიერთობა არ გააფუჭოთ. თუ საჭიროა, შეცდომების აღიარება და პატიების თხოვნაც უნდა შეძლოთ. სხვა ადამიანების მიერ დაშვებულ შეცდომებზე პასუხისმგებლობას ნუ აიღებთ. უახლოეს ხანებში დაუგეგმავი ხარჯი გელით, ამიტომ ეცადეთ, ფული ეკონომიურად ხარჯოთ.
მერწყული (21 იანვარი - 18 თებერვალი)
გარშემომყოფები თქვენგან წესების მკაცრად დაცვას ითხოვენ. თუ ეს სიტუაცია დისკომფორტს განიჭებთ, ეცადეთ, მთელი დღე განმარტოებით გაატაროთ და საყვარელი საქმიანობით დაკავდეთ. მეგობრების რჩევა დაგეხმარებათ, რომ მნიშვნელოვანი საკითხი თქვენთვის სასარგებლოდ მოაგვაროთ.
თევზები (19 თებერვალი - 20 მარტი)
ეცადეთ, ეს დღე მშვიდად, აუჩქარებლად გაატაროთ. წინააღმდეგ შემთხვევაში, მოსალოდნელია პრობლემები, რომლებიც მთელი დღის განმავლობაში განწყობას გაგიფუჭებთ. პირად ურთიერთობებში ყველაფერი მშვენივრადაა - პიროვნული მოქნილობა და დიპლომატიური უნარები დაგეხმარებათ, რომ კონფლიქტური ვითარება დაზავებით დაასრულოთ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/