,
რას გვირჩევენ ვარსკვლავები 10 ივლისისთვის:
ვერძი (21 მარტი - 20 აპრილი)
ვარსკვლავები გირჩევენ, რომ ამ დღეს მოერიდოთ სარისკო გადაწყვეტილებების მიღებას, ავანტიურისტულ წინადადებებს, საპირისპირო სქესთან ფლირტს და ზედმეტი ყურადღების მიპყრობას. ეცადეთ მოთმინება გამოიჩინოთ და ურთიერთობები მინიმუმამდე შეამციროთ. საღამოს შესაძლოა, სასურველი შედეგის მიღება შეძლოთ, მაგრამ შემდეგ აუცილებლად ძალები უნდა აღიდგინოთ.
კურო (21 აპრილი - 21 მაისი)
ამ დღეს სასურველ შედეგს მხოლოდ შრომით და მოთმინებით მიაღწევთ. სწორედ ეს თვისებები დაგეხმარებათ, რომ მწვერვალები დაიპყროთ. სამეგობრო წრე სავარაუდოდ, გაფართოვდება. ხელსაყრელი დღეა ნებისმიერი ბიზნესისთვის. საღამოს პოზიტიური ტენდენციების გავლენა თანდათან შემცირდება და უმნიშვნელო, მაგრამ შემაწუხებელი სირთულეები გაჩნდება. ეცადეთ არ გადაიღალოთ.
ტყუპები (22 მაისი - 21 ივნისი)
ამ დღეს შანსი გაქვთ, რომ მიაღწიოთ წარმატებას, რომელზეც ადრე მხოლოდ ოცნებობდით. თუ არჩეულ გზას ბოლომდე მიჰყვებით და უკან არ დაიხევთ გაიგებთ ვინ არის თქვენი ნამდვილი მეგობარი და ვინ მტერი. თქვენს ირგვლივ ბევრი შურიანი ადამიანია, დროა მათი ამოცნობა ისწავლოთ. მოსალოდნელია წინასწარმეტყველური სიზმარი - მთავარია, გაღვიძებისთანავე არ დაივიწყოთ.
კირჩხიბი (22 ივნისი - 22 ივლისი)
ამ დღეს კონფლიქტი ნებისმიერ დროს და ვითარებაშია მოსალოდნელი. შინაგანი კულტურა და ადამიანების მიმართ დამოკიდებულება დაგეხმარებათ, რომ რთულ სიტუაციას გაუმკლავდეთ. ვარსკვლავები გირჩევენ, რომ ოჯახს და ახლო მეგობრებს მეტი ყურადღება მიაქციოთ. შესაძლებლობა გექნებათ, რომ ადრე დაწყებული საქმეები დაასრულოთ და როდესაც სასურველ შედეგს მიიღებთ თავი ნამდვილ გმირად იგრძნოთ.
ლომი (23 ივლისი - 23 აგვისტო)
ვიღაც ეცდება, რომ მოგატყუოთ ან მახეში გაგაბათ. იმისთვის, რომ ეს დღე თქვენთვის ხელსაყრელი შედეგით დაასრულოთ, სწრაფი რეაქციის გამოჩენა და საჭირო ადგილზე დროულად მისვლა უნდა შეძლოთ. ნუ მოიშლით ნერვებს წვრილმანებზე, მეტი დრო გაატარეთ ახლობელ ადამიანებთან ერთად და აუცილებლად გადით ბუნებაში. თქვენი ენერგიის, შეუპოვრობისა და მონდომების წყალობით ბევრი ოჯახური პრობლემა მოგვარდება.
ქალწული (24 აგვისტო - 23 სექტემბერი)
თქვენი სასიცოცხლო ენერგია იწურება, ახლა ყველაზე მეტად გარემოს შეცვლა და დადებითი ემოციები გჭირდებათ. სასიამოვნო ადამიანებთან შეხვედრა და ახალი გამოცდილება სასიცოცხლო ძალების აღდგენაში დაგეხმარებათ. ზოგ ქალწულს გეგმების შეცვლა და დაწყებული საქმის მიტოვება მოუწევს. არ ინერვიულოთ. რაც უფრო ადრე იტყვით უარს ფუჭ მოლოდინებზე, მით უკეთესი იქნება. ეცადეთ შექმნილი სიტუაცია თქვენთვის სასარგებლოდ გამოიყენოთ და მიხვდებით, რომ საქმე არც ისე ცუდადაა.
სასწორი (24 სექტემბერი - 23 ოქტომბერი)
ხელსაყრელი დღეა იმისთვის, რომ ახალი და თამამი იდეების განხორციელება დაიწყოთ. ენდეთ საკუთარ ინტუიციას და ის არ გიღალატებთ. დღის მეორე ნახევარში საშუალება გექნებათ რთულ სიტუაციაში ჩავარდნილ ადამიანს დაეხმაროთ.
მორიელი (24 ოქტომბერი - 22 ნოემბერი)
მორიელებო, ეს დღე თქვენს ბიზნესს დიდი ხნის ნანატრი წარმატებას მოუტანს. თქვენთვის საჭირო ადამიანს თქვენთვის დამახასიათებლი ტაქტით, დიპლომატიით და სიზუსტით იპოვით. ფინანსური პერსპექტივები ხელსაყრელია - საშუალება გაქვთ, რომ საოცნებო ნივთი იყიდოთ. თქვენი ენერგია და მხიარულება ბევრ ადამიანს იზიდავს, ამიტომ თავბრუდამხვევი რომანტიკული ისტორიები გელით.
მშვილდოსანი (23 ნოემბერი - 21 დეკემბერი)
თუ ამ დღეს მოგზაურობას გეგმავთ, ფრთხილად უნდა იყოთ. დამატებითი შემოსავლის მიღების შესაძლებლობა გაჩნდება და უარს ნუ იტყვით. ზოგჯერ დაუგეგმავი ქმედებები წარმატების საფუძველია, მაგრამ არა ამ დღეს. საბოლოო გადაწყვეტილების მიღებამდე არ უნდა აჩქარდეთ და ყველა დადებითი და უარყოფითი მხარე კარგად აწონ-დაწონოთ.
თხის რქა (22 დეკემბერი - 20 იანვარი)
მშვენიერი დღეა ნაყოფიერი მუშაობისთვის. შეგიძლიათ ონლაინ კურსებზე დარეგისტრირდეთ და ახალი ცოდნა შეიძინოთ. გახსოვდეთ, რომ თქვენი ძალა თქვენს ინტელექტშია. ბავშვობის დროინდელი კომპლექსები თავს შეგახსენებთ. გირჩევთ საკუთარ თავზე იზრუნოთ, ახალი მიზნები დაისახოთ და მიაღწიოთ, იპოვოთ საქმე, რომელსაც მთელ ცხოვრებას დაუთმობთ. გირჩევთ სარისკო მოქმედებები თავიდან აიცილოთ - კარგად გამოცდილი ხერხები საშუალებას მოგცემთ საუკეთესო შედეგებს მიაღწიოთ.
მერწყული (21 იანვარი - 18 თებერვალი)
საინტერესო და მოვლენებით დატვირთული დღეა. დაწყებული საქმის დასრულებაში მოულოდნელად ისეთი ადამიანები დაგეხმარებიან, ვისგანაც მხარდაჭერას არ ელოდით. საღამო ოჯახთან ან საყვარელ ადამიანთან ერთად გაატარეთ - ეს ბოლო დღეების ნერვული დაძაბულობის მოხსნაში დაგეხმარებათ. გამორიცხული არ არის სასიყვარულო თავგადასავალი, რომელიც სასიამოვნო ემოციებს მოგიტანთ.
თევზები (19 თებერვალი - 20 მარტი)
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
