,
ვერძი (21 მარტი – 19 აპრილი)
დღის მოვლენები: ენერგიული დღეა, მაგრამ ორბიტაზე დატრიალებული გაურკვევლობა გაღიზიანებს.
ოჯახი: შინაურთა შორის შეიძლება მცირე უთანხმოება წამოიჭრას – ჯობს, წყნარად მოაგვაროთ.
ბიზნესი: მოგზაურობა ან ახალი კონტაქტები შეიძლება შემოსავლიან შესაძლებლობად იქცეს.
სიყვარული: თუ პარტნიორი გაუგებრობაშია, ნუ დაუტოვებ კითხვებს უპასუხოდ – უკეთესი იქნება, პირდაპირი იყო.
კარიერა: ხელმძღვანელობასთან კამათი არ ღირს, თუმცა შენი იდეები ყურადღებას იმსახურებს.
სამსახური: მოერიდე ზედმეტ კრიტიკას, თორემ შენი დისციპლინა არასწორად შეიძლება აღიქვან.
კურო (20 აპრილი – 20 მაისი)
დღის მოვლენები: სტაბილურობას ეძებ, მაგრამ სიტუაცია მაინც არასტაბილურია.
ოჯახი: ოჯახის წევრისგან მოულოდნელ მხარდაჭერას მიიღებ, რაც დაგამშვიდებს.
ბიზნესი: ფინანსური გადააზრება აუცილებელია – ზედმეტი ხარჯები შესაძლოა პრობლემად იქცეს.
სიყვარული: ურთიერთობაში პატარა დაძაბულობა გაჩნდება, მაგრამ მოსაგვარებელია, თუ ემოციები გააკონტროლე.
კარიერა: მოულოდნელი ახალი დავალება შეიძლება გქონდეს – მზად იყავი სწრაფად გადაწყვიტო.
სამსახური: კოლეგებისგან მოულოდნელ ინფორმაციას გაიგებ, რაც მომავალზე აზრს შეგაცვლევინებს.
ტყუპები (21 მაისი – 20 ივნისი)
დღის მოვლენები: ძალიან ცვალებადი და ინფორმაციულად დატვირთული დღე გელის.
ოჯახი: ოჯახის წევრებთან საუბარი უფრო მშვიდი იქნება, ვიდრე სხვა დღეებში.
ბიზნესი: თუ ახალ პროექტს გეგმავ, ჯერ კარგად შეამოწმე ყველა დეტალი.
სიყვარული: არ ღირს პატარა პრეტენზიების დიდი კამათში გადაზრდა – განწყობას გაიფუჭებ.
კარიერა: ახალ გამოწვევას მიიღებ, მაგრამ მისი შესრულება არც ისე მარტივი იქნება.
სამსახური: ინტუიციას ენდე – დღეს ლოგიკაზე მეტად ის იმუშავებს.
კირჩხიბი (21 ივნისი – 22 ივლისი)
დღის მოვლენები: ემოციური დღეა, მაგრამ სიფრთხილე აუცილებელია.
ოჯახი: ოჯახის წევრებთან ურთიერთობის გაძლიერების შანსი გაქვს.
ბიზნესი: ახალი პარტნიორების ძიება მნიშვნელოვანია, მაგრამ სიფრთხილეც გმართებს.
სიყვარული: ძველ ურთიერთობებში გაურკვევლობა გაჩნდება – ღირს თუ არა დაბრუნება, კარგად უნდა დაფიქრდე.
კარიერა: მენეჯმენტი შენს წარმატებას ამჩნევს, თუმცა არ აჩვენო ზედმეტი თვითკმაყოფილება.
სამსახური: ფრთხილად იყავი ფინანსურ საკითხებში – ზედმეტი სითამამე რისკს მოიტანს.
ლომი (23 ივლისი – 22 აგვისტო)
დღის მოვლენები: შენი ამბიციები მაქსიმუმზეა, მაგრამ გაწონასწორებულობა საჭიროა.
ოჯახი: ოჯახის წევრებმა შეიძლება შენს გეგმებს მხარი არ დაუჭირონ – ნუ გაღიზიანდები.
ბიზნესი: ახალი შესაძლებლობა გამოჩნდება, მაგრამ გადაწყვეტილება სწრაფად უნდა მიიღო.
სიყვარული: ახალი ნაცნობობა მოსალოდნელია, მაგრამ ნუ იჩქარებ დასკვნების გამოტანას.
კარიერა: შენი შრომა შედეგს გამოიღებს, მაგრამ ჯერ კიდევ გჭირდება მოთმინება.
სამსახური: ავტორიტეტის მოპოვება გჭირდება – ამაში შენი საქმეები მეტს იტყვიან, ვიდრე სიტყვები.
ქალწული (23 აგვისტო – 22 სექტემბერი)
დღის მოვლენები: ორგანიზებულობა გადაგარჩენს ქაოსისგან.
ოჯახი: ოჯახში ზედმეტი კონტროლი არავის სიამოვნებს – დაიცავი ბალანსი.
ბიზნესი: ძალიან კარგი დღეა ფულთან დაკავშირებული გადაწყვეტილებების მისაღებად.
სიყვარული: ძველი გრძნობები შეიძლება კვლავ გამოჩნდეს – დაფიქრდი, ღირს თუ არა მათ დაბრუნებაზე.
კარიერა: დეტალებისადმი ყურადღება დაგეხმარება წარმატების მიღწევაში.
სამსახური: ზედმეტი სიფრთხილე არ არის ცუდი, მაგრამ ინოვაციებისთვისაც უნდა იყო მზად.
სასწორი (23 სექტემბერი – 22 ოქტომბერი)
დღის მოვლენები: შენი სიმშვიდე სხვებსაც დააწყნარებს.
ოჯახი: სახლში ჰარმონიული გარემო გექნება, თუ ზედმეტად არ ჩაერევი ყველა საკითხში.
ბიზნესი: კარგი დროა მოლაპარაკებებისა და ახალი კავშირების შესაქმნელად.
სიყვარული: ურთიერთობებში გრძნობების გამოკვლევის დროა – ყველაფერი იმაზე მარტივია, ვიდრე გგონია.
კარიერა: შენს იდეებს დღეს ყურადღებას მიაქცევენ – გამოიყენე ეს შანსი.
სამსახური: კოლეგებთან ურთიერთობა გაუმჯობესდება, რაც მუშაობას გაგიმარტივებს.
მორიელი (23 ოქტომბერი – 21 ნოემბერი)
დღის მოვლენები: ძლიერი ენერგია გაქვს, მაგრამ ნუ დახარჯავ მას უმიზნოდ.
ოჯახი: ოჯახის წევრებს შენი მხარდაჭერა სჭირდებათ.
ბიზნესი: თუ რისკიანი ინვესტიციის გაკეთებას გეგმავ, ჯერ კიდევ დროა გადახედო დეტალებს.
სიყვარული: ემოციები კონტროლში გქონდეს – ზედმეტმა დრამამ შეიძლება ყველაფერი გააფუჭოს.
კარიერა: დღეს თავდაჯერებულობა წარმატების გარანტია იქნება.
სამსახური: შენს შესაძლებლობებს უფროსობა დაინახავს – კარგი შანსია დაწინაურებისთვის.
მშვილდოსანი (22 ნოემბერი – 21 დეკემბერი)
დღის მოვლენები: ცვლილებების დღეა – მზად იყავი მოულოდნელი მოვლენებისთვის.
ოჯახი: ოჯახში ჰარმონია შენს სიფრთხილეზე იქნება დამოკიდებული.
ბიზნესი: მოგზაურობასთან დაკავშირებული იდეები მოგებას მოგიტანს.
სიყვარული: ახალი ნაცნობობა შესაძლოა დიდი თავგადასავლის დასაწყისი იყოს.
კარიერა: დღეს კარგი დროა სირთულეების გადასაჭრელად.
სამსახური: შენი ოპტიმიზმი გარშემომყოფებსაც გადაედება, რაც გუნდურ მუშაობას გააუმჯობესებს.
თხის რქა (22 დეკემბერი – 19 იანვარი)
დღის მოვლენები: ფოკუსირება მიზნებზე გადამწყვეტი იქნება.
ოჯახი: ოჯახში გადაწყვეტილებების მიღებისას შენი სიტყვა მნიშვნელოვანი გახდება.
ბიზნესი: ფულის დაზოგვა ახლა ჭკვიანური ნაბიჯი იქნება.
სიყვარული: ნაკლებად ისაუბრე გეგმებზე – ჯერ ბოლომდე არ მოგიწერია ყველაფერი.
კარიერა: მოთმინება გამოგადგება – მალე მნიშვნელოვანი სიახლე იქნება.
სამსახური: ლიდერობის უნარები უნდა გამოავლინო, თუ წინსვლა გინდა.
მერწყული (20 იანვარი – 18 თებერვალი)
დღის მოვლენები: ინტუიციამ შესაძლოა გადამწყვეტი როლი ითამაშოს.
ოჯახი: ოჯახთან უფრო მეტი დრო გაატარე – მათ სჭირდები.
ბიზნესი: კარგი დროა პარტნიორებთან მოლაპარაკებისთვის.
სიყვარული: ახალი ემოციები შენს ცხოვრებას გაამდიდრებს.
კარიერა: შენი იდეები მუშაობს – გააზიარე ისინი.
სამსახური: დღეს შედეგი იმაზე უკეთესი იქნება, ვიდრე მოელოდი.
თევზები (19 თებერვალი – 20 მარტი)
დღის მოვლენები: ცოტა მეტი მოქმედება და ნაკლები ფიქრი დაგჭირდება.
ოჯახი: ოჯახის წევრებთან გახსნილი კომუნიკაცია ყველაფერს გაამარტივებს.
ბიზნესი: ფინანსური სირთულეები დროებითია, ნუ აყვები პანიკას.
სიყვარული: მოულოდნელ გრძნობებს ნუ გაექცევი.
კარიერა: შენი ნიჭი გამოაშკარავდება.
სამსახური: გუნდურ მუშაობაში დღეს განსაკუთრებულად გამოგადგება შენი ინტუიცია
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
