,
ვერძი (21 მარტი - 20 აპრილი)
მოემზადეთ საინტერესო და მოვლენებით დატვირთული დღისთვის - კონკურენტებთან გამკლავება და საკუთარი ინტერესების დაცვა მოგიწევთ. მკაფიოდ შედგენილი გეგმა დაგეხმარებათ, რომ ძვირფასი დრო რაციონალურად გამოიყენოთ. გათავისუფლდით პირქუში აზრებისგან და მოერიდეთ სიტუაციის დრამატიზებას.
კურო (21 აპრილი - 21 მაისი)
გარშემო მყოფებთან ურთიერთობა და საერთო ენის პოვნა გიჭირთ. ეცადეთ, ეს მშვიდად მიიღოთ და ოპონენტებზე ზეწოლა არ მოახდინოთ. ამ დღეს მოვლენები იმდენად სწრაფად იცვლება, რომ მნიშვნელოვანი არაფერი უნდა დაგეგმოთ. ეცადეთ, საყვარელი ადამიანების მიმართ მეტი ყურადღება გამოიჩინოთ - დღეს მათ თქვენი ზრუნვა და მხარდაჭერა სჭირდებათ.
ტყუპები (22 მაისი - 21 ივნისი)
ამ დღეს ზედმეტმა გულახდილობამ და „გულწრფელმა საუბრებმა“ შეიძლება უხერხულ მდგომარეობაში ჩაგაგდოთ და შემთხვევით გამჟღავნებულმა თქვენთვის მნიშვნელოვანი ურთიერთობა გააფუჭოს. შესაძლოა, გარკვეული მსხვერპლის გაღება მოგიწიოთ, მაგრამ ჯერ უნდა დარწმუნდეთ, რომ ამის გაკეთება ნამდვილად ღირს.
კირჩხიბი (22 ივნისი - 22 ივლისი)
ახლობელი ადამიანების რჩევები ამ დღეს უფრო მეტ პრობლემას შეგიქმნით, ვიდრე სარგებელს მოგიტანთ. შესაძლოა, გეგმების შეცვლა და უჩვეულო სამუშაოს შესრულება მოგიწიოთ, ამიტომ მხოლოდ საკუთარ ინტუიციას და გამოცდილებას უნდა დაეყრდნოთ. საღამოს შეიძლება უწყინარი საუბარი ჩხუბში გადაიზარდოს და განწყობა გაგიფუჭოთ.
ლომი (23 ივლისი - 23 აგვისტო)
ეცადეთ, საკუთარი შესაძლებლობები ობიექტურად შეაფასოთ და იმაზე მეტის გაკეთება არ მოინდომოთ, ვიდრე შეგიძლიათ. გირჩევთ დაწყებული საქმე დროულად დაასრულოთ და დარჩენილი დრო მთლიანად დასვენებას და გართობას დაუთმოთ. ურთიერთობებში მეტი სიფრთხილე უნდა გამოიჩინოთ, განსაკუთრებით უცნობ ადამიანებთან. ძველ მეგობართან შეხვედრა დამღლელი დღის საზრუნავს დაგავიწყებთ.
ქალწული (24 აგვისტო - 23 სექტემბერი)
გარშემო მყოფებს თქვენი რჩევა და მხარდაჭერა სჭირდებათ და იმედი არ უნდა გაუცრუოთ. შესაძლოა, თქვენმა უჩვეულო იდეებმა მენეჯმენტის ყურადღება მიიქციონ. ბინის დასუფთავება სტრესის დაძლევასა და ძალების აღდგენაში დაგეხმარებათ. მოერიდეთ ხალხმრავალ შეხვედრებს - ეს შეიძლება საკმაოდ დამღლელი იყოს.
სასწორი (24 სექტემბერი - 23 ოქტომბერი)
ფრთხილად იყავით - შესაძლოა, დაუფიქრებლად ნათქვამი სიტყვით ან მოქმედებით ვიღაც ძალიან გაანაწყენოთ. პრობლემების თავიდან აცილება შეიძლება, თუ საკუთარ ქმედებებს ობიექტურად შეაფასებთ.
მორიელი (24 ოქტომბერი - 22 ნოემბერი)
ამ დღეს არ აჩქარდეთ და ნებისმიერი საქმე მშვიდად და აუღელვებლად აკეთეთ. ვარსკვლავები გირჩევენ, რომ ძველი წარუმატებლობა სამუდამოდ დაივიწყოთ და მთელი ენერგია ახალი პროექტებისკენ მიმართოთ. პოტენციურ პარტნიორებთან და დამსაქმებლებთან შეხვედრები კარგად ჩაივლის.
მშვილდოსანი (23 ნოემბერი - 21 დეკემბერი)
აქტიური და მოვლენებით დატვირთული დღეა. ეცადეთ, ენერგია წვრილმანებზე არ დახარჯოთ და ყურადღება ყველაზე მნიშვნელოვან საკითხებზე გაამახვილოთ. დღეს ნებისმიერი გადაწყვეტილება სწრაფად და უყოყმანოდ უნდა მიიღოთ. ამ ნიშნის შეყვარებულ წარმომადგენლებს რომანტიკული სიურპრიზები ელით.
თხის რქა (22 დეკემბერი - 20 იანვარი)
კარგი დროა მომავლის დაგეგმვისა და ოჯახთან და მეგობრებთან საერთო საკითხების განხილვისთვის. შეიძლება კომპრომისების ძიება და კამათი მოგიწიოთ. ეცადეთ ფინანსურად მოგებიან ბიზნესს მეტი ყურადღება მიაქციოთ. დღის მეორე ნახევარში არ არის გამორიცხული საყვარელ ადამიანთან კამათი და ჩხუბი, თუმცა ძველი მეგობრის დახმარებით ყველა გაუგებრობას მალე დაძლევთ.
მერწყული (21 იანვარი - 18 თებერვალი)
ენერგიით სავსე ხართ, ამიტომ რთული და საპასუხისმგებლო დავალების შესრულებას არ უნდა შეგეშინდეთ. ვიღაცას თქვენი რჩევა ძალიან სჭირდება და მხარდაჭერაზე უარს ნუ ეტყვით. უმჯობესია მოლაპარაკება სხვა დღისთვის გადადოთ - ამ დღეს კომპრომისის პოვნა გაგიჭირდებათ. საღამოს მოულოდნელი სიახლეებს მიიღებთ, მაგრამ დასკვნების გამოტანამდე ინფორმაცია უნდა გადაამოწმოთ.
თევზები (19 თებერვალი - 20 მარტი)
გჯეროდეთ თქვენი ძალების და წარმატებას აუცილებლად მიაღწევთ. პლანეტების განლაგება რთული საქმეების წარმატებით დასრულებაში დაგეხმარებათ. ფრთხილად იყავით - ყველა ინფორმაციას არ ენდოთ და ნებისმიერი ფაქტი გადაამოწმეთ. პოზიტიური დამოკიდებულება და კარგი განწყობა საყვარელ ადამიანებთან ურთიერთობაში დაგეხმარებათ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
