,
რას გვირჩევენ ვარსკვლავები 12 აპრილისთვის:
ვერძი
ამ დღეს დაწყებული საქმე ან პროექტები წარმატებული იქნება და დიდ ფინანსურ სარგებელს მოგიტანთ. სიტუაცია თქვენ სასარგებლოდ იცვლება და ძველი პრობლემების მოგვარების შანსი მოგეცემათ. სირთულეების დაძლევით, მნიშვნელოვან გამოცდილებას მიიღებთ.
კურო
მოვლენებით დატვირთული დღე გელით, თუმცა დღევანდელი საქმეების უმეტესობა მოსაწყენი და ერთფეროვანი იქნება. პლანეტების განლაგება რთული საქმის დასრულების საშუალებას მოგცემთ, მაგრამ სანამ მოქმედებას დაიწყებთ, საჭირო ინფორმაცია უნდა შეაგროვოთ და საკუთარი შესაძლებლობები ობიექტურად შეაფასოთ.
ტყუპები
კარიერული ზრდისა და პროფესიული განვითარებისთვის ხელსაყრელი დღეა. საინტერესო იდეებით ხართ სავსე, რაც მენეჯმენტს შეუმჩნეველი არ დარჩება. ყველა საქმის ერთდროულად კეთებას ვერ შეძლებთ, ამიტომ ეცადეთ, ყურადღება მხოლოდ მნიშვნელოვან საკითხებზე გაამახვილოთ. უფრთხილდით შურიან ადამიანებს - მათ თქვენი დაზარალება შეუძლიათ.
კირჩხიბი
ექსპერიმენტებისთვის არახელსაყრელი დღეა, ამიტომ ეცადეთ, მხოლოდ ის საქმეები აკეთოთ, რომლებშიც კარგად ერკვევით. „ორი კურდღლის დევნა“, ზარალისა და შეცდომების გარდა, არაფერს მოგიტანთ, ამიტომ ყურადღება ყველაზე მნიშვნელოვან საქმეზე გადაიტანეთ და იმოქმედეთ! ეცადეთ, საყვარელ ადამიანებთან ერთად მეტი დრო გაატაროთ და მათი არც ერთი თხოვნა უყურადღებოდ არ დატოვოთ.
ლომი
ამ დღეს აჩქარებით მხოლოდ საქმეს დააზარალებთ. ეცადეთ, საჭირო ინფორმაცია მოაგროვოთ, მოქმედების გეგმა შეადგინოთ, მოსალოდნელი რისკები გათვალოთ და მხოლოდ ამის შემდეგ იმოქმედოთ. განსაკუთრებული ყურადღება ფინანსებთან დაკავშირებულ საქმეებს უნდა მიაქციოთ. პირად ცხოვრებასა და ურთიერთობებში სრული იდილია და ჰარმონიაა.
ქალწული
თქვენს ცხოვრებაში ცვლილებების ეტაპი იწყება, ამიტომ თქვენთან დაკავშირებულ ნებისმიერ ინფორმაციას ყურადღებით უნდა მოეკიდოთ. გირჩევთ, სამსახურებრივი გეგმები კოლეგებთან ერთად განიხილოთ. იზრუნეთ საკუთარ და ოჯახის წევრთა ჯანმრთელობაზე - დროა, პროფილაქტიკური მკურნალობის დაწყება დაგეგმოთ.
სასწორი
ემოციურად დაძაბული დღეა. ბევრი შეხვედრა და ხანგრძლივ დისკუსიებში საკუთარი აზრის დაცვა მოგიწევთ. მაღაზიებში გასეირნება და სასურველი ნივთების შეძენა სტრესისგან გაგათავისუფლებთ. ეცადეთ, საყვარელ ადამიანებთან ურთიერთობისა და სპორტული ვარჯიშებისთვის მეტი დრო გამონახოთ.
მორიელი
პროექტი, რომელზედაც დიდი ხანია თავს იმტვრევთ, წარმატებით დასრულდება და საშუალება გექნებათ, რომ საკუთარი შრომის შედეგი შეაფასოთ. ეცადეთ, საკუთარი შეცდომები ობიექტურად განიხილოთ. მიმდინარე მოვლენებზე კონტროლი არ უნდა დაკარგოთ, წინააღმდეგ შემთხვევაში, რთულ სიტუაციაში აღმოჩნდებით.
მშვილდოსანი
ამ დღეს თამამი ნაბიჯები და მნიშვნელოვანი გადაწყვეტილებები გელით, რაც თქვენს ცხოვრებას მთლიანად შეცვლის. დროა სამსახური, რომელიც გძულთ, შეცვალოთ, მოსაწყენი ურთიერთობა დაასრულოთ და საინტერესო მოგზაურობაში გაემგზავროთ. იზრუნეთ საკუთარ ჯანმრთელობაზე - ამ დღეს გადაღლას მოერიდეთ.
თხის რქა
ამ დღეს იღბალი თქვენ მხარესაა, ამიტომ ნაყოფიერი მუშაობისთვის უნდა მოემზადოთ. შეიძლება, ბოლოს და ბოლოს, დაასრულოთ გაჭიანურებული საქმე და უფროსის შექება დაიმსახუროთ. გამონახეთ დრო პროფესიონალ ან ავტორიტეტულ ადამიანებთან ურთიერთობისთვის - ეს საჭირო ინფორმაციის მიღებაში დაგეხმარებათ.
მერწყული
ამ დღეს გულწრფელი საუბარი პირადი პრობლემების მოგვარებაში დაგეხმარებათ. ხელსაყრელი დღეა სადავო საკითხების განხილვისა და კომპრომისის მიღწევისთვის. წარმატებული მუშაობისთვის მოსახერხებელი გარემო გჭირდებათ - საბოლოო შედეგი სწორედ ამაზეა დამოკიდებული.
თევზები
ამ დღეს თქვენ ირგვლივ მოვლენები იმდენად სწრაფად განვითარდება, რომ ფიქრის დრო აღარ გრჩებათ. უსმინეთ საკუთარ ინტუიციას - ეს სწორი მიმართულების არჩევაში დაგეხმარებათ. საღამოს სასიამოვნო სიურპრიზი გელით - შესაძლებელია თანხის მიღება ან მნიშვნელოვანი შეხვედრა.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
