,
რას გვირჩევენ ვარსკვლავები 12 ნოემბრისთვის:
ვერძი (21 მარტი - 20 აპრილი)
ყველა თვალსაზრისით ხელსაყრელი და წარმატებული დღეა. შესაძლოა თქვენი პატარა ოცნებები ახდეს. თუ ფინანსური მდგომარეობა საშუალებას გაძლევთ, შეგიძლიათ მსხვილი შესყიდვები დაგეგმოთ ან საინტერესო პროექტში ინვესტიცია ჩადოთ. ნუ დაიჯერებთ ყველაფერს, რასაც გეუბნებიან - გამორიცხული არ არის, რომ თაღლითის ან მანიპულატორის მსხვერპლი გახდეთ.
კურო (21 აპრილი - 21 მაისი)
თუ შესაძლებელია, იპოვეთ საქმე, რომელიც სიამოვნებას განიჭებთ. უმჯობესია, რომ რთული საქმეების კეთება სამომავლოდ გადადოთ, რადგან დღეს ამ მიმართულებით შედეგს ვერ მიაღწევთ. ვარსკვლავები გირჩევენ, უფრო ხშირად დაისვენოთ ხოლმე. ამ დღეს ყველაზე მეტად დადებითი ემოციები გჭირდებათ, ამიტომ მხიარული და ოპტიმისტურად განწყობილი ადამიანების გარემოცვაში უნდა იტრიალოთ.
ტყუპები (22 მაისი - 21 ივნისი)
ვარსკვლავები იღბლიან დღეს გპირდებიან. მოგებიანი შეთავაზება ან მნიშვნელოვანი შეხვედრა გელით, რომელიც თქვენს ცხოვრებას შეცვლის. თუ რაღაც პირველ ცდაზე არ გამოდის, მეორედ, მესამედ და იმდენჯერ უნდა სცადოთ, სანამ შედეგს არ მიაღწევთ. მთავარია, არ დანებდეთ და აუცილებლად გაიმარჯვებთ.
კირჩხიბი (22 ივნისი - 22 ივლისი)
ამ დღეს შვილებს და ოჯახის დანარჩენ წევრებს განსაკუთრებული ყურადღება უნდა მიაქციოთ. საოჯახო საქმეების კეთება მოდუნებასა და სიმშვიდის აღდგენაში დაგეხმარებათ. ეცადეთ, ურთიერთობაში კონფლიქტები და დაპირისპირებები თავიდან აიცილოთ, წინააღმდეგ შემთხვევაში, მთელ დღეს უაზრო და არაფრისმომცემ გარჩევებში გაატარებთ.
ლომი (23 ივლისი - 23 აგვისტო)
გარშემო მყოფებთან აქტიური ურთიერთობა დადებით ემოციებს მოგიტანთ. ეცადეთ, ხალხმრავალ ადგილებში იტრიალოთ, ახალი ადამიანები გაიცნოთ და საინტერესო ინფორმაციები მოისმინოთ. მშვენიერი დღეა საშოპინგოდ. გირჩევთ, საკუთარი თავი სასიამოვნო საჩუქრით გაახაროთ და საღამო ოჯახის წევრებთან ერთად გაატაროთ.
ქალწული (24 აგვისტო - 23 სექტემბერი)
წარმატებული და ნაყოფიერი დღეა. პლანეტების კეთილგანწყობა დაგეხმარებათ, რომ ნებისმიერ ახალ საქმეში წარმატებას მიაღწიოთ. გირჩევთ, ეს შესაძლებლობა გამოიყენოთ და დაასრულოთ რთული პროექტი, რომელიც დიდი ხნის წინ თაროზე შემოდეთ. ახალი გადაწყვეტილების მიღებამდე მოსალოდნელი შედეგები და რისკები საგულდაგულოდ უნდა შეაფასოთ.
სასწორი (24 სექტემბერი - 23 ოქტომბერი)
ვარსკვლავები გირჩევენ, რომ ოთხ კედელში არ იჯდეთ, ხალხში გაერიოთ და ახალი ადამიანები გაიცნოთ. პირად ურთიერთობებში ყველაფერი მშვიდადაა - სრული თანხმობა და ჰარმონია სუფევს. ფინანსების გონივრული განაწილება საშუალებას მოგცემთ, რომ სასურველი ნივთებიც შეიძინოთ და უსარგებლო ხარჯებიც თავიდან აიცილოთ.
მორიელი (24 ოქტომბერი - 22 ნოემბერი)
დილიდან სიზარმაცის შემოტევებს ებრძვით, ამიტომ მნიშვნელოვან საკითხებზე ყურადღების გამახვილება გიჭირთ. ეცადეთ, გამოფხიზლდეთ და სამუშაო განწყობა დაიბრუნოთ - ივარჯიშეთ, სუფთა ჰაერზე გაისეირნეთ და შემდეგ მუშაობას შეუდექით. ამ დღეს მხოლოდ ერთი და ყველაზე ადვილი საქმე უნდა აირჩიოთ - რამდენიმე საქმისთვის არც ძალა გეყოფათ და არც მონდომება.
მშვილდოსანი (23 ნოემბერი - 21 დეკემბერი)
გირჩევთ, საყვარელი ადამიანის პრობლემებით დაინტერესდეთ და გამოსავალი ერთად იპოვოთ. მთავარია სიტუაცია არ გაართულოთ - თქვენი წარმატების საიდუმლო მონდომებასა და კომპრომისშია. გამორიცხული არ არის, რომ მაცდური შეთავაზება მიიღოთ, რომელსაც აუცილებლად უნდა დათანხმდეთ.
თხის რქა (22 დეკემბერი - 20 იანვარი)
უსმინეთ საკუთარ ინტუიციას და ის გიკარნახებთ, რომელი საქმე მოგიტანთ შემოსავალს და რომელი იმედგაცრუებას. ეცადეთ, საკუთარი სიტყვები აკონტროლოთ, კითხვაზე დაუფიქრებელ პასუხებს ნუ გასცემთ, რათა გაუგებრობაში არ აღმოჩნდეთ. მიზნის მისაღწევად გავლენიანი ადამიანების მხარდაჭერა დაგჭირდებათ. შესაძლოა, ყველაფერი იდეალურად არ გამოვიდეს, მაგრამ ასე წარმატების მეტი შანსი გექნებათ.
მერწყული (21 იანვარი - 18 თებერვალი)
ეცადეთ, ფინანსური ხარჯები გამუდმებით აკონტროლოთ. ვარსკვლავები გაფრთხილებენ, რომ მალე დიდი თანხა დაგჭირდებათ, ამიტომ ფულის დაგროვება ახლავე უნდა დაიწყოთ. ეცადეთ, ოჯახს და მეგობრებს მეტი ყურადღება მიაქციოთ და დაპირება აუცილებლად შეასრულოთ.
თევზები (19 თებერვალი - 20 მარტი)
ამ დღეს ყველაზე კარგად ორგანიზებასა და დაგეგმვასთან დაკავშირებული საქმეები გამოგდით. თქვენი ყურადღების მიღმა უმცირესი წვრილმანიც კი არ დარჩება. ერთადერთი, რასაც უნდა მოერიდოთ, უკმაყოფილების საჯაროდ გამოხატვა და პრეტენზიებია, რასაც შეიძლება საპასუხო რეაქცია მოჰყვეს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
