რას გვირჩევენ ვარსკვლავები 12 ივლისისთვის:

ვერძი (21 მარტი - 20 აპრილი)

ენერგიით სავსე ხართ და ყველაზე რთული საკითხების წარმატებით მოგვარებას ახერხებთ. ასე გააგრძელეთ! ადრე თუ გვიან, ამას თქვენი უფროსები აუცილებლად შენიშნავენ. ვარსკვლავების კეთილგანწყობა მოლაპარაკებაში წარმატებას მოგიტანთ - შეგიძლიათ, საკუთარი პოზიციის სისწორეში ნებისმიერი თანამოსაუბრე დაარწმუნოთ. ხელსაყრელი დღეა ახალი დიეტის დასაწყებად.

კურო (21 აპრილი - 21 მაისი)

მოვლენებით დატვირთული და ნაყოფიერი დღეა. დროა, გადადებული საქმეების დასრულებაზე იზრუნოთ. ვარსკვლავები გირჩევენ, რომ ამ დღეს წვრილმანებს მეტი ყურადღება მიაქციოთ - საქმის წარმატება დიდწილად მათზეა დამოკიდებული. კომუნიკაბელურობა და მეგობრული განწყობა რთული მოლაპარაკების წარმატებით დასრულებაში დაგეხმარებათ.

ტყუპები (22 მაისი - 21 ივნისი)

ამ დღეს ნებისმიერი ცვლილებისა და სიახლისთვის მზად უნდა იყოთ. ეცადეთ, შანსით ისარგებლოთ და სიტუაცია თქვენ სასარგებლოდ შეცვალეთ. ბინის ან სამუშაო სივრცის მოწესრიგება-დასუფთავება უსიამოვნო ფიქრებისგან გაგათავისუფლებთ და განწყობას აგიმაღლებთ.

კირჩხიბი (22 ივნისი - 22 ივლისი)

პოზიტიური განწყობა და ოპტიმიზმი დაგეგმილ ამოცანებთან გამკლავებაში დაგეხმარებათ. კარგი იქნება, თუკი საკუთარ შესაძლებლობებს ობიექტურად შეაფასებთ და სამოქმედო გეგმას შეადგენთ, რათა დრო ტყუილად არ დაკარგოთ. ეცადეთ, დაპირებები დროულად შეასრულოთ და ვალები სრულად დაფაროთ - ეს განწყობას გაგიუმჯობესებთ და თავდაჯერებას აგიმაღლებთ.

ლომი (23 ივლისი - 23 აგვისტო)

ამ დღეს შეგიძლიათ, თამამად დაგეგმოთ რთული მოლაპარაკებები, მნიშვნელოვანი საქმეების დაწყება ან რესურსების ნაკლებობის გამო გადადებული საქმეების დასრულება. გირჩევთ, გამოცდილ ადამიანებს მოუსმინოთ და მათი რჩევები გაითვალისწინოთ. ახლობელ ადამიანებს თქვენი მხარდაჭერა სჭირდებათ და იმედი არ გაუცრუოთ.

ქალწული (24 აგვისტო - 23 სექტემბერი)

დიდი ხანია ცვლილებებზე ოცნებობთ? გილოცავთ! მათი განხორციელებისთვის საუკეთესო დღეა. მოიცილეთ ყველაფერი უსარგებლო, რაც განვითარებაში ხელს გიშლით და გაფერხებთ და დაიწყეთ საქმე, რომელიც დიდი ხანია, გიზიდავთ და გაინტერესებთ.

სასწორი (24 სექტემბერი - 23 ოქტომბერი)

გირჩევთ, პირად ურთიერთობებს მეტი ყურადღება მიაქციოთ და საკუთარ გრძნობებში კარგად გაერკვეთ. ხელსაყრელია დღეა ნაყოფიერი მუშაობისა და კარიერული პოზიციის გაუმჯობესებისთვის. მენეჯმენტი თქვენს თავდადებას აუცილებლად შენიშნავს და დააფასებს.

მორიელი (24 ოქტომბერი - 22 ნოემბერი)

სავარაუდოდ, მენეჯმენტს თქვენი ინოვაციური იდეებით ან საინტერესო გეგმებით თავს მოაწონებთ. ნუ მოგერიდებათ, რომ მათ შესახებ კოლეგებს ან ბიზნესპარტნიორებს უამბოთ. ეცადეთ, თქვენი დღე ისე დაგეგმოთ, რომ ყველა მნიშვნელოვანი საკითხი მოაგვაროთ და საღამოსთვის დასვენებისთვის დროც დაიტოვოთ. საყვარელ ადამიანებთან ურთიერთობა პოზიტიური განწყობის შენარჩუნებაში დაგეხმარებათ.

მშვილდოსანი (23 ნოემბერი - 21 დეკემბერი)

გირჩევთ, შექმნილი სიტუაციის ან მიმდინარე პრობლემების შესახებ თქვენი ხედვა კოლეგებსა და უფროსებს გაუზიაროთ. თქვენი უჩვეულო იდეები ყურადღებას ნამდვილად იმსახურებს. ვარსკვლავები გირჩევენ, რომ რთული საკითხების მოგვარებისთვის ალტერნატიული მეთოდები გამოიყენოთ. საღამოს ეცადეთ, დიდი ხნის უნახავი ნათესავი მოინახულოთ.

თხის რქა (22 დეკემბერი - 20 იანვარი)

თუ არ იზარმაცებთ და თქვენს თანდაყოლილ ლიდერის თვისებებს გამოავლენთ, ისეთ შედეგებს მიაღწევთ, როგორზეც არასოდეს გიოცნებიათ. ეცადეთ, რთული საკითხები თანამოაზრეების გუნდთან ერთად გადაწყვიტოთ. ნუ გადაიღლებით. დასვენებისთვის დრო აუცილებლად უნდა გამონახოთ.

 მერწყული (21 იანვარი - 18 თებერვალი)

ამ დღეს გარშემო მყოფებთან ურთიერთობა და მნიშვნელოვანი საკითხების განხილვა ახალ, მოგებიან შეთავაზებებს მოგიტანთ. თამამად დაიცავით საკუთარი მოსაზრება - ეს შეიძლება სხვა ადამიანებისთვის საინტერესო და სასარგებლო იყოს. ეცადეთ, საღამო საყვარელ ადამიანებთან ერთად გაატაროთ და რაღაც საერთო საქმე დაგეგმოთ.

თევზები (19 თებერვალი - 20 მარტი)