,
რას გვირჩევენ ვარსკვლავები 11 თებერვლისთვის:
ვერძი
ამ დღეს ცდილობთ, ნებისმიერ საქმეში სხვებზე უკეთესი შედეგი მიიღოთ. თქვენი აზარტულობის გათვალისწინებით, ეს დღე ხელსაყრელია პროფესიული საქმიანობის, კარიერის, ფლირტისა და სიყვარულისთვის - კონკურენტებზე გამარჯვების სურვილი აქაც გამოგადგებათ.
კურო
ამ დღეს უსაქმოდ ჯდომას არ აპირებთ. ვარსკვლავები აქტიურობითა და გამძლეობით დაგაჯილდოებენ, რაც წარმატებას მოგიტანთ. ნებისმიერ დავალებას ზუსტად და კეთილსინდისიერად შეასრულებთ, თუმცა სხვებისგანაც იმავე თვისებებს ითხოვთ. თუ ვინმე თქვენს მოლოდინს არ გააამართლებს, კუროს შეუძლია, ეს პირდაპირ მიახალოს.
ტყუპები
ურთიერთობებით სავსე დღეა. ადამიანებს მაგნიტივით გიზიდავთ! ყველაფერი, რასაც ამბობთ ან აკეთებთ, გარშემო მყოფთა ყურადღებას იქცევს და ეს ყურადღება ნამდვილად დადებითია. თუ გაბედავთ და ორატორობას ცდით ან პროექტების ინიციატორი გახდებით, შედეგი მოლოდინს გადააჭარბებს - თქვენ ნამდვილად გაქვთ ადამიანების დარწმუნების ნიჭი.
კირჩხიბი
გირჩევთ, ეს დღე მიმდინარე საქმეებს მიუძღვნათ. წინდახედულობა და ყურადღება საშუალებას მოგცემთ, ყველა წინააღმდეგობა დაძლიოთ, რასაც აქამდე ვერ უმკლავდებოდით. თუმცა ზედმეტად მნიშვნელოვანი, საპასუხისმგებლო ამოცანების მოგვარება სხვა დროისთვის უნდა გადადოთ. თუ ამის გაკეთებას ახლა ეცდებით, შეიძლება დრო და ენერგია ტყუილად დახარჯოთ.
ლომი
ამ დღეს გარშემო ყველაფერი გაინტერესებთ. ჰოროსკოპის ვარსკვლავები აქტიურობით, ემოციურობით, შემოქმედებითი ენერგიით და დაუოკებელი ცნობისმოყვარეობით დაგაჯილდოებენ! იმდენად კარგი მსმენელი ხართ, რომ გარშემო მყოფებმა შეიძლება ვერ შენიშნონ, გულს როგორ გადაგიშლიან და საკუთარ საიდუმლოს გაგიმჟღავნებენ.
ქალწული
ყველა თვალსაზრისით წარმატებული დღეა. განსაკუთრებით ნაყოფიერი იქნება სამსახურთან, ბიზნესთან და ფინანსებთან დაკავშირებული საქმეები. შესყიდვები წარმატებული იქნება, დაწყებული პროექტები კი მოგებიანი. ვარსკვლავები გირჩევენ, რომ გეგმების განხორციელება დროულად დაიწყოთ. მნიშვნელოვანი ნაბიჯის გადასადგმელად მხოლოდ ერთი წვეთი გამბედაობა გაკლიათ, მაგრამ ამ წვეთმა შეიძლება თქვენი ცხოვრება მთლიანად შეცვალოს.
სასწორი
შესანიშნავი დღეა იმისთვის, რომ ცხოვრების ახალი ეტაპი დაიწყოთ და საკუთარი გეგმების განხორციელებას შეუდგეთ. დიდი ხანია ახალი პროექტის დაწყება, იმიჯის შეცვლა, მავნე ჩვევისგან გათავისუფლება, დიეტის ან ვარჯიშის დაწყება გსურთ? მაშინ იმოქმედეთ. ეს ცვლილებისთვის საუკეთესო დღეა.
მორიელი
მშვენიერი დღეა, როდესაც მიზანს მარტივად, ზედმეტი ძალისხმევის გარეშე აღწევთ. საკუთარ თავთან და სამყაროსთან ჰარმონია ბიზნესსა და ადამიანებთან ურთიერთობაში უპირატესობას მოგანიჭებთ. სავსებით შესაძლებელია, რომ თქვენს ცხოვრებაში სასიამოვნო მოვლენა მოხდეს. ასეა თუ ისე, პლანეტების განლაგება საშუალებას მოგცემთ, ეს დღე არა მხოლოდ სასიამოვნოდ, არამედ სასარგებლოდაც გაატაროთ.
მშვილდოსანი
ჰოროსკოპის ვარსკვლავები ფულთან სიფრთხილის გამოჩენას გირჩევენ - არსებობს ზარალის და დანაკარგის რისკი, რაც თქვენივე უყურადღებობისა და გულუბრყვილობის ბრალია. შესაძლებელია, უსარგებლო ნივთში დიდი ფული გადაიხადოთ ან მოტყუების მსხვერპლი გახდეთ. ეს რომ არ მოხდეს, ეცადეთ, ხარჯები აკონტროლოთ.
თხის რქა
ვარსკვლავები ბედის საჩუქრებს გპირდებიან. სავარაუდოდ, ბიზნესსა და ფინანსურ სფეროში სასიამოვნო სიურპრიზები გელით, მაგრამ შესაძლოა ამან პირად ცხოვრებაზე ან ადამიანებთან ურთიერთობაზე იმოქმედოს. ასეა თუ ისე, იმას მიიღებთ, რასაც იმსახურებთ. თქვენმა მუშაობამ პროექტზე, რომელსაც დიდი დრო და ძალისხმევა შეალიეთ, შეიძლება ნაყოფი გამოიღოს.
მერწყული
მთელი დღე მოვლენებს თვალი უნდა ადევნოთ - შესაძლებელია, რომ სიტუაციამ თქვენი ინფორმირებულობა და მზადყოფნა მოითხოვოს. თუ მოდუნდით, გამორიცხული არ არის, თაღლითების მსხვერპლად ან არახელსაყრელი გარემოების მძევლად იქცეთ. ვარსკვლავები გირჩევენ, ყურადღებით დააკვირდეთ ყველაფერს, რაც თქვენ გარშემო ხდება. იქნებ ვიღაც თქვენს მოტყუებას ცდილობს? ყოველი შემთხვევისთვის, უცნობი ადამიანებისგან თავი შორს უნდა დაიჭიროთ.
თევზები
ურთიერთობების თვალსაზრისით რთული და პრობლემებით სავსე დღეა. შესაძლოა, ზედმეტად უხეში ხართ და კონფლიქტების პროვოცირებას თავად ახდენთ ან იქნებ სხვები ცეცხლზე ნავთს ასხამენ და ზურგს უკან ჭორაობით გაღიზიანებენ? თუ არ გსურთ, რომ მთელი დღე ურთიერთობების გარკვევაში გაატაროთ, ეცადეთ, მეტი მოქნილობა და დიპლომატიურობა გამოიჩინოთ და რაც მთავარია, მსუბუქი იუმორი დაუნდობელ სატირაში არ აგერიოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
